¹ԵՒ ԱՐԱՐ ՅՈՎՍԻԱ ԹԱԳԱՒՈՐ՝ զզատիկն տ(եառ)ն յե(րուսաղէ)մ. եւ եղեն զզատիկն տ(եառ)ն ՛ի չորեքտասան ամսոյն առաջնոյ։
²Եւ կարգեա́ց կացոյց զքահանայսն ՛ի տաճարին տ(եառ)ն, ըստ ա(մենայ)ն օրաթուին, զգեցեալ զպատմուճան քահանայութե(ան)։
³եւ ասաց ցղեւտացիսն սպասաւորս. սրբեցէ́ք զանձինս ձեր, եւ պատրաստեցէ́ք ը(ս)տ սրբու(թ)ե(ան) տապանակին կտակարանացն տ(եառ)ն, ՛ի տաճարին զոր շինեաց սողոմոն թագաւոր որդի դաւթի։

⁴Եւ մի́ գտցի ՛ի ձեզ աղտեղութի(ւն) եւ պղծու(թ)ի(ւն). եւ արդ՝ պաշտեցէ́ք զպաշտօն տ(եառ)ն ա(ստուծո)յ ձերոյ, եւ ժողովեցէ́ք եւ պատրաստեցէ́ք զա(մենայ)ն ազգն ի(սրաէ)լի, եւ կարգեցէ́ք զն(ո)ս(ա) ը(ս)տ կարգի հայրապետացն՝ եւ ցեղիցն իւրեանց.
⁵ո(ր)պ(էս) կարգեաց եւ գրեաց դաւիթ թագաւոր ի(սրաէ)լի, եւ որդի ն(ո)ր(ա) մե́ծ սողոմոն. եւ կացցեն ՛ի տաճարին ղեւտացիքն ըստ կարգի իւրաքանչիւր հարց իւրեանց, առաջի եղբարց իւրեանց որդւոցն ի(սրաէ)լի։
⁶Եւ ըստ առաջին կարգացն զենէ́ք զզատիկն, եւ պատրաստեցէ́ք զզոհսն, եւ արարէ́ք զզատիկն ըստ հրամանի տ(եառ)ն ո(ր)պ(էս) եւ հրամայեաց ՛ի ձեռն մովսիսի։

⁷Եւ շնորհեալ պարգեւեաց յովսիա ժողովրդեանն, գառինս եւ ուլս՝ երեսուն հազար. որթս՝ երեք հազար։
⁸զա́յս ա(մենայ)ն տուեալ ը(ս)տ հրամանի թագաւորին ժողովրդեանն, եւ քահանայիցն եւ ղեւտացւոց։ Եւ դարձեալ ետ քեղկիայ եւ զաքարիայ՝ քահանայապետիցն, եւ առաջնորդաց ժողովրդեանն, եւ քահանայիցն ոչխարս երկու հազար եւ վեց հարիւր։
⁹Եւ յեքոնիաս, եւ սամէաս, եւ նաթանայէլ եղբայր, եւ ռաբիաս, եւ ոզիէլ, եւ յովրամ հազարապետք, ետուն ղեւտացւոցն վ(ա)ս(ն) զատկին ոչխարս՝ հինգ հազար, եւ որթս հինգ հարիւր։
¹⁰Եւ առեալ զայս ա(մենայ)ն քահանայիցն, մեծապէս եւ ա(մենայ)ն վայելչու(թեամ)բ զարմանազան պատրաստեցին զզատիկն բաղարջակերաց.

¹¹ըստ տոհմս իւրեանց, եւ ըստ կարգաց դասուց հարցն իւրեանց. յօրինեալ կացին քահանայքն առաջի ժողովրդեանն, մետուցանել տ(եառ)ն զզատիկն ը(ս)տ գրեցելոյն յօրէնսն մովսիսի։
¹²Եւ ա́յսպէս ընդ առաւօտսն խորովեալ հրով պատրաստեցին զզատիկն տ(եառ)ն. եւ զա́յլ հումն հանդերձ անուշութ(եամ)բ եփեցին ՛ի կաթսայս եւ ՛ի սանս,
¹³եւ մատուցին յերեսաց ժողովրդեանն։ Եւ զհետ այսորիկ քահանյապետքն պատրաստեցին զինքեանս. եւ զեղբարսն իւրեանց զորդիսն ահարոնի.
¹⁴քանզի քահանայքն մատուցանէին զճարպ հրոյն կիզման։ եւ ղեւտացիքն պատրաստեցին զինքեանս եւ զեղբարս իւրեանց զքահանայս՝ զորդիս ահարոնի։

¹⁵Եւ որդիքն ասափայ՝ երգիչք սաղմոսաց՝ պատրաստեցին զինքեանս, ո(ր)պ(էս) եւ էր կարգեալ դաւթայ թագաւորի. զասափ, եւ զզաքարիա, եւ զեղդինոն։
¹⁶Եւ դռնապանքն իւրաքանչիւր դրանցն էին զգուշացեալք ըստ իւրաքանչիւր կարգի աւուրն. քանզի էին եւ նոքա որդիք ղեւեայ, եւ պատրաստեցին զինքեանս։
¹⁷Եւ ամենեքեան միաբան կատարեցին զզոհն տ(եառ)ն յաւուր յայնմիկ.
¹⁸եւ մատուցին զզատիկն տ(եառ)ն ՛ի վ(ե)ր(այ) սեղանոյն ըստ հրամանի թագաւորին յովսիայ։
¹⁹Եւ արարին որդիքն ի(սրաէ)լի որք գտան ՛ի ժամանակի յայնմիկ զզատիկն տ(եառ)ն, եւ զտօն բաղարջակերացն աւուրս եւթն։

²⁰Եւ ո́չ եղեւ երբէք՝ այնպիսի զատիկ ՛ի մէջ ի(սրաէ)լի. քան զի ո́չոք արար զատիկ ՛ի ժամանակացն սամուելի մարգարէի։
²¹եւ ո́չ ա(մենայ)ն թագաւորքն ի(սրաէ)լի արարին զզատիկս ա́յսպէս, որպէս արար յովսիա թագաւոր. եւ քահանայքն, եւ ղեւտացիքն, եւ հրէայքն, եւ ա(մենայ)ն ի(սրա)էլ որ բնակեալ էին ՛ի ժամանակին յայնմիկ յ(թ)ե(ան)մ.
²²յութտասաներորդի ամի թագաւորութե(ա)ն յովսիայ արա́ր զզատիկն զայն։
²³Եւ էին ուղի́ղ գործք յովսիայ առաջի տ(եառ)ն ա(ստուծո)յ իւրոյ. եւ ծառայէր տ(եառ)ն ա(մենայ)ն սրտիւ եւ մտօք իւրովք։

²⁴եւ այլ թագաւորք որ եղեն յառաջ քան զնա, վ(ա)ս(ն) որոյ գրեալ իսկ է. որք մեղան եւ անօրինեցան յա(մենայ)ն ազգս. եւ տրտմեցուցին զտ(է)ր, եւ կացին ընդդէմ բանի ն(ո)ր(ա) ՛ի մէջ ի(սրաէ)լի։
²⁵Եւ յետ այսր ա(մենայ)նի առաքինու(թ)ե(ան)ց յովսիայ՝ ե́կն փարաւոն թագաւոր եգիպտացւոց պատերազմել ՛ի կարքամուս, ՛ի կողմանս եփրատայ. եւ ե́լ պատերազմել ընդդէմ նորա յովսիա։
²⁶Եւ յղեաց առնա թագաւորն եգիպտացւոց՝ եւ ասէ. զի՞ կայ՝ ի́մ եւ քո թագաւորդ հրէաստանի,

²⁷ո́չ եթէ առ քեզ ինչ առաքեաց զիս տ(է)ր ա(ստուա)ծ. քանզի ՛ի կողմանս եփրատայ երթամ պատերազմել, եւ այժմ տ(է)ր ընդի́ս է. եւ մի́ խափաներ զիս. զի ստիպէ զիս տ(է)ր երթալ պատերազմե́լ ՛ի կողմանս եփրատայ, ՛ի բա́ց կաց յինէն, եւ մի́ ընդդիմանար տ(եառ)ն։
²⁸Եւ ո́չ դարձոյց յովսիա զկառս իւր, այլ ՛ի պատերազմել ընդ նմա ձեռնարկեաց։ եւ ո́չ լուաւ բանիցն երեմիայի մարգարէի, զոր խօսէր ը(ստ) նմա ՛ի բերանոյ տ(եառ)ն.
²⁹այլ խմբեաց տա́լ պատերազմ ընդ փարաւոնի ՛ի դաշտին եդդաւուս. եւ իջին իշխանքն առ թագաւորն յովսիայ։
³⁰եւ ասէ յովսիա թագաւորն ցծառայս իւր, հանէ́ք զիս ՛ի բաց ՛ի պատերազմէս. քանզի տկարացայ յոյժ. եւ վաղվաղակի հանին զնա ՛ի բա́ց ծառայքն ն(ո)ր(ա) ՛ի պատերազմէն։

³¹Եւ ել յերկրորդ ՛ի կառս իւր. եւ հասեալ յե(րուսաղէ)մ վախճանեցաւ, եւ թաղեցաւ ընդ հարսն իւր։
³²եւ ա(մենայ)ն ժողովուրդն ողբացին, եւ սո́ւգ առին ՛ի վ(ե)ր(այ) յովսիայ։ Եւ եհան երեմիա մարգարէ ո́ղբս ՛ի վ(ե)ր(այ) յովսիայ. եւ նստեալ ը(ստ) կանայս ողբան զողբսն երեմիայի մինչեւ ցայսօր. եւ ետուն հրաման հանապազ յազգս իւրեանց ողբա́լ ՛ի մէջ ի(սրաէ)լի։
³³Ա́յս ա(մենայ)ն գրեալէ ՛ի գիրս պատմութե(ան)ց թագաւորու(թ)ե(ան)ց ի(սրաէ)լի. զգործն զոր գործեաց յովսիա, եւ զառաքինու(թ)ի(ւն)սն զոր առաքինացաւ. եւ վ(ա)ս(ն) մե́ծ արդարութե(ան) ն(ո)ր(ա) եւ փառաց, եւ զիմաստու(թ)ի(ւն) զգուշութե(ան) իւրոյ զոր ունէր առ օրէնսն տ(եառ)ն։ եւ զայս ա(մենայ)ն մինչեւ ցայժմ պատմեն գիրք թագաւորութե(ա)ն ի(սրաէ)լի եւ յուդայ։

³⁴Եւ առեալ թագաւորեցուցին յազգէ ն(ո)ր(ա) զյեքոնիա որդի յովսիայ. եւ թագաւորեաց յեքոնիա փոխանակ հօր իւրոյ յովսիայ. լեա́լ ամաց քսան եւ երից։
³⁵եւ թագաւորեաց հրէաստանի եւ ե(րուսաղէ)մի ամիսս երիս։ եւ արգե́լ թագաւորն եգիպտացւոց՝ զի մի́ ոք թագաւորեսցէ յ(թ)ե(ան)մ։
³⁶եւ արար ծախ ն(ո)ց(ա) հարիւր տաղանտ արծաթոյ, եւ տաղանտ մի ոսկւոյ։
³⁷Եւ կացոյց ն(ո)ց(ա) թագաւորն եգիպտացւոց՝ թագաւոր զյովակի́մ զեղբայր յեքոնիայ։ եւ թագաւորեաց յովակիմ հրէաստանի եւ ե(րուսաղէ)մի։
³⁸եւ կապեաց յովակիմ զմեծամեծս եւ զիշխանս տանն ի(սրաէ)լի. եւ զարա զեղբայր իւր եհան եւ ած առ իւր յերկրէն եգիպտացւոց։

³⁹Եւ էր ամաց քսան եւ հնգից յովակիմ, յորժամ թագաւորեաց ՛ի վ(ե)ր(այ) հրէաստանի եւ ե(րուսաղէ)մի. եւ արար չա́ր առաջի տ(եառ)ն։
⁴⁰Յաւուրս ն(ո)ր(ա) ե́լ նաբուքոդոնոսոր արքայ բաբելացւոց, եւ կապեաց զնա պղնձի կապանօք եւ տարաւ զնա ՛ի բաբելոն։
⁴¹եւ ՛ի սպասուէ տանն տ(եառ)ն ա́ռ նաբուքոդոնոսոր, եւ տարաւ եւ ե́դ ՛ի պահեստի ՛ի տան կռոց իւրոց ՛ի բաբելոն։
⁴²Զա́յս ա(մենայ)ն վ(ա)ս(ն) ն(ո)ր(ա)՝ եւ վ(ա)ս(ն) պղծութե(ան)ց ն(ո)ր(ա) եւ անօրէնութե(ան)ց՝ գրեալէ ՛ի գիրս ժամանակաց թագաւորացն։
⁴³Եւ թագաւորեաց փոխանակ ն(ո)ր(ա) յովակիմ որդի ն(ո)ր(ա), որ էր ամաց ութեւտասնից։

⁴⁴եւ թագաւորեաց ամիսս երիս, եւ աւուրս տասն յե(րուսաղէ)մ. եւ արար չա́ր առաջի տ(եառ)ն։
⁴⁵Եւ զհետ ամի միոյ՝ առաքեաց նաբուքոդոնոսոր, եւ տարաւ զնա ՛ի բաբելոն հանդերձ գանձի́ւ տանն տ(եառ)ն։
⁴⁶Եւ կացոյց զսեդեկիա թագաւոր ՛ի վ(ե)ր(այ) հրէաստանի եւ ե(րուսաղէ)մի. եւ էր սեդեկիա ամաց քսան եւ միոյ, եւ թագաւորեաց ամս մետասան։
⁴⁷եւ արար չա́ր առաջի տ(եառ)ն, եւ ո́չ դարձաւ ՛ի չարեաց իւրոց՝ եւ ոչ լուաւ բանից երեմիայի մարգարէի զոր խօսեցաւ ընդ նմա ՛ի բերանոյ տ(եառ)ն։

⁴⁸եւ զերդումն զոր երդուաւ նաբուքոդոնոսո́ր արքայի անուամբ տ(եառ)ն, ո́չ եկաց յերդմանն. այլ ստեաց եւ հեռացաւ ՛ի նաբուքոդոնոսորայ. եւ խստացոյց զպարանոց եւ զսիրտ իւր յօրինաց տ(եառ)ն ա(ստուծո)յ ի(սրաէ)լի։
⁴⁹Եւ իշխանք ժողովրդեանն եւ քահանայք բազո́ւմ ամպարշտութի(ւն)ս արարին, եւ անօրինեցան, եւ բազմացուցին զպղծու(թ)ի(ւն)ս իւրեանց քան զա(մենայ)ն հեթանոսս. եւ պղծեցին զտաճարն սրբութե(ան) տ(եառ)ն յե(րուսաղէ)մ։
⁵⁰Եւ առաքեաց ա(ստուա)ծ հարցն ն(ո)ց(ա) զհրեշտակս եւ զմարգարէս իւր առ նոսա զի դարձցին. վ(ա)ս(ն) զի խնայէր ՛ի ն(ո)ս(ա), եւ ՛ի տաճարն սրբու(թ)ե(ան) իւրոյ։

⁵¹եւ արհամարհեցին զհրեշտակս ն(ո)ր(ա). եւ յաւուր յորում խօսէր ը(ստ) ն(ո)ս(ա) տ(է)ր, կատակէին եւ ծաղր առնէին զմարգարէս ն(ո)ր(ա)։
⁵²Եւ ցասեաւ տ(է)ր ՛ի վ(ե)ր(այ) ազգի ն(ո)ց(ա). եւ վ(ա)ս(ն) ամպարշտու(թ)ե(ան) ն(ո)ց(ա) ած ՛ի վ(ե)ր(այ) ն(ո)ց(ա) զթագաւորսն քաղդեացւոց։
⁵³եւ նոքա սպանին զերիտասարդս ն(ո)ց(ա) սրով, եւ հեղին զարիւնս ն(ո)ց(ա) շուրջ զսրբութե(ան) տաճարաւն, եւ ո́չ խնայեցին ՛ի մանկունս եւ ՛ի կուսանս, ՛ի ծերս եւ յերիտասարդս ն(ո)ց(ա)։

