¹ԵՒ ԶՕՐԱՑԱՒ ՍՈՂՈՄՈՆ որդի դաւթի ՛ի թագաւորու(թ)ե(ա)ն իւրում. եւ տ(է)ր ա(ստուա)ծ իւր ընդ նմա էր. եւ մեծացո́յց զնա ՛ի բարձրութի(ւն)։
²Եւ ասաց սողոմոն ցա(մենայ)ն ի(սրա)էլ, ցհազարապետս եւ ցհարիւրապետս, եւ ցդատաւորս, եւ ցա(մենայ)ն իշխանս տոհմիցն։
³Եւ գնաց սողոմոն եւ ա(մենայ)ն եկեղեցին ընդ նմա, ՛ի բարձաւանդա́կն գաբաւոնի. ուր էր անդ խորանն վկայութե(ան) ա(ստուծո)յ, զոր արա́ր մովսէս ծառայ տ(եառ)ն յանապատին։
⁴Բայց զտապանակն ա(ստուծո)յ եհան դաւիթ ՛ի քաղաքէն կարիաթարիմայ. վ(ա)ս(ն) զի պատրաստեաց նմա խորան դաւիթ յե(րուսաղէ)մ։

⁵եւ սեղանն պղնձի զոր արար բեսելիէլ որդի ուրիայ որդւոյ յովրայ, ա́նդ էր առաջի խորանին տ(եառ)ն։ Եւ խնդրեաց ինքն սողոմոն եւ եկեղեցին։
⁶եւ եհան անդ սողոմոն ՛ի վերայ պղնձի սեղանոյն առաջի տ(եառ)ն ՛ի խորանին, եւ մատոյց ՛ի վ(ե)ր(այ) ն(ո)ր(ա) ողջակէզս հազար։
⁷՛Ի գիշերին յայնմիկ երեւեցաւ ա(ստուա)ծ սողոմոնի, եւ ասէ ցնա. խնդրեա́ զինչ տաց քեզ։
⁸Եւ ասէ սողոմոն ցա(ստուա)ծ. դո́ւ արարեր ընդ դաւթի հօր իմում ողորմութի(ւն) մեծ. եւ թագաւորեցուցե́ր զիս փոխանակ ն(ո)ր(ա)։
⁹եւ արդ տ(է)ր ա(ստուա)ծ՝ հաւատարի́մ լիցի անուն քո ՛ի վ(ե)ր(այ) դաւթի հօր իմոյ. վ(ա)ս(ն) զի դո́ւ թագաւորեցուցեր զիս ՛ի վ(ե)ր(այ) բազում ժողովրդեանս, որ է իբրեւ զհող երկրի։

¹⁰Եւ արդ՝ զիմաստութի(ւն) եւ զհանճար տացես ինձ, զի ելանիցեմ առաջի ժողովրդեանս քոյ այսորիկ, եւ մտանիցեմ. վ(ա)ս(ն) զի ո́ դատիցի զժողովուրդս քո զմեծ զայս։
¹¹Եւ ասէ ա(ստուա)ծ ցսողոմոն. փոխանակ զի եղե́ւ այդ ՛ի սրտի քում, եւ ո́չ խնդրեցեր մեծու(թ)ի(ւն) ընչից, եւ ո́չ փառս, եւ ո́չ զանձինս հակառակորդաց քոց, եւ աւուրս բազումս ո́չ խնդրեցեր. այլ խնդրեցեր դու քեզ զիմաստութի(ւն) եւ զհանճար, զի դատիցիս զժողովուրդ իմ յորոյ վ(ե)ր(այ) թագաւորեցուցի զքեզ։
¹²Զիմաստութի(ւն) եւ զհանճար տա́մ քեզ, եւ զմեծութի(ւն), եւ զինչս եւ զփառս տա́ց քեզ. ո(ր)պ(էս) զի ո́չ եղեւ նմա́ն քեզ ՛ի թագաւորս յառաջագոյն քան զքեզ, եւ զկնի քո ո́չ լինիցի այդպէս։

¹³Եւ եկն սողոմոն ՛ի բամայ գաբաւոնի յե(րուսաղէ)մ, յերեսաց խորանին վկայու(թ)ե(ան). եւ թագաւորեաց ՛ի վերայ ի(սրաէ)լի։
¹⁴Եւ ժողովեաց սողոմոն կառս եւ հեծեալս. եւ եղեն նմա հազար եւ չորեք հարիւր կառք, եւ երկոտասան հազար հեծելոց. եւ եթող զն(ո)ս(ա) ՛ի քաղաքս հեծելոցն, եւ զօրն է́ր ը(նդ) արքայի յե(րուսաղէ)մ։
¹⁵Եւ եդ արքայ զոսկի եւ զարծաթ իբրեւ զքարինս յե(րուսաղէ)մ, եւ զմայրս ՛ի հրէաստանի, իբրեւ զմոլաթզենիս ՛ի դաշտի բազմութ(եամ)բ։
¹⁶Եւ ելք ձիոցն սողոմոնի յեգիպտոսէ. եւ գինք վաճառուց արքայի.

¹⁷երթեալ գնէին.եւ ելանեին ածէին յեգիպտոսէ կառս մի վեց հարիւր արծաթոյ, եւ ձի հարիւր եւ յիսուն։ եւ ա́յնպէս ա(մենայ)ն թագաւորացն նեքտացւոց, եւ թագաւորացն ասորեաց ՛ի ձեռս ն(ո)ց(ա) բերէին։

¹Եւ ասա́ց սողոմոն շինել զտուն անուան տ(եառ)ն, եւ զտուն թագաւորութե(ան) իւրոյ։
²Եւ ժողովեաց սողոմոն եւթանասուն հազար արանց բեռնակրաց, եւ ութսունհազար քարահատաց ՛ի լերինս. եւ վերակացուք ն(ո)ց(ա) երեքհազար եւ վեցհարիւր։
³Եւ առաքեաց սողոմոն առ քիրամ արքայ տիւրոսի՝ եւ ասէ. ո(ր)պ(էս) արարեր ը(նդ) հօր իմոյ դաւթի, եւ ետուր նմա մա́յր փայտս, շինել իւր տուն բնակելոյ ՛ի նմա։

⁴Եւ արդ՝ ահա ե́ս որդի ն(ո)ր(ա)՝ շինեմ տուն անուան տ(եառ)ն ա(ստուծո)յ իմոյ, սրբել զնա նմա, ծխել առաջի ն(ո)ր(ա) խունկս, եւ առաջադրու(թ)ի(ւն)ս յա(մենայ)ն ժամ։ եւ մատուցանել ողջակէզս հանապազ առաւօտուց եւ երեկորին, եւ ՛ի շաբաթս, եւ յամսամուտս, եւ ՛ի տօնս ա(ստուծո)յ մերոյ, յաւիտեան զայն յի(սրաէ)լէ։
⁵Եւ տունս զոր ե́ս շինեմ մեծ է. վ(ա)ս(ն) զի մե́ծ է ա(ստուա)ծ մեր քան զա(մենայ)ն աստուածս.
⁶եւ ո́ կարասցէ շինել նմա տուն. զի եթէ երկինք՝ եւ երկնից երկինք ո́չ տանին զփառս ն(ո)ր(ա). եւ զի՞նչ ես շինեցից նմա տուն. այլ զի ծխեսցեն խունկս առաջի ն(ո)ր(ա)։

⁷Եւ արդ՝ առաքեա́ ինձ ա́յր իմաստուն, որ գիտիցէ գործել զոսկի եւ զարծաթ, եւ զպղինձ, եւ զերկաթ, եւ զծիրանի, եւ զկարմիր, եւ զկապուտակն, եւ զբեհեզն. եւ որ գիտիցէ քանդակել զքանդակս ընդ իմաստունս իմ, որք են ՛ի հրէաստանի եւ յե(րուսաղէ)մ. զորս պատրաստեաց դաւիթ հայր իմ։
⁸Եւ տո́ւր բերել ինձ փայտս մայրս, եւ սարոյս, եւ թեղաւշս ՛ի լիբանանէ. վ(ա)ս(ն) զի ես գիտեմ, իբրեւ զծառայս քո ո́չ ոք գիտէ հատանել փայտ ՛ի լիբանանէ։ եւ արդ ծառայք քո երթիցեն ը(նդ) ծառայս իմ,
⁹պատրաստել ինձ փայտ բազում. վ(ա)ս(ն) զի տունս զոր ես շինեմ, է մեծ եւ փառաւոր։

¹⁰Եւ գործօնէիցն որք հատանեն զփայտն՝ ՛ի կերակուր ետու հաց՝ ռոճիկ ծառայից քոց՝ քսանհազար քոռ ցորենոյ, եւ քսանհազար քոռ գարւոյ, եւ քսանհազար չափ գինւոյ. եւ ձէթ քսանհազար չափ։
¹¹Եւ ասաց քիրամ արքայ տիւրոսի գրով, եւ արձակեաց առ սողոմոն. Վ(ա)ս(ն) սիրելոյ տ(եառ)ն զժողովուրդ իւր, ետ զքեզ ՛ի վ(ե)ր(այ) դոցա թագաւոր։
¹²եւ ասէ քիրամ. օրհնեալ է տ(է)ր ա(ստուա)ծ ի(սրաէ)լի որ արար զերկինս եւ զերկիր. որ ե́տ դաւթի արքայի որդի իմաստուն, գիտել զհանճար եւ զիմաստու(թ)ի(ւն). որ շինեսցէ զտուն տ(եառ)ն, եւ զտուն թագաւորութե(ան) իւրոյ։
¹³Եւ արդ՝ ահա առաքեցի քեզ ա́յր իմաստուն, որ գիտէ զհանճար՝ զքիրամ զծառայ իմ.

¹⁴մայր դորա՝ է ՛ի դստերացն դանայ, եւ հայր դորա՝ այր տիւրացի, գիտէ գործել զոսկի եւ զարծաթ, եւ զպղինձ, եւ զերկաթ, եւ զքարինս, եւ զփայտս, եւ անկանել զծիրանին, եւ զկապուտակն, եւ զբեհեղն, եւ զկարմիրն, եւ քանդակել քանդակս. եւ իմանալ զա(մենայ)ն հնարս զորս տացես ցդա՝ ընդ իմաստունս քո եւ ը(նդ) իմաստունս դաւթի տեառն իմոյ հօր քոյ։
¹⁵Եւ արդ՝ զցորեանն եւ զգարին եւ զձէթն եւ զգինին, զոր ասաց տէր իմ. տացէ ծառայից իւրոց.
¹⁶եւ մեք հատանեմք փայտ ՛ի լիբանանէ ը(ստ) ա(մենայ)ն պիտոյից քոց. եւ ածցուք զն(ո)ս(ա) ընդ ծով լաստս ՛ի յոպպէ, եւ հաւաքեսցես զայն յ(թ)ե(ան)մ։

¹⁷Եւ ժողովեաց սողոմոն զա(մենայ)ն արս պանդուխտս յե(րուսաղէ)մ զկնի թուոյն զոր թուեաց զն(ո)ս(ա) դաւիթ հայր ն(ո)ր(ա). եւ գտան հարիւր յիսուն հազար, եւ երեք հազար եւ վեց հարիւր։
¹⁸եւ արար ՛ի ն(ո)ց(ա)է եւթանասուն հազար բեռնակրաց, ութսուն հազար քարահատաց, եւ զերեք հազարս եւ զվեցհարիւրսն՝ գործավարս ՛ի վ(ե)ր(այ) ն(ո)ց(ա)։

¹Եւ սկսաւ սողոմոն շինել զտունն յե(րուսաղէ)մ. ՛ի լերինս ամուրհացւոցն, ուր երեւեցաւ տ(է)ր դաւթի հօր ն(ո)ր(ա), ՛ի տեղւոջ յորում պատրաստեաց դաւիթ, ՛ի կա́լ ոռնայ յեբուսացւոյ։
²Եւ սկսաւ շինել յամսեանն երկրորդի, յամին չորրորդի թագաւորութե(ան) իւրոյ։
³եւ սկսաւ սողոմոն շինել զտունն ա(ստուծո)յ. Երկայնու(թ)ի(ւն) չափոյ առաջնոյն ՛ի վաթսուն կանգնոյ՝ եւ լայնութի(ւն) ՛ի քսան կանգնոյ։
⁴եւ էղամ դէմ յանդիման տանն, երկայնութի(ւն)ն առաջին՝ եւ լայնութի(ւն) տանն կանգնոց քսանից. եւ բարձրութի(ւն) քսան կանգնոյ։ եւ պատեաց զնա ոսկւով սրբով ՛ի ներքուստ։

⁵Եւ զտունն մեծ՝ դրուագեաց մա́յր փայտիւք, եւ պատեաց ոսկւով, եւ քանդակեաց ՛ի նմա արմաւենիս, եւ շղթայագործս։
⁶եւ զարդարեաց զտունն ակամբք պատուականօք ՛ի փառս, եւ ոսկւով սրբով ՛ի սեփարուիմայ։
⁷եւ պատեաց զտունն ոսկւով, եւ զորմսն, եւ զդրունսն, եւ զձեղունն՝ եւ զդուրս. եւ քանդակեաց քրոբէս յորմսն։
⁸Եւ արար զտուն սրբութե(ան) սրբութե(ան)ցն, զերկայնու(թ)ի(ւն) ն(ո)ր(ա) առաջոյ կողմանէ ՛ի քսան կանգնոյ, եւ զլայնութի(ւն)ն ՛ի քսան կանգնոյ, եւ պատեաց զնա մաքուր ոսկւով ՛ի քրոբէս՝ վեցհարիւր տաղանտով։
⁹եւ կշիռ բեռանցն միոյ միոյ կշռութի(ւն) յիսուն սիկղ ոսկւոյ։ եւ զվերնատունն պատեաց ոսկւով։

¹⁰Եւ արար ՛ի տան սրբութե(ան) սրբու(թ)ե(ան)ցն քերոբէս երկուս գործ. եւ պատեաց զն(ո)ս(ա) ոսկւով։
¹¹եւ թեւք քերոբէիցն՝ երկայնու(թ)ի(ւն) քսան կանգուն. թեւ մի ՛ի հինգ կանգնոյ, կցեալ յորմս տանն, եւ թեւն մեւս ՛ի հինգ կանգնոյ՝ կցեալ ՛ի թեւ քրոբէին միւսոյ։
¹²եւ թեւն քրոբէին միւսոյ ՛ի հինգ կանգնոյ կցեալ յորմս տանն. եւ մեւս թեւն ՛ի հինգ կանգնոյ կցեալ ՛ի թեւ քրոբէին միւսոյ։
¹³եւ թեւք քրոբէիցն տարածեալք ՛ի քսան կանգնոյ. եւ ինքեանք կային ՛ի վ(ե)ր(այ) ոտից իւրեանց, եւ դէմք նոցա ՛ի տունն։
¹⁴Եւ արար զվարագոյրն ՛ի կապուտակէ եւ ՛ի ծիրանւոյ, ՛ի կարմրոյ՝ եւ ՛ի բեհեզոյ, եւ անկանէր ՛ի նմա քերովբէս։

¹⁵Եւ արար առաջի տանն սիւնս երկու. յերեսունուհինգ կանգնոյ բարձրու(թ)ի(ւն). եւ զխոյակս ն(ո)ց(ա) ՛ի հինգ կանգնոյ։
¹⁶Եւ արար վանդակապատ ՛ի դաբիրայն, եւ եդ ՛ի վ(ե)ր(այ) գլխոյ սեանցն. եւ արար նռնաձեւս հարիւր, եւ եդ ՛ի վ(ե)ր(այ) շղթայագործանցն։ եւ կանգնեաց զսիւնսն առաջի տաճարին, զմին յաջմէ, եւ զմեւսն յահեկէ. եւ կոչեաց զանուն այնորիկ որ յաջմէն էր՝ ուղղու(թ)ի(ւն), եւ զանուն այնորիկ՝ որ ՛ի ձախմէն էր՝ զօրու(թ)ի(ւն)։

¹Եւ արար սեղան պղնձի, ՛ի քսան կանգնոյ զերկայնութի(ւն), եւ ՛ի քսան կանգնոյ զլայնու(թ)ի(ւն), եւ զբարձրութի(ւն) ՛ի տասն կանգնոյ։
²Եւ արար զծովն հալածոյ ՛ի տասն կանգնոյ զչափն, բոլորակ շուրջանակի, եւ ՛ի հինգ կանգնոյ զբարձրութի(ւն), եւ շուրջանակի յերեսուն կանգնոյ։
³Եւ նմանութի(ւն) եզանց ՛ի ներքոյ ն(ո)ր(ա), որք շուրջ կային, ՛ի տասն կանգնոյ շուրջ պատեալք զնովաւ. եւ ձուլեցին զզուարակսն ը(ստ) ձուլածոյն իւրեանց.
⁴ո(ր)պ(էս) արարին զնոսա երկոտասան զուարակս. երեքն հայէին ՛ի հիւսւսի, եւ երեքն հայէին յարեւմուտս, եւ երեքն հայէին ՛ի հարաւ, եւ երեքն հայէին յարեւելս. եւ ծովն ՛ի վ(ե)ր(այ) ն(ո)ց(ա), եւ յետոյքն իւրեանց ՛ի ներքոյ։

⁵Եւ թանձրու(թ)ի(ւն) ծովուն թզա́ւ, եւ շուրթն ն(ո)ր(ա) իբրեւ զշո́ւրթն բաժակի, քանդակեալ բո́յս շուշանի, եւ տանէր երի́ս հազարս չափ.
⁶եւ կոտորեաց զնա։ Եւ արար աւազանս տասն. եւ եդ զհինգն յաջմէ, եւ զհինգն ՛ի ձախմէ. լուանալ ՛ի նոսա զգործ ողջակիզացն, եւ ողողել ՛ի ն(ո)ս(ա)։ եւ ծովն առ ՛ի լուանալ ՛ի նմա քահանայիցն զինքեանս։
⁷Եւ արար զաշտանակսն ոսկիս տասն ը(ստ) յօրինուածոյն իւրեանց. եւ ե́դ զն(ո)ս(ա) ՛ի տաճարին, զհինգն յաջմէ եւ զհինգն ՛ի ձախմէ։
⁸Եւ արար սեղանս տասն, եւ եդ ՛ի տաճարին, հինգ յաջմէ եւ հինգ ՛ի ձախմէ։ եւ արար տաշտս ոսկիս հարիւր։
⁹Եւ արար զսրահն քահանայիցն. եւ զսրահն զմեծ. եւ զդրունս սրահին, եւ զդրունս ն(ո)ց(ա) պատեաց պղնձով։

¹⁰եւ զծովն ե́դ յանկեան տաճարին յաջմէ կողմանէ իբրեւ յարեւե́լս առաջի։
¹¹Եւ արար քիրամ զմսահանսն եւ զկաթսայս, եւ զկասկարայս սեղանոյն, եւ զա(մենայ)ն զկահն ն(ո)ր(ա)։ Եւ կատարեաց քիրամ առնել զա(մենայ)ն գործն զոր հրամայեաց արքայն սողոմոն ՛ի տանն ա(ստուծո)յ։
¹²Զսիւնսն երկուս, եւ ՛ի վ(ե)ր(այ) ն(ո)ց(ա) զխոյակսն. եւ ՛ի վ(ե)ր(այ) խոյակաց սեանցն զքովթարովթսն զերկոսեան, եւ զվանդակագործսն զերկուս՝ առ ՛ի ծածկել զխոյակս քովթարովթայցն, որք էին ՛ի վերայ գլխոց սեանցն։
¹³Եւ զանգակս ոսկեղէնս չորեքհարիւր յերկոսեան վանդակապատսն. եւ զերկուս ազգս նռնաձեւացն ՛ի միում վանդակագործին՝ ծածկել զերկոսեան խոյակսն որ էին ՛ի վ(ե)ր(այ) սեանցն։

¹⁴Եւ զմենքենովթսն արար տասն, եւ զաւազանսն ՛ի վերայ մենքենովթացն։
¹⁵եւ զծովն զմի. եւ զուարակս երկոտասան ՛ի ներքոյ ն(ո)ր(ա)։
¹⁶եւ զկասկարայս. եւ զբառնալիս. եւ զսանսն. եւ զմսահանսն. եւ զա(մենայ)ն կահ ն(ո)ց(ա) զոր արար քիրամ. եւ տարաւ արքայի սողոմոնի ՛ի տունն տ(եառ)ն։ ՛Ի մաքուր պղնձոյ,
¹⁷յընդարձակու(թ)ե(ան) երկրին յորդանանու ձուլեաց զայն արքայի ՛ի թանձրութե(ան) հողոյն ՛ի տանն սոքովթայ, ՛ի մէջ սադաթայ։
¹⁸Եւ արար սողոմոն զա(մենայ)ն սպասն զայն բազո́ւմ յոյժ. վ(ա)ս(ն) զի ո́չ պակասեաց կշիռ պղնձոյն։
¹⁹Եւ արար սողոմոն զա(մենայ)ն սպաս տանն տ(եառ)ն. եւ զսեղանն ոսկի, եւ զա́յլ սեղանսն. եւ ՛ի վերայ ն(ո)ց(ա) զհացն զառաջաւորու(թ)ե(ան)։

²⁰եւ զաշտանակսն. եւ զճրագունսն լուսոյ ը(ստ) յօրինուածոյն յանդիման դաբիրայն ՛ի մաքուր ոսկւոյ.
²¹եւ ճրագարանք իւրեանց, եւ բազմակալք իւրեանց։
²²եւ տաշտքն, եւ խնկամանքն, եւ բուրուառքն ՛ի մաքուր ոսկւոյ։ եւ դուրք տանն ներքոյ ՛ի սրբու(թ)ի(ւն) սրբու(թ)ե(ան)ցն։ եւ զդրունս տաճարին ոսկեղէնս։

¹Եւ կատարեցաւ ա(մենայ)ն գործն զոր արար սողոմոն ՛ի տանն տ(եառ)ն։ եւ տարաւ ՛ի ներքս սողոմոն զսրբու(թ)ի(ւն)սն դաւթի հօր իւրոյ, զարծաթն եւ զոսկին. եւ զսպասն ե́տ ՛ի գանձս տան տ(եառ)ն։
²Յայնժամ եկեղեցացո́յց սողոմոն զծերսն ի(սրաէ)լի, եւ զա(մենայ)ն իշխանս ցեղիցն, զառաջնորդս տոհմից որդւոցն ի(սրաէ)լի յ(թ)ե(ան)մ, հանե́լ զտապանակ ուխտին տ(եառ)ն ՛ի քաղաքէ դաւթի՝ նա́ է սիովն։
³Եւ ժողովեցաւ առ արքայ ա(մենայ)ն այր ի(սրաէ)լի ՛ի տօնին. ա́յն է ամիսն եւթներորդ.
⁴եւ եկին ամենեքեան ծերքն ի(սրաէ)լի։ Եւ առին ամենեքեան ղեւտացիքն զտապանակն եւ հանին զնա.

