¹Պատգամ տ(է)ր որ եղեւ առ Յովէլ բաթուելի Յաւելի
²ԼՈՒԱՐՈ́ՒՔ ԶԱՅՍ ԾԵՐՔ, եւ ո́ւնկն դիք ա(մենայ)ն բնակիչք երկրի. եթէ եղեա՞լ է այսպիսի ինչ յաւուրս ձեր, կամ յաւուրս հարցն ձերոց։
³Պատմեցէ́ք զայս որդւոց ձերոց. եւ որդի́ք ձեր որդւոց իւրեանց. եւ որդիք ն(ո)ց(ա) յա́զգ յայլ։
⁴Զմնացորդս թրթրոյ եկեր մարախ, եւ զմնացորդս մարախոյ՝ եկեր ջորեակ, եւ զմնացորդս ջորեկի եկե́ր երեւիլ։
⁵Սթափեցարո́ւք արբեալք ՛ի գինւոյ, եւ լացէ́ք եւ զգացարո́ւք ամենեքեան որ ըմպէք գինի ցարբենալ։ զի բարձա́ւ ՛ի բերանոյ ձերմէ ուրախութի(ւն) եւ խնդու(թ)ի(ւն)։

⁶Զի ա́զգ մի ել յերկիր իմ հզօր եւ անթիւ. ատամունք ն(ո)ր(ա) ատամունք առիւծու, եւ ժանիք ն(ո)ր(ա) կորեա́ն առիւծու։
⁷Արա́ր զորթ իմ յապականութի(ւն), եւ զթզենիս իմ ՛ի խորտակումն. յուզելո́վ յուզեաց եւ ընկէ́ց զնա, եւ լսնեցոյց զուռս ն(ո)ր(ա)։
⁸Ողբա́յ առիս իբրեւ զհարսն քրձազգած ՛ի վ(ե)ր(այ) առն իւրոյ ամուսնոյ։
⁹Բարձա́ն զոհք եւ սպանդք ՛ի տանէ տ(եառ)ն. սո́ւգ առէք քահանայք, պաշտօնեայք սեղանոյ.
¹⁰զի թշուառացա́ն դաշտք։ սո́ւգ առցէ երկիր՝ զի թշուառացա́ւ ցորեան, ցամաքեցա́ւ գինի, նուազեաց ձէթ։
¹¹Ողբացէ́ք մշակք ստացուածովք ՛ի վերայ ցորենոյ՝ եւ գարւոյ. զի կորեա́ն կութք յագարակէ։

¹²ցամաքեցաւ որթ, նուազեաց թուզ՝ եւ նուռն. եւ արմաւ՝ եւ խնձոր. եւ ա(մենայ)ն փայտ ագարակի գօսացաւ. զի յամօ́թ արարին զուրախու(թ)ի(ւն)։ որդիք մարդկան՝
¹³քրձազգա́ծք եղերուք։ կործեցարո́ւք քահանայք. սո́ւգ առէք պաշտօնեայք սեղանոյ. մտէ́ք ննջեցէ́ք խորգով պաշտօնեայք ա(ստուծո)յ. զի պակասեցի́ն ՛ի տանէ ա(ստուծո)յ ձերոյ զոհք եւ սպանդք։
¹⁴Սրբեցէ́ք պահս՝ քարոզեցէ́ք պաղատանս. ժողովեցէ́ք զծերս ա(մենայ)ն բնակիչք երկրիդ ՛ի տուն ա(ստուծո)յ ձերոյ, եւ աղաղակեցէ́ք առ տ(է)ր սրտի մտօք։
¹⁵Վա́յ ինձ. վա́յ ինձ. վա́յ ինձ յաւուր յայնմիկ. զի մե́րձ է օր տ(եառ)ն. իբրեւ թշուառութի(ւն) ՛ի թշուառու(թեն)է հասցէ