⁵⁴Այլ զայս ա(մենայ)ն ետ ՛ի ձեռս ն(ո)ց(ա). եւ զա(մենայ)ն սպաս տանն տ(եառ)ն զմեծ եւ զփոքր, եւ զկահ եւ զսպաս տապանակին տ(եառ)ն, եւ զգանձս թագաւորին ի(սրաէ)լի. զա(մենայ)ն առեալ տարան ՛ի բաբելոն։
⁵⁵Եւ հրկէ́զ արարին զտաճարն տ(եառ)ն, եւ քակեալ քանդեցին զպարիսպն եմ(թ)ի(ւն). եւ զաշտարակս ն(ո)ր(ա) հրկիզեցին հրով։
⁵⁶եւ եղեւ վախճան ա(մենայ)ն փառաց ն(ո)ր(ա). եւ զմնացեալսն վարեալ առաջի սրով՝ գերեցին ՛ի բաբելոն։
⁵⁷Եւ եղեն ՛ի ծառայութի(ւն) ն(ո)ց(ա) եւ որդւոց ն(ո)ց(ա) մինչեւ ՛ի թագաւորս պարսից, ՛ի կատարել բանին տ(եառ)ն զոր խօսեցաւ ՛ի բերան երեմիայի մարգարէի։

⁵⁸մինչեւ հաճեսցի տ(է)ր ը(ստ) երկիրն դատարկացեալ։ շաբաթացոյց զնա, եւ զա(մենայ)ն ժամանակս զոր եղեւ անապատ համարեցաւ նմա ՛ի շաբաթումն. մինչեւ կատարեաց ա́մս եւթանասուն։

¹Եւ ՛ի թագաւորու(թ)ե(ա)ն կիւրոսի պարսից՝ յամին առաջնում կատարեցաւ բանն տ(եառ)ն, զոր խօսեցաւ ՛ի բերան երեմիայի մարգարէի։
²Եւ յարոյց տ(է)ր զոգի կիւրոսի թագաւորին պարսից. եւ հրամայեաց կիւրոս յա(մենայ)ն թագաւորու(թ)ե(ան) իւրում քարո́զ կարդալ՝ եւ ասել։
³Ա́յսպէս ասէ թագաւորն պարսից կիւրոս. ինձ յայտնեաց թագաւորն ա(մենայ)ն տիեզերաց տ(է)ր ա(ստուա)ծ ի(սրաէ)լի, տ(է)ր բարձրեալ.
⁴եւ նշանակեալ յայտնեաց ինձ, շինե́լ նմա տաճար յե(րուսաղէ)մ հրէաստանի։
⁵Արդ՝ ո ոք եւ իցէ́ եւ կայցէ առ նմա յազգացն հրէից. եւ տ(է)ր ա(ստուա)ծ եղիցի ը(ստ) նմա. եւ ելեալ յե(րուսաղէ)մ ընդ հրէայսն շինեսցէ զտաճարն տ(եառ)ն ա(ստուծո)յ ի(սրաէ)լի։ ա́յս է տ(է)ր, որ բնակէն յե(րուսաղէ)մ։

⁶եւ ա(մենայ)ն ոք որ յիւրաքանչիւր տեղիս բնակեալեն, օգնեսցե́ն ն(ո)ց(ա) ոսկւով եւ արծաթով.
⁷ձիովք եւ ա(մենայ)ն խաշամբք, եւ ա(մենայ)ն կազմածովք իւրեանց նուիրեսցեն ՛ի տաճարն տ(եառ)ն ա(ստուծո)յ յե(րուսաղէ)մ։
⁸Եւ կացցեն իշխանք ըստ ազգացն եւ հայրապետաց ազգին յուդայ, եւ ցեղին բենիամինի, եւ քահանայիցն եւ ղեւտացւոց. եւ ամենեցուն զորոց զարթոյց տ(է)ր զոգիս ն(ո)ց(ա), ելանե́լ եւ շինել զտունն տ(եառ)ն յե(րուսաղէ)մ եւ շուրջ զնոքօք.
⁹օգնեսցեն ամենեքեան արծաթով եւ ոսկւով, ձիովք եւ խաշամբք, ուխտեսցեն տ(եառ)ն որչափ եւ ՛ի միտս իւրեանց անկցի։

¹⁰Եւ թագաւորն կիւրոս՝ ե́տ բերել զսուրբ սպասն տ(եառ)ն, զոր բերեալէր նաբուքոդոնոսորայ յե(րուսաղէ)մէ, եւ եդեալէր ՛ի պա́հ ՛ի տան կռոցն իւրոց.
¹¹ե́տ բերել կիւրոս թագաւոր պարսից, եւ հրամայեաց տա́լ զսպասն միթրիդատայ գանձաւորի իւրոյ։
¹²եւ համարեալ միթրիդատայ՝ ե́տ ցսամանասար հանդերձապետ յուդայ։
¹³Եւ ա́յս էր թիւ սպասու կահուն տ(եառ)ն. սպաս ոսկեղէն հազար, եւ սպաս արծաթի էր հազար. խմբարգեայք արծաթիք քսանեւինն, եւ ափսէք ոսկիք երեսուն, եւ արծաթիք երկու հազար չորեքհարիւր քսան. եւ ա́յլ կահ հազար։
¹⁴իսկ ա(մենայ)ն կահն զոր բերին ոսկի եւ արծաթի, հոնգհազար չորեքհարիւր վաթսունեւինն։

¹⁵Եւ տուեալ զայս ա(մենայ)ն ՛ի ձեռս սամանասարայ՝ առեալ հանդերձ ա(մենայ)ն գերութ(եամ)բ հանէին ՛ի բաբելոնէ յ(թ)ե(ան)մ։
¹⁶՛Ի ժամանակս թագաւորութե(ա)ն արտաշէսի պարսից արքայի, գրեցին առ նա որք բնակեալէին շուրջ զհրէաստանիւ եւ զե(րուսաղէ)մաւ. բաաղսամոս, եւ միթրիդատ, եւ բեղղիոս, եւ հռաթիմոս, եւ բեղտէթմոս, եւ սամեղիոս գրիչ. եւ ա́յլ եւս բազումք ընդ ն(ո)ս(ա), որք բնակեալք էին առ ծովեզերբն՝ քանանացիք եւ տիւրացիք, ամոնացիք եւ մովաբացիք, եւ շամրտացիք, եւ այլ բազումք ետեղակալք։ գրեցին թուղթ՝ զա́յս օրինակ։

¹⁷Թագաւոր արտաշէս տէ́ր մեր, ծառայք քո, հռաթիմոս՝ որ երկրպագէ քեզ, եւ սամեղիոս գրիչ, եւ ա(մենայ)ն խորհրդակիցք մեր, եւ դատաւորք կողմանց ասորւոց եւ քանանացւոց։
¹⁸Ա́յժմ գիտո́ւն լիցի քեզ տէր մեր եւ թագաւոր, վ(ա)ս(ն) հրէիցն որ ելին ՛ի ձէնջ առ մեզ, երթեալ յե(րուսաղէ)մ ՛ի քաղաքն ապստամբող եւ դառնացող. եւ շինեն զնա եւ զհրապարակս ն(ո)ր(ա), եւ զպարիսպս ն(ո)ր(ա) կամին ամրացուցանել. եւ զտաճարն ն(ո)ր(ա) կամին բարձրաբե́րձ շինել։
¹⁹արդ՝ եթէ զքաղաքս զայս շինեսցեն, եւ զպարիսպ ն(ո)ր(ա) կատարեսցեն. հարկս՝ ումեք ո́չ հարկանեն, այլ եւ թագաւորաց եւս ընդդէ́մ կան։
²⁰քանզի պանծացեալ յուսա́ն ՛ի տաճարն իւրեանց։ Արդ՝ բարւո́ք թուեցաւ մեզ, եթէ փոյթ արասցես ա́յսմ իրաց՝

²¹տէ́ր մեր թագաւոր, եւ փորձեալ տեսցես զոր գրեցին հարք քո եւ նախնիք.
²²եւ գտցես գիր յիշատակարանաց. եւ գիտասցես թէ քաղաքս այս՝ ապստամբողաց է. եւ թագաւորք սորա՝
²³եւ հրէայք ապստամբօղք, եւ ստերդմունք բնակիչք սորա յաւիտեան. վ(ա)ս(ն) որոյ եւ քաղաքս այս՝ աւերեալ անապա́տ եղեւ։
²⁴Արդ՝ ցուցանեմք տեառն մերոյ եւ թագաւորի, եթէ քաղաքս այս շինեսցի, եւ պարիսպք ն(ո)ր(ա) կանգնեսցին՝ քո իշխանու(թ)ի(ւն) եւ ճանապարհ ՛ի կողմանս ասորւոց եւ քանանացւոց ո́չ եւս լիցի։

²⁵Յայնժամ գրեա́ց արտաշէս թագաւոր, հռաթեմու, եւ բեղտեթմու, եւ սամեղի գրչի, եւ այլոց ամենեցուն որ բնակեալ են ՛ի կողմանս սամարիայ, եւ ասորւոց եւ քանանացւոց որք գրեցին առ նա։
²⁶Կարդացի ասէ զթուղթն ձեր զոր գրեցէք առիս, եւ հրամայեցի տեսանել ՛ի մատեանս յիշատակարանաց. եւ գտաւ քաղաքդ այդ յիսկզբանցն եւ ՛ի յաւիտեանց՝ ընդդէմ ա(մենայ)ն թագաւորաց։
²⁷եւ երկնային պատերազմօղք ը(ստ) ա(մենայ)ն կողմանս որ բնակեալ էին ՛ի դմա. եւ թագաւորք զօրաւորք եւ խիստք, որք բնակեալէին յե(րուսաղէ)մ, տիրացեալք հա́րկս հանէին ՛ի կողմանցն ասորւոց եւ քանանացւոց։
²⁸Արդ՝ այժմ հրամայեցի արգելո́ւլ զարսդ զայդ ՛ի շինելոյ զքաղաքդ. եւ դուք փո́յթ յանձին կալայք

²⁹զի մի́ եւս առաւելեսցի չարութի(ւն) դոցա՝ եւ ընդդիմասցին, եւ աշխատեսցեն զթագաւորութի(ւն)ս մեր։
³⁰Եւ յայնժա́մ կարդացեալ զգիր թագաւորին արտաշիսի, հռաթիմոս, եւ սամեղ գրիչ, եւ այլք բազումք ընդ ն(ո)ս(ա), ելի́ն փութով յե(րուսաղէ)մ երիվարօք եւ զօրօք հանդերձ,
³¹եւ արգելին զհրէայսն ՛ի շինելոյ։ Եւ խափանեցաւ շինուած տաճարին տ(եառ)ն յե(րուսաղէ)մ մինչեւ յեկրորդ ամ թագաւորութե(ան) դարեհի պարսից արքայի։

¹Եւ թագաւորն դարեհ արար խրախութի(ւն) մեծ. եւ ժողովեաց զա(մենայ)ն իշխանս իւր, եւ զընտոծինս իւր, եւ զա(մենայ)ն մեծամեծս մարաց, պարսից, քաղդեացւոց։
²եւ զա(մենայ)ն նախարարս եւ զզօրագլուխս, եւ զետեղակալս ընդ նոսա ՛ի կողմանցն հնդկաց, մինչեւ ՛ի կողմանս եթւովպացւոց. եւ էին նախարարք հարիւր քսանեւեւթն։
³եւ կերա́ն եւ արբին, եւ յագեցան, եւ ուրա́խ եղեն։ Եւ յորժամ վախճա́ն եղեւ՝ դարեհ թագաւոր եմո́ւտ ՛ի սենեակ իւր. եւ ելեալ ՛ի գահոյս իւր ՛ի քո́ւն եղեւ։
⁴Յայնժամ երեք պատանիք որ էին սենեկապանք ն(ո)ր(ա). եւ մինչդեռ ՛ի քո́ւն կայր թագաւորն, նոքա ՛ի ներքս ՛ի սենեկի սպա́ս կալեալ եւ պա́հ ունէին նմա։ Խօսել սկսան ընդ միմեանս եւ ասեն.

⁵եկա́յք՝ իւրաքանչիւր ասասցուք բան մի, եւ որ ասասցէ իմաստո́ւն եւ առաւել զօրաւոր քան զընկերս իւր՝ տացէ́ նմա դարեհ թագաւոր պարգե́ւս մեծամեծս. եւ մեծ եւ անուանի երեւեսցի քան զամենեսեան.
⁶եւ ծիրանիս զգեցուսցէ նմա, եւ ոսկի սպասուք արբցէ եւ կերիցէ, եւ ՛ի վ(ե)ր(այ) ոսկեղինաց նստցի, եւ ննջեսցէ. եւ վարեսցէ երիվարս ոսկեսանձս. եւ խոյր բեհեզեայ թա́գ կապեսցէ նմա, եւ մանեակ ոսկի ՛ի պարանոցի ն(ո)ր(ա)։
⁷եւ երկրորդ յաթոռն դարեհի նստցի վ(ա)ս(ն) իմաստութե(ան) իւրոյ, եւ ազգական դարեհի անուանեսցի։
⁸Եւ յայնժամ իւրաքանչիւր գրեալ զիւր բան, կնքեցին եւ եդին ը(ստ) սնարս դարեհի արքայի։

⁹եւ ասեն՝ յորժամ յարիցէ՝ տացուք ցնա զգիրդ. եւ ընտրեսցէ թագաւորն, եւ երեք մեծամեծք իշխանք պարսից. եւ որոյ գտցի բան իմաստնագոյն՝ նմա́ տացէ զյաղթողական պարգեւն։
¹⁰Եւ գրեաց առաջինն, ասէ. յաղթօղ եւ զօրաւո́ր է քան զա(մենայ)ն գինի։
¹¹Եւ գրեաց երկրորդն, եւ ասէ. յաղթօղ եւ զօրաւո́ր քան զա(մենայ)ն թագաւոր։
¹²Եւ երրորդն գրեաց, եւ ասէ. յաղթօղ եւ զօրաւո́ր են քան զա(մենայ)ն կանայք, եւ քան զա(մենայ)ն յաղթէ ճշմարտութի(ւն)։
¹³Եւ յորժամ զարթեաւ թագաւորն, առեալ զգիրն զոր ետուն ցնա, կարդա́ց։
¹⁴եւ առաքեալ կոչեաց զա(մենայ)ն մեծամեծս պարսից եւ մարաց, եւ զնախարարս, եւ զսպարապետս, եւ զտեղակալս, եւ զիշխանս։
¹⁵Եւ նստեալ ՛ի տեղւոջ յայգորիլի́. եւ կարդացին զգիրն առաջի ամենեցուն։

¹⁶Եւ ասէ թագաւորն. կոչեցէ́ք այսր զպատանիսն, եւ նոքա մեկնեսցեն զբանս իւրեանց։ եւ կոչեալ մտին առաջի.
¹⁷եւ ասեն ցն(ո)ս(ա) ամենեքեան. պատմեցէ́ք մեզ զգրեալսդ։ Եւ սկսաւ ասել առաջինն, որ ասաց վ(ա)ս(ն) զօրութե(ան) գինւոյ։
¹⁸եւ ասէ այսպէս. Ո́ արք. զիա՞րդ ո́չ է զօրաւոր գինի. զի ա(մենայ)ն մարդիկ որ ըմպեն զնա՝ յիմարեցուցանէ զմիտսն.
¹⁹եւ զթագաւորաց եւ զտառապելոց՝ մի միտս առնէ. նո́յնպէս զտեառն եւ զծառայի, զմեծատանց եւ զաղքատաց։
²⁰եւ զամենեցուն միտս դարձուցանէ, եւ շրջէ յուրախութի(ւն). եւ ո́չ երբէք յիշեն զտրտմու(թ)ի(ւն) եւ զախտս ինչ։
²¹Քանզի զամենեցուն սիրտ՝ լնո́ւ զուարթու(թեամ)բ եւ մեծու(թեամ)բ։