⁵եւ զխորանն վկայութե(ան), եւ զա(մենայ)ն սպասն սուրբ որ է́ր ՛ի խորանին. եւ հանին զայն քահանայքն եւ ղեւտացիքն։
⁶Եւ արքայ սողոմոն եւ ա(մենայ)ն ժողովուրդն ի(սրաէ)լի, եւ երկիւղածքն, եւ ժողովեալքն նոցա առաջի տապանակին. զենուին զուարակս եւ ոչխարս, որոց ո́չ գոյր թիւ եւ ո́չ համար ՛ի բազմու(թեն)էն։
⁷Եւ տարա́ն ՛ի ներքս ղեւտացիքն զտապանակ ուխտին տ(եառ)ն ՛ի տեղին իւր՝ ՛ի դաբիր տանն ՛ի սրբութի(ւն) սրբութե(ան)ցն, ՛ի ներքոյ թեւոց քերոբէիցն։
⁸եւ էր քերոբէիցն թռուցեալ զթեւս իւրեանց ՛ի վերայ տապանակին, եւ ծածկէին քրոբէքն զտապանակն, եւ զբառնալիս ն(ո)ր(ա) ՛ի վերուստ։

⁹եւ շո́ւրջ ունէին բառնալիքն, եւ հայէին գլուխք բառնալեացն ՛ի սրբու(թ)ե(ան)ցն ՛ի դէ́մս դաբիրայն. եւ ո́չ երեւէին արտաքս եւ էին անդ մինչեւ ցայսօր։
¹⁰Եւ ո́չ ինչ էր ՛ի տապանակին՝ բայց երկո́ւ տախտակքն զորս ե́դ անդ մովսէս ՛ի քերէբ, զորս ուխտեաց տ(է)ր ընդ որդիսն ի(սրաէ)լի, յելանելն ն(ո)ց(ա) յերկրէն եգիպտոսի։
¹¹Եւ եղեւ իբրեւ ելին քահանայքն ՛ի սրբութե(ան)ցն. վ(ա)ս(ն) զի ամենեքեան քահանայքն որք գտան անդ՝ սրբեցան։ եւ ո́չ էին կարգեալ օրըս(տ)օրէ պաշտօնեայքն,

¹²եւ ղեւտացիքն սաղմոսանուագք. ամենեքեան յորդւոցն ասափայ եւ եմանայ եւ իդիթովմայ, եւ յորդւոցն ն(ո)ց(ա), եւ յեղբարցն ն(ո)ց(ա). որք զգեցեալէին զպատմուճանս բեհեզեղէնս. եւ տաւղօք եւ քնարօք եւ սրընգօք, կային յարեւելից կողմանէ սեղանոյն. եւ ընդ ն(ո)ս(ա) քահանայք հարիւր եւ քսան՝ հարկանէին փողս։
¹³Եւ եղեւ միանգամայն ձայն ՛ի հարկանել զփողսն, եւ յերգել զսաղմոսն, եւ ամբառնալ զձայնսն միաբան ասելով. Խոստովա́ն եղերուք եւ օրհնեցէ́ք զտ(է)ր։ եւ բարձրացուցին զձայնսն փողովքն եւ ծնծղայիւք, եւ գործւովք երգոյն։ եւ ասացին խոստովա́ն եղերուք տ(եառ)ն, զի բարի է զի յաւիտեան է ողորմ ն(ո)ր(ա)։ Եւ տունն լցա́ւ ամպով փառացն տ(եառ)ն.

¹⁴եւ ո́չ կարէին քահանայքն կա́լ ՛ի պաշտամանն յերեսաց ամպոյն. վ(ա)ս(ն) զի լցին փառքն տ(եառ)ն զտունն ա(ստուծո)յ։

¹Յայնժամ խօսեցաւ սողոմոն։ Տ(է)ր ասաց բնակե́լ ՛ի մառախղի։
²եւ ես շինեցի տուն անուան քում զսրբութի(ւն)ս քո, եւ պատրաստեցի բնակել ՛ի սմա յաւիտեանս։
³Եւ դարձոյց արքայ զերեսս իւր, եւ օրհնեաց զա(մենայ)ն եկեղեցին ի(սրաէ)լի. եւ ա(մենայ)ն եկեղեցին ի(սրաէ)լի կա́յր շուրջ, եւ ասէ։
⁴Օրհնեալ է տ(է)ր ա(ստուա)ծ ի(սրաէ)լի. որ խօսեցաւ բերանով իւրով ը(նդ) դաւթի հօր իմում, եւ ձեռօք իւրովք ելից։
⁵եւ ասէ. յօրէ հանի զժողովուրդ իմ յերկրէն եգիպտոսի՝ ո́չ ընտրեցի քաղաք մի յա(մենայ)ն ցեղիցն ի(սրաէ)լի շինել ինձ տուն, զի լինիցի անուն իմ անդ. եւ ո́չ ընտրեցի զա́յր ոք լինել առաջնորդ ՛ի վ(ե)ր(այ) ժողովրդեան իմոյ ի(սրաէ)լի։

⁶Եւ արդ՝ ընտրեցի զե(րուսաղէ)մ լինե́լ անուան իմոյ աստ. եւ ընտրեցի զդաւիթ՝ զի լինիցի ՛ի վ(ե)ր(այ) ժողովրդեան իմոյ ի(սրաէ)լի։
⁷Եւ եղեւ ՛ի սրտի դաւթի հօր իմոյ շինել տո́ւն անուան տ(եառ)ն ա(ստուծո)յ ի(սրաէ)լի.
⁸եւ ասաց տ(է)ր ցդաւիթ հայր իմ. վ(ա)ս(ն) զի եղե́ւ ՛ի սրտի քում շինել տո́ւն անուան իմոյ՝ բարւո́ք արարեր զի եղեւ այդ ՛ի սրտի քում.
⁹բայց սակայն դու ո́չ շինեսցես ինձ տուն, այլ որդի́ քո որ ելանէ յորովայնէ քումմէ, նա́ շինեսցէ տուն անուան իմոյ։
¹⁰Եւ կանգնեաց տ(է)ր զբան իւր զոր խօսեցաւ, եւ եղէ ես փոխանակ դաւթի հօր իմոյ. նստայ յաթոռն ի(սրաէ)լի ո(ր)պ(էս) խօսեցա́ւ տ(է)ր, եւ շինեցի զտունս զայս անուան տ(եառ)ն ա(ստուծո)յ ի(սրաէ)լի.

¹¹եւ եդի́ աստ զտապանակ ուխտին զոր ուխտեաց ընդ որդիսն ի(սրաէ)լի։
¹²Եւ եկա́ց յանդիման սեղանոյն տ(եառ)ն առաջի ա(մենայ)ն եկեղեցւոյն ի(սրաէ)լի. եւ ամբարձ զձեռս իւր։
¹³Վ(ա)ս(ն) զի արար սողոմովն խարիսխ պղնձի, եւ եդ զնա ՛ի մէջ սրահի տաճարին, ՛ի հինգ կանգնոյ զերկայնութի(ւն) ն(ո)ր(ա), եւ ՛ի հինգ կանգնոյ զլայնութի(ւն), եւ յերից կանգնոց զբարձրութի(ւն) ն(ո)ր(ա)։ եւ եկաց ՛ի վ(ե)ր(այ) ն(ո)ր(ա). անկաւ ՛ի վերայ ծնգաց իւրոց առաջի ա(մենայ)ն եկեղեցւոյն ի(սրաէ)լի, եւ ամբա́րձ զձեռս իւր յերկինս,
¹⁴եւ ասէ։ Տ(է)ր ա(ստուա)ծ ի(սրաէ)լի. ո́չ ոք է նման քեզ ա(ստուա)ծ յերկինս, եւ ո́չ ՛ի վ(ե)ր(այ) երկրի. որ պահես զուխտս եւ զողորմութի(ւն) ամենեցուն, որ գնան առաջի քո ա(մենայ)ն սրտիւք իւրեանց։

¹⁵Զի պահեցեր ծառայի քում դաւթի հօր իմոյ, զոր խօսեցար ընդ նմա եւ ասացեր. խօսեցար բերանով քով, եւ ձեռօք քո լցե́ր այսօր։
¹⁶Եւ արդ՝ տ(է)ր ա(ստուա)ծ ի(սրաէ)լի, պահեա́ ծառայի քում դաւթի հօր իմում, զոր ինչ խօսեցար ը(նդ) նմա եւ ասացեր. ո́չ պակասեսցէ քո այր յերեսաց իմոց որ նստցի յաթոռն ի(սրաէ)լի. բայց միայն թէ պահեսցեն որդիք քո զճանապարհս իւրեանց գնա́լ առաջի իմ ո(ր)պ(էս) գնացեր դու առաջի իմ։
¹⁷Եւ արդ տ(է)ր ա(ստուա)ծ ի(սրաէ)լի, հաւատարիմ լիցի բանն քո դաւթի.
¹⁸եթէ ստուգութ(եամ)բ բնակեսցէ ա(ստուա)ծ ը(նդ) մարդկան ՛ի վերայ երկրի։ զի եթէ երկինք՝ եւ երկնից երկինք ո́չ են բաւական քեզ. եւ զի՞նչ է տունս այս զոր շինեցի։

¹⁹Եւ արդ՝ հայեսցիս յաղօթս ծառայի քոյ, եւ ՛ի խնդրուածս իմ տ(է)ր ա(ստուա)ծ, լսե́լ զաղաչանս եւ զաղօթս, զոր ծառայ քո աղաչէ́ առաջի քո այսօր,
²⁰լինել բա́ց աչաց քոց եւ մտաց ՛ի տանս յայսմ ՛ի տուէ եւ ՛ի գիշերի. ՛ի տեղւոջս յորում ասացեր կոչել զանուն քո ՛ի սմա, առ ՛ի լսե́լ զաղօթս զոր ծառայ քո աղաչէ ՛ի տեղւոջս յայսմ։
²¹Եւ լուիցե́ս զխնդրուածս ծառայի քոյ, եւ ժողովրդեան քոյ ի(սրաէ)լի, զորինչ աղաչեսցեն ՛ի տեղւոջս յայսմ. եւ դու լուիցես ՛ի տեղւոջէ բնակու(թեն)է քոյ յերկնից, լուիցես՝ եւ քաւի́չ լիցիս։
²²Զորինչ մեղանչիցէ ա́յր ընկերի իւրում, եւ առնուցու նզովս յաղագս այնորիկ նզովել զնա։ եւ եկեսցէ կացցէ առաջի սեղանոյս ՛ի տանս յայսմիկ։

²³եւ դու լուիցե́ս յերկնից, եւ արասցես, եւ դատեսցիս զծառայսն քո՝ հատուցանելով անօրինին. տա́լ ը(ստ) ճանապարհաց ն(ո)ր(ա) ՛ի գլուխ ն(ո)ր(ա), եւ արդարացուցանել զարդարն. եւ տա́լ իւրաքանչիւր ումեք ը(ստ) արդարութե(ան) իւրում։
²⁴Եւ եթէ վանեսցի́ ժողովուրդ քո ի(սրա)էլ առաջի թշնամեաց, եթէ մեղիցեն քեզ՝ եւ դարձցին, եւ խոստովան լիցին անուան քում, եւ յաղօթս կացցեն եւ պաղատեսցին առաջի քո ՛ի տանս յայսմ։
²⁵եւ դու լուիցե́ս յերկնից. եւ քաւիչ լիցիս մեղաց ժողովրդեան քոյ ի(սրաէ)լի. եւ դարձուսցե́ս զն(ո)ս(ա) յերկիրն զոր ետուր ն(ո)ց(ա)՝ եւ հարց նոցա։

²⁶Յարգելուլ քո զերկինս ո́չ լինել անձրեւ, թէ մեղիցեն քեզ. եւ յաղօթս կացցեն ՛ի տեղւոջս յայսմ, եւ օրհնեսցե́ն զանուն քո, եւ ՛ի մեղացն իւրեանց դարձցին, վ(ա)ս(ն) զի նկո́ւն արասցես զն(ո)ս(ա)։
²⁷եւ դու լուիցե́ս յերկնից, եւ քաւի́չ լիցիս մեղաց ծառայից քոց, եւ ժողովրդեան քոյ ի(սրաէ)լի։ վ(ա)ս(ն) զի յայտնեսցե́ս ն(ո)ց(ա) զճանապարհն բարի որ գնասցեն ՛ի նմա. եւ տացես անձրեւ ՛ի վ(ե)ր(այ) երկրի քոյ, զոր ետուր ժողովրդեան քում ՛ի ժառանգու(թ)ի(ւն)։
²⁸Սո́վ եթէ լինիցի ՛ի վ(ե)ր(այ) երկրի։ մա́հ եթէ լինիցի. խորշակահարու(թ)ի(ւն), եւ դալունկն. եւ մարախ, եւ ջորեակ եթէ լինիցի։ եթէ նեղիցէ զն(ո)ս(ա) թշնամի յանդիման քաղաքացն իւրեանց։ ըստ ա(մենայ)ն հարուածոց, եւ ը(ստ) ա(մենայ)ն ցաւոց,

²⁹ա(մենայ)ն աղօթիւք եւ ա(մենայ)ն պաղատանօք, որ լինիցին ա(մենայ)ն մարդոյ, եւ ա(մենայ)ն ժողովրդեան քո ի(սրաէ)լի։ եթէ ծանիցէ մարդ զբորոտութի(ւն) իւր եւ զախտ իւր, եւ ամբարձցէ զձեռս իւր ՛ի տունս յայս։
³⁰Եւ դու լուիցե́ս յերկնից ՛ի պատրաստ բնակութ(են)է քումմէ. եւ բժշկեսցե́ս, եւ տացե́ս առն ը(ստ) սրտի իւրում, ո(ր)պ(էս) եւ ծանիցես զսիրտ ն(ո)ր(ա). վ(ա)ս(ն) զի դու միա́յն ճանաչես զսիրտ որդւոց մարդկան։
³¹ո(ր)պ(էս) զի երկիցեն ՛ի ճանապարհաց քոց զա(մենայ)ն աւուրս զոր կեցցեն նոքա ՛ի վ(ե)ր(այ) երեսաց երկրին զոր ետուր հարցն նոցա։

³²Եւ ա(մենայ)ն օտարական որ ո́չ իցէ ՛ի ժողովրդենէ քումմէ յի(սրաէ)լէ ինքն. եւ եկեսցէ յերկրէ հեռաստանէ՝ վ(ա)ս(ն) անուան քոյ մեծի́ եւ հզօր ձեռին քոյ, եւ բա́րձր բազկի քոյ. եւ եկեսցեն եւ յաղօթս կացցեն ՛ի տեղւոջս յայսմ։
³³եւ լուիցե́ս յերկնից ՛ի պատրաստ բնակու(թեն)է քումմէ. եւ արասցե́ս ըստ ա(մենայ)նի զոր ինչ եւ կարդասցէ առ քեզ օտարականն. զի ծանիցեն ա(մենայ)ն ժողովուրդք երկրի զանուն քո, եւ երկիցեն ՛ի քէն՝ ո(ր)պ(էս) եւ ժողովուրդ քո ի(սրա)էլ, եւ գիտասցեն եթէ կոչեցեալ է անուն քո ՛ի վ(ե)ր(այ) տանս այսորիկ զոր շինեցի։

³⁴Եթէ ելցէ ժողովուրդ քո ՛ի պատերազմ ՛ի վ(ե)ր(այ) թշնամեաց իւրոց ՛ի ճանապարհ՝ յոր առաքեսցես զն(ո)ս(ա)։ եւ յաղօթս կացցեն առ քեզ ՛ի ճանապարհի քաղաքիս այսորիկ զոր ընտրեցեր զսա, եւ տանս զոր շինեցի անուան քում։
³⁵եւ լուիցես յերկնից պաղատանաց եւ աղօթից ն(ո)ց(ա), եւ արասցես իրաւունս ն(ո)ց(ա),
³⁶վ(ա)ս(ն) զի մեղանչեն քեզ։ քանզի ո́չ գոյ մարդ որ ո́չ մեղանչէ։ եւ հարցես զն(ո)ս(ա), եւ մատնեսցես զն(ո)ս(ա) առաջի երեսաց թշնամեաց. եւ գերելով գերեսցին յերկիր թշնամեացն, յերկիր հեռաւոր կամ մերձաւոր։

³⁷եւ դարձցին սրտիւք իւրեանց յերկրին յոր փոփոխեցան անդր. դարձցին եւ աղաչեսցեն զքեզ ՛ի գերու(թ)ե(ա)ն իւրեանց. եւ ասասցեն, մեղա́ք անօրինեցաք։
³⁸եւ դարձցին առ քեզ յա(մենայ)ն սրտից իւրեանց, եւ ՛ի բոլոր անձնէ իւրեանց յերկիր գերութե(ա)ն. եւ յաղօթս կացցեն ՛ի ճանապարհ երկրիս այսորիկ զոր ետուր հարցն մերոց, եւ քաղաքիս զոր ընտրեցեր, եւ տանս զոր շինեցի անուան քում։
³⁹Եւ լուիցես յերկնից ՛ի պատրաստ բնակու(թեն)է քումմէ աղօթից ն(ո)ց(ա) եւ պաղատանաց իւրեանց. եւ արասցե́ս իրաւունս, եւ քաւի́չ լիցիս ժողովրդեանն մեղուցելոյ քեզ։
⁴⁰Եւ արդ տ(է)ր, եղիցին աչք քո բա́ց, եւ ականջք քո առ ՛ի լսե́լ զպաղատանս ՛ի տեղւոջս յայսմ։

⁴¹Եւ արդ՝ արի́ տ(է)ր ա(ստուա)ծ ՛ի հանգիստ քո, դու եւ տապանակ սրբութե(ան) քոյ։ քահանայք քո տ(է)ր ա(ստուա)ծ՝ զգեցցին զփրկու(թ)ի(ւն), եւ որդիք քո ուրա́խ եղիցին ՛ի բարութի(ւն)ս։
⁴²Տ(է)ր ա(ստուա)ծ՝ մի դարձուցաներ զերեսս քո յօծելոյ քումմէ։ յիշեա́ ողորմութ(եամ)բ քո զդաւիթ ծառայ քո։