¹⁶առաջի աչաց ձերոց։ պակասեցան կերակուրք ՛ի տանէ ա(ստուծո)յ ձերոյ, ուրախութի(ւն) եւ խնդու(թ)ի(ւն)։
¹⁷Խայտացին երինջք ՛ի մսուրս իւրեանց. ապականեցա́ն գանձք. տապալեցա́ն շտեմերանք՝ զի խորշակահա́ր եղեւ ցորեան։
¹⁸զի՞նչ համբարեցից ՛ի ն(ո)ս(ա)։ լացին դասակք անդւոց, զի ո́չ գոյր ն(ո)ց(ա) արօտ՝ եւ հօտք խաշանց սատակեցան։
¹⁹Առ քեզ տ(է)ր աղաղակեցից՝ զի հուր սատակեաց զգեղեցկութի(ւն) անապատի, եւ բոց ծախեաց զա(մենայ)ն փայտս ագարակի։
²⁰եւ երէ վայրի ՛ի քեզ հայեցաւ. զի ցամաքեցան վտակք ջուրց, եւ հուր եկեր զգեղեցկու(թ)ի(ւն)ս անապատի։

¹Փո́ղ հարէք ՛ի սիոն. քարո́զ կարդացէք ՛ի լերին սրբութե(ան) իմոյ. ժողովեսցին ա(մենայ)ն բնակիչք երկրի. զի հասեալ է օր տ(եառ)ն. զի մերձ է
²օր խաւարի եւ միգի. օր ամպոյ եւ մարախղոյ։ իբրեւ առաւօ́տ տարածեսցի ՛ի վ(ե)ր(այ) լերանց զօր բազում եւ հզօր. նման նմա ո́չ եղեւ յաւիտենից, եւ զհետ նորա ո́չ եւս յաւելցի լինել ազգաց մինչեւ յազգս։
³Առաջ ն(ո)ր(ա) հուր ծախիչ, եւ վերջ նորա բոց բորբոքեալ։ իբրեւ զդրախտ փափկութե(ան) երկիրդ առաջի ն(ո)ր(ա), եւ զկնի ն(ո)ր(ա) դաշտ ապականու(թ)ե(ան). եւ ապրեալ ո́չ իցէ ՛ի նմանէն։
⁴Իբրեւ զտեսի́լ երիվարաց տեսիլ ն(ո)ր(ա). իբրեւ զհեծեալս արշաւեսցեն։

⁵եւ իբրեւ զշաչիւն կառաց ՛ի վ(ե)ր(այ) գլխոց լերանց ասպատակեսցեն. իբրեւ զձա́յն բոցոյ հրոյ որ ուտիցէ զեղէգն. իբրեւ զօր բազում եւ հզօր պատրաստեալ ՛ի պատերազմ։
⁶Յերեսաց ն(ո)ր(ա) խորտակեսցին ազգք, եւ ա(մենայ)ն դէմք իբրեւ զայրեցած պուտան։
⁷իբրեւ զախոյա́նս յարձակեսցին. եւ իբրեւ զարս պատերազմօղս ելցեն ՛ի վերայ պարսպաց։ իւրաքանչիւր զիւր ճանապարհ գնասցեն, եւ մի́ խոտորեսցին ՛ի շաւղաց իւրեանց։
⁸այր յեղբօրէ եւ յընկերէ իւրմէ մի́ զատցի։ Ծանրացեալք զինուք իւրեանց գնասցեն, եւ նետիւք իւրեանց անկցին եւ մի վախճանեսցին։

⁹հասցեն ՛ի վ(ե)ր(այ) քաղաքին, եւ ընթասին ՛ի վ(ե)ր(այ) պարսպաց. ելցեն յապարանս, եւ մտցեն ընդ պատուհանս իբրեւ զգողս։
¹⁰Յերեսաց ն(ո)ր(ա) խռովեսցի երկիր, եւ երկինք շարժեսցի́ն. արեգակն եւ լուսին խաւարեսցին, եւ աստեղք ծածկեսցեն զլոյս իւրեանց։
¹¹Եւ տ(է)ր տացէ զձայն իւր առաջի երեսաց զօրու(թ)ե(ան) իւրոյ, զի բազո́ւմ է յոյժ բանակ ն(ո)ր(ա), եւ հզօր գործ պատերազմաց ն(ո)ր(ա). զի մե́ծ է օր տ(եառ)ն, մեծ եւ երեւելի́ յոյժ. եւ ո՞վ իցէ նմա բաւական։
¹²Եւ արդ ասէ́ տ(է)ր ա(ստուա)ծ ձեր. դարձարո́ւք առիս յա(մենայ)ն սրտէ ձերմէ, պահօք եւ լալով եւ կոծելով։