²²եւ ո́չ յիշէ զթագաւորս կամ զիշխանս. եւ տա́յ խօսել զմեծամեծս։ եւ յորժամ ըմպէ, ո́չ յիշէ զսիրելիս եւ զեղբարս, եւ զթշնամիս. եւ բազում անգամ հանեալ սուր։
²³եւ յորժամ թափի գինին՝ ո́չ յիշէ զինչ գործեաց։
²⁴Ո́վ արք՝ զիա՞րդ ոչ է զօրաւոր գինի, որ զայս ա(մենայ)ն բռնադատէ գործել։ Եւ ասացեալ զայս ա(մենայ)ն լռեա́ց։

¹Եւ սկասաւ խօսել երկրորդն, որ ասաց վ(ա)ս(ն) զօրու(թ)ե(ան) թագաւորի։
²Ո́ արք՝ ո՞չ ապաքէն զօրացեալ են մարդիկ որ ունին զծո́վ եւ զցամաք, եւ զա(մենայ)ն որ ինչ ՛ի ն(ո)ս(ա)։
³Իսկ թագաւոր զօրացեալ տիրէ́ ա(մենայ)ն երկրի եւ մարդկան. եւ զորինչ ասէ եւ հրամայէ՝ վաղվաղակի առնե́ն, եթէ հրամայէ պատերազմել՝ ընկեր ընդ ընկերի իւրում, ո́չ իշխեն անցանել զբանիւ։
⁴եւ եթէ առաքէ զն(ո)ս(ա) ՛ի պատերազմ ընդ թշնամիս՝ երթեալ վաղվաղակի գործեն մենքենայս, եւ լերինս, եւ պարիսպս, եւ աշտարակս.
⁵սպանանեն, եւ մեռանին. եւ զհրամանաւ թագաւորին ո́չ կարեն անցանել։ եւ եթէ յաղթեսցեն՝ զա(մենայ)ն բարու(թ)ի(ւն)ս բերեն թագաւորին։

⁶Եւ ո́չ միայն զորական պատերազմողք, այլեւ մշակք որ գործեն զերկիր. յորժամ սերմանեն եւ հնձեն, զարդիւնս իւրեանց բերեն թագաւորին։ եւ հարկահանք դարձեալ բռնադատեալ զաշխարհ, հանեն հարկս թագաւորի։
⁷Եւ թագաւոր՝ միա́յն զօրացեալ իշխան է ՛ի վ(ե)ր(այ) ա(մենայ)նի. եւ եթէ հրամայէ սպանանել՝ սպանանեն. եւ եթէ կեցուցանել՝ կեցուցանեն.
⁸եւ եթէ շինել՝ շինեն.
⁹եւ եթէ քակել՝ քակեն. եւ եթէ տնկել՝ տնկեն։
¹⁰եւ ա(մենայ)ն աշխարհ՝ թագաւորի́ զօրու(թ)ե(ան) եւ հրամանի լսեն. եւ ինքն արքայ՝ զինչ եւ կամի՝ գործէ։ եւ ինքն ՛ի հանգստեա́ն կայ. բազմի, ուտէ, ըմպէ, եւ ՛ի քուն մտանէ.

¹¹եւ այլք ամենեքեան շո́րջ պահեն զնա, եւ հրամանի ն(ո)ր(ա) անսան. եւ ո́չ իշխեն ը(ս)տ կամս իւրեանց երթա́լ ուրեք, եւ կամ գործել. եւ ո́չ իշխեն անցանել զհրամանաւ թագաւորի։
¹²Արդ՝ ո́ արք, զիա՞րդ ո́չ զօրաւոր է թագաւոր, որոյ բան հրամանի իւրոյ ա́յսչափ զօրացեալ իշխէ ՛ի վ(ե)ր(այ) ամենեցունց։ Եւ զայս ասացեալ՝ լռեա́ց։
¹³Եւ երրորդն՝ որ ասաց վ(ա)ս(ն) զօրութե(ան) կանանց, եւ վասն ճշմարտու(թ)ե(ան). ա́յս է զորաբաբել. սկսաւ խօսել՝ եւ ասէ։
¹⁴Ո́ արք՝ եթէ մեծ է թագաւոր՝ եւ կամ ա́յլ բազում մարդիկ, եւ կամ զօրաւո́ր է գինի. ո՞ է որ յաղթեալ ունի եւ տիրէ ՛ի վ(ե)ր(այ) ամենեցուն։
¹⁵Ո՞չ ապաքէն կանայք. քանզի կանայք են որ ծնանին զթագաւորս. եւ ա(մենայ)ն մարդիկ որ տիրեն ծովու եւ ցամաքի՝

¹⁶՛ի նոցանէ ծնան. եւ կանայք ծնան եւ սնուցին զմշակս որ տնկեն զայգիս՝ ուստի լինի́ գինի։
¹⁷եւ նոքա́ են որ առնեն զհանդերձս արանց, եւ նոքօք զարդարին եւ փառաւորին մարդիկ. եւ ո́չ է հնար առանց նոցա լինել մարդկան։
¹⁸Եւ եթէ ժողովեսցեն զոսկի եւ զարծաթ՝ եւ զա(մենայ)ն բարու(թ)ի(ւն)ս, եւ տեսեալ կին մի գեղեցիկ՝
¹⁹դարձեալ ՛ի նա՝ եւ բերանաբաց եղեալ հային ընդ նա. եւ ա(մենայ)ն կամօք իւրեանց սիրեն զնա առաւել քան զոսկի եւ քան զարծաթ՝ եւ քան զա(մենայ)ն բարութի(ւն)ս։
²⁰եւ թողեալ զհայր՝ եւ զմայր իւր, որ ծնան եւ սնուցին զնա, եւ զաշխարհ իւր. երթա́յ զհետ կնոջ իւրոյ։

²¹եւ այնպէս միացեալ ոգեխառնի ընդ նմա, մինչեւ ո́չ յիշէ զհայր իւր եւ ո́չ զմայր եւ ո́չ զաշխարհ։
²²Եւ յայսմանէ արժա́ն է ձեզ գիտել՝ թէ տիրեն ՛ի վ(ե)ր(այ) ձեր կանայք ձեր. զի զա(մենայ)ն ինչ՝ զոր գործէք եւ աշխատիք, բերէք եւ տայիք ցկանայս ձեր։
²³Եւ առեալ առն զսուր իւր, գնա́յ ՛ի ճանապարհ հեռի. եւ եթէ շահի ինչ, կամ աւազակէ եւ գողանայ, կամ ը(ստ) ծով եւ ընդ գետս նաւէ.
²⁴եւ գազանաց պատահէ, եւ ը(ստ) խաւարուտ գնայ. եւ յորժամ գողանայ եւ յափշտակէ, եւ ընդ ա(մենայ)ն վիշտս անցանէ, գայ բերէ զա(մենայ)ն վաստակսն առ կին իւր.
²⁵քանզի առաւե́լ սիրէ մարդ զկին իւր՝ քան զհայր իւր եւ զմայր իւր։

²⁶Եւ բազումք յիմարեցան ՛ի մտաց իւրեանց. եւ վ(ա)ս(ն) կանանց իւրեանց անկա́ն ՛ի ծառայութի(ւն)։
²⁷եւ բազումք ՛ի կորուստ մատնեցան, եւ մեռան, եւ սպանին. եւ սխալեալ անկան ՛ի մեծամեծ մեղս վ(ա)ս(ն) կանանց։
²⁸Եւ այժմ ո́չ հաւատայք ինձ. ո՞չ մեծ թագաւորդ անձնիշխա́ն է ինքն. եւ ա(մենայ)ն ոք ՛ի մրդկանէ ո́չ իշխէ մերձենալ ՛ի դա։
²⁹Տեսանէի́ ես զդուստր հարճի թագաւորի, զի նստէր ընդաջմէ թագաւորիդ.
³⁰եւ առեալ զթագն ՛ի գլխոյ դորա՝ դնէր ՛ի գլուխ իւրում. եւ ածեալ ապտակ թագաւորիդ։

³¹եւ առ այս թագաւորդ ո́չ ցասնոյր. այլ բացեալ զբերան իւր հայէր ընդդէմ ն(ո)ր(ա), եւ եթէ ծիծաղէր՝ ծիծաղէր ընդդէմ նորա. եւ եթէ տրտմէր՝ թագաւորդ ողոքէր, մինչեւ սթափեցուսցէ զնա։
³²Արդ՝ ո́ արք. զիա՞րդ ո́չ են զօրաւոր կանայք՝ որ զայս ա(մենայ)ն առնեն։
³³Եւ յայնժամ թագաւորն եւ մեծամեծք ն(ո)ր(ա) սկսան հայել ա́յր ը(ստ) ընկեր իւր։ Եւ սկսաւ խօսել զորաբաբէլ վասն ճշմարտիւթե(ան)՝ եւ ասէ։
³⁴Ո́ արք՝ ո՞չ ապաքէն զօրաւոր են կանայք, մե́ծ է երկիր, բա́րձր են երկինք, եւ երագընթաց է արեգակն. վ(ա)ս(ն) զի ունի արշաւանս ընդ կամարաձեւ խորանն երկնից. եւ դարձեալ վաղվաղակի սլացեալ հասանէ ՛ի տեղի իւր ՛ի միում աւուր։

³⁵Ո՞չ ապաքէն մեծ է այն՝ որ զայս ա(մենայ)ն արար։ Արդարեւ՝ ճշմարտու(թ)ի(ւն) մե́ծ եւ զօրաւոր է քան զամենեսեան։
³⁶ա(մենայ)ն երկիր ապաւինի ՛ի ճշմարտու(թ)ի(ւն), եւ երկինք օրհնեն զճշմարտութի(ւն). եւ ա(մենայ)ն գործք շարժին եւ դողան առաջի ն(ո)ր(ա). եւ ո́չ է ՛ի ճշմարտութե(ան) անիրաւու(թ)ի(ւն) եւ ո́չ մի։
³⁷Անիրա́ւ է գինի. անիրա́ւ է թագաւոր. անիրա́ւ են եւ կանայք. անիրա́ւ են եւ ա(մենայ)ն որդիք մարդկան. անիրա́ւ են եւ ա(մենայ)ն գործք ն(ո)ց(ա). եւ ո́չ գոյ ՛ի ն(ո)ս(ա) ճշմարտու(թ)ի(ւն), եւ յանիրաւու(թ)ե(ան) իւրեանց կորնչին։
³⁸Իսկ ճշմարտու(թ)ի(ւն) կա́յ եւ մնայ, եւ զօրաւո́ր է յաւիտեան. եւ կենդանի է, եւ ունի իշխանութի(ւն) ն(ո)ր(ա) յաւիտեանս յաւիտենից։

³⁹եւ ո́չ գոյ ՛ի նմա ակնառու(թ)ի(ւն), եւ ո́չ երբէք փոփոխի, այլ իրաւունս առնէ. եւ մերժեալ է ՛ի նմանէ անիրաւութի(ւն) եւ չարու(թ)ի(ւն). եւ ա(մենայ)ն գործք ճշմարտութե(ան) հաճո́յ են ամենեցուն։
⁴⁰եւ ո́չ գոյ ՛ի դատաստանի ն(ո)ր(ա) անիրաւու(թ)ի(ւն). քանզի ճշմարտութի(ւն) է զօրութի(ւն) թագաւորաց, եւ իշխանու(թ)ի(ւն) եւ մեծութի(ւն)։ եւ է օրհնեալ տ(է)ր ա(ստուա)ծ ճշմարտութե(ան)։
⁴¹Եւ ասացեալ զայս՝ լռեաց ՛ի խօսելոյն։ Եւ ա(մենայ)ն ժողովն յայնժամ մեծաձայն աղաղակեցին՝ եւ ասեն. մե́ծ է ճշմարտութի(ւն)՝ եւ յաղթօղ եւ զօրաւոր։

⁴²Յայնժամ թագաւորն ասէ ցնա. խնդրեա́ զինչ եւ կամիս. եւ տա́ց ե́ւս առաւել քան զգրեալսդ. վ(ա)ս(ն) զի գտար իմաստո́ւն քան զամենեսեան։ եւ երկրո́րդ յաթոռ իմ նստջիր. եւ ազգական իմ անուանեսջիր։
⁴³Յայնժամ ասէ զորաբաբէլ ցթագաւորն. յիշեա́ զուխտն զոր ուխտեցեր վ(ա)ս(ն) շինուածոյն ե(րուսաղէ)մի. յաւուր յորում առեր դու զթագաւորութի(ւն)դ քո. եւ ասացեր՝
⁴⁴զա(մենայ)ն կահ եւ սպաս ե(րուսաղէ)մի դարձուցանել անդրէն, զոր որոշեալ մեկնեաց կիւրոս, յորժամ եհար զբաբելոն, եւ ուխտեաց նա դարձուցանել զսպասն տ(եառ)ն։
⁴⁵Նո́յնպէս եւ դու թագաւոր՝ ուխտեցեր շինել զտաճարն տ(եառ)ն, զոր այրեցին եդոմայեցիք յորժամ արարին անապատ զհրէաստան քաղդեացիքն։

⁴⁶Եւ այժմ աղաչե́մ զքեզ տէր իմ եւ թագաւոր, եւ խնդրե́մ ՛ի քէն. եւ զա́յս մեծ պարգեւ շնորհեա́ դու ինձ. եւ վասն այսորիկ աղաչեմ զքեզ, կատարեա́ զուխտն զոր ուխտեցեր թագաւորին երկնաւորի. արա́ ըստ այնմ որ ե́լ ՛ի բերանո́յ քումմէ։
⁴⁷Յայնժամ յարուցեալ դարեհ թագաւոր եւ համբուրեաց զզորաբաբէլ. եւ գրեաց նմա թուղթս առ ա(մենայ)ն գաւառապետս, եւ տեղակալս, եւ զօրագլուխս, եւ առ նախարարս, զի յուղարկեսցեն զնա, եւ որք ընդ նմայն էին՝ ելանե́լ եւ շինե́լ զե(րուսաղէ)մ։
⁴⁸Եւ առ ա(մենայ)ն տեղակալս կողմանցն ասորւոց եւ փիւնիկեցւոց, եւ որ են ՛ի կողմանս լիբանանու. գրեա́ց թուղթ՝ զի իջուսցեն մա́յր փայտ ՛ի լիբանանէ յե(րուսաղէ)մ, եւ շինեսցեն հանդերձ զորաբաբելիւ զքաղաքն։

⁴⁹Եւ գրեցաւ առ ա(մենայ)ն հրէայս որ ելեալէին ՛ի թագաւորութե(ա)ն իւրում, եւ ազատեաց զնոսա ՛ի հարկաց. եւ ասէ ցա(մենայ)ն զօրաւորս եւ նախարարս, եւ տեղակալս, եւ գաւառապետս՝ մի́ ոք վ(ա)ս(ն) հարկաց մերձեսցի ՛ի դրունս ն(ո)ց(ա)։
⁵⁰եւ զա(մենայ)ն տեղիս զոր եւ ունին՝ անհա́րկ եւ ազատ լիցի. եւ ա(մենայ)ն եդովմայեցիք տացեն ՛ի բա́ց զգեօղս եւ զտեղիս զոր ունին զհրէից։
⁵¹Եւ ՛ի շինուած տաճարին տացեն յարքունուստ՝ յամի քսան տաղանտ, մինչեւ շինեսցի տաճարն։
⁵²Եւ ՛ի սեղան ողջակիզացն տացեն զա(մենայ)ն աւուրս, ո(ր)պ(էս) եւ գրեալ է յօրէնսն, զեւթներորդս. եւ զտասներորդս անխափա́ն մատուցանել։ եւ այլեւս տաղանտս տասն՝ յամի։

⁵³եւ ամենեքեան որ ելանեն յե(րուսաղէ)մ շինեսցեն զքաղաքն, եւ լիցին ազատք եւ առանց հարկաց. ինքեա́նք եւ ազգք իւրեանց, եւ ա(մենայ)ն քահանայքն։
⁵⁴Եւ հրամայեաց գրե́լ եւ տալ զա(մենայ)ն դարման, եւ զպատմուճան քահանայիցն որով կատարէին զպաշտօնն տ(եառ)ն։
⁵⁵եւ ղեւտացւոցն գրեաց տա́լ ռոճիկս զաւուրս, մինչեւ կատարեսցի տաճարն տ(եառ)ն, եւ ե(րուսաղ)էմ շինեսցի։
⁵⁶եւ ամենեցուն ոյք պահէին զքաղաքն՝ գրեաց տա́լ ն(ո)ց(ա) ժառանգու(թ)ի(ւն) երկրի՝ եւ ռոճիկս։