¹Եւ իբրեւ կատարեաց սողոմոն զաղօթսն, հո́ւր էջ յերկնից եւ եկեր զողջակէզսն, եւ զզոհսն. եւ փարքն տ(եառ)ն լցին զտունն։
²եւ ո́չեւս կարէին քահանայքն մտանե́լ ՛ի տուն տ(եառ)ն ՛ի ժամանակին յայնմիկ. վասն զի լցին փառքն տ(եառ)ն զտունն։
³Եւ ա(մենայ)ն որդիքն ի(սրաէ)լի տեսանէին զիջանել հրոյն, եւ զփառսն տ(եառ)ն ՛ի վ(ե)ր(այ) տանն. եւ անկան ՛ի վ(ե)ր(այ) երեսաց յերկիր ՛ի քարայատակ տեղւոջն, եւ երկի́ր պագին, եւ օրհնեցին զտ(է)ր. զի բարի́ է՝ զի յաւիտեան է ողորմու(թ)ի(ւն) ն(ո)ր(ա)։
⁴Եւ արքայ եւ ա(մենայ)ն ժողովուրդն զենուին զոհս առաջի տ(եառ)ն։

⁵եւ եզեն սողոմոն զզոհսն, զուարակս քսան եւ երկու հազարս, եւ ոչխարս արօտականս հարիւր քսան հազարս։ եւ արար զնաւակատիս տաճարին ա(ստուծո)յ արքայ եւ ա(մենայ)ն ժողովուրդն։
⁶Եւ քահանայքն ըստ պահպանութե(ա)ն իւրեանց կացին, եւ ղեւտացիքն նուագարանօք երգոցն տ(եառ)ն, եւ դաւթայ արքայի. խոստովա́ն լինել առաջի տ(եառ)ն՝ զի յաւիտեան է ողորմութի(ւն) ն(ո)ր(ա). օրհնոթ(եամ)բքն դաւթայ ՛ի ձեռն ն(ո)ց(ա)։ եւ քահանայքն հարկանէին փողս առաջի ն(ո)ց(ա). եւ ա(մենայ)ն ի(սրա)էլ յո́տն կայր։

⁷Եւ սրբեաց սողոմոն զմիջոց սրահին՝ որ էր ՛ի տանն տ(եառ)ն. վ(ա)ս(ն) զի ա́նդ արար զողջակէզսն եւ զճարպն փրկութե(ան). քանզի սեղանն պղնձի զոր արարսողոմոն ո́չ կարէր ընդունել զողջակէսն, եւ զմաննայն, եւ զճարպսն։
⁸Եւ արար սողոմոն զտօնն ՛ի ժամանակին յայնմ աւուրս եւթն. եւ ա(մենայ)ն ի(սրա)էլ ընդ նմա, եկեղեցի մե́ծ յոյժ, ՛ի մտիցն եմաթայ մինչեւ ՛ի հեղեղատն եգիպտոսի։
⁹Եւ արար յաւուրն ութերորդի ե́լս. վ(ա)ս(ն) զի զնաւակատիսն արար սեղանոյն զեւթն օր տօնին։
¹⁰եւ ՛ի քսան եւ երիս ամսոյն եւթներորդի արձակեաց զժողովուրդն ՛ի խորանս իւրեանց ուրախու(թեամ)բ եւ բարի սրտիւ, յա(մենայ)ն բարութի(ւն)սն զոր արար տ(է)ր դաւթի՝ եւ սողոմոնի, եւ ժողովրդեան իւրում ի(սրաէ)լի։

¹¹Եւ կատարեա́ց սողոմոն զտունն տ(եառ)ն, եւ զտունն արքայի, եւ զա(մենայ)ն ինչ զոր կամեցաւ անձն սողոմոնի առնե́լ ՛ի տանն տ(եառ)ն եւ ՛ի տան իւրում, յաջողեցաւ։
¹²Եւ երեւեցա́ւ ա(ստուա)ծ սողոմոնի ՛ի գիշերին յայնմիկ, եւ ասէ ցնա. լուա́յ աղօթից քոց. ընտրեցի́ զտեղիդ զայդ ինձ ՛ի տուն զոհից։
¹³Եթէ սրգելից զերկինս, եւ ո́չ լինիցի անձրեւ. եւ եթէ պատուիրեցից մարախոյ ուտել զփայտ. եւ եթէ առաքեցից մա́հ ՛ի ժողովուրդ իմ։
¹⁴եւ եթէ ամաչեսցէ ժողովուրդ իմ յորոյ կոչեցեալ է անուն իմ ՛ի վ(ե)ր(այ) ն(ո)ց(ա). եւ յաղօ́թս կացցեն եւ խնդրեսցեն զերեսս իմ, եւ դարձցին ՛ի ճանապարհաց իւրեանց չարաց. եւ ես լուա́յց յերկնից, եւ քաւի́չ եղէց ն(ո)ց(ա)՝ եւ բժշկեցից զերկիր ն(ո)ց(ա)։

¹⁵Եւ այժմ աչք իմ եղիցին բա́ց, եւ ականջք իմ առ ՛ի լսել զաղօթս ՛ի տեղւոջս յայսմ։
¹⁶եւ արդ՝ ահա ընտրեցի զտունս զայս, եւ սրբեցի́ զսա առ ՛ի լինել անուան իմոյ ա́ստ յաւիտեան. եւ եղիցի́ն աչք իմ եւ սիրտ ա́ստ զա(մենայ)ն աւուրս։
¹⁷Եւ դու՝ եթէ գնասցես առաջի իմ իբրեւ զդաւիթ հայր քո, եւ արասցես ըստ ա(մենայ)նի զոր ինչ պատուիրեցի քեզ. զհրամանս իմ եւ զիրաւունս իմ պահեսցես։
¹⁸կանգնեցից զաթոռ թագաւորու(թ)ե(ան) քոյ, ո(ր)պ(էս) ուխտեցի ընդ դաւթի հօր քոյ եւ ասացի, ո́չ բարձցի քո այր առաջնորդ յի(սրաէ)լէ։

¹⁹Ապա թէ դարձջիք դուք՝ եւ թողջիք զհրամանս իմ, եւ զպատուիրանս իմ զորս ետու առաջի իմ. եւ երթայցէք պաշտիցէք զաստուածս օտարս, եւ երկի́ր պագանիցէք ն(ո)ց(ա).
²⁰բարձի́ց զձեզ յերկրէս զոր ետու ձեզ, եւ զտունս զայս զոր սրբեցի անուան իմոյ, ՛ի բա́ց դարձուցից յերեսաց իմոց, եւ տա́ց զսա յառակ եւ ՛ի պատմութի(ւն) յա(մենայ)ն ազգս.
²¹զտունս զայս զբարձր. եւ ա(մենայ)ն որ անցանիցէ առ սովաւ՝ զարմասցի եւ ասասցէ. ընդէ՞ր արար տ(է)ր երկրիս այսմ, եւ տանս այսմիկ։

²²Եւ ասասցեն, վ(ա)ս(ն) զի թողին զտ(է)ր ա(ստուա)ծ հարցն իւրեանց՝ որ եհան զնոսա յերկրէն եգիպտոսի. եւ ընկալան զաստուածս օտարս, երկիր պագին ն(ո)ց(ա) եւ ծառայեցին ն(ո)ց(ա). յաղագս ա́յնորիկ ած ՛ի վ(ե)ր(այ) դոցա զա(մենայ)ն չարիսդ զայդոսիկ։

¹Եւ եղեւ յետ քսան ամաց՝ յորս շինեաց սողոմոն զտունն տ(եառ)ն եւ զտունն իւր։
²եւ զքաղաքսն զոր ետ քիրամ սողոմոնի, շինեաց զնոսա սողոմոն. եւ բնակեցո́յց անդր զորդիսն ի(սրաէ)լի։
³Եւ եկն սողոմոն յեմաթսովբայ, եւ զօրացոյց զնա։
⁴եւ շինեաց զթեդմոս յանապատին. եւ զա(մենայ)ն քաղաքսն ամուրս շինեաց յեմաթ։
⁵եւ շինեաց զբեթորոն վերին, եւ զբեթորոն ներքին, քաղաքս ամուրս պարսպօք, եւ դրամբք, եւ նգօք։

⁶Եւ զբաղաաթ, եւ զա(մենայ)ն քաղաքսն ամուրս որք էին սողոմոնի, եւ զա(մենայ)ն քաղաքս կառացն, եւ զա(մենայ)ն քաղաքս ձիոց։ եւ զոր ինչ ցանկացաւ սողոմոն ըստ ցանկութե(ան) իւրում շինել յե(րուսաղէ)մ, եւ ՛ի լիբանան, եւ յա(մենայ)ն թագաւորութե(ան) իւրում։
⁷Ամենայն ժողովուրդ որ մնացեալ էր ՛ի քետացւոցն, եւ յամուրհացւոցն, եւ ՛ի փերեզացւոցն, եւ ՛ի խեւացւոցն, եւ յեբուսացւոցն, որք ո́չ էին յորդւոցն ի(սրաէ)լի,
⁸այլ էին յորդւոց այնոցիկ, որք մնացեալ էին ը(նդ) նոսա յերկրին զորս ո́չ սատակեցին որդիքն ի(սրաէ)լի. եւ ած զն(ո)ս(ա) սողոմոն ՛ի հարկատուս մինչեւ ցայսօր։

⁹Եւ յորդւոցն ի(սրաէ)լի ո́չ առ սողոմոն ՛ի ծառայս թագաւորութե(ան) իւրոյ. վ(ա)ս(ն) զի նոքա ա́րք պատերազմօղք, եւ իշխանք զօրաւորք, եւ իշխանք կառաց եւ երիվարաց։
¹⁰եւ սոքա էին իշխանք հրամանաց թագաւորու(թ)ե(ա)ն սողոմոնի. երկերիւր յիսուն գործավարք ժողովրդեանն։
¹¹Եւ զդուստրն փարաւոնի եհան սողոմոն ՛ի քաղաքէն դաւթի, ՛ի տունն զոր շինեաց նմա. վ(ա)ս(ն) զի ասաց՝ ո́չ բնակեսցէ կին իմ ՛ի քաղաքին ի(սրաէ)լի արքայի դաւթի, վ(ա)ս(ն) զի սո́ւրբ է որ եմուտ անդր տապանակն տ(եառ)ն։
¹²Յայնժամ եհան սողոմոն ողջակէզս տ(եառ)ն ՛ի վ(ե)ր(այ) սեղանոյն ն(ո)ր(ա) զոր շինեաց յանդիման տաճարին։

¹³եւ ը(ստ) բանին աւուրց յաւուրս մատուցանել ըստ պատուիրանացն մովսիսի ՛ի շաբաթսն, եւ յամսամուտսն, եւ ՛ի տօնսն, երի́ս ժամանակս ՛ի տարւոջ ՛ի տօնի բաղարջակերացն, եւ ՛ի տօնի եւթներորդացն, եւ ՛ի տօնի տաղաւարահարացն։
¹⁴Եւ կացո́յց ը(ստ) իրաւանցն դաւթի զդասս քահանայիցն ը(ստ) պաշտաման ն(ո)ց(ա). եւ ղեւտացիքն ՛ի վ(ե)ր(այ) պահպանու(թ)ե(ա)ն իւրեանց, օրհնե́լ եւ պաշտել առաջի քահանայիցն ըստ օրինին օր ըստ օրէ։ Եւ դռնապանք ը(ստ) որոշմանն իւրեանց ՛ի դրունս դրունս. վ(ա)ս(ն) զի այս էր պատուիրանն դաւթայ առն ա(ստուծո)յ։
¹⁵եւ ո́չ անցին զպատուիրանօքն արքայի, յաղագս քահանայից եւ ղեւտացւոց, յա(մենայ)ն բանի եւ ՛ի գանձարանս։

¹⁶Եւ պատրաստեցաւ ա(մենայ)ն գործն, յօրէ յորմէ սկսաւ մինչեւ յօրն յորում կատարեաց սողոմոն զտունն տ(եառ)ն։
¹⁷Յայնժամ գնաց սողոմոն ՛ի գասիոնդաբեր, եւ յեղամ, որ առ ծովեզերն հրէաստանի էր։
¹⁸Եւ առաքեաց քիրամ ՛ի ձեռն ծառայից իւրոց նաւս, եւ ա́րք որ գիտէին նաւել ը(նդ) ծովն, եւ գնացին ընդ ծառայսն սողոմոնի ՛ի սովփերա. եւ առին անտի չորեքհարիւր յիսուն տաղանտ ոսկւոյ, եւ եկին առ արքայ սողոմոն։

¹Եւ թագուհին սաբայ լուաւ զանուն սողոմոնի, եւ եկն փորձել զսողոմոն առակօք յ(թ)ե(ան)մ, յո́յժ ծանր զօրութ(եամ)բ, եւ ուղտուք՝ որ բարձեալ բերէին խունկս եւ ոսկի́ բազում, եւ ականս պատուականս, եւ եկն առ սողոմոն, եւ խօսեցաւ ընդ նմա զա(մենայ)ն որ ինչ է́ր ՛ի միտս իւր։
²Եւ պատմեաց նմա սողոմոն զա(մենայ)ն բանս ն(ո)ր(ա). եւ ո́չ վրիպեաց բան մի ՛ի սողոմոնէ զոր ոչ պատմեաց նմա։
³Եւ ետես թագուհին սաբայ զիմաստութի(ւն)ն սողոմոնի. եւ զտունն զոր շինեաց.

⁴եւ զկերակուրս սեղանոցն. եւ զաթոռս ծառայից ն(ո)ր(ա), եւ զկարգս պաշտօնէից ն(ո)ր(ա), եւ զպատմուճանս ն(ո)ց(ա). եւ զմատռուակս ն(ո)ր(ա), եւ զգեստն ն(ո)ց(ա)։ եւ զողջակէզսն զոր մատուցանէր ՛ի տանն տ(եառ)ն, ՛ի զարմացմա́ն եղեւ.
⁵եւ ասէ ցարքայ. Ճշմարի́տ էր բանն զոր լուայ յերկրին իմում յաղագս բանից քոց, եւ վ(ա)ս(ն) իմաստութե(ան) քոյ։
⁶եւ ո́չ հաւատացի բանիցն մինչեւ եկի, եւ տեսին աչք իմ. եւ ահա ո́չ է ՛ի կէս զոր պատմեցինն, ՛ի բազմութ(են)է իմաստու(թ)ե(ան)ս քոյ զորս յաւելեր ՛ի համբաւն զոր լուայ։
⁷Երանելի́ք են արքդ՝ եւ երանելի կանայք քո, եւ ծառայքդ այդոքիկ որք կան առ քեզ հանապազ՝ եւ լսեն զիմաստութի(ւն)դ քո։

⁸Եղիցի տ(է)ր ա(ստուա)ծ օրհնեալ՝ որ հաճեցաւ ընդ քեզ, տա́լ զքեզ յաթոռ թագաւորութե(ան) իւրոյ՝ ժողովրդեան քում։ զի յաղագս սիրելոյ տ(եառ)ն ա(ստուծո)յ քո զի(սրա)էլ, եւ կացուցանելոյ զնա յաւիտեան, ե́տ զքեզ ՛ի վ(ե)ր(այ) դոցա թագաւոր, առնել իրաւունս եւ արդարութի(ւն)։
⁹Եւ ետ արքայի հարիւր քսան տաղանտ ոսկւոյ, եւ խունկս բազո́ւմ յոյժ, եւ ականս պատուականս։ եւ ո́չ գոյր իբրեւ զխունկսն զայնոսիկ զորս ետ տիկինն սաբայ արքայի սողոմոնի։
¹⁰Եւ ծառայքն սողոմոնի՝ եւ ծառայքն քիրամայ բերին ոսկի սողոմոնի ՛ի սովփերայ, եւ փայտս նոճս, եւ ականս պատուականս։

¹¹Եւ արար արքայ զփայտն նոճ՝ աստիճանս տանն տ(եառ)ն՝ եւ տանն արքայի, եւ քնարս, եւ տաւիղս երգեցողացն. եւ ո́չ երբեք երեւեցաւ այնպէս յառաջագոյն յերկրին յուդայ։
¹²Եւ արքայ սողոմոն ետ տիկնոջն սաբայ զա(մենայ)ն զոր ինչ կամեցաւ նա՝ եւ զորինչ խնդրեաց, բա́ց յայնցանէ զոր ետ արքայի սողոմոնի. եւ դարձաւ յերկիրն իւր։
¹³Եւ էր կշիռն ոսկւոյն զոր բերին սողոմոնի ՛ի միում տարւոջ, վեց հարիւր վաթսուն եւ վեց տաղանտ ոսկւոյ
¹⁴առանց արանցն կարգելոց՝ եւ վաճառականացն որք բերէին։ եւ յա(մենայ)ն թագաւորութե(ան)ցն արաբացւոց, եւ յիշխանաց երկրին՝ բերէին ոսկի եւ արծաթ արքայի սողոմոնի։

¹⁵Եւ արար արքայ սողոմոն երեք հարիւր վահան ոսկի կռածոյ, վեց հարիւր դահեկան մաքուր ոսկի ՛ի մի վահան։
¹⁶եւ երեք հարիւր նիզակ ոսկի կռածոյ, երեք հարիւր դահեկան ՛ի մի նիզակ յիւրաքանչիւրոք ՛ի նոցանէ. եւ ե́տ զայն արքայ ՛ի տուն անտառին լիբանանու։
¹⁷Եւ արա́ր արքայ աթոռ ՛ի ժանեաց փղաց մեծ, եւ պատեաց զնա մաքուր ոսկւով.
¹⁸եւ վեց աստիճանք էին աթոռոյն կապեալք ոսկւով. եւ անկիւնք աստի եւ անտի յաթոռ նստելոյ, եւ երկու առիւծք կային առ ոտս անկեանցն.
¹⁹եւ երկոտասան առեւծք կային աստի եւ անտի առ վեց աստիճանսն. եւ ո́չ երբէք եղեւ այնպիսի յա(մենայ)ն թագաւորու(թ)ե(ան) ուրուք։

²⁰Եւ ա(մենայ)ն սպաս արքայի սողոմոնի ոսկեղէն, եւ ա(մենայ)ն սպաս տան անտառին լիբանանու ոսկւով բեւեռեալ. եւ ո́չինչ էր համարեալ արծաթ յաւուրս սողոմոնի։
²¹վ(ա)ս(ն) զի նա́ւ արքայի սողոմոնի երթայր ՛ի թարսսիս ընդ ծառայսն քիրամայ, եւ միանգամ յերիս ամս գա́յր նաւն ՛ի թարչսայ արքայի, լի́ ոսկւով եւ արծաթով, եւ ժանեօք փղաց, եւ կապկաց, եւ սիրամարդօք։
²²Եւ մեծացաւ սողոմոն քան զա(մենայ)ն թագաւորս՝ ընչիւք եւ իմաստու(թեամ)բ։
²³եւ ա(մենայ)ն թագաւորք երկրի խնդրէին զերեսս սողոմոնի տեսանել. եւ լսել զիմաստու(թ)ի(ւն) ն(ո)ր(ա) զոր ետ ա(ստուա)ծ ՛ի սիրտ ն(ո)ր(ա)։

²⁴եւ նոքա բերէին իւրաքանչիւրոք ընծա́յ նմա, անօթս արծաթեղէնս, եւ անօթս ոսկեղէնս, եւ պատմուճանս, եւ ստաշխն, եւ խունկս, եւ ձիս, եւ ջորիս՝ ամի ամի։
²⁵Եւ էին սողոմոնի չորք բեւրք մատակ ձիք ՛ի կառս, եւ երկոտասան հազար երիվարք. եւ ետ զն(ո)ս(ա) ՛ի քաղաքս կառացն, եւ էին ընդ սողոմոնի յե(րուսաղէ)մ։
²⁶Եւ էր իշխան ա(մենայ)ն թագաւորացն, ՛ի գետոյն եփրատայ մինչեւ յերկիրն այլազգեաց, եւ մինչեւ ՛ի սահմանս եգիպտոսի։
²⁷Եւ եդ արքայ զոսկի եւ զարծաթ իբրեւ զքարինս յե(րուսաղէ)մ, եւ զփայտս մայրս իբրեւ զմոլաթզենիս ՛ի դաշտս բազում։
²⁸եւ ելք ձիոցն սողոմոնի յեգիպտոսէ՝ եւ յա(մենայ)ն երկրէ։

