¹ՅԵՐԻՑՈՒ Է ԱՌ ԸՆՏՐԵԱԼ կիւրեայ եւ առ որդեա́կս իւր զոր ե́սդ սիրեմ ճշմարտութ(եամ)բ. եւ ո́չ եթէ ես միայն, այլ եւ ամենեքեա́ն ոյք գիտա́կ են ճշմարտու(թ)ե(ան)ն.
²վ(ա)ս(ն) որոյ ճշմարտութե(ա)ն՝ որ ՛ի մեզ հաստատեալ է, զի եւ ընդ ձե́զ իցէ. եւ դուք յաւիտենի́ց ը(նդ) մեզ իցէք։
³Շնո́րհք, ողորմու(թ)ի(ւն), խաղաղու(թ)ի(ւն) յա(ստուածո)յ ՛ի հօրէ, եւ ՛ի տ(եառ)նէ յ(իսու)սէ ք(րիստո)սէ որդւոյն հօր, ճշմարտութ(եամ)բ եւ սիրով եղիցի ը(նդ) ձեզ։
⁴Ուրա́խ եղէ յոյժ, զի գտի յորդեկացդ քոց՝ որ գնան ճշմարտութ(եամ)բ, ըստ պատուիրանին զոր առաք ՛ի հօրէ։
⁵Եւ այժմ աղաչեմ զքեզ կի́ւրեայ. իբրեւ ո́չ եթէ նոր ինչ պատուիրան գրեմ քեզ, այլ զոր իսկզբանէ́ն ունեաք. զի սիրեսցո́ւք զմիմեանս։

⁶Եւ ա́յս է սէրն, զի գնասցո́ւք ըստ պատուիրանաց նորա։ եւ ա́յս է պատուիրանն, զի ո(ր)պ(էս) լուարուքն իսկզբանէ՝ ըստ նմի́ն գնասջի́ք։
⁷զի բ(ա)զ(ու)մ մոլորեցուցիչք ելին յաշխարհս. որ ոք ո́չ խոստովանի զյ(իսու)ս եկեալ մարմնով, նա մոլորեցուցի́չ է՝ եւ նե́ռն։
⁸Զգո́յշ լինիջիք անձանց. զի մի́ կորուսանիցէք զոր վաստակեցէքն, այլ զի առնուցուք բովանդակ զվարձն։
⁹Ամենայն որ յանցանիցէ՝ եւ ո́չ կայցէ ՛ի վարդապետու(թ)ե(ան)ն ք(րիստո)սի, զա(ստուա)ծ ո́չ ճանաչէ։ որ կայ ՛ի վարդապետութե(ա)ն, նա՝ եւ զորդին եւ զհա́յր ընդունի։
¹⁰Եթէ ոք գայցէ առ ձեզ՝ եւ զվարդապետու(թ)ի(ւն)ս զայս ո́չ ունիցի, մի́ ընդունիք զնա ՛ի տուն, եւ մի́ ողջոյն տայցէք նմա։

¹¹որ ասասցէ նմա ողջոյն, կցո́րդ լիցի չարաց գործոց ն(ո)ր(ա)։
¹²Բազո́ւմ ինչ ունէի գրել առ ձեզ, այլ ո́չ կամեցայ քարտիսիւ եւ դեղով.զի ակն ունիմ ինձէ́ն իսկ գալ առ ձեզ եւ բերան ՛ի բերա́ն խօսել, զի ուրախութի(ւ)ն մեր իցէ կատարեա́լ։
¹³Ողջո́յն տան քեզ որդիք քեռ քո ընտրելոյ։ Շնո́րհք ընդ ձեզ։