⁵⁷Եւ առաքեաց զա(մենայ)ն կահ եւ զսպաս տաճարին, զոր որոշեաց կիւրոս ՛ի բաբելոնէ. եւ զա(մենայ)ն զորինչ ասաց կիւրոս՝ դարեհ զնոյն արա́ր եւ կատարեաց. եւ ե́տ տանել զա(մենայ)ն սպասն տ(եառ)ն։
⁵⁸Եւ յորժամ ե́լ արտաքս ՛ի թագաւորէն զորաբաբէլ, համբա́րձ զձեռս իւր յերկինս ընդ կողմն ե(րուսաղէ)մի. եւ օրհնեաց զտ(է)ր թագաւոր երկնից,
⁵⁹եւ ասէ. ՛Ի քէ́ն է յաղթութի(ւն), եւ ՛ի քէ́ն է իմաստութի(ւն). եւ քե́զ վայելեն փառք. եւ ես ծառա́յ քո եմ.
⁶⁰եւ օրհնեմ զքեզ որ ետուր ինձ իմաստու(թ)ի(ւն), եւ գոհանա́մ զքէն ա(ստուա)ծ հարցն մերոց։
⁶¹Եւ ա́ռ զթուղթսն եւ գնաց. եւ եկն եմո́ւտ ՛ի բաբելոն, եւ պատմեաց զա(մենայ)ն եղբարց իւրոց։

⁶²եւ օրհնեցին զա(ստուա)ծ հարցն իւրեանց. վ(ա)ս(ն) զի շնորհեաց ն(ո)ց(ա) ընդարձակութի(ւն), եւ արար թողութի(ւն)
⁶³ելանել եւ շինել զե(րուսաղէ)մ, եւ զտաճարն տ(եառ)ն՝ յորում անուանեցաւ անուն նորա ՛ի նմա. եւ արարին ուրախու(թ)ի(ւն) մեծ, հանդերձ ա(մենայ)ն նուագարանօք զաւուրս եւթն։

¹Եւ զհետ այսր ա(մենայ)նի ընտրեցին զնահապետս եւ զառաջնորդս տանց, եւ ազգաց, եւ ցեղից, ելանել յե(րուսաղէ)մ հանդերձ կանամբք իւրեանց, եւ որդւովք եւ դստերօք եւ ծառայիւք, եւ ա(մենայ)ն կահիւ եւ կազմածով իւրեանց։
²Եւ դարեհ առաքեաց ընդ ն(ո)ս(ա) ձիս հազար, մինչեւ երթեալ հասանիցեն յե(րուսաղէ)մ խաղաղու(թեամ)բ, եւ հանդերձ նուագարանօք՝ թմբկաւ եւ փողով,
³եւ պարու. եւ ա(մենայ)ն ուրախուբ արձակեաց զնոսա յե(րուսաղէ)մ։
⁴Եւ ա́յս են անուանք արանց որ ելին յե(րուսաղէ)մ, ըստ անուանց հարցն իւրեանց, ըստ ցեղս տոհմիցն իւրեանց։

⁵՛Ի քահանայիցն էին. որդիք փենեէսի որդւոյ ահարոնի, յեսու յովսեդեկեանց, եւ յովակիմ՝ որ եւ զորաբաբէլ սաղաթիելեանց, յազգէն դաւթայ ՛ի տոհմէն փարեսեանց, ՛ի ցեղէն յուդայ.
⁶որ եւ խօսեցաւ առաջի դարեհի արքայի զբանս իմաստու(թ)ե(ան)՝ յերկրորդ ամի թագաւորութե(ան) ն(ո)ր(ա), յամսեանն նիսան՝ յամսեանն առաջնում։
⁷Էին սոքա ամենեքեան հրէայք՝ որք արձակեալք ՛ի գերութ(են)էն ելին յե(րուսաղէ)մ, որք էին գերեալք ՛ի նաբուքոդոնոսորայ արքայէ բաբելոնի։ եւ ելեալք յե(րուսաղէ)մ
⁸բնակեցին ՛ի հրէաստանի յիւրաքանչիւր քաղաքս։ Եւ էին առաջնորդք ն(ո)ց(ա)՝ զորաբաբէլ, եւ յեսու յովսեդեկեանց։ Եւ էին յազգէ քահանայիցն՝ նեեմի, զարեհ, հռեսէ, անանիա, մուրդքէ. բեեղսար, ասփարաս, բորոէլ, հռուիբ, բաանա։

⁹Եւ ա́յս են թիւք նահապետաց ազգացն, եւ իշխանք ն(ո)ց(ա). Որդիք փորոսայ՝ երկու հազար հարիւր եւթանասուն եւ երկու։ Որդիք սափատայ՝ չորեքհարիւր եւթանասուն եւ երկու։
¹⁰Որդիք արեսայ՝ եւթնհարիւր եւթանասուն եւ վեց։
¹¹Որդիք նեփթաղեմի մովաբացւոյ, եւ որդւոց յեսուայ եւ հռովաբայ՝ երկուհազար ութհարիւր եւ երկոտասան։
¹²որդիք յեղամայ՝ երկուհազար երկերիւր յիսուն եւ չորս։ որդիք զատոնայ՝ իննհարիւր քառասուն եւ եւթն, որդիք բորքեայ՝ եւթնհարիւր յիսուն։ որդիք բանեայ՝ վեց հարիւր քառասուն եւ ութ։
¹³որդիք բերեայ՝ վեցհարիւր քսան եւ երեք. որդիք արգեայ՝ երեքհազար երեքհարիւր քսան եւ երկու։

¹⁴որդիք ադոնիկամայ, վեց հարիւր եւթանասուն եւ եւթն։ որդիք բոսորեայ՝ երկուհազար վեցհարիւր եւ վեց։ որդիք ոդինեայ՝ չորեքհարիւր յիսուն եւ չորս։
¹⁵որդիք ազերեզեկիայ՝ իննսուն եւ երկու։ որդիք իլանայ եւ զետայ՝ վաթսուն եւ եւթն. որդիք ազարայ, չորեքհարիւր երեսուն եւ երկու։
¹⁶որդիք գերդաղայ՝ վեցհարիւր երեսուն եւ երկու։ որդիք անանիայ՝ հարիւր քսան։ որդիք արոմայ՝ երեք հարիւր քսան եւ երեք։
¹⁷որդիք արսիփուրայ՝ հարիւր երկոտասան։ որդիք բետերայ՝ երեքհազար իննսուն եւ հինգ։ որդիք բեթղոմայ՝ հարիւր քսան եւ երեք։
¹⁸՛Ի նատոբայ՝ յիսուն եւ եւթն։ ՛ի նատթայ՝ հարիւր յիսուն եւ ութ։ ՛ի բեթասմովթայ՝ քառասուն եւ երկու։

¹⁹՛ի կարիաթարիմայ՝ քսան եւ հինգ։ ՛ի քափիրայ եւ թերոնայ՝ եւթնհարիւր քառասուն եւ ութ։ ՛ի քադիասեայ եւ ամիդիայ՝ չորեքհարիւր քսան եւ երկու։
²⁰՛ի կիմարայ եւ կաբեսայ՝ վեցհարիւր քսան եւ մի։ ՛ի մակաղովնայ՝ հարիւր քսան եւ երկու։
²¹՛Ի բետողիամայ՝ յիսուն եւ երկու։ որդիք նեփիսայ՝ հարիւր յիսուն եւ վեց։
²²որդիք կաղամողայ եւ ոնիայ՝ եւթն հարիւր քսան եւ հինգ։
²³որդիք յերեքոայ՝ երեքհարիւր քառասուն եւ հինդ։ որդիք սանասսայ՝ երեքհազար երեքհարիւր երեսուն եւ մի։ Եւ որդիք քահանայիցն։
²⁴որդիք յեդդուտայ՝ որդւոյ յիսուայ՝ իննհարիւր երեսուն եւ երկու։ որդիք եմմերայ՝ հազար յիսուն եւ երկու։

²⁵որդիք փասորայ՝ հազար երկերիւր քառասուն եւ հինգ։ որդիք քարմեայ՝ հազար եւթն եւ տասն։
²⁶Իսկ ղեւտացւոցն. որդի յիսուայ՝ մի. եւ կոդողիայ եւ բանեայ եւ սուդիայ՝ եւթանասուն եւ չորս։
²⁷Եւ որք էին յազգէ քահանայիցն սաղմոսասացք, որդիք ասափայ՝ հարիւր քառասուն եւ ութ։
²⁸Եւ դռնապանք, որդիք սաղոմեայ. որդիք ատերայ. որդիք տողմանեայ. որդիք գակուբեայ. որդիք ատերայ. որդիք սաբեայ, ամենեքեան հարիւր երեսուն եւ ինն։
²⁹Եւ ծառայք քահանայիցն, որդիք ասաիփայ. որդիք տաբազայ. որդիք կերայ. որդիք սուայ. որդիք փաղեայ. որդիք ղաբանեայ. որդիք ադաբեայ.

³⁰որդիք ակուդեայ. որդիք ուտայ. որդիք կեդաբայ. որդիք ագաբայ. որդիք սուբայիմայ. որդիք աստանայ. որդիք կաթուայ. որդիք գելլուրայ։
³¹որդիք յաբուայ. որդիք դեսանայ. որդիք նորայ. որդիք ասեբայ. որդիք գազերայ. որդիք ոքոզիայ. որդիք փանեայ որդիք ասասրայ. որդիք բասեայ. որդիք ասանայ. որդիք մաանայ. որդիք նափիսայ. որդիք ակումայ. որդիք աքիփայ. որդիք ասուրայ. որդիք փարակայ. որդիք փասաղովթայ։
³²որդիք դեդանայ. որդիք կութայ. որդիք քարեսայ. որդիք բարքուսայ. որդիք սէսարայ. որդիք թումայի. որդիք նասայ. որդիք ատեփայ։
³³Որդիք ծառայիցն սողոմոնի. որդիք սափփիովթայ. որդիք փարիդայ. որդիք յեեղայ. որդիք ղողոնայ. որդիք ստելայ. որդիք սափիայ։

³⁴որդիք ագիայ. որդիք փաքարեայ. որդիք սաբիայ. որդիք սարովթայ. որդիք մասսեայ. որդիք գասայայ. որդիք ադուսայ. որդիք սուբասայ. որդիք ափփերայ. որդիք բարովդեայ. որդիք սափատայ. որդիք ալլոնեայ։
³⁵Ամենայն ծառայք քահանայիցն, եւ ծառայք սողոմոնի՝ երեք հարիւր եւթանասուն եւ երկու։
³⁶Սոքա́ էին որ ելեալէին ՛ի բաբելոնէ, եւ թերմաղէթ, եւ թեղեսիաս իշխանք ն(ո)ց(ա). եւ քարաթաղան, եւ աղղաար։
³⁷Եւ զայլս եւս ո́չ կարաց թուել. ո́չ զհարս, եւ ո́չ զազգսն. որ էին յի(սրաէ)լէ. որդիք դաղանայ. որդիք տուբանայ. որդիք նեկոդանայ. վեց հարիւր յիսուն եւ երկու։

³⁸Եւ ՛ի քահանայիցն որք պաշտէին զքահանայու(թ)ի(ւն)ն՝ ո́չ գտան. որդիք նորդիայ. որդիք ակբոսեայ. որդիք յոգուսայ, որք առին իւրեանց կանայս ՛ի դստերացն բերզեղեայ.
³⁹եւ կոչեցան ըստ անուան ն(ո)ց(ա). եւ խնդրեալ զսոսա ո́չ գտին ՛ի գիրս ազգահամարին ՛ի տեղի վիճակի ն(ո)ց(ա)։ եւ իբրեւ ո́չ գտին յազգահամարին, ՛ի բա́ց որոշեցին զն(ո)ս(ա), եւ ո́չ մօտեցին ՛ի քահանայու(թ)ի(ւն)։
⁴⁰Եւ ասացին ցնոսա նէմիա, եւ ատթարիա, մի́ մերձենալ ՛ի սրբութի(ւն)սն՝ մինչեւ յարիցէ քահանայապետ որոյ զգեցեալ իցէ զյայտնութի(ւն)ն եւ զճշմարտու(թ)ի(ւն)ն։

⁴¹Եւ էին ա(մենայ)ն ի(սրա)էլ յերկոտասանամենից եւ ՛ի վեր, թո́ղ զծառայս եւ զաղախնայս. բեւրք չորք, եւ երեքհազար եւ երեքհարիւր վաթսուն։
⁴²ծառայք եւ աղախնայք ն(ո)ց(ա)՝ եւթն հազար երեքհարիւր երեսուն եւ հինգ։ Սաղմոսասացք եւ պաշտօնեայք՝ երկերիւր քառասուն եւ հինգ։
⁴³Ուղտք՝ չորեքհարիւր երեսուն եւ հինգ.ձիք՝ եւթն հազար քառասուն եւ վեց. եւ ջորիք՝ երկերիւր քառասուն եւ հինգ. էշք՝ հինգ հազար հինգ հարիւր քսան եւ հինգ։
⁴⁴Եւ իշխանք ըստ հայրապետացն իւրեանց եկեալ մտին ՛ի տեղի տաճարին ա(ստուծո)յ որ էր յե(րուսաղէ)մ. եւ եդեալ ուխտս զի կանգնեսցի տաճարն ՛ի տեղւոջ իւրում։ Եւ ը(ս)տ կարգի իւրեանց

⁴⁵արկանէին ՛ի գանձանակ տաճարին ՛ի նպաստաւորութի(ւն) գործոյն՝ ոսկի՝ հազար մնաս, եւ արծաթ՝ մնաս հինգ հազար, եւ պատմուճանս քահանայականս՝ հարիւր։
⁴⁶Եւ բնակեցին քահանայքն եւ ղեւտացիքն՝ եւ ժողովուրդքն յ(թ)ե(ան)մ, եւ ՛ի տեղիս նորա. եւ սաղմոսասաց պաշտօնեայքն, եւ դռնապանքն. եւ ա(մենայ)ն ի(սրա)էլ ՛ի գեօղս եւ յագարակս իւրեանց։
⁴⁷Եւ յարուցեալ յեւթներորդ ամսեանն ա(մենայ)ն որդիքն ի(սրաէ)լի, յիւրաքանչիւր տեղեաց ժողովեցան միաբան յընդարձակ տեղին՝ ՛ի դուռնն առաջին՝ ՛ի կողմնն արեւելից։

⁴⁸Եւ կարգեալ յեսու յովսեդեկեանց եւ եղբարք ն(ո)ր(ա), եւ ա(մենայ)ն բազմութի(ւն)ք քահանայիցն, եւ զորաբաբէլ սաղաթիելեանց եւ եղբարք նորա՝ պատրաստեցին սեղան տ(եառ)ն ա(ստուծո)յ ի(սրաէ)լի,
⁴⁹մատուցանե́լ ՛ի վ(ե)ր(այ) ն(ո)ր(ա) ողջակէզս՝ որպէս եւ գրեալ է ՛ի գիրս մովսիսի առնն ա(ստուծո)յ։
⁵⁰Եւ ժողովեցան նոքա՝ եւ որոշեցան յայլո́ց ՛ի հեթանոսաց երկրին. եւ ուղղեցին սեղան զոհարանաց ՛ի տեղւոջն իւրում։ եւ թէպէտ էին ն(ո)ց(ա) թշնամիք հեթանոսք՝ սակայն լինէին ն(ո)ց(ա) օգնականք ա(մենայ)ն ազգք երկրի, եւ բերէին նոքա ընծայս եւ պատարագս՝ ըստ ժամանակս ժամանակս, եւ ողջակէզս տ(եառ)ն ընդ առաւօտս եւ ը(ստ) երեկոյս։