²⁹Եւ մնացորդք բանիցն սողոմոնի առաջինք եւ վերջինք՝ ահա գրեալ են ՛ի բանս նաթանայ մարգարէի, եւ ՛ի բանս աքիայ սիղոնացւոյ, եւ ՛ի տեսիլն յովելայ տեսանողի, վ(ա)ս(ն) յերոբովամայ որդւոյ նաբատայ։
³⁰Եւ թագաւորեաց արքայ սողոմոն ՛ի վերայ ամենայն ի(սրաէ)լի ամս քառասուն։
³¹եւ ննջեաց սողոմոն, եւ թաղեցին զնա ՛ի քաղաքին դաւթի հօր իւրոյ։

¹Եւ եկն ռոբովամ ՛ի սիւքեմ, վ(ա)ս(ն) զի ՛ի սիւքեմ գայր ա(մենայ)ն ի(սրա)էլ թագաւորեցուցանել զնա։
²Եւ եղեւ իբրեւ լուաւ յերոբովամ որդի նաբատայ, եւ ինքն էր յեգիպտոս փախուցեալ յերեսաց արքայի սողոմոնի, եւ բնակէր յերոբովամ յեգիպտոս. եւ դարձաւ յերոբովամ յեգիպտոսէ,
³առաքեցին եւ կոչեցին զնա։ Եւ եկն յերոբովամ եւ ա(մենայ)ն եկեղեցին ի(սրաէ)լի առ արքայ ռոբովամ եւ ասեն։
⁴Հա́յր քո խոստացոյց զլուծ մեր. եւ արդ՝ թուլացո́ զխիստ ծառայութի(ւն) հօր քոյ, եւ զլուծ ն(ո)ր(ա) զծանր զոր եդ ՛ի վերայ մեր. եւ ծառայեսցուք քեզ։
⁵Եւ ասէ ցն(ո)ս(ա). երթա́յք մինչեւ յաւուրս երիս, եւ եկեսջի́ք առիս. եւ գնաց ժողովուրդն։

⁶Եւ ժողովեաց արքայ ռոբովամ զծերսն որք կային առաջի սողոմոնի հօր նորա մինչդեռ կենդանի́ էր նա, եւ ասէ. զիա՞րդ թուի ձեզ, եւ զի՞նչ խորհիք պատասխանի առնել ժողովրդեանն այնմ, բա́ն ինչ։
⁷Եւ խօսեցան ընդ նմա եւ ասեն. եթէ այսօր լինիս բարի́ ժողովրդեան քում, եւ հաճո́յ լիցիս, եւ խօսեսցիս ընդ ն(ո)ս(ա) բանս բարիս. եւ եղիցին քեզ ծառայք զա(մենայ)ն աւուրս։
⁸Եւ եթող զխորհուրդ ծերոցն զոր խորհեցան ընդ նմա, եւ խորհեցաւ ընդ մանկտի սննսակիցսն իւր որք կային առաջի ն(ո)ր(ա).
⁹եւ ասէ ցն(ո)ս(ա). զի՞նչ թուի ձեզ, եւ պատասխանի տաց բան ժողովրդեանն այնմիկ որք խօսեցան ընդիս՝ եւ ասացին, թողացո́ ՛ի լծոյն զոր եդ հայր քո ՛ի վր մեր։

¹⁰Եւ խօսեցան ընդ նմա մանկտին սննդակիցքն նորա. այսպէս խօսեսցիս ընդ ժողովրդեանն որ խօսեցաւ ընդ քեզ՝ եւ ասաց, հա́յր քո ծանրացոյց զլուծն մեր, եւ դու թո́ղ մեզ. ա́յսպէս ասասցես, փոքր մատնս իմ ստուրագո́յն է քան զմէջ հօր իմոյ։
¹¹եւ արդ՝ հայրն իմ խրատեաց զձեզ ծանր լծով, եւ ես յաւելի́ց ՛ի լուծն ձեր. հայր իմ խրատեաց զձեզ գաւազանօք՝ եւ ես խրատեցից զձեզ կարճօք։
¹²Եւ եկն յերոբովամ եւ ա(մենայ)ն ժողովուրդն առ ռոբովամ յաւուրն երրորդի, ո(ր)պ(էս) խօսեցաւ արքայ եւ ասաց. դարձջի́ք առիս յաւուրն երրորդի։
¹³Եւ պատասխանի արար արքայ խի́ստ, եւ եթող արքայ ռոբովամ զխորհուրդ ծերոցն,

¹⁴եւ խօսեցաւ ընդ նոսա ըստ խորհրդոյ մանկանցն՝ եւ ասէ. հայրն իմ ծանրացոյց զլուծ ձեր, եւ ես յաւելից յայն. հայրն իմ խրատեաց զձեզ գաւազանօք, եւ ես խրատեցից զձեզ կարճօք։
¹⁵Եւ ո́չ լուաւ արքայ ժողովրդեանն, վ(ա)ս(ն) զի էր կործանումնն յա(ստուծո)յ. եւ հաստատեաց տ(է)ր զբան իւր զոր խօսեցաւ ՛ի ձեռն աքիայ սիլովնացւոյ յաղագս յերոբովամու որդւոյ նաբատայ, եւ ա(մենայ)ն ի(սրաէ)լի.
¹⁶եւ ո́չ լուաւ արքայ ն(ո)ց(ա)։ Պատասխանի́ ետ ժողովուրդն արքայի՝ եւ ասեն. զի՞նչ բաժին կայ մեր ընդ դաւթի, եւ կամ ժառանգութի(ւն) ընդ որդւոյն յեսսեայ. ե́րթ գնա́ ՛ի բնակութի(ւն)ս քո ի(սրա)էլ. եւ արդ տե́ս դու զտուն քո դաւիթ։ եւ գնաց ա(մենայ)ն ի(սրա)էլ ՛ի բնակութի(ւն)ս իւր։

¹⁷եւ արքն ի(սրաէ)լի մնացեալքն ՛ի քաղաքս յուդայ՝ թագաւորեցուցին ՛ի վ(ե)ր(այ) իւրեանց ռոբովամ։
¹⁸Եւ առաքեաց արքայ ռոբովամ զադոնիրամ որ էր ՛ի վ(ե)ր(այ) հարկացն. եւ քարկոծեցին զնա որդիքն ի(սրաէ)լի քարամբք, եւ մեռաւ։ եւ արքայ զռոբովամ փութացաւ ելանել ՛ի կառս իւր՝ եւ փախչել յե(րուսաղէ)մ։
¹⁹Եւ անգոսնեաց ի(սրա)էլ զտունն դաւթի մինչեւ յօրս յայս։

¹Եւ եկն ռոբովամ յ(թ)ե(ան)մ. եւ ժողեաց զյուդաս եւ զբենիամին հարիւր ութսուն հազար երիտասարդաց որք առնէին պատերազմ. եւ տա́յր պատերազմ ընդ ի(սրաէ)լի դարձուցանել զթագաւորութի(ւն)ն յինքն։
²Եւ եղեւ բան տ(եառ)ն առ սամէաս այրն ա(ստուծո)յ՝ եւ ասէ.
³խօսեա́ց ընդ ռոբովամայ որդւոյ սողոմոնի, եւ ընդ ա(մենայ)ն յուդայ եւ բենիամինի՝ եւ ասասցես։
⁴Ա́յսպէս ասէ տ(է)ր, մի́ ելանէք՝ եւ մի́ պատերազմիք ընդ եղբարս ձեր, դարձցի́ իւրաքանչիւրոք ՛ի տուն իւր. վ(ա)ս(ն) զի յինէն եղեւ բանդ այդ։ եւ լուան բանին տ(եառ)ն, դարձան ո́չ եւս երթալ ՛ի վ(ե)ր(այ) յերոբովամայ։
⁵Եւ բնակեաց ռոբովամ յե(րուսաղէ)մ. եւ շինեաց քաղաքս պարսպաւորս ՛ի հրէաստանի։

⁶եւ շինեաց զբեթսէէմ. եւ զետանի. եւ զբեքովրեայ։
⁷եւ զբեթաւրա. եւ զսոկքով. եւ զոդողամ։
⁸եւ զգէթ. եւ զմարիսան. եւ զզիփ։
⁹եւ զադովրայիմ. եւ զղաքիս. եւ զազեկա.
¹⁰եւ զսարաա. եւ զեաղոն. եւ զքեբրոն որ էր յուդայ։ եւ ՛ի բենիամինէ քաղաքս պարսպաւորս։
¹¹Եւ ամրացոյց զն(ո)ս(ա) պարսպօք, եւ ետ ՛ի ն(ո)ս(ա) իշխանս, եւ համբարս կերակրոց՝ ձէթ եւ գինի
¹²ըստ քաղաքաց։ վահանս, եւ նիզակս, եւ զօրացո́յց զնոսա յաճախութ(եամ)բ յոյժ։

¹³եւ քահանայքն եւ ղեւտացիքն որք էին յա(մենայ)ն ի(սրաէ)լի, ժողովեցան առ նա յա(մենայ)ն սահմանացն. վ(ա)ս(ն) զի թողին ղեւտացիքն զբնակու(թ)ի(ւն)ս կաուածոց իւրեանց, եւ գնացին առ յուդայ յե(րուսաղէ)մ։
¹⁴քանզի եհան զնոսա յերոբովամ եւ որդիք ն(ո)ր(ա), ո́չ եւս պաշտել զտ(է)ր։
¹⁵Եւ կացո́յց իւր քուրմս բարձանցն եւ կռոցն, եւ սնոտւոցն, եւ երընջոցն զոր արար յերոբովամ.
¹⁶եւ եհան զն(ո)ս(ա) ՛ի ցեղիցն ի(սրաէ)լի, որք ետուն զսիրտս իւրեանց խնդրել զտ(է)ր ա(ստուա)ծ ի(սրաէ)լի. եւ եկին յե(րուսաղէ)մ զոհել տ(եառ)ն ա(ստուծո)յ հարցն իւրեանց.

¹⁷եւ զօրացուցին զթագաւորու(թ)ի(ւն)ն յուդայ։ Եւ հզօրացաւ ռոբովամ որդի սողոմոնի ամս երիս. վ(ա)ս(ն) զի գնաց ՛ի ճանապարհս դաւթի եւ սողոմոնի զերիս ամս։
¹⁸Եւ ա́ռ իւր ռոբովամ կին զմովզաթ դուստր յերիմութայ որդւոյ դաւթի, եւ զաբիադ դուստր եղիաբայ որդւոյ յեսսեայ։
¹⁹եւ ծնան նմա որդիս, զյերում, եւ զսամարիա, եւ զաղով։
²⁰Եւ յետ այսորիկ ա́ռ զմաաքա դուստր աբեսաղոմայ, եւ ծնաւ նմա զաբիաս, եւ զեթթի, եւ զիզա, եւ զսաղեմովթ։
²¹եւ սիրեաց ռոբովամ զմաաքա դուստր աբեսողոմայ քան զա(մենայ)ն կանայս իւր, եւ զհարճս իւր. վասն զի կանայս ունէր ութուտասն, եւ հարճս վաթսուն. եւ ծնաւ ուստերս քսանեւութ, եւ դստերս վաթսուն։

²²Եւ կացոյց իշխանս ռոբովամ զաբիա՝ որ էր ՛ի մաաքայ, իշխան ՛ի վերայ եղբարցն իւրոց. վ(ա)ս(ն) զի թագաւորեցուցանել խորհէր զնա։
²³եւ աճեաց առաւել քան զա(մենայ)ն որդիս նորա։ յա(մենայ)ն սահմանս յուդայ եւ բենիամինի, եւ ՛ի քաղաքսն ամուրս՝ ե́դ ՛ի նոսա կերակուր բազում յոյժ. եւ խնդրեաց բազմութի(ւն) կանանց։

¹Եւ եղեւ իբրեւ պատրաստեցաւ թագաւորու(թ)ի(ւն)ն ռոբովամայ. եւ յորժամ զօրացաւ, եթող զպատուիրանս տ(եառ)ն, եւ ա(մենայ)ն ի(սրա)էլ ընդ նմա։
²Եւ եղեւ ՛ի հինգերորդի́ ամի թագաւորութե(ա)ն ռոբովամայ, ե́լ սաւսակիմ արքայ եգիպտոսի ՛ի վ(ե)ր(այ) ե(րուսաղէ)մի. վ(ա)ս(ն) զի մեղան առաջի տ(եառ)ն.
³հազար եւ երկերիւր կառօք, եւ վաթսուն հազար երիվարօք. եւ ո́չ գոյր թիւ բազմութե(ա)ն եկելոյ ընդ նմա յեգիպտոսէ։ լիբէացիք, տրոգլոդացիք, եթեովպացիք.
⁴եւ զօրացան ՛ի վ(ե)ր(այ) ամուր քաղաքացն որ էին յուդայ. եւ եկն յե(րուսաղէ)մ։

⁵Եւ սամէաս մարգարէ եկն առ ռոբովամ, եւ առ իշխանսն յուդայ ժողովեալսն յե(րուսաղէ)մ յերեսաց սաւսակիմայ, եւ ասէ ցնոսա. ա́յսպէս ասէ տ(է)ր. դուք թողէք զիս, եւ ես թողից զձեզ ՛ի ձեռս սաւսակիմայ։
⁶Եւ ամաչեցին իշխանքն ի(սրաէ)լի՝ եւ արքայն,եւ ասեն՝ արդա́ր է տ(է)ր։
⁷Եւ իբրեւ ետես տ(է)ր եթէ պատկառեցին, եղե́ւ բան տ(եառ)ն առ սամէաս՝ եւ ասէ. պատկառեցին, ո́չ ապականեցից զդոսա. տա́ց զդոսա իբրեւ սակաւ մի ՛ի փրկութի(ւն). եւ մի́ կաթեսցէ սրտմտութի(ւն) իմ ՛ի վ(ե)ր(այ) ե(րուսաղէ)մի.
⁸վ(ա)ս(ն) զի եղիցին ինձ ՛ի ծառայս, եւ ծանիցեն զծառայութի(ւն)ն իմ, եւ զծառայութի(ւն) թագաւորու(թ)ե(ան) երկրիս։

⁹Եւ ել սաւսակիմ արքայ եգիպտոսի, եւ ա́ռ զգանձսն որ էին ՛ի տանն տ(եառ)ն, եւ զգանձս տանն արքայի եւ զա(մենայ)ն առ։ ա́ռ եւ զվահանսն ոսկեղէնս զոր արար սողոմոն։
¹⁰եւ արար ռոբովամ վահանս պղնձիս փոխանակ ն(ո)ց(ա)։ Եւ կացոյց ՛ի վ(ե)ր(այ) ն(ո)ց(ա) սաւսակիմ իշխանս սուրհանդակացն որք պահէին զդուռն արքային։
¹¹Եւ լինէր ՛ի մտանել արքայի ՛ի տունն տ(եառ)ն, մտանէին եւ պահապանքն եւ սուրհանդակքն, եւ դառնային ընդ առաջ սուրհանդակացն.
¹²Եւ ՛ի պատկառելն ն(ո)ր(ա), դարձաւ ՛ի նմանէ բարկութի(ւն) տ(եառ)ն, եւ ո́չ ապականեցաւ ՛ի սպառ. վ(ա)ս(ն) զի էին բանք բարիք ՛ի յուդայ։

¹³Եւ զօրացաւ ռոբովամ յ(թ)ե(ան)մ, եւ թագաւորեաց։ քառասուն եւ միոյ ամի էր ՛ի թագաւորելն իւրում, եւ զեւթնեւտասն ամ թագաւորեաց յ(թ)ե(ան)մ, ՛ի քաղաքին զոր ընտրեաց տ(է)ր անուանել զանուն իւր անդ՝ յա(մենայ)ն ցեղիցն ի(սրաէ)լի։ եւ անուն մօր ն(ո)ր(ա) նոոմա ամոնացի։
¹⁴եւ արար չա́ր. վ(ա)ս(ն) զի ո́չ ուղղեցաւ սիրտ նորա խնդրել զտ(է)ր։
¹⁵Եւ բանքն ռոբովամայ առաջինք եւ վերջինք, ո՞չ ահա գրեալ են ՛ի բանս սամեայ մարգարէի, եւ ադգովայ տեսանողի. եւ գործք ն(ո)ր(ա)։ եւ պատերա́զմ էր ռոբովամայ ընդ յերոբովամայ զա(մենայ)ն աւուրս։
¹⁶Եւ մեռաւ ռոբովամ, եւ թաղեցաւ ընդ հարս իւր ՛ի քաղաքին դաւթի։

¹Յութ եւ տասներորդ ամի թագաւորութե(ա)ն յերոբովամայ թագաւորեաց աբիաս ՛ի վ(ե)ր(այ) յուդայ եւ ե(րուսաղէ)մի
²ամս երիս։ եւ անուն մօր ն(ո)ր(ա) մաաքա դուստր աբեսողոմայ։ եւ էր պատերազմ ՛ի մէջ աբիայ, եւ ՛ի մէջ յերոբովամայ։
³Եւ կարգեցաւ աբիաս ՛ի պատերազմին զօրաւոր մարտկօք չորեքհարիւրհազարօք արամբք զօրաւորօք։ եւ յերոբովամ ճակատեցաւ ը(նդ)դէմ ն(ո)ր(ա) ՛ի պատերազմին ութհարիւրհազարօք զօրաւորօք պատերազմողաց զօրութ(եամ)բ։
⁴Եւ յարեաւ աբիաս ՛ի լեռնէն սոմորոնայ, որ էր ՛ի լերինն եփրեմի, եւ ասէ։ լուարո́ւք յերոբովամ եւ ա(մենայ)ն ի(սրա)էլ։

⁵Ո՞չ է ձեր ճանաչել եթէ տ(է)ր ա(ստուա)ծ ի(սրաէ)լի ե́տ զթագաւորութի(ւն)ն ի(սրաէ)լի յաւիտեան՝ դաւթի եւ որդւոց ն(ո)ր(ա) ուխտ աղի։
⁶եւ յարեաւ յերոբովամ որդի նաբատայ ծառայ սողոմոնի որդւոյ դաւթի, եւ ապստամբեաց ՛ի տեռնէ իւրմէ։
⁷եւ ժողովեցան առ նա արք ժանտք, որդիք անօրէնք. եւ ընդդէ́մ եկաց ռոբովամայ որդւոյ սողոմոնի։ եւ ռոբովամ է́ր մանուկ եւ երկչոտ սրտիւ, եւ ո́չ եկաց ընդդէմ ն(ո)ր(ա)։
⁸Եւ արդ դուք ասէք կալ հակառա՞կ երեսաց թագաւորութե(ան) տ(եառ)ն, որ է ՛ի ձեռս որդւոց դաւթի. եւ դուք բազում էք յոյժ, եւ ը(նդ) ձեզ երինջքդ ոսկեղէնք, զոր արար ձեզ յերոբովամ յաստուածս։

⁹Միթէ ո՞չ հանէք դուք զքահանայսն տ(եառ)ն զորդիսն ահարոնի եւ զղեւտացիսն, եւ արարէք ձեզ քուրմս ՛ի ժողովրդենէ երկրիդ, ամենեքեան որ գային լնուլ զձեռս զուարակօք յարջառոց. եւ եւթն խոյօք. եւ լինէր քուրմն չաստուածոցն։
¹⁰Եւ մեք զտ(է)ր ա(ստուա)ծ մեր ո́չ թողաք, եւքահանայքն ն(ո)ր(ա) պաշտեն զտ(է)ր որդիք ահարոնի եւ ղեւտացիք. եւ հանապազորդեալքն ՛ի նոցանէ ծխեն խունկս տ(եառ)ն։
¹¹եւ զողջակէզս ընդ առաւօտս եւ ը(նդ) երեկոյս, եւ զխունկսն խառնուածոյս, եւ հացքն առաջադրու(թ)ե(ան) ՛ի վ(ե)ր(այ) սուրբ սեղանոյն, եւ աշտանակն ոսկեղէն, եւ ճրագունքն վառեալք յերեկորեայ լուցեալք. վ(ա)ս(ն) զի պահեմք մեք զպահպանութի(ւն)ս տ(եառ)ն ա(ստուծո)յ հարցն մերոց. եւ դուք թողէք զնա։