¹³Պատառեցէ́ք զսիրտս ձեր՝ եւ մի զհանդերձս, եւ դարձարո́ւք առ տ(է)ր ա(ստուա)ծ ձեր. զի ողորմած եւ գթա́ծ է, երկայնամիտ եւ բազո́ւմ ողո́րմ. եւ զղջանայ ՛ի վ(ե)ր(այ) չարեաց մարդկան։
¹⁴ո́ գիտէ եթէ դարձցի՝ եւ ապաշաւեսցէ, եւ թողցէ զկնի իւր օրհնու(թ)ի(ւն). եւ զոհս եւ սպանդ տ(եառ)ն ա(ստուծո)յ մերում։
¹⁵Փո́ղ հարէք ՛ի սիոն. սրբեցէ́ք պահս. քարոզեցէք պաղատանս։
¹⁶ժողովեցէ́ք զժողովուրդսդ։ սրբեցէ́ք զեկեղեցի. ընտրեցէ́ք զծերս. ժողովեցէ́ք զտղայս ստնդիացս։ ելցէ́ փեսայ ՛ի սենեկէ իւրմէ, եւ հարսն յառագաստէ։

¹⁷Ընդ աստիճանս եւ ընդ սեղանն լացցեն քահանայք եւ պաշտօնեայք տ(եառ)ն, եւ ասասցեն. Խնայեա́ տ(է)ր ՛ի ժողովուրդս քո, եւ մի́ տար զժառանգութի(ւն) քո ՛ի նախատինս տիրե́լ ՛ի վ(ե)ր(այ) ն(ո)ր(ա) ազգաց. զի մի́ ասասցեն ՛ի հեթանոսս՝ թէ ո́ւր է ա(ստուա)ծ ն(ո)ց(ա)։
¹⁸Եւ նախանձեցա́ւ տ(է)ր վ(ա)ս(ն) երկրի իւրոյ. եւ խնայեա́ց ՛ի ժողովուրդ իւր։
¹⁹եւ պատասխանի ետ տ(է)ր ժողովրդեան իւրոյ՝ եւ ասէ. Ահաւասիկ ես առաքե́մ ՛ի ձեզ զցորեան եւ զգինի եւ զեւղ, եւ լցջի́ք ՛ի նոցանէն. եւ ո́չ եւս տաց զձեզ ՛ի նախատինս ազգաց։

²⁰եւ զհիւսւսայինն հալածեցի́ց ՛ի ձէնջ, եւ մերժեցից զնա յերկիր անջուր. եւ ապականեցից զառա́ջ ն(ո)ր(ա) ՛ի ծովն առաջին, եւ զվերջ ն(ո)ր(ա) ՛ի ծովն վերջին. եւ ելցէ́ շարաւ ն(ո)ր(ա), եւ բուրեսցէ հոտ ն(ո)ր(ա). զի մեծացա́ն գործք ն(ո)ր(ա)։
²¹Քաջալերեա́ց երկիր. խնդա եւ ուրա́խ լեր, զի մեծացո́յց տ(է)ր զառնել իւր քեզ։
²²քաջալերեա́ երէ վայրի, զի դալարացան դաշտք անապատի. զի ծառ՝ ե́տ զպտուղ իւր. որթ եւ թզենի ետուն զզօրուի իւրեանց։
²³Որդիք սիոնի, ցնծացէ́ք եւ ուրա́խ լերուք ՛ի տ(է)ր ա(ստուա)ծ ձեր. զի ե́տ ձեզ տ(է)ր կերակուր արդարու(թ)ե(ան)։ եւ տեղասցէ ձեզ անձրեւ կանո́ւխ եւ անագան իբրեւ զառաջինն։
²⁴եւ լցցի́ն կալք ցորենոյ. եւ զեղցին հնծանք գինւոյ եւ իւղոյ։