⁵¹Եւ արարին զտօն տաղաւարահարացն, ո(ր)պ(էս) եւ գրեալ է յօրէնսն մովսիսի, եւ մատուցանէին զոհս զօրհանապազ՝ ո(ր)պ(էս) եւ հրամայեալ էր։
⁵²Եւ յետ այսորիկ մատուցանէին ողջակէզս ըստ ժամանակս ժամանակս, եւ զողջակէզս շաբաթուցն եւ զամսամտիցն. եւ զա(մենայ)ն սուրբ տօնս կարգէին եւ կատարէին,
⁵³եւ որ ինչ միանգամ ուխտս ուխտէին ա(ստուծո)յ. յամսամտէն եւթներորդ ամսոյն սկսան մատուցանել զողջակէզս տ(եառ)ն ա(ստուծո)յ։ եւ տաճարն տ(եառ)ն ա(ստուծո)յ ո́չեւս էր շինեալ։
⁵⁴Եւ ետուն գինս գաղատոսաց եւ հիւսանց, եւ կերակուրս ն(ո)ց(ա)։

⁵⁵նո́յնպէս եւ սիդոնացւոց եւ տիւրացւոց, զի բերցե́ն նոքա ՛ի լիբանանէ մայր փայտ։ եւ բերեալ նաւօք ՛ի նաւահանգիստն յոպպէ, որպէս եւ հրամայեաց եւ կարգեաց ն(ո)ց(ա) յառաջագոյն կիւրոս թագաւոր պարսից։
⁵⁶Եւ յամի երկրորդի ելիցն իւրեանց յե(րուսաղէ)մ, յամսեանն երկրորդում, սկսան շինել զտաճարն. զորաբաբէլ սաղաթիելեանց, եւ յեսու յովսեդեկեանց՝ եւ եղբարք ն(ո)ց(ա), եւ քահանայապետքն եւ ղեւտացիք. եւ ա(մենայ)ն որ ելեալէին ՛ի գերութ(են)էն յե(րուսաղէ)մ։
⁵⁷Եւ արկին հիմն տանն տ(եառ)ն ա(ստուծո)յ յամսամտի երկրորդ ամսեանն, յերկրորդի ամի ելիցն իւրեանց ՛ի հրէաստան եւ յե(րուսաղէ)մ։

⁵⁸եւ կարգեցին զղեւտացիսն ՛ի քսանամենից եւ ՛ի վեր ՛ի գործ սպասու տ(եառ)ն։ Եւ կարգեցան յեսու եւ որդիք եւ եղբարք ն(ո)ր(ա). եւ կադմեէլ եղբայր ն(ո)ր(ա). եւ որդիք յեբուհեմա բաբուն, եւ որդիք յովիդայ եղիադեանց, հանդերձ եղբարբք իւրեանց. ա(մենայ)ն ղեւտացիքն միաբանեալ գործէին զգործ տանն տ(եառ)ն։ եւ գաղատոսք շինօղք շինեցին զտունն տ(եառ)ն։
⁵⁹Եւ կարգեցան քահանայապետքն զգեցեալ զպճղնաւորն՝ հանդերձ նուագարանօք եւ փողովք։ եւ ղեւտացիքն որդիք ասափայ ունէին զծնծղայսն
⁶⁰հանդերձ երգովք սաղմոսէին եւ օրհնէին զա(ստուա)ծ. ո(ր)պ(էս) եւ կարգեաց զերգս նուագարանաց դաւիթ թագաւոր ի(սրաէ)լի։

⁶¹եւ մեծաձա́յն օրհնէին եւ գոհանային զտ(թեն)է ա(ստուծո)յ. վ(ա)ս(ն) զի բարերարու(թ)ի(ւն) ա(ստուծո)յ եւ փառք տաւիտեան են յա(մենայ)ն ի(սրաէ)լի։
⁶²եւ մեծաձայն ա(մենայ)ն ժողովուրդքն հարկանէին զփողս իւրեանց, եւ գոչէին ձայնիւ մեծաւ. եւ օրհնէին զտ(է)ր, որ կանգնեաց զտաճար իւր սուրբ։
⁶³Եւ եկին մտին քահանայապետք ղեւտացիք՝ որք էին գահերիցունք, եւ առաջնորդք ը(ս)տ նահապետու(թ)ե(ան) հարցն իւրեանց, որոց տեսեալէր զտաճարն յառաջ քան զայս շինուած։
⁶⁴Եւ մեծաւ ձայնիւ, եւ լալով, եւ բազում փողովք եւ ուրախու(թեամ)բ մեծաւ՝
⁶⁵մինչեւ չլսէին բազմութի(ւն)ն զձայն փողոցն ՛ի ձայնէ լալոյ ժողովրդեանն. զի թէպէտ էին բազումք որ հարկանէին զփողսն, որ երթայր ձայնն եւ ՛ի հեռաւո́ր տեղիսն։

⁶⁶Եւ լուան զձայնն թշնամիք ազգին յուդայ՝ եւ բենիամինի, եւ եկին ՛ի տեսանել եւ գիտե́լ թէ զի́նչ իցէ ձայն փողոցն։
⁶⁷եւ գիտացին՝ թէ ելեալքն ՛ի բաբելոնէ ՛ի գերու(թեն)էն են որ շինեն զտաճարն տ(եառ)ն ա(ստուծո)յ ի(սրաէ)լի։
⁶⁸եւ մատուցեալ առ զորաբաբէլ, եւ յեսու յովսեդեկեանց, եւ առ ա́յլ իշխանս հայրապետացն, եւ ասեն ցն(ո)ս(ա). շինեսցո́ւք եւ մեք ը(ստ) ձեզ զտաճարն տ(եառ)ն։
⁶⁹եւ ո(ր)պ(էս) դուք՝ նոյնպէս եւ մե́ք լուարո́ւք տ(եառ)ն ա(ստուծո)յ ձերում. քանզի եւ մեք էաք ցանկացեալք ելից ձերոց, յօրէ յայնմանէ յորմէ գերեաց սաղմանասար թագաւորն ասորեստանեայց, եւ ած բնակեցո́յց զմեզ աստ։

⁷⁰Եւ ասեն ցն(ո)ս(ա) զորաբաբէլ, եւ յեսու յովսեդեկեանց, եւ այլ իշխանք հայրապետացն ի(սրաէ)լի. ո́չ է մեզ եւ ձեզ արժան շինել զտուն տ(եառ)ն ա(ստուծո)յ մերոյ.
⁷¹մե́ք միայն շինեսցուք զտաճարն տ(եառ)ն ա(ստուծո)յ, ո(ր)պ(էս) եւ հրամայեաց մեզ կիւրոս թագաւոր պարսից։
⁷²Քանզի ա́յս ազգք էին որ հաղո́րդ էին ը(ստ) թշնամիս յուդայ, որք արգելուին ՛ի շինելոյ
⁷³՛ի ժամանակս կիւրոսի թագաւորի. զի հրամայեաց նա շինել զտաճարն ՛ի կենդանութե(ան) իւրում. եւ յետ մահուան ն(ո)ր(ա) արգելին ամս երկոտասան՝ մինչեւ յերկրորդ ամն դարեհի։

¹Եւ յերկրորդ ամի դարեհի արքայի մարգարէանային անգէ եւ զաքարիա, եւ մարգարէանային ՛ի հրէաստանի եւ յե(րուսաղէ)մ յանուն տ(եառ)ն ա(ստուծո)յ ի(սրաէ)լի։
²Յայնժամ զորաբաբէլ սաղաթիելանց, եւ յեսու յովսեդեկեանց. սկասան շինել զտաճարն տ(եառ)ն յե(րուսաղէ)մ, հանդերձ մարգարէիւքն տ(եառ)ն որ օգնէին ն(ո)ց(ա)։
³՛Ի նմին ժամանակի եկին առ ն(ո)ս(ա), սիսին իշխանք կողմանցն ասորւոց եւ փիւնիկեցւոց, եւ սաթրաբուզան, եւ այլ ընկերք ն(ո)ց(ա).
⁴եւ ասեն ցն(ո)ս(ա). ո՞յր հրամանաւ շինէք զտաճարդ զայդ՝ եւ զսրահս դորա. եւ կամ ո՞ այնոքիկ իցեն որք կամիցին զդա շինել՝ եւ կատարել։

⁵Եւ եղեւ շնո́րհ այցելութե(ան) ՛ի տ(թեն)է ՛ի վ(ե)ր(այ) քահանայիցն եւ հրէաստանեայցն.
⁶եւ ո́չ արգելին զն(ո)ս(ա) ՛ի շինելոյ, մինչեւ գրեսցեն առ դարեհ թագաւոր, եւ առցեն հրամա́ն ՛ի նմանէ։ Թուղթն զոր գրեցին՝ եւ առաքեցին առ դարեհ արքայ։
⁷Սիսին՝ իշխան ասորւոց եւ փիւնիկեցւոց, եւ սաթրաբուզան, եւ որք ընդ ն(ո)ս(ա)՝ ասորւոց եւ փիւնիկեցւոց գործակալք եւ գլխաւորք՝ թագաւորի դարեհի ողջո́յն։
⁸Գիտո́ւն լիցի քեզ տէ́ր մեր թագաւոր. քանզի երթեալ հասաք մեք յերկիրն հրեաստանի, եւ մտաք ՛ի քաղաքն ե(րուսաղ)էմ, եւ գտաք անդ զելեալսն ՛ի գերու(թեն)է, եւ զքահանայապետս ն(ո)ց(ա) ՛ի քաղաքին ե(րուսաղ)էմ. եւ տեսաք զի շինէին զտաճարն տ(եառ)ն մեծ,

⁹եւ նորասքանչ՝ քարամբք կոփածոյիւք եւ մեծամեծօք, եւ փայտեայ պահանգս կապէին ՛ի մէջ որմոյն։
¹⁰եւ էր գործն մեծաւ փութով եւ յաջողութ(եամ)բ ՛ի ձեռս ն(ո)ց(ա). եւ մեծապէ́ս փառօք կամին վաղվաղակի կատարել զնա։
¹¹Եւ յայնժամ մեր հարցեալ ցծերսն ասեմք. ո՞յր հրամանաւ շինէք զտունդ զայդ, եւ կամ ո՞յր բանիւ արկէք հիմունս դորա։
¹²եւ հարցեալ ցն(ո)ս(ա)՝ զի տացուք գիտել քեզ, եւ ցուցցո́ւք քեզ զարսն զառաջնորդս ն(ո)ց(ա), եւ գրեսցուք զանուանս ն(ո)ց(ա)՝ որք իցեն իշխանք գործոյ ն(ո)ց(ա)։
¹³Եւ ն(ո)ց(ա) պատասխանի տուեալ ասեն ցմեզ. մեք՝ ե́մք ծառայք տ(եառ)ն ա(ստուծո)յ որ արար զերկինս եւ զերկիր։

¹⁴եւ էր շինեալ զտաճարս զայս յառաջ քան զբազում ամս ՛ի ձեռն մեծ եւ զօրաւոր թագաւորին ի(սրաէ)լի։
¹⁵եւ յորժամ հարքն մեր դառնացուցին՝ եւ մեղան առ տ(է)ր ա(ստուա)ծ ի(սրաէ)լի որ արար զերկինս եւ զերկիր, մատնեաց զն(ո)ս(ա) ՛ի ձեռս նաբուքոդոնոսորայ արքայի բաբելացւոց, որ էր թագաւոր քաղդեացւոց։
¹⁷Յառաջնում ամի թագաւորու(թ)ե(ա)ն կիւրոսի ՛ի բաբելոն, գրեաց արքայ կիւրոս, եւ հրամայեաց շինե́լ զտաճարս զայս.
¹⁸եւ զա(մենայ)ն կահ եւ սպաս տաճարին զոսկեղէն եւ զարծաթեղէն՝ զոր ա́ռ նաբուքոդոնոսոր արքայ ՛ի տաճարէն տ(եառ)ն յե(րուսաղէ)մէ, եւ ետ ՛ի պահեստ ՛ի տան կռոց իւրոց. դարձեալ կիւրոս ա́ռ ՛ի տանէ կռոցն բաբելացւոց, եւ ետ ցզորաբաբէլ եւ ցսամանասար.

¹⁹եւ հրամայեաց ն(ո)ց(ա) բերել եւ դնել զկահս եւ զսպասս ՛ի տաճարին տ(եառ)ն յ(թ)ե(ան)մ. եւ զտաճարս զայս տ(եառ)ն հրամայեաց շինել ՛ի տեղւոջ իւրում։
²⁰յայնժամ սամանասար ելեալ յե(րուսաղէ)մ, արկ հիմունս տաճարիս այսորիկ. եւ յա́յնմ ժամանակաց հետէ մինչեւ ցա́յժմ շինեմք. եւ դեռեւս ո́չ է կատարեալ։
²¹Արդ այժմ տէր մեր եւ թագաւոր դարեհ. խնդի́ր արա եւ տե́ս ՛ի տուն մատենագրաց, ուր կա́ն գիրք յիշատակարանաց ՛ի պահեստ թագաւորի կիւրոսի։

²²եւ եթէ գտցի հրամանա՞ւ թագաւորի կիւրոսի, եւ բանի՞ւ ն(ո)ր(ա) շինիցեն զտուն տ(եառ)ն յ(թ)ե(ան)մ. եւ հասեալ ՛ի վ(ե)ր(այ) հրամանացն կիւրոսի թագաւորի՝ առ մեզ տեղեկութ(իւն)ի́ տացես վ(ա)ս(ն) իրացս այսր ա(մենայ)նի։
²³Յայնմ ժամանակի թագաւորն դարեհ հրամայեաց խնդիր առնել ՛ի տունս մատենագրաց թագաւորացն, որ կային ՛ի բաբելոնի. եւ գտաւ ՛ի բատանբարիտենի, ՛ի մարաց աշխարհին, ՛ի տեղւոջ ուր կային գիրք յիշատակարանաց։ ուր էր գրեալ ա́յսպէս։
²⁴Յամին առաջնում թագաւորութե(ա)ն կիւրոսի արքայ կիւրոս հրամայեաց շինե́լ զտունն տ(եառ)ն յե(րուսաղէ)մ, ուր մատուցանեն զոհս յայտնու(թեամ)բ ՛ի ձեռն հրոյ։

²⁵Եւ հրամայեաց զա́յս չափ օրինակ շինել. զբարձրու(թ)ի(ւն)ն կանգունս վաթսուն, եւ լայնութի(ւն) կանգունս վաթսուն. եւ դնել կարգս երիս քարակոփս, եւ կարգ մի ՛ի փայտէ նորոյ. եւ զծախսն հրամայեալէր յարքունուստ տալ։
²⁶Եւ զկահ սպասու տանն տ(եառ)ն՝ զոսկեղէնս եւ զարծաթեղէնս զոր բերեալէր նաբուքոդոնոսորայ ՛ի բաբելոն ՛ի տաճարէն տ(եառ)ն որ էր յե(րուսաղէ)մ, հրամայեաց տանել կիւրոս թագաւոր ՛ի տուն տ(եառ)ն որ էր յե(րուսաղէ)մ, զի դիցեն անդ՝ ո(ր)պ(էս) եւ է́ր յառաջագոյն։

²⁷Եւ յաւե́լ եւս յայս հրաման՝ դարեհ արքայ, եւ ասէ. սիսին՝ իշխա́ն ա(մենայ)ն ասորւոց եւ փիւնիկեցւոց, եւ սաթրաբուզան՝ եւ այլ ընկերք ձեր որ կարգեալ են ՛ի գործակալութի(ւն) ասորւոց եւ փիւնիկեցւոց. ՛ի բա́ց կացէք ՛ի տեղւոյդ յայդմանէ. եւ մի́ մերձենայք ՛ի ծառայդ տ(եառ)ն զորաբաբէլ, որ է իշխան հրէից. եւ մի ՛ի քահանայապետս հրէից, որք միանգամ շինեն զտունն տ(եառ)ն ՛ի տեղւոջ իւրում։
²⁸Եւ ե́ս հրամայեցի, զի ամենեւին բովանդա́կ շինեսցի. եւ եղէ́ց օգնական հրէիցդ որք ելինյե(րուսաղէ)մ, մինչեւ կատարեսցեն զտաճարդ տ(եառ)ն ա(ստուծո)յ իւրեանց։