¹²Եւ ահաւասիկ ընդ մեզ իշխան տ(է)ր, եւ քահանայք ն(ո)ր(ա), եւ փողք նշանակաց նշանակել ՛ի մեզ։ եւ դուք որդիք ի(սրաէ)լի պատերազմի՞ք ը(նդ) տ(եառ)ն ա(ստուծո)յ հարցն մերոց. եւ ո́չ եւս աջողեսցի ձեզ։
¹³Եւ յերոբովամ դարձո́յց զգարանակալսն գա́լ նմա զկնի կողմանէ, եւ եղեւ առաջի յուդայ, եւ դարանակալքն յետուստ։
¹⁴Եւ դարձաւ յուդաս, եւ ահա պատերազմն ն(ո)ց(ա) առաջի́ եւ զկնի։ եւ գոչեցին առ տ(է)ր. եւ քահանայքն հարին զփողսն։
¹⁵եւ գոչեցին արք յուդայ։ Եւ եղեւ ՛ի գոչել արանց յուդայ, եւ տ(է)ր եհար զյերոբովամ, եւ զի(սրա)էլ առաջի աբիայ եւ յուդայի։

¹⁶եւ փախեան որդիքն ի(սրաէ)լի յերեսաց յուդայ. եւ մատնեաց զն(ո)ս(ա) տ(է)ր ՛ի ձեռս նոցա։
¹⁷Եւ եհար ՛ի նոցանէ աբիա եւ զօրն ն(ո)ր(ա) հարուածս մեծամեծս. եւ անկան վիրաւորք յի(սրաէ)լէ հինգ հազար արք զօրաւորք։
¹⁸եւ նկուն եղեն որդիքն ի(սրաէ)լի յաւուր յայնմիկ. եւ զօրացան որդիքն յուդայ. վ(ա)ս(ն) զի յուսացան ՛ի տ(է)ր ա(ստուա)ծ հարցն իւրեանց։
¹⁹Եւ հալածեաց աբիաս զյերոբովամ, եւ ա́ռ ՛ի նմանէ քաղաքս. զբեթէլ՝ եւ զգեօղս ն(ո)ր(ա). եւ զանա՝ եւ զգեւօղս ն(ո)ր(ա). եւ զեփրոն՝ եւ զդստերս ն(ո)ր(ա). եւ զբեայ՝ եւ զգեօղս ն(ո)ր(ա)։
²⁰Եւ ո́չ եւս գոյր զօրութի(ւն) յերոբովամայ զա(մենայ)ն աւուրս աբիայ։ եւ եհար զնա տ(է)ր, եւ վախճանեաց։

²¹Եւ զօրացաւ աբիաս. եւ ա́ռ իւր կանայս չորեքտասան. եւ ծնաւ ուստերս քսան եւ երկուս, եւ դստերս վեշտասան։
²²Եւ մնացեալ բանքնաբիայ, եւ գործք ն(ո)ր(ա)՝ եւ խօսք ն(ո)ր(ա). ահա գրեալ են ՛ի գիրս մարգարէի ադդովայ։

¹Եւ մեռաւ աբիաս ընդ հարս իւր, եւ թաղեցին զնա ՛ի քաղաքին դաւթի։
²եւ արար բարի եւ ուղղու(թ)ի(ւն) առաջի տ(եառ)ն ա(ստուծո)յ իւրոյ.
³եւ ՛ի բա́ց արար զսեղանս օտարացն, եւ զբարձունսն. եւ խորտակեաց զարձանսն, եւ այրեաց զանտառսն։
⁴Եւ ասաց ցյուդայ խնդրել զտ(է)ր ա(ստուա)ծ հարցն իւրեանց, եւ առնել զօրէնս եւ զպատուիրանս.
⁵եւ ՛ի բա́ց արար յա(մենայ)ն քաղաքացն յուդայ զսեղանս զկուռս. եւ խաղաղացան քաղաքք պարսպաւորք որք յերկրին յուդայ.
⁶վ(ա)ս(ն) զի խաղաղեցաւ երկիրն, եւ ո́չ գոյր ուստերք նմա պատերազմ յամսն յայնոսիկ. վ(ա)ս(ն) զի հանգոյց զնա տ(է)ր։

⁷Եւ ասէ ցյուդայ, շինեսցո́ւք զքաղաքսն զայնոսիկ. եւ արասցո́ւք պարիսպս եւ աշտարակս, եւ դրունս, եւ նիգս՝ որով տիրեմք երկրիս. զի զորօրինակ խնդրեցաք զտ(է)ր ա(ստուա)ծ մեր, եւ նա խնդրեաց զմեզ, եւ հանգոյց զմեզ շուրջանակի, եւ յաջողեաց մեզ։
⁸Եւ եղեւ ասայի զօր զինակրաց որք բառնային վահանս եւ նիզակս յերկրին յուդայ, երեքհարիւր հազար. եւ յերկրին բենիամինի պարսաւորք եւ աղեղնաւորք՝ երկերիւր եւ վաթսուն հազար. ամենեքեան նոքա պատերազմօղք զօրութ(եամ)բ։
⁹Եւ ել ՛ի վերայ ն(ո)ց(ա) զարեհ եթւովպացի զօրութ(եամ)բ հազար հազարօք՝ եւ երեքհարիւր կառօք, եւ եկն մինչեւ ՛ի մարիսա։

¹⁰եւ գնաց ասա ը(նդ)դէմ ն(ո)ր(ա). եւ ճակատեցաւ պատերազմն ՛ի ձորն, ՛ի հիւսւսոյ մարիսայ։
¹¹Եւ գոչեաց ասա առ տ(է)ր ա(ստուա)ծ իւր, եւ ասէ։ Տ(է)ր ո́չ տկարանայ քեզ ապրեցուցանել բազմօք եւ սակաւուք. զօրացո́ զմեզ տ(է)ր ա(ստուա)ծ մեր, վ(ա)ս(ն) զի ՛ի քե́զ յուսացաք, եւ անուամբ քով եկաք ՛ի վ(ե)ր(այ) բազմութե(ան)ս այսորիկ։ տ(է)ր ա(ստուա)ծ մեր՝ մի́ յաղթահարեսցէ քեզ մարդ։
¹²Եւ եհար տ(է)ր զեթւովպացիսն առաջի յուդայ։ եւ փախեան եթւովպացիքն։
¹³եւ հալածեաց ասա եւ զօրն իւր՝ մինչեւ ՛ի գեդովր։ եւ անկան եթւովպացիքն մինչեւ ո́չ մնալ ՛ի ն(ո)ց(ա)նէ ապրեալ. քանզի խորտակեցան առաջի տ(եառ)ն, եւ առաջի զօրութե(ան) ն(ո)ր(ա)։ Եւ կողոպտեցին աւար բազում։

¹⁴եւ կործանեցին զգեօղս ն(ո)ց(ա) շուրջ զգեդուրաւն. վ(ա)ս(ն) զի եղեն արհաւիրք ՛ի տ(թեն)է ՛ի վ(ե)ր(այ) ն(ո)ց(ա). եւ առին աւար զա(մենայ)ն քաղաքս ն(ո)ց(ա), քանզի աւար բազում եղեւ ն(ո)ց(ա)։
¹⁵այլ եւ զվրանս անասնոցն ն(ո)ց(ա) առին։ Եւ զմիաստնիսն կոտորեցին, եւ առին խաշինս բազումս եւ ուղտս, եւ դարձան յե(րուսաղէ)մ։

¹Եւ ազարիաս՝ որդի ադադայ. եղեւ ՛ի վ(ե)ր(այ) ն(ո)ր(ա) հոգի տ(եառ)ն.
²եւ ել ը(նդ) առաջ ասայի, եւ ա(մենայ)ն յուդայ եւ բենիամին՝ եւ ասէ. լուարո́ւք ինձ՝ ասա՝ եւ ա(մենայ)ն յուդա, եւ բենիամին. Տ(է)ր ընդ ձեզ. վ(ա)ս(ն) լինելոյ ձերոյ ընդ նմա. եւ արդ եթէ խնդրէք զնա՝ գտցի́ ձեզ. եւ եթէ թողո́ւք զնա՝ թողցէ́ զձեզ։
³եւ աւուրք բազումք յի(սրաէ)լի եղեն՝ ո́չ յա(ստուա)ծ ճշմարիտ, եւ ո́չ քահանայ որ ցուցանէր, եւ ո́չ օրէնք
⁴որ դարձոյց զնոսա ՛ի տ(է)ր ա(ստուա)ծ ի(սրաէ)լի, եւ գտաւ ՛ի նոսա։
⁵՛Ի ժամանակին յայնմիկ ո́չ գոյր խաղաղութի(ւն) այնոցիկ որք մտանէին, եւ որք ելանէին. վ(ա)ս(ն) զի արհաւիրք ՛ի տ(թեն)է անկան ՛ի վ(ե)ր(այ) ամենեցուն բնակչաց դաւառացն։

⁶եւ պատերազմէր ազգ ընդ ազգ, եւ քաղաք ը(նդ)նդ քաղաքի. վ(ա)ս(ն) զի ա(ստուա)ծ զարհուրեցոյց զնոսա ա(մենայ)ն նեղութ(եամ)բք։
⁷Եւ արդ՝ դուք զօրացարո́ւք, եւ մի́ լքցին ձեռք ձեր. քանզի գո́ն վարձք գործոց ձերոց։
⁸Եւ ՛ի լսել զբանս զայսոսիկ, եւ զմարգարէու(թ)ի(ւն) ազարիայ մարգարէի, զօրացաւ եւ եհան արտաքս զա(մենայ)ն զպղծութի(ւն)սն յա(մենայ)ն երկրէն յուդայ եւ բենիամինի՝ եւ ՛ի քաղաքացն զորս կալաւ ՛ի լերինն եփրեմի։ Եւ արար նաւակատիս սեղանոյն տ(եառ)ն որ էր առաջի տաճարին տ(եառ)ն։

⁹եւ եկեղեցացոյց զյուդայ եւ զբենիամին, եւ զեկսն, եւ զպանդուխտսն ընդ նմա, յեփրեմայ, եւ մանասէէ, եւ ՛ի շմաւոնէ. վ(ա)ս(ն) զի յաւելան առ նա բազումք յի(սրաէ)լէ ՛ի տեսանելն ն(ո)ց(ա), թէ տ(է)ր ա(ստուա)ծ ն(ո)ց(ա) ը(նդ) նմա́ է։
¹⁰Եւ ժողովեցան յե(րուսաղէ)մ յամսեանն երրորդի, ՛ի հնգետասաներորդում ամի թագաւորու(թ)ե(ա)ն ասայի։
¹¹եւ եղեն տ(եառ)ն յաւուրն յայնմ, յաւարացն զոր ածին, զուարակս եւթնհարիւր, եւ ոչխարս եւթնհազար։
¹²Եւ եդ ուխտ՝ ընտրել զտ(է)ր ա(ստուա)ծ հարցն իւրեանց յա(մենայ)ն սրտէ, եւ յա(մենայ)ն անձնէ։
¹³եւ ա(մենայ)ն որ ո́չ խնդրիցէ զտ(է)ր ա(ստուա)ծ ի(սրաէ)լի՝ մեռցի, յերիտասարդէ մինչեւ ՛ի ծերն, եւ յառնէ մինչեւ ցկին։

¹⁴Եւ երդուան տ(եառ)ն մեծաձայն. եւ եղջերեաւ փողովն։
¹⁵եւ ուրախ եղեւ ա(մենայ)ն յուդայ վասն երդմանն. զի յա(մենայ)ն սրտից իւրեանց երդուան, եւ ա(մենայ)ն կամօք խնդրեցին զնա. եւ գտաւ ն(ո)ց(ա), եւ հանգոյց զն(ո)ս(ա) տ(է)ր շուրջանակի։
¹⁶Եւ զմաաքա զմայրն իւր ՛ի բա́ց մերժեաց. վ(ա)ս(ն) զի էր աստարտեայ պաշտօնեայ։ եւ խորտակեաց զկուռսն, եւ այրեաց ՛ի հեղեղատին կեդրոնի։
¹⁷Սակայն զբարձունսն ո́չ բարձին, եւ տակաւին եւս կա́յր ՛ի յուդայ եւ յի(սրա)էլ։ բայց սիրտն ասայի եղեւ լի́ զա(մենայ)ն աւուրս կենաց իւրոց։
¹⁸եւ տարաւ ՛ի ներքս զսրբու(թ)ի(ւն)սն դաւթի հօր իւրոյ, եւ զսրբու(թ)ի(ւն)ս տ(եառ)ն ա(ստուծո)յ, արծաթ, եւ ոսկի, եւ սպասս։

¹⁹Եւ պատերազմ ո́չ գոյր նմա, մինչեւ յերեսներորդ եւ հինգերորդ ամ թագաւորու(թ)ե(ա)ն ասայի։

¹Եւ յերեսներո́րդ ութերորդ ամի թագաւորութե(ան) ասայի, ել բաաս արքայ ի(սրաէ)լի ՛ի վ(ե)ր(այ) յուդայ, եւ շինեաց զհռամա, ո́չ տալով ելս ասայի արքայի յուդայ։
²Եւ ա́ռ ասա ոսկի եւ արծաթ ՛ի գանձուց տանն տ(եառ)ն, եւ ի տանէ թագաւորին, եւ առաքեաց առ որդին ադերայ արքայն ասորւոց որ բնակեալ էր ՛ի դամասկոս, եւ ասէ.
³դի́ր ուխտ ՛ի մէջ իմ եւ քո, եւ ՛ի մէջ հօր իմոյ եւ հօր քոյ։ ահաւադիկ առաքեցի քեզ արծաթ եւ ոսկի, ե́կ եւ մերժեա́ յինէն զբաաս արքայ ի(սրաէ)լի, եւ գնասցէ́ ՛ի բաց յինէն։

⁴Եւ լուաւ որդին ադերայ արքայ ասորւոց, եւ առաքեաց զիշխանս զօրացն իւրոց ՛ի քաղաքսն ի(սրաէ)լի. եւ եհար զաւոն, եւ զդան, եւ զաբեղմային, եւ զա(մենայ)ն շուրջ զգաւառաւն նեփթաղիմայ։
⁵Եւ եղեւ իբրեւ լուաւ բաաս, ՛ի բա́ց արձակեաց եւ ո́չ եւս շինել զհռամա. եւ դադարեաց գործն ն(ո)ր(ա)։
⁶Եւ ասա արքայ՝ ած զա(մենայ)ն յուդաս. եւ ա́ռ զքարինս հռամայ, եւ զփայտս ն(ո)ր(ա) զոր շինեաց բաաս. եւ շինեաց նոքօք զգաբաա, եւ զմասփա։
⁷՛Ի ժամանակին յայնմ եկն անանիաս մարգարէ առ ասա արքայ յուդայ՝ եւ ասէ ցնա. վ(ա)ս(ն) զի յուսացար դու յարքայն ասորեաց՝ եւ ո́չ յուսացար ՛ի տ(է)ր ա(ստուա)ծ քո, յաղագս այնորիկ ապրեցաւ զօր արքային ի(սրաէ)լի ՛ի ձեռաց քոց։

⁸Ոչ ապաքէն եթւովպացիք եւ լիբէացիք՝ էին զօրք բազումք. համարձակութ(եամ)բ բազում հեծելովք յոյժ եկին, եւ ՛ի յուսալն քո ՛ի տ(է)ր՝ մատնեաց զն(ո)ս(ա) տ(է)ր ՛ի ձեռս քո։
⁹վասն զի աչք տ(եառ)ն հային յա(մենայ)ն երկիր զօրացուցանել յա(մենայ)ն լի սրտից զնա։ եւ արդ՝ տգիտացա́ր յայդմիկ. յայսմհետէ եղիցի ձեզ պատերազմ։
¹⁰Եւ սրտմտեցա́ւ ասա մարգարէին, եւ եդ զնա ՛ի բանտի. զի բարկացաւ յաղագս այնորիկ։ եւ ժանտացաւ ասա ՛ի ժողովուրդն ՛ի ժամանակին յայնմ։
¹¹Եւ ահա բանք ասայի առաջինք եւ վերջինք՝ գրեալ են ՛ի գիրս թագաւորացն յուդայ եւ ի(սրաէ)լի։

¹²Եւ ախտացան ասայի ոտք, յերեսներորդի եւ իններորդի ամի թագաւորութե(ա)ն իւրոյ, եւ յոյժ հիւանդացաւ. եւ ՛ի հիւանդանալն իւրում ո́չ խնդրեաց զտ(է)ր, այլ խնդրեաց բժիշկս։
¹³Եւ ննջեաց ասա ընդ հարս իւր, եւ վախճանեցաւ ՛ի քառասներորդի եւ յառաջնում ամի թագաւորութե(ա)ն իւրում։
¹⁴եւ թաղեցին զնա ՛ի շիրմին զոր փորեաց իւր ՛ի քաղաքին դաւթի. եւ ընկողմանեցուցին զնա ՛ի գահոյսն, եւ լցին խնկովք, եւ ազգի ազգի իւղովք իւղեփեցաց. եւ արարին նմա յուղարկութի(ւն) մե́ծ յոյժ։

¹Եւ թագաւորեաց յովսափատ որդի ն(ո)ր(ա) փոխանակ ն(ո)ր(ա)։ Եւ զօրացաւ յովսափատ ՛ի վ(ե)ր(այ) ի(սրաէ)լի։
²եւ ետ զօրս յա(մենայ)ն քաղաքսն յուդայ յամուրս, եւ կացոյց իշխանս յա(մենայ)ն քաղաքսն եփրեմի, զոր ա́ռ արքայ ասա՝ հայրն ն(ո)ր(ա)։
³Եւ եղեւ տ(է)ր ընդ յովսափատայ. վ(ա)ս(ն) զի գնաց ՛ի ճանապարհս հօր իւրոյ յառաջինս. եւ ո́չ խնդրեաց զկուռսն.
⁴այլ զտ(է)ր ա(ստուա)ծ հօր իւրոյ խնդրեաց, եւ ՛ի պատուիրանս հօրն իւրոյ գնաց. եւ ո́չ էին իբրեւ զի(սրաէ)լի գործք ն(ո)ր(ա)։
⁵Եւ յաջողեցաւ թագաւորութի(ւն)ն ՛ի ձեռս ն(ո)ր(ա). եւ ետ ա(մենայ)ն յուդայ ընծա́յ յովսափատայ. եւ եղեւ ն(ո)ր(ա) մեծութի(ւն) եւ փառք բազումք.