²⁵Եւ հատուցից ձեզ փոխանակ՝ ամացն յորս եկեր մարախն՝ եւ ջորեակն՝ եւ թրթուրն, զօ́ր իմ մեծ զոր առաքեցի ՛ի վ(ե)ր(այ) ձեր։
²⁶եւ ուտելով կերիջիք՝ եւ յագեսջիք, եւ օրհնեսջիք զանուն տ(եառ)ն ա(ստուծո)յ ձերոյ՝ որ արա́ր ընդ ձեզ սքանչելիս. եւ մի́ եւս ամաչեսցէ ժողովուրդ իմ յաւիտեան։
²⁷Եւ ծանիջիք թէ ՛ի մէջ ի(սրայէ)լի եմ ես։ եւ ես տ(է)ր ա(ստուա)ծ ձեր, եւ չի́ք ոք բա́ց յինէն. եւ ո́չ ամաչեսցէ ժողովուրդ իմ յաւիտեան։
²⁸Եւ եղիցի յետ այսորիկ հեղի́ց յոգւոյ իմոյ ՛ի վերայ ա(մենայ)ն մարմնոյ. եւ մարգարէասցին ուստերք ձեր, եւ դստերք ձեր. եւ ծերք ձեր երազովք երազեսցին, եւ երիտասարդք ձեր տեսի́լս տեսցեն։

²⁹Եւ ՛ի վ(ե)ր(այ) ծառայից իմոց, եւ ՛ի վ(ե)ր(այ) աղախնաց իմոց յաւուրսն յայնոսիկ հեղի́ց յոգւոյ իմմէ, եւ մարգարէսցին։
³⁰Եւ տա́ց նշանս յերկինս ՛ի վեր, եւ նշանս յերկիր ՛ի խոնարհ, արիւն եւ հուր եւ մրրիկ ծխոյ։
³¹արեգակն դարձցի ՛ի խաւա́ր եւ լուսին յարիւն, մինչչեւ եկեալ իցէ օր տ(եառ)ն մեծն եւ երեւելին։
³²եւ եղիցի ա(մենայ)ն որ կարդասցէ զանուն տ(եառ)ն կեցցէ։ Զի ՛ի լեառն սիոն եւ յ(թ)ե(ան)մ եղիցի ապրեա́լ՝ ո(ր)պ(էս) եւ ասաց տ(է)ր. եւ աւետարանեալ զորս տ(է)ր կոչեսցէ առ ինքն։

¹Զի ահաւասիկ ես յաւուրսն յայնոսիկ եւ ՛ի ժամանակին յայնմիկ՝ դարձուցի́ց զգերութի(ւն) հրէաստանի եւ զե(րուսաղէ)մի։
²եւ ժողովեցից զա(մենայ)ն ազգս, եւ իջուցից զն(ո)ս(ա) ՛ի ձորն յովսափաթու. եւ դատեցայց զն(ո)ս(ա) անդ, վ(ա)ս(ն) ժողովրդեան իմոյ՝ եւ ժառանգու(թ)ե(ան) իմոյ ի(սրայէ)լի. որ ցրուեցան ընդ ա(մենայ)ն ազգս, եւ զերկիր իմ բաժանեցին,
³եւ ՛ի վ(ե)ր(այ) ժողովրդեան իմոյ վիճակս արկանէին։ եւ ետուն զպատանեակս կապէ́նս պոռնկաց, եւ զաղջկունս վաճառէին ընդ գինւոյ՝ եւ ըմպէին։

⁴Եւ դուք եւս տակաւին ինձ ծո́ւր եւ ծայդան՝ եւ ա(մենայ)ն գալիլեա այլազգեաց. միթէ հատուցո՞ւմն ինչ հատուցանիցէք ինձ, կամ ոխս պահիցէք ինձ. վաղվաղակի տագնապա́ւ հատուցից զհատուցումն ձեր ՛ի գլուխս ձեր։
⁵Փոխանակ զի զարծաթն իմ եւ զոսկին առէք, եւ զընտիր ընտիրսն եւ զգեղեցիկ անօթսն տարայք ՛ի մեհեանս ձեր։
⁶եւ զորդիսն յուդայ՝ եւ զորդիսն ե(րուսաղէ)մի վաճառեցէք որդւոցն յունաց. զի մերժեցէք զն(ո)ս(ա) ՛ի սահմանաց իւրեանց։
⁷Արդ՝ ե́ս կանգնեցից զն(ո)ս(ա) ՛ի տեղւոջէ՝ ուր վաճառեցէք զնոսա անդր, եւ հատուցից զհատուցումն ձեր ՛ի գլուխս ձեր։