²⁹Եւ ՛ի հարկաց կողմանցդ ասորւոց եւ փիւնիկեցւոց՝ պատուիրանաւ հրամայեցի, զի տացե́ն արանց այդոցիկ ՛ի նպաստութի(ւն) զոհից տ(եառ)ն. եւ առցէ զորաբաբէլ իշխան՝ զուարակս եւ խոյս եւ գառինս.
³⁰ը(ս)տ նմին օրինակի եւ ցորեան, եւ աղ, եւ գինի, եւ ձէթ. եւ եղիցի այդ ա(մենայ)ն կարգեալ ամ ըստ ամէ, որչափ եւ ժամանակս քահանայքն յե(րուսաղէ)մ հրամայեսցեն ՛ի ծախս տ(եառ)ն. օրըստօրէ անխափան տացեն։
³¹զի մատուսցեն պատարագս տ(եառ)ն ա(ստուծո)յ բարձրելոյ՝ վասն թագաւորին եւ զօրաց ն(ո)ր(ա), եւ արասցեն աղօթս վ(ա)ս(ն) կենաց թագաւորին։

³²Եւ հրամայեցի, եթէ ոք հեղգասցի եւ կամ անցցէ զհրամանաւ իմով զոր գրեցի՝ պատժեսցի. եւ տուժեսցի զա(մենայ)ն յիւրմէ. եւ կախեսցի, եւ խոշտանգեսցի. եւ զա(մենայ)ն ստացուածս ն(ո)ր(ա) յարքունի́ս առցեն։
³³վ(ա)ս(ն) զի ուր անուանեցաւ անուն տ(եառ)ն, ա́նդ հրամայեալ է զա(մենայ)ն դարմանս թագաւորու(թ)ե(ա)ն եւ ազգաց. եւ նա իշխեաց ձեռնարկել եւ արգելուլ՝ եւ խորհեցաւ չա́ր վ(ա)ս(ն) տաճարին տ(եառ)ն որ յե(րուսաղէ)մ։
³⁴Ե́ս թագաւոր դարեհ, մեծա́ւ զգուշութ(եամ)բ հրամայեցի լինել՝ եւ կատարե́լ այսմ ամենայնի։

¹Յայնժամ սիսին մեծ իշխան, որ էր կողմանցն ասորւոց եւ փիւնիկեցւոց, եւ սաթրաբուզան, եւ ա́յլ ընկերք ն(ո)ց(ա), որ արգելուին զգործ տաճարին. յորժամ առին զհրամանն ՛ի դարեհէ թագաւորէ,
²սկսան վերակացու լինել՝ եւ հո́գ տանել գործոյն. եւ եղեն գործակիցք ծերոցն հրէից, եւ քահանայապետից։
³եւ յաջողէր գործ տաճարին. քանզի մարգարէանային անգէ́ եւ զաքարիա։
⁴Եւ կատարեցաւ տաճարն ը(ս)տ հրամանի տ(եառ)ն ա(ստուծո)յ ի(սրաէ)լի, եւ ը(ս)տ հրամանի կամաց կիւրոսի եւ դարեհի։ Յամին վեցերորդի դարեհի թագաւորի,
⁵կատարեցաւ տաճարն սուրբ ՛ի քսաներորդ ամսոյն ադար։ ՛ի վեցերորդ ամի թագաւորու(թ)ե(ա)ն դարեհի։

⁶Եւ արարին որդիքն ի(սրաէ)լի՝ եւ քահանայք՝ եւ ղեւտացիք, եւ ա(մենայ)ն ելեալքն ՛ի գերու(թեն)է, ո(ր)պ(էս) կարգեալ եւ հրամայեալ էր ՛ի գիրս օրինացն մովսիսի։
⁷Եւ մատուցին զնաւակատիս տանն տ(եառ)ն. զուարակս հարիւր, խոյս երկերիւր, գառինս չորեքհարիւր,
⁸եւ ամիկս վ(ա)ս(ն) մեղաց ա(մենայ)ն ի(սրաէ)լի երկոտասան. ըստ թուոյ ցեղից իշխանացն ի(սրաէ)լի։
⁹Եւ կարգեցան քահանայքն եւ ղեւտացիքն ըստ ազգացն, զգեցեալք զպճղնաւորն առաջի տ(եառ)ն ա(ստուծո)յ ի(սրաէ)լի, ըստ հրամանացն ՛ի գիրսն մովսիսի։ եւ դռնապանքն ըստ իւրաքանչի́ւր դրանցն։

¹⁰Եւ արարին որդիքն ի(սրաէ)լի որք ելեալ էին ՛ի գերութ(են)է՝ զզատիկն տ(եառ)ն ՛ի չորեքտասաներորդի աւուր ամսեանն առաջնոյ. քանզի սրբեցան քահանայքն եւ ղեւտացիք միանգամայն.
¹¹եւ ա(մենայ)ն որ ելեալքն էին ՛ի գերութ(են)է։ եւ եղեալք սուրբք ղեւտացիքն,
¹²զենին զզատիկն տ(եառ)ն ա(մենայ)ն որդւոցն ի(սրաէ)լի որք ելեալ էին ՛ի գերութ(են)է՝ եւ եղբարց իւրեանց, եւ ինքեանց՝ եւ քահանայիցն։
¹³Եւ կերան որդիքն ի(սրաէ)լի որք ելեալ էին ՛ի գերութ(են)էն, ամենեքին որք որոշեցան ՛ի պղծու(թ)ե(ան)ցն հեթանոսաց, եւ որ խնդրեցին զտ(է)ր ա(ստուա)ծ։
¹⁴Եւ արարին զզատիկն բաղարջակերաց զեւթն օր. եւ լինէին ուրախ առաջի տ(եառ)ն.

¹⁵վ(ա)ս(ն) զի դարձո́յց տ(է)ր զխորհուրդ թագաւորին ասորւոց ՛ի ն(ո)ս(ա). եւ զօրացո́յց զձեռն ն(ո)ց(ա) ՛ի գործ տ(եառ)ն ա(ստուծո)յ ի(սրաէ)լի։

¹Եւ յորժամ եղեւ եւ կատարեցա́ւ այս ամ։
²որ ՛ի յադուկայ, որ ՛ի յաքիտովբայ, որ ՛ի յամարէթայ, որ ՛ի յաղեկայ, որ ՛ի մարերովթայ, որ ՛ի զարեայ, որ ՛ի սեուիայ, որ ՛ի բովկեայ, որ ՛ի յաբասեայ, որ ՛ի փենեեսէ, որ յեղիազարայ, որ յահարոնէ առաջին քահանայէ։
³Ա́յս եզր որ ել ՛ի բաբելոնէ. որ է գրիչ յաջողակ օրինաց մովսիսի տուելոց յա(ստուծո)յ ի(սրաէ)լի։
⁴Եւ ետ նմա թագաւորն մեծ փառս. եւ գտեալ շնորհս առաջի ն(ո)ր(ա) փառաւորեաց զնա մեծաւ պատուով։
⁵Եւ ելին ընդ նմա յորդւոցն ի(սրաէ)լի, եւ ՛ի քահանայիցն, եւ ՛ի ղեւտացւոց, եւ ՛ի պաշտօնէիցն փսալտաց, եւ ՛ի դռնապանաց, եւ ՛ի ծառայից քահանայիցն յե(րուսաղէ)մ։

⁶Յամի եւթներորդի թագաւորութե(ա)ն արտաշեսի արքայի, յամսեանն հինգերորդի, որ էր ամ եւթներորդ թագաւորին. ելեալ ՛ի բաբելոնէ յամսամտին առաջնոյ ամսեանն, եւ յամսամտի հինգերորդ ամսեանն
⁷եմուտ յե(րուսաղէ)մ. ո(ր)պ(էս) եւ յաջողեաց նմա տ(է)ր զճանապարհն։
⁸Քանզի լցեալ էր եզր ա(մենայ)ն իմաստութ(եամ)բ, եւ ո́չ ինչ պակա́ս էր ՛ի նմանէ յա(մենայ)ն ՛ի պատուիրանացն տ(եառ)ն. եւ ըստ օրինացն տ(եառ)ն ուսուցանէր ի(սրաէ)լի զա(մենայ)ն դատաստանս եւ զիրաւունս։
⁹Եհա́ս գիր հրամանի արտաշիսի թագաւորի առ եզր քահանայ եւ պատմիչ օրինացն տ(եառ)ն. եւ էր գրեալ զա́յս օրինակ։
¹⁰Թագաւո́ր արտաշէս՝ եզրի քահանայի՝ եւ պատմչի օրինացն տ(եառ)ն ողջոյն։

¹¹Ա(մենայ)ն մարդասէր կամօք կշռելով իմ. հրամայեցի ա(մենայ)ն ազգաց հրէաստանի, որ կամիցին ելանել յե(րուսաղէ)մ. եւ քահանայապետիցն եւ ղեւտացւոց, համարձակու(թ)ի(ւն) լիցի ընդ քե́զ երթալ յե(րուսաղէ)մ։
¹²եւ ո(ր)պ(էս) փափաքեն ցանկութ(եամ)բ հասանել ՛ի հրէաստան՝ եւ յե(րուսաղէ)մ. հրամայեցաք ե́ս՝ եւ եւթն խորհրդակիցք իմ.
¹³զի երթեալ՝ ըստ օրինացն կատարեսցեն զա(մենայ)ն,
¹⁴եւ մատուսցեն զպատարագս տ(եառ)ն ա(ստուծո)յ ի(սրաէ)լի. ո(ր)պ(էս) ուխտեցաք ե́ս եւ սիրելիք իմ յե(րուսաղէ)մ. եւ զա(մենայ)ն ոսկի եւ արծաթ՝ որչափ եւ գտցի յերկրիս բաբելացւոց, տ(եառ)ն ա(ստուծո)յ մատուսցեն պատարագս յե(րուսաղէ)մ։

¹⁵Եւ առեալ նպաստաւորութի(ւն) յերկրէս բաբելացւոց քահանայից տ(եառ)ն ա(ստուծո)յ տարցին յե(րուսաղէ)մ, ոսկի եւ արծաթ, եւ զուարակս, խոյս եւ գառինս, եւ զայլ ա(մենայ)ն զոհս նուիրացն
¹⁶մատուսցեն ՛ի սեղան տ(եառ)ն ա(ստուծո)յ յե(րուսաղէ)մ։
¹⁷Եւ զա(մենայ)ն ինչ՝ որպէս եւ կամիցիս հանդերձ եղբարբքդ քովք՝ արասցե́ս, վ(ա)ս(ն) ոսկւոյ եւ արծաթոյ հարկացն ըստ կամաց՝ տ(եառ)ն ա(ստուծո)յ քոյ կատարեսջիր։
¹⁸եւ զքահանայական զկահ, եւ զսպասն տ(եառ)ն տարեալ յե(րուսաղէ)մ
¹⁹արասջի́ր ըստ պիտոյից տաճարին տ(եառ)ն ա(ստուծո)յ. եւ եդեալ զա(մենայ)ն առաջի տ(եառ)ն ա(ստուծո)յ քոյ յե(րուսաղէ)մ.

²⁰եւ զա́յլ եւս աւելորդս եւ մնացուածս որինչ եւ իցեն ՛ի պէտս տաճարին, դիցեն զայն ՛ի տունս գանձից թագաւորաց։
²¹Եւ ե́ս արտաշէս թագաւոր հրամայեցի գանձաւորաց որ են յասորեստանի, եւ ՛ի կողմանս քանանացւոց, որչափ եւ կամեսցի́ առնուլ եզր քահանայ եւ պատմիչ օրինաց տ(եառ)ն ա(ստուծո)յ բարձրելոյ, անխափան տաջիք նմա արծաթ՝ տաղանտս հարիւր. ըստ նմին օրինակի
²²եւ ցորեան քոռս հարիւր, եւ գինի եւ ձէթ՝ նո́յնչափ։
²³եւ զա(մենայ)ն ըստ օրինացն առեալ կատարեսցեն տ(եառ)ն ա(ստուծո)յ բարձրելոյ. զի մի́ լիցի ցասումն յա(ստուծո)յ ՛ի վ(ե)ր(այ) թագաւորութե(ան) իմոյ՝ եւ որդւոյ իմոյ։

²⁴Եւ հրամայեալ վ(ա)ս(ն) ձեր քահանայիցդ եւ ղեւտացւոց, եւ սաղմոսասաց պաշտօնէիցդ, եւ դռնապանաց, եւ ծառայից քահանայից, եւ սպասաւորաց տան տ(եառ)ն.
²⁵մի́ զհարկս ինչ՝ եւ մի́ զայլ ինչ՝ ոք ամենեւին իշխեսցէ ՛ի դոցանէ պահանջել։
²⁶Եւ դու՝ եզր, ըստ իմաստութե(ան) քում որ տուեալ է քեզ յա(ստուծո)յ, կացո́ վերակացուս եւ դատաւորս, որք դատեսցին զկողմանս ասորւոց եւ փիւնիկեցւոց. ամենեքեան որոց ուսեալիցէ զօրէնս տ(եառ)ն ա(ստուծո)յ քո։

²⁷եւ որ ո́չն գիտիցեն՝ ուսուսջի́ր. եւ ամենեքեան որ անցանիցեն զօրինօքն տ(եառ)ն ա(ստուծո)յ քոյ, եւ զօրինօք մեր թագաւորաց. տուեալ քեզ իշխանու(թ)ի(ւն) պատուհասե́լ եւ խոշտանգել. եւ եթէ մահապարտ իցեն՝ սպանանե́լ, կամ թէ պատուհասի արժանի՝ պատուհասել՝ եւ տուգա́նս պահանջել։
²⁸Եւ ասէ եզր գրիչ օրինացն տ(եառ)ն. Օրհնեալէ տ(է)ր ա(ստուա)ծ հարցն մերոց, որ ե́տ զայս ա(մենայ)ն ՛ի սիրտս թագաւորի փառաւորե́լ զտաճարն տ(եառ)ն որ յե(րուսաղէ)մ։
²⁹եւ զիս մեծապէ́ս պատուեաց առաջի թագաւորին, եւ առաջի ա(մենայ)ն խորհրդականաց ն(ո)ր(ա), եւ սիրելեաց՝ եւ ա(մենայ)ն մեծամեծաց ն(ո)ր(ա).

³⁰եւ եղէ ես զուարճացեալ յոյժ օգնութ(եամ)բք տ(եառ)ն ա(ստուծո)յ իմոյ։ Եւ ժողովեաց զա(մենայ)ն արս ի(սրաէ)լի որք ելեալ էին ընդ նմա յե(րուսաղէ)մ։
³¹Եւ ա́յս են իշխանք ըստ նահապետու(թ)ե(ան) հարցն իւրեանց. եւ ըստ բաժնից ցեղիցն իւրեանց որք ելին ընդ եզրի ՛ի բաբելոնէ, ՛ի թագաւորութե(ա)ն արտաշիսի արքայի։
³²Յորդւոցն փեենեէսի՝ գերսոն. յորդւոցն իթամարայ՝ գամայէլ. յորդւոցն դաւթայ՝ փարէս։
³³յորդւոցն փորոսեայ՝ զաքարիաս, եւ որք ընդ նմա էին գերեալ արք հարիւր յիսուն։
³⁴Յորդւոցն փաաթ՝ մովաբ, եղիա, ովնիաս, զարեա, եւ ընդ նմա արք երկերիւր։

³⁵յորդւոցն զաթսեսայ՝ յեզոնիաս, յեթեղեայ, եւ ընդ նմա արք երեքհարիւր։
³⁶Յորդւոցն ադինոբայ՝ յովնաթանու, եւ ընդ նմա արք երեքհարիւր յիսուն. յորդւոցն եղամեսեայ՝ գոդողիա, եւ ընդ նմա արք եւթանասուն։
³⁷յորդւոցն սափատիայ՝ զաքարիաս միքայելեանց, եւ ընդ նմա արք եւթանասուն։
³⁸Յորդւոցն յովաբայ՝ աբադիսեր եզելեանց, եւ ընդ նմա արք երկերիւր եւ երկոտասան։
³⁹յորդւոցն բանեայ՝ ասաղիմովթ յովսափեանց, եւ ընդ նմա արք հարիւր վաթսուն։
⁴⁰Յորդւոցն բէերայ՝ զաքարիայ բերեայ, եւ ը(ստ) նմա արք քսան եւ ութ։
⁴¹յորդւոցն աստաթայ՝ յովհանէս կատանայ, եւ ը(ստ) նմա արք հարիւր տասն։

⁴²Յորդւոցն ադոնիկամայ՝ էսփատայ։ եւ այս անուանք ն(ո)ց(ա). եղիփաղատ, գեւուէլ, սամեաս, եւ ընդ ն(ո)ս(ա) արք եւթանասուն։ յորդւոցն բանեայ ութիաստաւկ ուրեանց, եւ ընդ նմա արք եւթանասուն։
⁴³Եւ ժողովեալ զնոսա յեզր գետոյն, որ անուանի թերա՝ եւ արարեալ օթեւանս անդ աւուրս երիս. եւ արարեալ համար ամենեցուն.
⁴⁴յորդւոցն քահանայից, եւ յորդւոցն ղեւտացւոց՝ ո́չ ոք գտաւ առ ն(ո)ս(ա)։
⁴⁵Եւ առաքեցի առ եղիազար. եւ եկին առ իս սամեաս, եւ որիբոն, եւ նաթան, եննատան, զաքարիա, եւ մոսողաբոն։ ա́յս իշխանքն եւ վարդապետք օրինացն։
⁴⁶Եւ ասացի ցնոսա երթալ առ ղոդէոն իշխան գանձաւորացն.