⁶եւ բարձրացա սիրտ ն(ո)ր(ա) ՛ի ճանապարհս տ(եառ)ն. եւ այլեւս եբարձ զբարձաւանդակսն, եւ զանտառսն յերկրէն յուդայ։
⁷Եւ յերրորդ ամի թագաւորու(թ)ե(ա)ն իւրոյ առաքեաց զիշխանս իւր, եւ զորդիս զօրու(թ)ե(ան)ցն, զաբդիաս, եւ զզաքարիաս, եւ զնաթանայէլ, եւ զմիքէաս՝ ուսուցանել ՛ի քաղաքսն յուդայ.
⁸եւ ընդ նոսա ղեւտացիքն, սամուիաս, եւ սաթանաաս, եւ զաբդիաս, եւ ասիէլ, եւ սեմիրամովթ, եւ յովնաթան. եւ ադոնիաս, եւ ասբադոնիաս՝ ղեւտացիք. եւ ընդ ն(ո)ս(ա) եղիսամա, եւ յովրամ քահանայք։
⁹եւ ուսուցանէին զյուդայ, եւ ընդ ն(ո)ս(ա) գի́րք օրինացն տ(եառ)ն. եւ անցանէին ընդ քաղաքսն յուդայ, եւ ուսուցանէին զժողովուրդն։

¹⁰Եւ եղեն արհաւիրք ՛ի տ(թեն)է ՛ի վերայ թագաւորաց երկրին որ շուրջ զյուդայիւ. եւ ո́չ պատերազմէին ընդ յովսափատայ։
¹¹Եւ յայլազգեացն բերէին յովսափատայ ընծայս, ոսկի, եւ արծաթ, եւ պատարագս։ եւ արաբացիքն ածէին նմա խոյս յոչխարաց՝ եւթն հազար եւ եւթն հարիւր, եւ նոխազս եւթնհազար եւ եւթն հարիւր։
¹²եւ երթալով յովսափատ մեծանայր ՛ի բարձրու(թ)ի(ւն)։ Եւ շինեաց տունս ՛ի հրէաստանի քաղաքս ամուրս.
¹³եւ գործք բազում եղեն ն(ո)ր(ա) ՛ի հրէաստանի։ Եւ արք զօրաւորք պատերազմօղք ուժով յ(թ)ե(ան)մ։
¹⁴եւ ա́յս էր թիւ ն(ո)ց(ա) ը(ստ) տանց տոհմիցն իւրեանց։ ՛Ի յուդայի հազարապետք. եդնաս իշխան, եւ ընդ նմա որդիք զօրաւորք զօրութ(եամ)բ երեքհարիւրհազար։

¹⁵եւ ընդ ն(ո)ս(ա) յովնան իշխան, եւ ը(նդ) նմա երկերիւր ութսուն հազար։
¹⁶Եւ ընդ նմա մասէաս որդի զաքարիայ յօժարեալն ՛ի տ(է)ր. ընդ նմա երկերիւր հազար զօրաւորք ուժով։
¹⁷Եւ ՛ի բենիամինէ զօրաւոր ուժով. եղիադա, եւ ը(նդ) նմա աղեղնաւորք եւ պարսաւորք երկերիւր հազար։
¹⁸Եւ ընդ ն(ո)ս(ա) յովզաբադ. եւ ընդ նմա հարիւր ութսուն հազար զօրաւորք ՛ի պատերազմի։
¹⁹Սոքա́ էին պաշտօնեայք արքայի. բա́ց յայնցանէ զորս ետ արքայ ՛ի քաղաքսն ամուրս յա(մենայ)ն հրէաստանի։

¹Եւ եղեւ յովսափատայ մեծութի(ւն) եւ ա́յլ եւս. եւ փառք բազում։ եւ արար խնամու(թ)ի(ւն) ը(նդ) տանն աքաաբու։
²Եւ էջ ՛ի կատարել տարւոյն առ աքաաբ ՛ի սամարիա. եւ եղեն նմա աքաաբ ոչխարս եւ զուարակս բազումս, եւ զօրուն որ ընդ նմա. եւ սիրէր զնա ելանել ը(նդ) նմա յռամովթ գաղադացւոյն։
³Եւ ասէ աքաաբ արքայ ի(սրաէ)լի ցյովսափատ արքայ յուդայ. գա՞ս նդիս յռամովթ գաղաադացւոյն։ եւ ասէ ցնա. ո(ր)պ(էս) ես՝ նո́յնպէս եւ դու. եւ ո(ր)պ(էս) զօրք քո՝ զօրք իմ ընդ քե́զ ՛ի պատերազմին։
⁴Եւ ասէ յովսափատ ցարքայն ի(սրաէ)լի, խնդրեսցուք այսօր զտ(է)ր։

⁵Եւ ժողովեաց արքայն ի(սրաէ)լի զմարգարէսն ի(սրաէ)լի արս չորեքհարիւր, եւ ասէ ցն(ո)ս(ա). եթէ երթա՞յց յռամովթ գաղաադ ՛ի պատերազմ, եւ կամ թէ դադարեցից։ եւ ասեն՝ ե́լ, եւ յաջողեսցէ́ ա(ստուա)ծ ՛ի ձեռս արքայի։
⁶Եւ ասէ յովսափատ. ո՞չ գոյ աստ եւ այլե́ւս մարգարէ տ(եառ)ն. եւ խնդրեսցուք ՛ի նմանէ։
⁷Եւ ասէ արքայն ի(սրաէ)լի ցյովսափատ. է́ մեւս եւս այր՝ առ ՛ի խնդրել զտ(է)ր նովաւ. եւ ես ատեցի́ զնա, վ(ա)ս(ն) զի ո́չ մարգարէանայ ինձ բարիս. եւ զի ա(մենայ)ն աւուրք իւր ե́ն ՛ի չարութի(ւն). նա́ է միքիաս որդի յեմլեայ։ եւ ասէ յովսափատ. մի́ խօսեսցի արքայ այդպէս։
⁸Եւ կոչեաց արքայն ի(սրաէ)լի ներքինի մի՝ եւ ասէ. վաղվաղակի ա́ծ զմիքիաս որդի յեմլեայ։

⁹եւ արքայն ի(սրաէ)լի՝ եւ յովսափատ արքայ յուդայ՝ նստէին իւրաքանչիւրոք յաթոռ իւրում, զգեցեալ պատմուճանս, եւ նստէին յընդարձակ դրանն սամարեայ։ եւ ամենեքեան մարգարէքն առաջի ն(ո)ց(ա) մարգարէանային։
¹⁰Եւ արա́ր իւր սեդեկիաս որդի քանանու եղջեւրս երկաթեղէնս, եւ ասէ՝ ա́յսպէս ասէ տ(է)ր. սոքօք հարցես զասորիս մինչեւ վախճանեսցես։
¹¹Եւ ամենեքեան մարգարէքն նո́յնպէս մարգարէանային եւ ասէին. ե́լ յռամովթ գաղաադ, եւ յաջողեսցիս, եւ տացէ́ տ(է)ր ՛ի ձեռս արքայի։
¹²Եւ հրեշտակն որ չոգաւ կոչել զմիքէաս, խօսեցա́ւ ը(նդ) նմա՝ եւ ասէ. ահա խօսեցան մարգարէքն իբրեւ ը(նդ) մի բերան յաղագս արքայի՝ բարի́ս. եղիցին եւ քո բանք իբրեւ զմիո́յ ն(ո)ց(ա), եւ խօսեսցիս բարի́ս։

¹³Եւ ասէ միքէաս. կենդանի́ է տ(է)ր՝ զի զորինչ ասասցէ ա(ստուա)ծ ցիս՝ զա́յն խօսեցայց։
¹⁴եւ եկն առ արքայ։ եւ ասէ ցնա արքայ. միքէա́ս՝ եթէ երթա՞յց յռամովթ գաղաադ ՛ի պատերազմ, եթէ դադարեցից։ եւ ասէ. ե́լ եւ յաջողեսցի, եւ տացին ՛ի ձեռս ձեր։
¹⁵Եւ ասէ ցնա արքայ. քանի՞ցս անգամ երդմնեցուցի զքեզ, զի մի́ այլ ինչ խօսեսցի ընդիս, բայց զճշմարտութի(ւն) յանուն տ(եառ)ն։
¹⁶Եւ ասէ, տեսի ցրուեա́լ զի(սրա)էլ ՛ի լերինս՝ իբրեւ զոչխարս որոց ո́չ գոյ հովիւ. եւ ասէ տ(է)ր, ո́չ գոյ դոցա իշխան. դարձցի́ իւրաքանչիւրոք ՛ի տուն իւր խաղաղութ(եամ)բ։
¹⁷Եւ ասէ արքայն ի(սրաէ)լի ցյովսափատ. ո՞չ ասացի քեզ՝ թէ ոչ մարգարէանայ նա վ(ա)ս(ն) իմ բարիս՝ այլ չարու(թ)ի(ւն)։

¹⁸Եւ ասէ՝ ո́չ այդպէս. լուարո́ւք զբան տ(եառ)ն. տեսի զտ(է)ր՝ զի նստէր յաթոռն իւրում. եւ ա(մենայ)ն զօրք երկնից մե́րձ կային յաջմէ ն(ո)ր(ա) եւ յահեկէ։
¹⁹եւ ասէ տ(է)ր. ո՞ խաբեսցէ զաքաաբ արքայ ի(սրաէ)լի, զի ելցէ եւ անկցի յռամովթ գաղաադու։ եւ ասեն, ոմն ա́յսպէս, եւ ոմն ա́յնպէս։
²⁰Եւ ե́լ հոգի՝ եկաց առաջի տ(եառ)ն՝ եւ ասէ. ե́ս խաբեցից զնա։ եւ ասէ տ(է)ր. ի՞ւ։
²¹եւ ասէ՝ ելից եւ եղէց հոգի սուտ ՛ի բերան ա(մենայ)ն մարգարէիցն ն(ո)ր(ա)։ եւ ասէ՝ խաբեսցես՝ եւ կարասցես, ե́լ եւ արա ա́յդպէս։
²²Եւ ա́րդ՝ ահա ետ տ(է)ր հոգի սո́ւտ ՛ի բերան մարգարէիցդ քոց այդոցիկ. եւ տ(է)ր խօսեցաւ վ(ա)ս(ն) քո չարիս։

²³Եւ մատուցեալ սեդեկիա որդի քանանու՝ եհար զծնօտն միքայի, եւ ասէ ցնա. որո՞վ ճանապարհաւ անց ոգի տ(եառ)ն զինեւ, եւ խօսեցաւ ընդ քեզ։
²⁴Եւ ասէ միքէաս, ահա տեսցես յաւուրն յայնիկ. յորում մտանիցես շտեմարան ՛ի շտեմարանէ թաքչել։
²⁵Եւ ասէ արքայն ի(սրաէ)լի. առէ́ք զմիքէաս՝ եւ դարձուցէք զդա առ սեմեր իշխան քաղաքիս, եւ առ յովաս իշխան որդի արքայի.
²⁶եւ ասացէ́ք, ա́յսպէս ասէ արքայ. տո́ւք զդա ՛ի տուն բանտին, եւ կերիցէ հաց նեղու(թ)ե(ան), եւ ջուր նեղու(թ)ե(ան) արբցէ՝ մինչեւ ՛ի դառնալն իմում խաղաղութ(եամ)բ։
²⁷Եւ ասէ միքէաս, եթէ դառնալով դարձցիս խաղաղու(թեամ)բ՝ ո́չ խօսեցաւ ընդիս տ(է)ր, լուարո́ւք ժողովուրդք ամենեքեան։

²⁸Եւ ել արքայն ի(սրաէ)լի, եւ յովսափատ արքայ յուդայ յռամովթ գաղաադ։
²⁹Եւ ասէ արքայն ի(սրաէ)լի ցյովսափատ, ծածկեա́ զիս եւ մտից ՛ի պատերազմն, եւ դու զգեցիր զպատմուճանն իմ։ եւ ծածկեցաւ արքայն ի(սրաէ)լի, եւ եմուտ ՛ի պատերազմ։
³⁰Եւ արքայն ասորւոց պատուիրեաց իշխանաց կառացն որք էին ը(նդ) նմա՝ եւ ասէ, մի́ պատերազմիցիք ընդ փոքու եւ մի́ ընդ մեծի, բայց ը(նդ) արքային ի(սրաէ)լի միայն։
³¹Եւ եղեւ իբրեւ տեսին իշխանք կառացն զյովսափատ, եւ ասեն նոքա՝ սա́ է արքայն ի(սրաէ)լի. եւ շո́ւրջ եղեն զնովաւ պատերազմել։ եւ գոչեաց յովսափատ, եւ տ(է)ր ապրեցոյց զնա. եւ դարձոյց զն(ո)ս(ա) ա(ստուա)ծ ՛ի նմանէ։

³²եւ եղեւ իբրեւ տեսին իշխանք կառացն՝ թէ ո́չ է նա արքայն ի(սրաէ)լի, դարձան ՛ի նմանէ։
³³Եւ այր ոմն ելից զաղեղն կորովու(թեամ)բ, եւ եհար զարքայն ի(սրաէ)լի ը(նդ) մէջ թոքոցն եւ լանջաց։ եւ ասէ ցներքինին, դարձո́ զձեռն քո՝ եւ հա́ն զիս ՛ի պատերազմէս, վ(ա)ս(ն) զի վտանգեցայ։
³⁴Եւ պարտեցաւ պատերազմ յաւուր յայնմիկ, եւ արքայն ի(սրաէ)լի կա́յր ՛ի վերայ կառացն իւրոց մինչեւ ցերեկոյ ընդդէմ ասորեացն. եւ մեռաւ ՛ի մտանել արեգականն։

¹Եւ դարձաւ յովսափատ արքայ յուդայ ՛ի տուն իւր խաղաղու(թեամ)բ յ(թ)ե(ան)մ։
²Եւ ել ընդառաջ ն(ո)ր(ա) յէու որդի անանիայ մարգարէ, եւ ասէ նա ցարքայ յովսափատ. եթէ մեղաւորին դու օգնե՞ս, կամ ատելւոյն ՛ի տ(թեն)է բարեկա՞մ լինիս. վ(ա)ս(ն) այդորիկ եղեւ ՛ի վերայ քո բարկու(թ)ի(ւն) ՛ի տ(թեն)է։
³այլ զի գտա́ն ՛ի քեզ բանք բարիք, եւ զի բարձեր զանտառսն յերկրէս յուդայ, եւ ուղղեցեր զսիրտ քո խնդրել զտ(է)ր՝ ապրեցո́յց զքեզ տ(է)ր։
⁴Եւ բնակեաց յովսափատ յե(րուսաղէ)մ։ եւ միւսանգամ ե́լ ժողովուրդն ՛ի բերսաբէէ մինչեւ ՛ի լեառնն եփրեմի, եւ դարձոյց զն(ո)ս(ա) առ տ(է)ր ա(ստուա)ծ հարցն իւրեանց։
⁵Եւ կացո́յց դատաւորս յա(մենայ)ն քաղաքսն յուդայ, եւ յամուրս յիւրաքանչիւր քաղաքի։

⁶եւ ասէ ցդատաւորսն. տեսէ́ք զինչ առնիցէք դուք, վ(ա)ս(ն) զի ո́չ զմարդկան իրս դատիք դուք՝ այլ զտ(եառ)ն, եւ ը(նդ) ձե́զ են բանք իրաւանց։
⁷եւ արդ եղիցի երկեւղ տ(եառ)ն ՛ի վերայ ձեր, պահեցէք եւ արարէք. զի ո́չ գոյ տ(եառ)ն ա(ստուծո)յ մերոյ անիրաւութի(ւն), եւ ո́չ երեսաց աչառել, եւ ո́չ առնուլ կաշառս։
⁸Այլ եւ յ(թ)ե(ան)մ կացոյց յովսափատ ՛ի քահանայից եւ ՛ի ղեւտացւոց, եւ ՛ի հայրապետաց ի(սրաէ)լի՝ յիրաւունս տ(եառ)ն դատե́լ զբնակիչսն ե(րուսաղէ)մի։
⁹Եւ պատուիրեաց ն(ո)ց(ա) եւ ասէ. ա́յնպէս արարէք երկիւղիւ տ(եառ)ն, ճշմարտութ(եամ)բ եւ լի́ սրտիւ

¹⁰ա(մենայ)ն այր զիրաւունսն, զեկեալս առ ձեզ յեղբարց ձերոց՝ եւ բնակչաց քաղաքացն իւրեանց, ՛ի մէջ արեան եւ արեան, եւ ՛ի մէջ իրաց եւ պատուիրանի. եւ զիրաւունս եւ զդատաստանսն որոշեցէ́ք ն(ո)ց(ա). եւ մի́ մեղիցեն առ ա(ստուա)ծ. եւ ո́չեւս եղիցի ՛ի վերայ ձեր բարկու(թ)ի(ւն), եւ ո́չ ՛ի վերայ եղբարց ձերոց. ա́յսպէս արասջի́ք եւ ո́չ մեղանչիցէք։
¹¹Եւ ահա ամարիաս քահանայ՝ առաջնորդ ՛ի վ(ե)ր(այ) ձեր յա(մենայ)ն բանի տ(եառ)ն. եւ զաբդիաս որդի ոսմայելի առաջնորդ ՛ի տանն յուդայ. յա(մենայ)ն բանի արքայի։ եւ դպիրքն եւ ղեւտացիք առաջի ձեր. զօրացարո́ւք եւ արարէ́ք. եւ եղիցի́ տ(է)ր ընդ բարւոյն։

¹Եւ յետ այսորիկ եկին որդիքն ամոնայ, եւ որդիքն մովաբայ. եւ ընդ ն(ո)ս(ա) ՛ի մինեցւոց անտի, առ յովսափատ ՛ի պատերազմ։
²Եկի́ն եւ ցուցին յովսափատայ՝ եւ ասեն. եկն ՛ի վերայ քո ամբոխ բազում յա́յնմ կողմանէ ծովուն յասորեաց, եւ ահա են յասասանթամար՝ որ է ՛ի գադդի։
³եւ երկեաւ։ Եւ ետ յովսափատ զերեսս իւր խնդրել զտ(է)ր, եւ քարոզեաց պահս յա(մենայ)ն յուդայ։
⁴եւ ժողովեցաւ յուդաս խնդրել զտ(է)ր։ եւ յա(մենայ)ն քաղաքացն յուդայ եկին խնդրել զտ(է)ր։
⁵Եւ յարեաւ յովսափատ ՛ի մէջ եկեղեցւոյն յուդայ յե(րուսաղէ)մ ՛ի տանն տ(եառ)ն՝ յանդիման սրահին նորոյ.

⁶եւ ասէ. Տ(է)ր ա(ստուա)ծ հարցն մերոց, ո՞չ ապաքէն դո́ւ ես ա(ստուա)ծ յերկինս, եւ դո́ւ տիրես ա(մենայ)ն թագաւորութե(ան)ց հեթանոսաց, եւ ՛ի ձե́ռս քո զօրու(թ)ի(ւն) ուժոյ. եւ ո́չ ոք կարէ կալ ընդդէմ քո։
⁷ո՞չ ապաքէն դո́ւ ես տ(է)ր որ սատակեցեր զբնակիչս երկրիս այսորիկ յերեսաց ժողովրդեան քոյ ի(սրաէ)լի, եւ ետուր զսա զաւակի աբրահամու սիրելւոյն քո յաւիտեան։
⁸բնակեցին ՛ի սմա, եւ շինեցին աստ սրբու(թ)ի(ւն) անուան քում, եւ ասացին.
⁹եթէ եկեսցեն ՛ի վ(ե)ր(այ) մեր չարիք՝ սո́ւր, դատաստանք, մահ, սո́վ, կացցո́ւք առաջի տանս այսմիկ՝ եւ առաջի քո. վ(ա)ս(ն) զի անուն քո ՛ի վ(ե)ր(այ) տանս այսորիկ է. եւ գոչեսցուք առ քեզ ՛ի նեղութե(ան), լուիցես՝ եւ ապրեցուսցես զմեզ։

¹⁰Եւ արդ՝ ահա որդիքն ամոնայ եւ մովաբու, եւ լեառն սէիրայ. ընդ որս ո́չ ետուր անցանել ընդ ն(ո)ս(ա) ի(սրաէ)լի յելանելն ն(ո)ց(ա) յերկրէն եգիպտոսի. վ(ա)ս(ն) զի խոտորեցան ՛ի նոցանէ, եւ ո́չ սատակեցին զնոսա։
¹¹եւ արդ՝ աւասիկ նոքա յանդգնին գա́լ ՛ի վ(ե)ր(այ) մեր, եւ հանել զմեզ յերկրէս ժառանգու(թ)ե(ան) մերոյ զոր ետուր մեզ։
¹²Տ(է)ր ա(ստուա)ծ մեր՝ ո՞չ առնես դատաստանս ՛ի ն(ո)ս(ա). վ(ա)ս(ն) զի ո́չ գոյ զօրու(թ)ի(ւն) մեր ընդդէ́մ կալ բազում ամբոխին այնորիկ, եւ ո́չ գիտեմք զինչ արասցուք ն(ո)ց(ա). այլ առ քե́զ են աչք մեր։
¹³Եւ ա(մենայ)ն յուդաս կա́յր առաջի տ(եառ)ն. եւ մանկունք ն(ո)ց(ա), եւ կանայք ն(ո)ց(ա)։

¹⁴Եւ ոզիելի որդւոյ զաքարեայ, եւ յորդւոցն բանեայ, եւ յորդւոցն եղիելի, որդւոյն մաթանիայ ղեւտացւոյ յորդւոցն ասափայ, եղեւ ՛ի վ(ե)ր(այ) ն(ո)ր(ա) հոգի տ(եառ)ն ՛ի մէջ եկեղեցւոյն։
¹⁵եւ ասէ. Լուարո́ւք ա(մենայ)ն յուդայ եւ բնակիչք ե(րուսաղէ)մի՝ եւ արքայ յովսափատ. ա́յսպէս ասէ տ(է)ր ցձեզ. մի́ երկնչիք, եւ մի́ զարհուրիք յերեսաց բազում ամբոխին այնորիկ. վ(ա)ս(ն) զի ո́չ ձե́ր է պատերազմդ՝ այլ ա(ստուծո)յ։
¹⁶Վաղիւ իջէ́ք ՛ի վերայ ն(ո)ց(ա). ահա իջանեն ընդ զառ ՛ի վայրն ասեր, եւ գտջի́ք զնոսա առ եզեր գետոյն, անապատին յերիելի.
¹⁷ո́չ է ձեր պատերազմել անդ. իմասջի́ք եւ տեսջի́ք զփրկու(թ)ի(ւն) տ(եառ)ն որ է ը(նդ) ձեզ, յուդայ եւ ե(րուսաղ)էմ. մի́ երկնչիք եւ մի́ զարհուրիք վաղիւ իջանել ընդառաջ ն(ո)ց(ա). զի տ(է)ր է́ ընդ ձեզ։