⁸եւ մատնեցից զուստերս ձեր՝ եւ զդստերս ձեր ՛ի ձեռս որդւոցն յուդայ, եւ վաճառեսցեն զն(ո)ս(ա) ՛ի գերու(թ)ի(ւն) յազգ հեռաւո́ր բացական. զի տ(է)ր խօսեցաւ։
⁹Քարո́զ կարդացէք զայդ յազգս. Ժա́մ տուք մարտի, զարթուցէ́ք զպատերազմօղս. ժողովեցարո́ւք եւ ելէ́ք ա(մենայ)ն արք պատերազմի.
¹⁰կոտորեցէ́ք զխոփս ձեր ՛ի սուսե́րս, եւ զգերանդիս ձեր ՛ի գեղարգո́ւնս։ Տկարն խրախուսեսցէ թէ հզօր եմ ես։
¹¹ժողովեցարո́ւք եւ մտէ́ք ազգք ա(մենայ)ն շուրջանակի ա́նդր գումարեցարուք. հանդարտն պատերազմօ́ղ եղիցի։
¹²Զարթիցեն եւ ելցեն ա(մենայ)ն ազգք ՛ի ձորն յովսափաթու. զի անդ նստայց դատե́լ զա(մենայ)ն ազգս շուրջանակի։

¹³Արկէ́ք մանգաղ՝ զի հասեալ են կութք. մտէ́ք կոխեցէ́ք զի լցեա́լ են հնծանք՝ եւ զեղո́ւն գուբք. զի բազմացա́ն չարիք ն՝ց։
¹⁴Ձա́յնք հնչեցին ՛ի ձորն դատաստանի. զի մե́րձ է օր տ(եառ)ն ՛ի ձորն դատաստանի։
¹⁵արեգակն եւ լուսին խաւարեսցին, եւ աստեղք ծածկեսցեն զլոյս իւրեանց։
¹⁶Եւ տ(է)ր ՛ի սիոնէ գոչեսցէ, եւ յ(թ)ե(ան)մէ տացէ զձայն իւր. եւ շարժեսցի́ն երկինք եւ երկիր։
¹⁷այլ տ(է)ր խնայեսցէ ՛ի ժողովուրդ իւր՝ եւ զօրացուսցէ զորդիսն ի(սրայէ)լի։
¹⁸եւ ծանիջիք թէ ես եմ տ(է)ր ա(ստուա)ծ որ բնակեալ եմ ՛ի սիոն լերին սրբու(թ)ե(ան) իմոյ։ եւ եղիցի ե(րուսաղ)էմ սո́ւրբ, եւ այլազգիք ո́չեւս անցցեն ընդ նա։

¹⁹Եւ եղիցի յաւուր յայնմիկ բղխեսցե́ն լերինք զքաղցրութի(ւն), եւ բլուրք յորդեսցեն զկաթն, եւ ա(մենայ)ն աղբեւրք յուդայ բղխեսցեն ջուրս։ Եւ աղբեւր ՛ի տանէ տ(եառ)ն ելցէ, եւ արբուսցէ զձորն վիճակաց։
²⁰եգիպտոս յապականութի(ւն) եղիցի, եւ եդոմ ՛ի դա́շտ ապականու(թ)ե(ան), յանիրաւութե(ան)ց որդւոցն յուդայ. փոխանակ զի հեղին արիւն արդար ՛ի մէջ իւրեանց։
²¹Բայց հրէաստան յաւիտեան բնակեսցէ, եւ ե(րուսաղ)էմ ազգաց յազգս։
²²եւ խնդրեցից զարիւն ն(ո)ց(ա), եւ ո́չ արարից անպարտ։ եւ տ(է)ր բնակեսցէ ՛ի սիովն։