⁴⁷եւ պատուիրեցի ն(ո)ց(ա) ասել ցղոդէոն, եւ ցեղբարս նորա, եւ որ միանգամ ե́ն ՛ի տեղւոջ գանձաւորացն, առաքել առ մեզ ՛ի քահանայիցն տանն տ(եառ)ն։
⁴⁸Եւ ածին առ մեզ արք որ էին զօրաւո́րք ը(ս)տ բանի տ(եառ)ն. եւ գիտո́ւնք յօրէնս տ(եառ)ն։ որդւոցն մոողեայ, որ ՛ի ղեւեայն, եւ յի(սրաէ)լէ, ասերեւան, եւ զորդիս նորա եւ զեղբարս ութեւտասն։
⁴⁹եւ ասեբիան, եւ անունոն, եւ ոսետան եղբայր։ յորդւոցն քանունեայ՝ եւ որդիք ն(ո)ր(ա) արք քսան։
⁵⁰եւ ՛ի ծառայից քահանայիցն զորս ե́տ դաւիթ իշխան ՛ի գո́րծ սպասաւորու(թ)ե(ան) ղեւտացւոց, որոց գրեցան անուանք նշանաւորացն քսան։

⁵¹Եւ քարոզեցաք անդ պա́հս, եւ մատուցաք աղօ́թս առաջի տ(եառ)ն ա(ստուծո)յ մերոյ, խնդրե́լ դիւրութի(ւն) եւ յաջողութի(ւն), մե́զ եւ որդւոց մերոց. եւ ա(մենայ)ն ինչ որ ընդ մե́զ էր.
⁵²վ(ա)ս(ն) զի ծանրութի(ւն) համարեցաք խնդրել ՛ի թագաւորէն հետեւակս եւ հեծեալս յուղարկաւորս ընդ մեզ վ(ա)ս(ն) զգուշու(թ)ե(ան) այնոցիկ որք ը(ստ)դիմանային մեզ.
⁵³քանզի ասացաք ցթագաւորն այսպէս, թէ զօրութի(ւն) տ(եառ)ն ա(ստուծո)յ մերո́յ է ընդ մեզ, եւ ը(ստ) ամենեսեան ոյք խնդրեն զնա։
⁵⁴Եւ վ(ա)ս(ն) ա́յսր ա(մենայ)նի քարոզեալ պահս եւ խնդրուածս, զի տ(է)ր պահեսցէ զմեզ, եւ յաջողեսցէ մեզ ՛ի ճանապարհս խաղաղութե(ան)։

⁵⁵Եւ որոշեցաք զգլխաւորս ցեղից քահանայիցն՝ արս երկոտասան, եւ զեսեբիան, եւ զասամիան, եւ ը(ստ) ն(ո)ս(ա) յեղբարց ն(ո)ց(ա) արս տասն։
⁵⁶Եւ կշռեցաք եւ տուաք ցն(ո)ս(ա) զարծաթ եւ զոսկի, եւ զսպաս քահանայու(թ)ե(ան) կահու տանն տ(եառ)ն՝ զոր պարգեւեաց մեզ թագաւորն եւ խորհրդակիցք ն(ո)ր(ա), եւ իշխանք՝ եւ ա(մենայ)ն ի(սրա)էլ։
⁵⁷եւ կշռեալ ետու ցն(ո)ս(ա) արծաթ՝ տաղանտս վեցհարիւր յիսուն. եւ սպաս արծաթոյ հարիւր տաղանտ. եւ ոսկւոյ տաղանտս հարիւր.
⁵⁸եւ այլ կահ ոսկւոյ քսան. եւ կահ պղնձոյ սուրբ եւ մաքուր ոսկեգոյն՝ երկոտասան։

⁵⁹Եւ ասացի ցն(ո)ս(ա). եւ դուք սրբեալք տ(եառ)ն էք, եւ ա(մենայ)ն սպասդ սուրբ՝ տ(եառ)ն է, եւ ոսկեղէնք եւ արծաթեղէնք. աղօ́թս արարէք առ տ(է)ր. եւ տ(է)ր ա(ստուա)ծ հարցն մերոց պահեսցէ եւ հասուսցէ խաղաղու(թեամ)բ ՛ի տեղի սրբութե(ան) իւրոյ։
⁶⁰Արթո́ւն կացէք եւ պահեցէ́ք, մինչեւ հասուցեալ տարջիք զդոսա ցգլխաւորս քահանայիցն եւ ղեւտացւոց՝ եւ ցիշխանս հայրապետաց ի(սրաէ)լի որ ն յե(րուսաղէ)մ։
⁶¹զոր առեալ պահապանաց տաճարին տ(եառ)ն, եւ քահանայապետիցն եւ ղեւտացւոց զարծաթ եւ զոսկի, եւ զկահ սպասուդ՝ տարցին ՛ի տաճարն տ(եառ)ն որ է յե(րուսաղէ)մ։

⁶²Եւ յարուցեալ չուեցաք ՛ի գետոյն թերայ, որ օր երկոտասան էր ամսոյն առաջնոյ, եւ եկաք հասաք յե(րուսաղէ)մ. պահպանեալք բարձրացեալ եւ զօրացեալ ձեռամբ տ(եառ)ն։ եւ փրկեաց զմեզ տ(է)ր ա(ստուա)ծ մեր յա(մենայ)ն թշնամեաց մերոց. եւ հասաք ողջամբ եւ խաղաղու(թեամ)բ յե(րուսաղէ)մ։
⁶³Եւ յորժամ հանգեաք աւուրս երիս յե(րուսաղէ)մ, յաւուրն չորրորդի կշռեալ տուաք զարծաթն եւ զոսկի ՛ի տուն տ(եառ)ն ա(ստուծո)յ մերոյ ցքահանայն մարմոթի ուրեանց, եւ որ ընդ նմա էին,
⁶⁴եղիազար փենեէսեանց, եւ յովսաբդոս յեսովեան, եւ մեթոր սաբանեան. եւ ա́յլ ղեւտացիք՝ ցորս տուաք կշռով եւ համարով։
⁶⁵եւ գրեցաւ կշիռ համարոյն յաւուր յայնմիկ։

⁶⁶Եւ որք ելեալն էին ընդիս ՛ի գերու(թեն)էն բաբելացւոց՝ մատուցին պատարագս տ(եառ)ն ա(ստուծո)յ ի(սրաէ)լի. զուարակս երկոտասան վ(ա)ս(ն) ա(մենայ)ն ի(սրաէ)լի, խոյս իննսուն,
⁶⁷գառինս եւթանասուն եւ երկու, նոխազս վ(ա)ս(ն) փրկութե(ան) երկոտասան։ զայս ա(մենայ)ն զո́հս մատուցին առաջի տ(եառ)ն ա(ստուծո)յ ի(սրաէ)լի։
⁶⁸Եւ ետուն զգիր հրամանի թագաւորին ցգործակալս թագաւորին, եւ ցիշխանս եւ ցգաւառապետս ասորւոց եւ փիւնիկեցւոց, եւ մեծա́ւ պատուով փառաւորեցաւ ազգն մեր՝ եւ տաճարն տ(եառ)ն։

⁶⁹Եւ ՛ի կատարե́լ այսր ա(մենայ)նի, եկին առաջի իմ նահապետք եւ իշխանք որդւոցն ի(սրաէ)լի՝ եւ ասեն. անխտի́ր եղեւ ա(մենայ)ն ազգ որդւոցն ի(սրաէ)լի՝ եւ իշխանք ն(ո)ց(ա), եւ քահանայքն եւ ղեւտացիք։
⁷⁰Խառնակեցա́ն ընդ հեթանոսս՝ եւ ը(ստ) այլազգի́ս, եւ ընդ պղծութի(ւն)ս ա(մենայ)ն անհաւատիցն. ը(ստ) քանանացիսն, եւ ընդ քետացիսն, եւ ընդ փերեզացիսն, եւ ընդ յեբուսացիսն, եւ ընդ մովաբացիսն, եւ ը(ստ) ամովնացիսն, եւ ընդ գերգեսացիսն, եւ ընդ եդոմայեցին.

⁷¹վ(ա)ս(ն) զի ամուսնացան ընդ դստերս ն(ո)ց(ա). ինքեա́նք եւ որդիք իւրեանց. եւ խառնեցաւ սերմն սրբութե(ան) իւրեանց ը(ստ) այլազգի́ս հեթանոսաց երկրին. եւ ընկալան իշխանք եւ մեծամեծք իւրաքանչիւր զանօրէնու(թ)ի(ւն)ս զայս յանձինս իւրեանց քանզի նոքա եղեն առաջնորդք չա́ր խառնակութե(ան)ս այսոցիկ։
⁷²Եւ եղեւ յորժամ լուա́յ ես զբանս զայսոսիկ, պատառեցի́ զհանդերձս իմ. եւ ո́ղբս առեալ փետէի զվարսս գլխոյ իմոյ, եւ զմօրուաց իմոց, եւ նստայ ՛ի սո́ւգ մեծ տրտմեալ։

⁷³Եւ ժողովեցան առիս ամենեքեան իբրեւ լուան զպղբսն իմ, որ էր վ(ա)ս(ն) տ(եառ)ն ա(ստուծո)յ ի(սրաէ)լի։ եւ տեսեալ զիս զոր ինչ արարի ՛ի վ(ե)ր(այ) անօրէնութե(ան) ն(ո)ց(ա). քանզի նստայ այնպէս տրտմեալ մինչեւ յերեկս, ՛ի հասանել ժամու զոհից երեկորին.
⁷⁴եւ յարուցեալ ՛ի սգոյն այնպէս պատառեալ էին հանդերձք իմ, եւ հանդերձ ողբովք կորացեալէի։ եւ համբարձեալ զձեռս իմ առ տ(է)ր ա(ստուա)ծ աղաղակեցի́,
⁷⁵եւ ասեմ. Տ(է)ր՝ ամաչե́մք եւ դողա́մք առաջի երեսաց քոց,
⁷⁶քանզի մեղք մեր բազմացան առաւե́լ քան զգլուխս մեր, եւ անօրէնութի(ւն)ք մեր բարձրացան առաւե́լ ՛ի վերոյ քան զերկինս,

⁷⁷յամաց եւ ՛ի ժամանակաց հարցն մերոց. եւ ե́մք մեք ՛ի մեղս մեծամեծս մինչեւ ցայսօր։
⁷⁸Եւ վ(ա)ս(ն) մեղաց մերոց՝ եւ յանցանաց հարցն մերոց մատնեցաք մեք ՛ի գերու(թ)ի(ւն) հանդերձ եղբարբք մերովք, եւ թագաւորօքն մերովք, եւ քահանայապետօքն մերովք. եւ ա(մենայ)ն թագաւորք երկրի արկեալ զմեզ ՛ի սո́ւր սուսերի՝ գերեցին զմեզ, եւ աւերեցին զտեղիս մեր, եւ եղեալք մեք ամօթ՝ մինչեւ ցայսօր ժամանակի։
⁷⁹Եւ այժմ որչափ եղեւ ՛ի վ(ե)ր(այ) մեր ողորմութի(ւն) քո տ(է)ր, ՛ի թողուլ արմատ եւ զաւակ, եւ անուն ՛ի տեղւոջս յայսմ ՛ի սրբու(թ)ե(ան) քում։
⁸⁰եւ յայտնեցեր զլոյս ՛ի տաճարի տ(եառ)ն ա(ստուծո)յ մերոյ. եւ ետո́ւր մեզ կերակուր ՛ի ժամանակս ծառայութե(ան) մերոյ։

⁸¹եւ ՛ի գերութե(ա)ն ո́չ թողեր զմեզ ՛ի ձեռաց՝ այլ եղեր մեզ տ(է)ր օգնական. եւ ետուր մեզ գտանել շնո́րհս առաջի թագաւորին պարսից. եւ պատուեաց զմեզ, եւ դարմանեաց ա(մենայ)ն կազմածով։
⁸²եւ փարաւորեաց զտաճարն տ(եառ)ն ա(ստուծո)յ մերոյ. եւ կանգնեաց եւ շինեաց զանապատն սիոն. եւ հաստատեաց զմեզ ՛ի հրէաստանի եւ յե(րուսաղէ)մ։
⁸³Եւ այժմ զի՞նչ տացուք պատասխանի առաջի քո տ(է)ր վ(ա)ս(ն) այսր ա(մենայ)նի. քանզի անցաք զօրինօք եւ զհրամանօք քովք տ(է)ր, զոր ետուր ՛ի ձեռն ծառայիցն քոց մարգարէից,

⁸⁴ասելով ա́յսպէս. Եթէ երկիրն զոր մտցես դու ժառանգել զնա, է́ երկիր պղծեալ ՛ի պղծութե(ան)ցն ազգաց երկրին այնորիկ, եւ աղտեղութի(ւն)քն իւրեանց լցին զնա։
⁸⁵եւ արդ մի́ առնուցուս դու ՛ի դստերաց ն(ո)ց(ա) որդւոց քոց կանայս, եւ զդստերսն ձեր մի́ տայցէք որդւոց ն(ո)ց(ա)։
⁸⁶եւ մի́ խնդրեսցես առնել խաղաղութի(ւն) ընդ ն(ո)ս(ա) զա(մենայ)ն ժամանակս. եւ եղիջիր դու զօրաւո́ր ուտել զբարութի(ւն)ս երկրին. եւ ժառանգեսցեն որդիք քո զերկիրն զայն յաւիտեանս ժամանակաց։
⁸⁷Եւ որինչ գա́մ մի անցք անցին ը(ստ) մեզ վ(ա)ս(ն) գործոց մերոց, եւ վ(ա)ս(ն) չարու(թ)ե(ան) մեղաց մերոց։

⁸⁸այլ դու տ(է)ր բազմագութ(իւն) թողե́ր զմեղս մեր, եւ ետուր մեզ այսպիսի զաւակ եւ արմատ. մեք դարձեալ խոտորեցաք անցանել զօրինօք քովք, եւ խառնակեցաք ընդ աղտեղութի(ւն)ս հեթանոսաց երկրիս։
⁸⁹եւ ո́չ բարկացար մեզ ՛ի կորուսանել զմեզ, մինչեւ ցայն վայր եթէ ո́չ մնասցէ արմատ, եւ զաւակ, եւ անուն մեր։
⁹⁰Տ(է)ր ա(ստուա)ծ ի(սրաէ)լի, դո́ւ արդար եւ ճշմարի́տ ես. ո́չ սպառեցեր զզաւակ մեր, այլ մնացաք զաւակ եւ արմատ մինչեւ ցայսօր։
⁹¹Եւ արդ՝ ա́ւասիկ եմք այսօր առաջի քո յանօրէնութի(ւն)ս մեր, եւ ո́չեւս կարեմք կա́լ առաջի երեսաց քոց. զի բազմացան անօրէնութի(ւն)ք եւ չարիք մեր՝ առաւել քան զգլուխս մեր։

⁹²Եւ յորժամ եկաց յաղօթս եզր՝ հանդերձ խոստովանութ(եամ)բքս այսոքիւք, եւ ողբովք մեծամեծօք. անկեա́լ էր ՛ի վ(ե)ր(այ) երեսաց երկրի առաջի տաճարին տ(եառ)ն։ ժողովեցան առ նա ա(մենայ)ն որ էին յե(րուսաղէ)մ, ժողովուրդք բազումք՝ արք եւ կանայք, երիտասարդք եւ կուսանք. ք(ան)զի ո́ղբք մեծամեծք էին ՛ի բազմու(թ)ե(ա)ն։
⁹³Եւ կարդա́ց յեքոնիա իեղու յորդւոցն ի(սրաէ)լի, եւ ասէ ցեզր. մեք մեղաք առ տ(է)ր ա(ստուա)ծ, եւ առաք կանայս յայլազգեաց երկրիս այսորիկ.
⁹⁴եւ այժմ են այսօր անօրէնութի(ւն)ք ՛ի միջի մերում. եկա́յք ամենեքեան՝ դիցուք երդմունս առաջի տ(եառ)ն, եւ հանցուք ՛ի բա́ց զկանայս մեր զոր առաք յայլազգեաց, հանդերձ որդւովք իւրեանց.