¹⁸Եւ խոնարհեալ յովսափատ ՛ի վ(ե)ր(այ) երեսաց իւրոց, եւ ա(մենայ)ն յուդաս՝ եւ բնակիչք ե(րուսաղէ)մի. անկան առաջի տ(եառ)ն, եւ երկի́ր պագին տ(եառ)ն։
¹⁹Եւ յարեա́ն ղեւտացիքն՝ յորդւոցն կահաթու, եւ յորդւոցն կորխայ՝ օրհնել զտ(է)ր ա(ստուա)ծ ձայնիւ մեծաւ ՛ի բարձունս։
²⁰Եւ կանխեցին ընդ առաւօտս, ելին յանապատն թեկուայ։ եւ յելանելն իւրեանց՝ եկաց յովսափատ, գոչեաց եւ ասէ. լուարո́ւք ինձ յուդաս եւ բնակիչք ե(րուսաղէ)մի. հաւատացէ́ք տ(եառ)ն ա(ստուծո)յ մերում, եւ հաւատասցէ ձեզ. հաւատացէ́ք մարգարէից ն(ո)ր(ա)՝ եւ յաջողեսցի́ ձեզ։

²¹Եւ խոնարհեցաւ ընդ ժողովրդեանն. եւ կացոյց սաղմոսանուագս՝ եւ օրհնիչս, խոստովան լինել եւ օրհնել զսրբու(թ)ի(ւն)սն, յելանելն առաջի զօրուն՝ եւ ասէին. խոստովա́ն եղերո́ւք տ(եառ)ն, զի յաւիտեան է ողորմու(թ)ի(ւն) ն(ո)ր(ա)։
²²Եւ եղեւ ՛ի սկսանելն զօրհնու(թ)ի(ւն)ս տ(եառ)ն եւ զխոստովանութի(ւն)սն նորա, ետ տ(է)ր պատերազմել որդւոցն ամոնայ ՛ի վ(ե)ր(այ) մովաբու ՛ի լերինն սէիրայ, որք ելեալ էին ՛ի վ(ե)ր(այ) յուդայ. եւ պարտեցան։
²³եւ յարեան որդիքն ամոնայ եւ մովաբու ՛ի վ(ե)ր(այ) բնակչաց լերինն սէիրայ սատակե́լ եւ խորտակել. եւ իբրեւ վախճանեցին զբնակիչսն սէիրայ, յարեան ՛ի միմեանց սատակել։

²⁴Եւ յուդաս եկն ՛ի գիտանոցն անապատին, հայեցաւ եւ ետես զբազմութի(ւն)ն, եւ ահա ամենեքեան մեռեալք եւ անկեալք ՛ի վ(ե)ր(այ) երկրի. եւ ո́չ ոք էր ապրեալ։
²⁵Եւ եկն յովսափատ եւ զօրն, կողոպտել զաւարն ն(ո)ց(ա). եւ գտին անասուն բազում, եւ կազմածն, եւ զաւարն, եւ անօթս ցանկալիս. եւ աւարեցին զայն։ Եւ եղեւ զերիս աւուրս ժողովե́լ ն(ո)ց(ա) զաւարն. վ(ա)ս(ն) զի բազո́ւմ էր յոյժ։
²⁶եւ յաւուրն չորրորդի ժողովեցան ՛ի հովիտսն օրհնութե(ան). վ(ա)ս(ն) զի ա́նդ օրհնեցին զտ(է)ր. յաղագս այնորիկ կոչեցին զանուն տեղւոյն այնորիկ՝ հովի́տ օրհնու(թ)ե(ան) մինչեւ յօրս յայս։

²⁷Եւ դարձաւ ա(մենայ)ն այր յուդայ յե(րուսաղէ)մ, եւ յովսափատ առաջնորդ ն(ո)ց(ա) ուրախութ(եամ)բ մեծաւ. քանզի ուրա́խ արար զնոսա տ(է)ր ՛ի թշնամեացն իւրեանց։
²⁸եւ մտին յ(թ)ե(ան)մ քնարօք եւ տաւղօք եւ փողովք ՛ի տուն տ(եառ)ն։
²⁹Եւ եղեն արհաւիրք ՛ի տ(թեն)է ՛ի վ(ե)ր(այ) ա(մենայ)ն թագաւորու(թ)ե(ան)ց երկրի ՛ի լսե́լն ն(ո)ց(ա)՝ եթէ տ(է)ր ե́տ պատերազմ ը(նդ) հակառակորդսն ի(սրաէ)լի։
³⁰Եւ խաղաղեցաւ թագաւորութի(ւն)ն յովսափատու. եւ հանգո́յց զնա ա(ստուա)ծ ն(ո)ր(ա) շուրջանակի։
³¹Եւ թագաւորեաց յովսափատ ՛ի վ(ե)ր(այ) յուդայ. եւ էր ամաց երեսնից ՛ի թագաւորելն իւրում, եւ քսան եւ հինգ ամ թագաւորեաց յե(րուսաղէ)մ. եւ անուն մօրն նորա ազուբա՝ դուստր սաղիայ։

³²Եւ գնաց ՛ի ճանապարհս հօր իւրոյ ասայի, ո́չ խոտորեցաւ առնել ուղղութի(ւն) առաջի տ(եառ)ն։
³³այլ բարձունքն տակաւին եւս էին. եւ ժողովուրդն ո́չ ուղղեաց զսիրտ իւր առ տ(է)ր ա(ստուա)ծ հարցն իւրեանց։
³⁴Եւ մնացեալ բանքն յովսափատու առաջինք եւ վերջինք՝ ահա գրեալ են ՛ի բանս յէուայ որդւոյ անանայ, որ գրեաց զգիրս թագաւորացն ի(սրաէ)լի։
³⁵Եւ յետ այսորիկ հաղորդութի(ւն) արար յովսափատ արքայ յուդայ ընդ ոքոզեայ արքայի ի(սրաէ)լի. եւ անօրինեցաւ նա յառնել
³⁶Եւ երթալ առ նա։ եւ առնել նա́ւ գնալ ՛ի թարսիս, եւ արար նաւ ՛ի գասիոնգաբեր։

³⁷Եւ մարգարէացաւ եղիազար որդի ովդրայ ՛ի մարեսայ՝ առ յովսափատ, եւ ասէ. վ(ա)ս(ն) զի եղեր սիրելի ոքոզիայ, խորտակեաց տ(է)ր զգործն քո, եւ խորտակեցաւ նաւն քո՝ եւ ո́չ կարաց երթալ ՛ի թարսիս։

¹Եւ ննջեաց յովսափատ ը(նդ) հարս իւր, եւ թաղեցաւ ընդ հարս իւր ՛ի քաղաքի դաւթի։
²եւ ն(ո)ր(ա) էին եղբարք՝ որդիք յովսափատու վեց՝ եզրիաս, եւ էէլ, եւ զաքարիաս, եւ միսայէլ, եւ սափատիաս, եւ ազարիու. ամենեքեան սոքա որդիք յովսափատու արքայի յուդայ։
³Եւ ետ ն(ո)ց(ա) հայրն իւրեանց պարգեւս բազումս, արծաթ եւ ոսկի, եւ զէնս, հանդերձ պարսպաւոր քաղաքօքն յուդայ. եւ զթագաւորու(թ)ի(ւն)ն ետ յովրամայ, վ(ա)ս(ն) զի նա́ էր անդրանիկ։
⁴Եւ յարեաւ յովրամ ՛ի թագաւորու(թ)ե(ա)ն իւրում, եւ զօրացաւ. եւ սպան զամենեսեան զեղբարսն իւր սրով, եւ յիշխանացն ի(սրաէ)լի։

⁵Է́ր ինքն երեսուն եւ երկուց ամաց՝ յորժամ եկաց ՛ի թագաւորու(թ)ե(ա)ն իւրում, եւ զութ ամ թագաւորեաց յ(թ)ե(ան)մ.
⁶եւ գնաց ՛ի ճանապարհս թագաւորացն ի(սրաէ)լի, ո(ր)պ(էս) արար տունն աքաաբու. վ(ա)ս(ն) զի դուստր աքաաբու էր ն(ո)ր(ա) կին. եւ արար չա́ր առաջի տ(եառ)ն։
⁷եւ ո́չ կամեցաւ տ(է)ր սատակել զտունն դաւթի, վ(ա)ս(ն) ուխտին զոր եդ ընդ դաւթի. եւ ո(ր)պ(էս) ասացն ցնա՝ տա́լ նմա ճրագ, եւ որդւոց ն(ո)ր(ա) զա(մենայ)ն աւուրս։
⁸Յաւուրսն յայնոսիկ ապստամբեաց եդոմ ՛ի յուդայ, եւ թագաւորեցուցին ՛ի վերայ իւրեանց թագաւոր։

⁹Եւ գնաց յովրամ հանդերձ իշխանօքն, եւ ա(մենայ)ն երիվարք ընդ նմա։ եւ եղեւ ՛ի յառնելն ն(ո)ր(ա) գիշերի, եհա́ր եդոմ զայնոսիկ որ պատեցին զնա, եւ զիշխանս կառացն. եւ փախեաւ զօրն ՛ի բնակութի(ւն)ս իւրեանց։
¹⁰եւ ՛ի բա́ց եկաց եդովմ ՛ի ձեռնէ յուդայ՝ մինչեւ յօրս յայս։ Յայնժամ ապստամբեաց ղոբնա ՛ի ձեռանէ ն(ո)ր(ա) ՛ի ժամանակին յայնմիկ. վ(ա)ս(ն) զի թողին զտ(է)ր ա(ստուա)ծ հարցն իւրեանց։
¹¹քանզի արար իւր բարձունս ՛ի քաղաքսն յուդայ, եւ պոռնկեցոյց զբնակիչսն ե(րուսաղէ)մի. եւ մոլորեցոյց զյուդաս։

¹²Եւ եկն նմա գի́ր յեղիայէ մարգարէէ. եւ ասէ։ ա́յսպէս ասէ տ(է)ր ա(ստուա)ծ դաւթի հօր քոյ. փոխանակ զի ո́չ գնացեր դու ՛ի ճանապարհս յովսափատու հօր քոյ, եւ ոչ ՛ի ճանապարհս ասայի արքայի յուդայ.
¹³այլ գնացեր ՛ի ճանապարհս թագաւորին ի(սրաէ)լի. եւ պոռնկեցուցեր զյուդայ՝ եւ զբնակիչսն եմ(թ)ի(ւն). ո(ր)պ(էս) պոռնկեցաւ տունն աքաաբու։ եւ զեղբարս քո զորդիս հօր քոյ՝ զլաւագոյնսն քան զքեզ սպանե́ր.
¹⁴եւ ահա տ(է)ր հարցէ զքեզ հարուածօք մեծամեծօք ՛ի ժողովրդեան քում, եւ զորդիս քո եւ զկանայս քո, եւ զա(մենայ)ն ստացուածս քո։
¹⁵եւ դու չա́ր հիւանդութ(եամ)բ եւ ախտիւ որովայնի հաշեսցիս, մինչեւ ելցէ որովայն քո հիւանդու(թեամ)բն հանդերձ՝ աւուրց յաւուրս։

¹⁶Եւ յարո́յց տ(է)ր ՛ի վ(ե)ր(այ) յովրամայ այլազգիս, եւ զարաբացիս, եւ զմերձաւորսն յեթւովպացւոց։
¹⁷եւ ելին ՛ի վ(ե)ր(այ) յուդայ, եւ հարստահարէին զնա. եւ դարձուցին զա(մենայ)ն պատրաստութի(ւն)ն զոր գտին ՛ի տան արքային, եւ զուստերս ն(ո)ր(ա), եւ զդստերս ն(ո)ր(ա). եւ ո́չ մնաց նմա որդի. բայց ոքոզիաս միայն՝ կրտսերագոյն յորդիս ն(ո)ր(ա)։
¹⁸Եւ յետ այսր ա(մենայ)նի՝ եհար զնա տ(է)ր ախտիւ որովայնի որոյ ո́չ գոյր բժշկութի(ւն).

¹⁹եւ եղեւ աւուրց յաւուրս, իբրեւ եկն ժամանակ աւուրցն նորա, յերկուս աւուրս ե́լ որովայն ն(ո)ր(ա) հանդերձ ախտիւն. եւ մեռաւ ՛ի չար հիւանդու(թ)ե(ա)ն յայնմիկ։ եւ ո́չ արար նմա ժողովուրդն յուղարկու(թ)ի(ւն), իբրեւ զյուղարկաւորութի(ւն) հարցն ն(ո)ր(ա)։
²⁰Է́ր ամաց երեսուն եւ երկուց՝ յորժամ թագաւորեաց. եւ զութ ամ թագաւորեաց յե(րուսաղէ)մ. եւ մեռաւ ո́չ գովութ(եամ)բ. եւ թաղեցաւ ՛ի քաղաքին դաւթի, եւ ո́չ ՛ի գերեզմանս թագաւորացն։

¹Եւ թագաւորեցուցին բնակիչքն եմ(թ)ի(ւն) զոքոզիաս որդի ն(ո)ր(ա) զկրտսերագոյնն փոխանակ ն(ո)ր(ա). վ(ա)ս(ն) զի զամենեսեան զերիցագոյնսն կոտորեաց հէնն եկեալ ՛ի վ(ե)ր(այ) ն(ո)ց(ա), արաբացիքն, եւ աղիմազովնեայքն։ եւ թագաւորեաց ոքոզիա որդի յովրամայ արքայի յուդայ։
²Է́ր քսան եւ երկո́ւց ամաց յորժամ թագաւորեաց ոքոզիա. եւ տարի մի թագաւորեաց յե(րուսաղէ)մ. եւ անուն մօր նորա գոդոզիա դուստր զամրեայ։
³Եւ նա́ գնաց ՛ի ճանապարհս տանն աքաաբու. վ(ա)ս(ն) զի մայրն իւր էր խորհրդակից նմա մեղանչել։
⁴եւ արար չա́ր առաջի տ(եառ)ն ո(ր)պ(էս) արար տունն աքաաբու. քանզի նոքա էին խորհրդակիցք նմա յետ մեռանելոյ հօր ն(ո)ր(ա) սատակել զնա։

⁵ըստ խորհրդոց ն(ո)ց(ա) գնա́ց նա։ Եւ չոգաւ ընդ յովրամայ որդւոյ աքաաբու ՛ի պատերազմ ՛ի վ(ե)ր(այ) ազայելի արքայի ասորեաց յռամաթ գաղաադ. եւ հարին աղեղնաւորքն զյովրամ։
⁶Եւ դարձաւ յովրամ բժշկել յեզրայէլ, ՛ի վիրացն զոր խոցեցին զնա ասորիքն յռամաթ՝ ՛ի պատերազմել նորա ընդ ազայելի արքայի ասորեաց։ Եւ ոքոզիաս որդի յովրամայ արքայի յուդայ՝ էջ տեսանել զյովրամ որդին աքաաբու յեզրայէլ, վ(ա)ս(ն) զի հիւանդ էր։
⁷եւ ՛ի տ(թեն)է եղեւ կործանումն ոքոզիայ յերթալն առ յովրամ։ եւ յերթալն ն(ո)ր(ա) ե́լ նա առ յէու՝ որդին ամեսսեայ օծեա́լ տ(եառ)ն։
⁸Եւ եղեւ իբրեւ ա́ռ յէու զվրէժ տանն աքաաբու՝ եգիտ եւ զիշխանսն յուդայ զեղբարսն ոքոզեայ՝ որք պաշտէին զոքոզիաս, եւ կոտորեաց զն(ո)ս(ա).

⁹եւ ասաց խնդրել զոքոզիաս. եւ կալան զնա ՛ի բժշկելն ՛ի սամարիա. եւ ածին զնա առ յէու, եւ սպան զնա. եւ թաղեցին զնա անդէն. վ(ա)ս(ն) զի ասացին, որդի́ է յովսափատայ որ խնդրեաց զտ(է)ր ՛ի բոլոր սրտէ իւրմէ։ եւ ո́չ գոյր ՛ի տանն ոքոզիայ՝ զօրացուցանել զոք յաղագս զօրութե(ան) թագաւորութե(ա)ն։
¹⁰Եւ գոդողիա մա́յրն ոքոզիայ, ետես թէ մեռաւ որդին ն(ո)ր(ա), յարեաւ եւ կորո́յս զա(մենայ)ն զաւակ թագաւորութե(ա)ն ՛ի տանն յուդայ։

¹¹Եւ ա́ռ յովսաբեթ դուստր արքայի զյովաս որդի ոքոզիայ, եւ գողացաւ զնա ՛ի միջոյ որդւոցն արքայի կոտորելոցն. եւ ետ զնա ՛ի դայեակ նորա ՛ի սենեակս անկողացն. եւ թաքոյց զնա յովսաբեթ դուստր արքային յովրամայ՝ եղբայրն ոքոզիայ կին յովիդայեայ քահանայի, եւ ծածկեաց զնա յերեսաց գոդողիայ, եւ ո́չ սպան զնա։
¹²եւ է́ր ընդ նմա թաքուցեալ ՛ի տանն ա(ստուծո)յ ամս վեց։ եւ գոդողիա թագաւորեաց ՛ի վերայ երկրին։

¹Եւ յամին եւթներորդի զօրացաւ յովիդայեա. ա́ռ զհարիւրապետսն՝ զազարիաս որդի́ յովրամայ, եւ զիսմայէլ որդի́ յովնանայ, եւ զազարիաս որդի́ յովբադայ, եւ զմասիաս որդի ադայիայ. եւ զեղիսափատ որդի զաքարիայ ՛ի տունն տ(եառ)ն.
²շրջեցան ընդ յուդաս, եւ ժողովեցին զղեւտացիսն յամենայն քաղաքացն յուդայ, եւ զիշխանս տոհմիցն ի(սրաէ)լի, եւ եկին յե(րուսաղէ)մ։
³Եւ եդին ուխտ ընդ ա(մենայ)ն եկեղեցւոյն յուդայ ՛ի տանն տ(եառ)ն, եւ ընդ արքային։ Եւ կացոյց նոցա զորդին արքայի, եւ ասէ ցնոսա. ահաւասիկ որդի արքային յուդայ, թագաւորեսցէ́ դա, որպէս խօսեցաւ տ(է)ր ՛ի վերայ տանն դաւթի։

⁴Եւ արդ՝ բան՝ այս է զոր առնիցէք։ երրորդ մասն ՛ի ձէնջ մտցէ ՛ի շաբաթապահ քահանայիցն ղեւտացւոց, եւ ՛ի մուտս դրանցն.
⁵եւ երրորդ մասն ՛ի տան արքային. եւ երրորդ մասն ՛ի դրանն միջնում։ Եւ ա(մենայ)ն ժողովուրդն ՛ի սրահի տանն տ(եառ)ն լիցի.
⁶եւ մի́ ոք մտցէ ՛ի տունն տ(եառ)ն, բայց միայն քահանայքն եւ ղեւտացիքն՝ եւ պաշտօնեայքն ՛ի ղեւտացւոց՝ նոքա մտցեն. վասն զի սուրբք են։ եւ ա(մենայ)ն ժողովուրդն պահեսցէ զպահպանութի(ւն)ս տ(եառ)ն։
⁷Եւ պատեսցեն ղեւտացիքն շուրջանակի զարքայ՝ ա́յր եւ զէ́ն իւր ՛ի ձեռին իւրում եւ որոք մտանիցէ ՛ի տունն, մեռցի́. եւ նոքա եղիցին ընդ արքայի ՛ի մտանե́լ եւ յելանել ն(ո)ր(ա)։