⁹⁵ո(ր)պ(էս) եւ հրամայէ յօրէնս տ(եառ)ն ա(ստուծո)յ մերոյ։ Արի́ վաղվաղակի՝ եւ կատարեա́.
⁹⁶զի առ քեզ են ա(մենայ)ն իրք մեր, եւ մեք ընդ քեզ. զինչ եւ հրամայեսցես՝ արասցո́ւք։
⁹⁷Եւ յարուցեալ եզր երդմնեցոյց զիշխանս ցեղից քահանայիցն եւ ղեւտացւոց. եւ զա(մենայ)ն ի(սրաէ)լի առնե́լ ը(ս)տ այսմ օրինակի. եւ երդուան։

¹Եւ յարուցեալ եզր ՛ի սրահէ տաճարին տ(եառ)ն, չոգաւ ՛ի տունն յոիվհաննայ եղիսաբեանց.
²եւ ա́նդ ագաւ. հաց ո́չ ճաշակեաց, եւ ջուր ո́չ արբ, եւ ողբացեալ ՛ի վ(ե)ր(այ) անօրէնութե(ան)ցն, եւ մեծամեծ մեղաց բազմու(թ)ե(ա)ն։
³Եւ քարո́զ կարդաց յա(մենայ)ն հրէաստան՝ եւ յե(րուսաղէ)մ, թէ ամենեքեան. որ ելեալ էին ՛ի գերութ(են)էն, եկեսցե́ն եւ ժողովեսցին յե(րուսաղէ)մ։
⁴եւ զհետ երկուց եւ երից աւուրց որք ո́չ ժամանեսցեն անդր՝ դատեալք յառաջնորդացն եւ ՛ի ծերոցն, յափշտակեսցեն զստացուածս ն(ո)ց(ա), եւ նոքա օտարացեալ արտա́քս ելցեն քան զբազմութի(ւն) ժողովրդոց գերու(թ)ե(ա)ն։

⁵Եւ ժողովեցան ամենեքեան որ էին յազգէն յուդայ եւ բենիամինի մինչեւ ցերիս աւուրս յե(րուսաղէ)մ, յամսեանն իններորդի՝ ՛ի քսաներորդ աւուր ամսոյն։
⁶եւ նստան ընդ նմա ա(մենայ)ն բազմութի(ւն)ն՝ յընդարձակու(թ)ե(ան) սրահի տանն տ(եառ)ն. եւ սարսռացեալք դողային վ(ա)ս(ն) ցրտութե(ան) ձմերանոյն։
⁷Եւ յարուցեալ եզր՝ ասէ ցն(ո)ս(ա). դուք էք որ մեղայք՝ եւ արարէք կանայս ՛ի դստերաց այլազգեաց, եւ յաւելէք զանօրէնու(թ)ի(ւն) ՛ի վ(ե)ր(այ) ի(սրաէ)լի։
⁸եւ արդ՝ տո́ւք զխոստովանու(թ)ի(ւն) եւ զփառս տ(եառ)ն ա(ստուծո)յ հարցն մերոց.
⁹եւ արարէ́ք զկամս ն(ո)ր(ա), եւ զատեալ որոշեցա́յք յա(մենայ)ն հեթանոսաց երկրի, եւ ՛ի կանանց այլազգեաց զորս արարէք։

¹⁰Եւ միաբանեալ ա(մենայ)ն բազմութի(ւն)ն՝ աղաղակեցին մեծաձայն՝ եւ ասեն. ա́յդպէս արասցուք ո(ր)պ(էս) ասացերդ։
¹¹այլ վ(ա)ս(ն) զի ժամանակս ձմեռն է, եւ մեք բազմութի(ւն) յոյժ, եւ ո́չ կարեմք այսպէս ժուժեալ վշտաց նեղութե(ան)ս. եւ գործս ո́չ թէ զմի օր է՝ կամ զերկուս, վ(ա)ս(ն) զի յոյժ սաստիկ մեղաք յիրսս յայս։
¹²Արդ՝ կացցեն իշխանք եւ առաջնորդք ՛ի վ(ե)ր(այ) բազմութե(ան)ս, եւ ա(մենայ)ն ուրուք որոյ իցէ ՛ի տուն իւր կին այլազգի,
¹³երթեալ պահանջեսցե́ն ՛ի նմանէ ժամանակս. եւ իւրաքանչիւր տեղեացն կացցեն ծերք եւ դատաւորք, եւ լուծեալ քաւեսցեն ՛ի մէնջ զբարկու(թ)ի(ւն) տ(եառ)ն. զմեծամեծ չարեացս այսոցիկ զոր գործեցաք։

¹⁴Յովնաթան ազայելեանց, եւ եզեկիա թովկեանց՝ ընկալա́ն յանձին առնել զայս. եւ մոսողամոս՝ եւ ղեւի՝ եւ սաբատէոս, որք միաբանեցին ընդ ն(ո)ս(ա).
¹⁵եւ արարին ըստ ա(մենայ)նի ո(ր)պ(էս) հրամայեցին որք ելեալ էին ՛ի գերութ(են)էն։
¹⁶Եւ ընտրեաց եզր ա́րս քահանայս իշխանս եւ հայրապետս ըստ անուանց իւրեանց. եւ նստան յամսամտին՝ յամսեանն տասներորդի, զի վճարեսցին իրքն։
¹⁷եւ ժողովեալ ածին զարսն եւ զկանայս, որք ունէին զայլազգիսն՝ մինչեւ յամիսն առաջներորդ։
¹⁸Եւ գտա́ն ՛ի քահանայիցն որ ժողովեալ էին, որք ունէին զկանայս այլազգեացն, եւ էին խառնակեալ ը(ստ) ամպարշտութի(ւն)սն։

¹⁹Յորդւոցն յեսովայ յովսեդեկեանց եւ եղբօրն ն(ո)ր(ա)՝ մաթեղա, եւ եղիազարոս, եւ յորիբոս, եւ յովադան.
²⁰եւ սկսան հանել զկանայս իւրեանց զայլազգիս. եւ մատուցին իւրաքանչիւր խոյս՝ վ(ա)ս(ն) թողութե(ան) մեղացն անգիտութե(ան)։
²¹Եւ յորդւոցն էմմովրայ՝ անանիա, եւ բադդէոս, եւ մանաս, եւ սամաէաս, եւ յերիէլ, եւ ազարիաս։
²²Եւ յորդւոցն փասուր՝ աղիանաս, եւ մասսիաս, իսմայէլ, եւ նաթանայէլ. եւ սկէթղեդոս, եւ սաղթոս։
²³Եւ յորդւոցն ղեւտացւոց՝ յոզապտոս, եւ սեմիս, եւ կոնոս, ա́յս ինքն է սաղիտաս, եւ փաթէաս, որ եւ յուդաս, եւ յովնաս։
²⁴՛Ի սաղմոսասաց պաշտօնէիցն, եղիասիբոս, բաքուրոս։
²⁵՛ի դռնապանացն, սաղոիմոս, եւ տողբանէս։

²⁶Եւ յի(սրաէ)լէ. յորդւոցն փորոսայ՝ յերամաս, եւ յեդդիաս, եւ մեղքիաս, եւ միաղէս, եւ եղիազարոս, եւ ասաբիաս, եւ բանեաս։
²⁷Եւ յորդւոցն եղիակիմ՝ մատթանիաս, զաքարիաս, յեզորիէլ. յովադիոս, յերիմովթ, եւ այէդիաս։
²⁸Եւ յորդւոցն զաթոմ, եղիադաս. եղիասիմոս, ոթոնիաս, արիմովթ, եւ սաբաթոս, եւ զարգէաս։
²⁹Եւ յորդւոցն բեբեա՝ յովաննէս, եւ անանիաս, եւ յովզաբդոս, եւ եմաթոս։
³⁰Եւ յորդւոցն մանի՝ եւ զամոս, սամումոս, յեդէոս, յասուբոս, յասաելոս, եւ յերեմովթ։
³¹Եւ յորդւոցն ադդի՝ նաթոս, եւ մոոսիաս, ղակունոս, նաիդաս, մատաթիաս, եւ եսթէլ, եւ բաղունոս, եւ մանասէ։

³²Եւ յորդւոցն աննաս՝ եղիովնաս, եւ ասսէաս, եւ մեղքիաս, եւսաբէոս, եւ սիմոն, եւ քոսամէոս։
³³Եւ յորդւոցն ասոմատ՝ աննէոս, եւ մատաթիաս, եւ բանէուս, եւ եղիփաղատ, եւ մանասէ, եւ սեմէի։
³⁴Եւ յորդւոցն բաանի՝ երեմիաս, եւ մոմդիոս, իսմաերոս, եւ յուէլ, մամբդէ, եւ պէդիաս, եւ տնոս, րաբասիոն, եւ անասիբոս, եւ մամնիտանեմոս, եղիասիս, բանուս, եղիաղի, սոմէիա, սեղեմիաս, նաթանիաս։ Եւ յորդւոցն եզովրա՝ այէմ, եզրիէլ, ազայէլ, սամատոս, զամբրի, յովսէփ։
³⁵Եւ յորդւոցն նաումայ՝ զազիկեաս, զաբադիաս, եդեսիուէլ, բենեսիաս։
³⁶Ա́յսք ամենեքեան էին որոց առեալ էր զկանայս այլազգեացն. եւ արձակեցին ՛ի բա́ց զկանայս իւրեանց եւ զորդիս իւրեանց։

³⁷Եւ բնակեցին քահանյքն եւ ղեւտացիք, եւ յ(թ)ի(ւն)լէ՝ յե(րուսաղէ)մ, եւ ՛ի գաւառին. յամսամտին յամսեանն հինգերորդի։ եւ որդիքն ի(սրաէ)լի բնակեցին ՛ի բնակութի(ւն)ս իւրեանց։
³⁸Եւ ժողովեցան ա(մենայ)ն բազմու(թ)ի(ւն)ն միաբան, յընդարձակ տեղի կողմանն արեւելից, առաջի դրան տաճարին։
³⁹եւ ասացին ցե́զր քահանայապետ եւ պատմիչ օրինացն, զի բերցէ զօրէնսն մովսիսի, զտուեալսն ՛ի տ(թեն)է ա(ստուծո)յ ի(սրաէ)լի։
⁴⁰եւ եբեր ՛ի մէջ եզր զօրէնսն առաջի ա(մենայ)ն արանց եւ կանանց, եւ առաջի ա(մենայ)ն քահանայիցն։ Եւ լուան զօրէնսն տ(եառ)ն յամսամտին եւթներորդ ամսեանն։

⁴¹եւ կարդայր յառաջնում դրան տաճարին յընդարձակին, յառաւօտէ մինչեւ ցօրհասարակ առաջի ա(մենայ)ն արանց եւ կանանց, եւ լսէին եւ ՛ի միտ առնուին ա(մենայ)ն բազմու(թ)ի(ւն)ն զօրէնսն տ(եառ)ն ա(ստուծո)յ։
⁴²Եւ կա́յր եզր քահանայ եւ պատմիչ օրինացն տ(եառ)ն ՛ի վ(ե)ր(այ) փայտեղէն բեմի, զոր կազմեալ էր։
⁴³եւ կային մօ́տ առ նմա յաջմէ կողմանէ՝ մատաթի, սամուս, անանիաս, ազարիաս, ուրիաս, եզէկիաս, բաաղսամոս։
⁴⁴եւ յահեկէ կողմանէ՝ փաղթէոս, միսայէլ, մեղքիաս, ղովթաս, ուբոս, նաբարիաս, զաքարիաս։
⁴⁵Եւ առեալ ՛ի ձեռն եզրի զգիրս օրինացն. քանզի նստէր մեծաւ փառօք առաջի ամենեցուն. եւ ա(մենայ)ն բազմութի(ւն)ն նստէին առաջի ն(ո)ր(ա)։

⁴⁶Եւ յորժամ եբաց զգիրս օրինացն՝ յոտն կացին ա(մենայ)ն բազմութի(ւն)ն. եւ օրհնեաց եզր զտ(է)ր ա(ստուա)ծ բարձրեալ՝ զա(ստուա)ծ զսաբաւովթ եւ զամենակալ։
⁴⁷եւ միաբան ա(մենայ)ն բազմութի(ւն)ն ասէր, ամէն։ եւ ամբարձեալ զձեռս իւրեանց ՛ի վեր՝ անկանէին յերկի́ր ՛ի վ(ե)ր(այ) երեսաց իւրեանց, եւ երկի́ր պագանէին տ(եառ)ն ա(ստուծո)յ։
⁴⁸Եւ յեսուս, եւաննուս, եւ ասրաբիաս, եւ յադինոս, եւ յակուբաս, սաբատէոս, աւդեաս, մաննէաս, եւ կաղիտաս, ազարիաս, եւ յոզաբդոս, եւ անանիաս փիղաթոս։
⁴⁹Ա́յս էին ղեւտացիքն, որ ուսուցանէին ժողովրդեանն զօրէնս տ(եառ)ն, եւ տային ն(ո)ց(ա) ՛ի մի́տ առնուլ. եւ լնուին օրինօքն տ(եառ)ն ա(ստուծո)յ։

⁵⁰Եւ ասէ ատտարատէս՝ ցեզր քահանայ եւ պատմիչ օրինացն տ(եառ)ն եւ ցղեւտացիսն, որք ուսուցանէին զբազմու(թ)ի(ւն)ն։
⁵¹ասէ ցն(ո)ս(ա) առաջի ամենեցուն. օրս այս է́ օր սրբութե(ան) տ(եառ)ն. եւ ամենեքեան են լուծեալք ՛ի լսել օրինացն տ(եառ)ն.
⁵²գնացէ́ք եւ երթա́յք կերայք զպարարտու(թ)ի(ւն), եւ արբէ́ք զքաղցրու(թ)ի(ւն). եւ առաքեցէ́ք զգիր այնոցիկ որք ո́չն ունիցին ինչ.
⁵³վ(ա)ս(ն) զի սո́ւրբ է օրս այս տ(եառ)ն, եւ մի́ տրտմեցուցանէք զսա. քանզի տ(է)ր ա(ստուա)ծ է որ փառաւորեաց զմեզ։
⁵⁴Եւ ղեւտացիքն ա(մենայ)ն հրամայեցին բազմութե(ա)ն՝ եւ ասեն. օրս այս սո́ւրբ է՝ եւ մի́ տրտմեցուցանէք զսա։

⁵⁵Եւ ասեն ցբազմու(թ)ի(ւն)ն, որոյ կայցէ՝ կերիցէ եւ արբցէ՝ եւ ուրա́խ լիցի. եւ տացէ́ այնմիկ որոյ ո́չն կայցէ, եւ եղիցին ամենեքեան ուրա́խ այսօր յոյժ. վ(ա)ս(ն) զի լցա́յք եւ ՛ի մի́տ առէք զբանս օրինաց տ(եառ)ն, յորս դուք ժողովեցայք, եւ մեք ուսուցա́ք ձեզ։