⁸Եւ արարին ղեւտացիքն եւ ա(մենայ)ն յուդայ ըստ ա(մենայ)նի զորինչ պատուիրեաց յովիդայեա քահանայ. եւ ա́ռ իւրաքանչիւրոք զընկեր իւր ՛ի սկսանելոյ շաբաթուն. վասն զի ո́չ արձակեաց յովիդայէ զհանապազորդեան պահապանսն։
⁹Եւ ետ ն(ո)ց(ա) զսուսերսն եւ զվահանսն, եւ զզէնսն որք էին արքայի դաւթի ՛ի տանն ա(ստուծո)յ։
¹⁰եւ կացոյց զա(մենայ)ն ժողովուրդն զիւրաքանչիւրոք զինուն իւրով յուսոյ տանն յաջմէ, մինչեւ յուս ահեկի կողմանն սեղանոյն եւ տաճարին զթագաւորաւն շուրջանակի։
¹¹Եւ եհան զորդին արքայի, եւ եդ ՛ի վ(ե)ր(այ) նորա զթագն, եւ զվկայութի(ւն)ն։ եւ թագաւորեցուցին եւ օծին զնա յովիդայէ եւ որդիք ն(ո)ր(ա). եւ ասեն՝ կեցցէ́ արքայ։

¹²Եւ լուաւ գոդողիա զձայն ժողովրդեանն զընթանալոյն, զգոհանալոյն՝ եւ զօրհնելոյն զարքայ։ եւ եմուտ առ արքայն ՛ի տուն տ(եառ)ն.
¹³ետե́ս, եւ ահա թագաւորն կայր ՛ի տեղւոջն իւրում, եւ ՛ի մուտս ճանապարհին՝ պե́տքն, եւ փողքն, եւ իշխանքն շուրջ զարքայիւ. եւ ա(մենայ)ն ժողովուրդն զուարճացեալ հարկանէին զփողսն, եւ երգէին նուագարանօքն երգս, եւ օրհնէին զօրհնու(թ)ի(ւն)սն։ եւ պատառեաց գոդողիա զզգեստն իւր, գոչեա́ց եւ ասէ, դաւաճնութ(եամ)բ խարդախեցէք։

¹⁴Եւ ել յովիդայէ քահանայ՝ պատուիրեաց յովիդայէ քահանայ հարիւրապետացն եւ իշխանաց զօրուն, եւ ասէ ցն(ո)ս(ա). հանէ́ք զդա արտաքոյ ՛ի տանէդ. եւ ելէ́ք զկնի դորա, եւ մեռցի́ սրով։ վ(ա)ս(ն) զի ասաց քահանայն՝ մի́ մեռցի նա ՛ի տանն տ(եառ)ն։
¹⁵եւ թո́յլ ետուն նմա, եւ անց ընդ դուռն հեծելոց տան արքային. եւ սպանի́ն զնա անդ։
¹⁶Եւ ուխտեաց յովիդայէ ուխտ ՛ի մէջ իւր՝ եւ ժողովրդեանն եւ արքային, լինել ժողովուրդ տ(եառ)ն։
¹⁷եւ եմուտ ա(մենայ)ն ժողովուրդ երկրին ՛ի տունն բահաղու, եւ կործանեցին զնա, եւ զսեղանս ն(ո)ր(ա), եւ զկուռսն ն(ո)ր(ա) մանրեցին. եւ զմաթան քուրմն բահաղու սպանին առաջի սեղանոյ նորին։

¹⁸Եւ ա́ռ յովիդայէ քահանայ զգործ տանն ՛ի ձեռն քահանայից եւ ղեւտացւոց. եւ կանգնեաց զհանապազորդեան պաշտօնեայս զքահանայս եւ զղեւտացիս զորս զատոյց դաւիթ ՛ի տունն տ(եառ)ն, եւ մատոյց ողջակէզս տ(եառ)ն, ո(ր)պ(էս) եւ գրեալ է յօրէնսն մովսիսի, ուրախութ(եամ)բ եւ երգովք ՛ի ձեռն դաւթի։
¹⁹Եւ կացին դռնապանքն ՛ի դրունս տան տ(եառ)ն, եւ ո́չ մտանէր անմաքուր ոք անդր յա(մենայ)ն իրս։
²⁰Եւ ա́ռ զպետս տոհմիցն, եւ զզօրաւորսն, եւ զիշխանս ժողովրդեանն, եւ զա(մենայ)ն ժողովուրդ երկրին, եւ հանին զարքայ ՛ի տանէ տ(եառ)ն, եւ մտին ընդ դուռն ներքին ՛ի տուն թագաւորին, եւ նստուցին զարքայ յաթոռ թագաւորութե(ա)ն։

²¹եւ ուրա́խ եղեւ ա(մենայ)ն ժողովուրդ երկրին, եւ քաղաքն լռեաց։ եւ զգոդողիա սպանին սրով։

¹Է́ր եւթն ամաց յովաս ՛ի թագաւորելն իւրում. եւ քառասուն ամ թագաւորեաց յ(թ)ե(ան)մ. եւ անուն մօր ն(ո)ր(ա) աբիա ՛ի բերսաբէէ։
²Եւ արար յովաս ուղղութի(ւն) առաջի տ(եառ)ն զա(մենայ)ն աւուրս յովիդայեայ քահանայի։
³եւ ա́ռ իւր յովաս երկուս կանայս, եւ ծնաւ ուստերս եւ դստերս։
⁴Եւ յետ այսորիկ եղեւ ՛ի սրտին յովասու կազմել զտունն տ(եառ)ն։
⁵եւ ժողովեաց զքահանայսն եւ զղեւտացիսն, եւ ասէ ցնոսա. ելէ́ք ՛ի քաղաքս յուդայ, եւ ժողովեցէ́ք յա(մենայ)ն յի(սրաէ)լէ արծաթ, զօրացուցանել զտունն տ(եառ)ն ամի ամի. եւ փութացարո́ւք խօսել. եւ ո́չ հաւատացին ղեւտացիքն։

⁶Եւ կոչեաց յովաս արքայ զյովիդայէ զիշխան, եւ ասէ ցնա. ընդէ՞ր ո́չ արարեր ա́յց ղեւտացւոցն, բերել ՛ի ներքս ՛ի յուդայ եւ յե(րուսաղէ)մէ՝ որինչ սահմանեալ էր ՛ի մովսիսէ յառնէն ա(ստուծո)յ։ վ(ա)ս(ն) զի եկեղեցացոյց զի(սրա)էլ ՛ի խորանն վկայութե(ան)։
⁷Զի գոդողիա էր անօրէն, եւ որդիք ն(ո)ր(ա) կործանեցին զտունն ա(ստուծո)յ. քանզի եւ զսրբութի(ւն)ս տանն ա(ստուծո)յ արարին բահաղիմայցն։
⁸Եւ ասէ արքայ. լիցի́ արկղ, եւ դիցի ՛ի դրան տանն տ(եառ)ն արտաքոյ.
⁹եւ քարոզեսցեն ՛ի յուդայ եւ յե(րուսաղէ)մ, բերել տ(եառ)ն, ո(ր)պ(էս) ասացն մովսէս ծառայն ա(ստուծո)յ ի(սրաէ)լի յանապատին։

¹⁰Եւ ետուն ամենեքեան՝ իշխանքն եւ ա(մենայ)ն ժողովուրդն, եւ բերէին ՛ի ներքս, եւ արկանէին յարկղն մինչեւ լցաւ։
¹¹Եւ լինէր իբրեւ բերէին զարկղն առ վերակացու արքային ՛ի ձեռն ղեւտացւոցն, իբրեւ տեսանէին թէ առաւելոյր արծաթն, գայր դպրապետն առ արքայ, եւ վերակացու մեծի քահանային, եւ թափէին զարկղն. եւ կացուցանէին անդրէն ՛ի տեղւոջն իւրում. ա́յնպէս առնէին օր ըստ օրէ, եւ ժողովէին արծաթ բազում։
¹²Եւ ետ զայն արքայ եւ յովիդայէ քահանայ ցայնոսիկ որք առնէին զգործն ՛ի պատրաստութի(ւն) տանն տ(եառ)ն. եւ կացուցին ՛ի վարձու քարահատս եւ հիւսունս կազմել զտունն տ(եառ)ն, եւ առնէին զգործն.

¹³եւ ելանէր յաջողութի(ւն) գործոյն ՛ի ձեռս ն(ո)ց(ա). եւ կանգնեցին զտունն տ(եառ)ն ՛ի կայանի իւրում, եւ զօրացուցին զնա։
¹⁴Եւ իբրեւ կատարեցին, բերին առ արքայ եւ առ յովիդայէ զմնացեալ արծաթն. եւ արարին սպա́ս ՛ի տանն տ(եառ)ն, կա́հ պաշտաման ողջակիզացն, եւ խնկարանս ոսկեղէնս եւ արծաթեղէնս. եւ մատուցանէին ողջակէզս ՛ի տան տ(եառ)ն հանապազ զա(մենայ)ն աւուրս յովիդայեայ։
¹⁵Եւ ծերացաւ յովիդայէ լի́ աւուրբք, եւ վախճանեցաւ ամաց հարիւր եւ երեսնից։
¹⁶եւ ՛ի վախճանելն ն(ո)ր(ա) թաղեցին զնա ՛ի քաղաքի դաւթի ընդ թագաւորս. վ(ա)ս(ն) զի արա́ր բարութի(ւն)ս ընդ ի(սրաէ)լի, եւ ընդ ա(ստուծո)յ՝ եւ ընդ տան ն(ո)ր(ա)։

¹⁷Եւ եղեւ յետ վախճանելոյն յովիդայեայ, մտին իշխանքն յուդայ, եւ երկի́ր պագին արքայի, եւ շրջեցին զմիտսն յովասու. յայնժամ լուաւ ն(ո)ց(ա) արքայ։
¹⁸Թողի́ն զտ(է)ր ա(ստուա)ծ հարցն իւրեանց, եւ ծառայեցին կռոց, եւ աստարտայցն. եւ եղեւ բարկու(թ)ի(ւն) տ(եառ)ն ՛ի վ(ե)ր(այ) յուդայ եւ ե(րուսաղէ)մի յաւուրսն յայնոսիկ։
¹⁹եւ առաքեաց առ ն(ո)ս(ա) մարգարէս՝ դարձուցանել առ տ(է)ր, եւ ո́չ լուան. եւ եդ ն(ո)ց(ա) վկայու(թ)ի(ւն)՝ եւ ո́չ անսացին։
²⁰Եւ հոգի տ(եառ)ն զգեցաւ ազարիաս որդի յովիդայեայ քահանայի. յարեա́ւ ՛ի մէջ ա(մենայ)ն ժողովրդեանն եւ ասէ. ա́յսպէս ասէ տ(է)ր. ընդէ՞ր խոտորեցայք ՛ի պատուիրանացն տ(եառ)ն, եւ ո́չ յաջողեսցի ձեզ. վ(ա)ս(ն) զի թողէք դուք զտ(է)ր, եւ նա́ լքցէ զձեզ։

²¹եւ յարեան ՛ի վ(ե)ր(այ) ն(ո)ր(ա) եւ քարկոծեցին զնա պատուիրանաւ յովասու արքայի ՛ի սրահի տանն տ(եառ)ն։
²²Եւ ո́չ յիշեաց յովաս զգութն զոր արար ընդ նմա յովիդայէ հայրն ն(ո)ր(ա), եւ սպան զորդի ն(ո)ր(ա)։ եւ եղեւ ՛ի մեռանելն՝ ասաց, տեսցէ́ տ(է)ր եւ դատեսցի։
²³Եւ ՛ի կատարել տարւոյն այնորիկ ե́լ ՛ի վ(ե)ր(այ) ն(ո)ր(ա) զօրն ասորեաց, եւ եկն ՛ի վ(ե)ր(այ) յուդայ եւ ե(րուսաղէ)մի, եւ կոտորեցին զա(մենայ)ն իշխանս ժողովրդեանն եւ զօրուն. եւ զա(մենայ)ն աւար ն(ո)ց(ա) ետուն տանե́լ արքային դամասկոսի.

²⁴վ(ա)ս(ն) զի սակա́ւ արամբք եկն զօրն ասորեաց, եւ ա(ստուա)ծ մատնեաց ՛ի ձեռս ն(ո)ց(ա) զօր բազում յոյժ. վ(ա)ս(ն) թողլոյն ն(ո)ց(ա) զտ(է)ր ա(ստուա)ծ հարցն իւրեանց։ եւ ընդ յովասայ արա́ր զդատաստանն։
²⁵Եւ յետ գնալոյն ն(ո)ց(ա) ՛ի նմանէ, թողին զնա ՛ի հիւանդութե(ան) մեծի. եւ յարեան ՛ի վ(ե)ր(այ) ն(ո)ր(ա) ծառայքն իւր, վ(ա)ս(ն) արեան որդւոյն յովիդայեայ քահանայի, եւ սպանին զնա ՛ի գահոյսն իւրում եւ մեռաւ. եւ թաղեցին զնա ՛ի քաղաքին դաւթի, եւ ո́չ թաղեցին զնա ՛ի գերեզմանի թագաւորացն։
²⁶Եւ որք յարեան ՛ի վ(ե)ր(այ) ն(ո)ր(ա)՝ էին զաբդեա որդի́ սամեթայ ամոնացի, եւ յովսաբեթ որդի́ սամարիթայ մովաբացի,

²⁷եւ որդիք ն(ո)ր(ա) ամենեքեան, եւ եկին առ նա հնգեքեան, եւ բազում մթերս ՛ի վ(ե)ր(այ) դնէին։ Եւ մնացեալ բանքն յովասու, ահա գրեալ են ՛ի գիրս թագաւորացն։

¹Է́ր ամաց քսանեւհնգից ՛ի թագաւորելն ամասիաս, եւ քսանեւինն ամ թագաւորեաց յ(թ)ե(ան)մ. եւ անուն մօր նորա յովադին յե(րուսաղէ)մէ.
²եւ արար ուղղութի(ւն) առաջի տ(եառ)ն, բայց ո́չ լի սրտիւ։
³Եւ եղեւ իբրեւ հաստատեցաւ թագաւորութի(ւն)ն ՛ի ձեռին ն(ո)ր(ա), սպա́ն զծառայսն իւր որք սպանին զարքայ զհայրն ն(ո)ր(ա).
⁴եւ զորդիսն ն(ո)ց(ա) ո́չ սպան՝ ըստ ուխտի օրինացն տ(եառ)ն, ո(ր)պ(էս) եւ գրեալ է. եւ զորօրինակ պատուիրեաց տ(է)ր եւ ասաց. ո́չ մեռցին հարք փոխանակ որդւոց, եւ որդիք ո́չ մեռցին փոխանակ հարց իւրեանց. այլ իւրաքանչիւրոք ՛ի մե́ղս իւրում մեռցի։

⁵Եւ ժողովեաց ամասիաս զտունն յուդայ, եւ կացո́յց ն(ո)ց(ա) ըստ տանց տոհմիցն իւրեանց հազարապետս, եւ հարիւրապետս, յա(մենայ)ն յուդայ եւ յե(րուսաղէ)մ, եւ թուեաց զնոսա ՛ի քսանամենից եւ ՛ի վեր, եւ եգիտ զն(ո)ս(ա) երեք հարիւր հազար զօրաւորս, որք ելանէին ՛ի պատերազմ, ունելով նիզակ եւ ասպար։
⁶Եւ ՛ի վարձո́ւ կալաւ յի(սրաէ)լէ հարիւր հազար զօրաւորս ուժով, հարիւր տաղանտոյ արծաթոյ։
⁷Եւ այր ոմն ա(ստուծո)յ ե́կն առ նա եւ ասէ, արքա́յ՝ մի́ երթիցէ ընդ քեզ զօրդ ի(սրաէ)լի, վ(ա)ս(ն) զի ո́չ է տ(է)ր ը(նդ) ի(սրաէ)լի, եւ ո́չ ընդ ա(մենայ)ն որդիս եփրեմի։

⁸եթէ կարծեսցես զօրանալ դոքօք՝ ՛ի պարտութի(ւն) մատնեսցէ զքեզ տ(է)ր առաջի թշնամեաց քոց. քանզի ՛ի տ(թեն)է́ լինի զօրանալ՝ եւ ՛ի պարտութի(ւն) մատնիլ։
⁹Եւ ասէ ամասիա ցայրն ա(ստուծո)յ. եւ զի՞նչ արարից զհարիւր տաղանդսն զոր ետու զօրուդ ի(սրաէ)լի։ եւ ասէ ցնա այրն ա(ստուծո)յ. գո́յ տ(եառ)ն տա́լ քեզ առաւելագոյն քան զայն։
¹⁰Եւ որոշեաց ամասիաս ցգունդն որ եկեալ էր առ նա յեփրեմայ, երթա́լ ՛ի տեղի իւրեանց. եւ բարկացան յոյժ ՛ի վ(ե)ր(այ) յուդայ, եւ դարձան ՛ի տեղիս իւրեանց բարկութ(եամ)բ եւ ցասմամբ։
¹¹Եւ ամասիաս զօրացաւ առ զզօրն իւր, եւ գնաց ՛ի հովիտս աղտիցն. եւ եհար զորդիսն սէիրայ տասն հազար։

¹²եւ ա́յլ եւս տասն հազար գերեցին որդիքն յուդայ, եւ ածին զն(ո)ս(ա) ՛ի գլուխ քարանձաւին եւ գահավէժ առնէին զնոսա ՛ի ծայրից բարձուանդակին, եւ ամենեքեան սատակէին։
¹³Եւ որդիք զօրութե(ան)ցն զորս դարձոյց ամասիաս ո́չ երթալ ը(նդ) իւր ՛ի պատերազմ՝ յարձակեցան ՛ի քաղաքսն յուդայ, ՛ի սամարիայ մինչեւ ՛ի բեթորոն, եւ հարին ՛ի նոցանէ երիս հազարս, եւ առին աւա́ր բազում։
¹⁴Եւ եղեւ յետ գալոյն ամասիայ ՛ի հարկանելոյն զեդոմ, եբե́ր առ ն(ո)ս(ա) զաստուածս որդւոցն սէիրայ, եւ կացոյց զնոսա իւր յաստուածս. եւ երկի́ր պագանէր առաջի ն(ո)ց(ա), եւ զոհէր ինքն ն(ո)ց(ա)։

¹⁵Եւ եղեւ բարկութի(ւն) տ(եառ)ն ՛ի վ(ե)ր(այ) ամասիայ. առաքեաց առ նա մարգարէս՝ եւ ասէ ցնա. ընդէ՞ր խնդրեցեր դու զաստուածս ժողովրդեանն այնորիկ որք ո́չ փրկեցին զժողովուրդն իւրեանց ՛ի ձեռաց քոց։
¹⁶Եւ եղեւ ՛ի խօսելն նորա՝ ասէ ցնա. միթէ խորհրդակի՞ց թագաւորի ետու զքեզ. զգո́յշ լեր՝ գուցէ́ տանջեսցիս։ Եւ լռեաց մարգարէն. եւ ասէ՝ գիտե́մ զի խորհի տ(է)ր ՛ի վ(ե)ր(այ) քո կործանել զքեզ. վ(ա)ս(ն) զի արարեր զայդ. եւ ո́չ անսացեր խրատուս իմում։
¹⁷Եւ խորհեցաւ ամասիաս՝ առաքեաց առ յովաս որդի յովաքազայ որդւոյ յէուայ՝ առ արքայն ի(սրաէ)լի, եւ ասէ. ե́կ եւ երեւեսցո́ւք երեսօք։

¹⁸Եւ առաքեաց յովաս արքայ ի(սրաէ)լի առ ամասիաս արքայ յուդայ եւ ասէ, ոքոզն որ ՛ի լիբանան է՝ յղեաց առ մայրսն լիբանանու եւ ասէ, տո́ւր զդուստր քո ուստեր իմում կնութե(ան). եւ ահա անցին գազանք անապատին լիբանանու, եւ եկեալ կոխեցին զա(մենայ)ն զեկքեան։
¹⁹ահա հարեր զեդումէաս. եւ հպարտացուցանէ՞ զքեզ սիրտ քո ծանրութ(եամ)բ. նի́ստ այսուհետեւ ՛ի տան քում, եւ ընդէ՞ր անկանիս դու ՛ի չարութի(ւն). եւ սատակիցի́ս դո եւ յուդաս ընդ քեզ։
²⁰Եւ ո́չ լուաւ ամասիաս, վ(ա)ս(ն) զի ՛ի տ(թեն)է եղեւ մատնել զնա ՛ի ձեռս յովասու՝ յաղագս խնդրելոյն ն(ո)ր(ա) զաստուծսն եդոմայեցւոց։

²¹Եւ ե́լ յովաս արքայ ի(սրաէ)լի՝ եւ երեւեցան միմեանց, նա́ եւ ամասիաս արքայ յուդայ՝ ՛ի բեթսամիւս, որ է յուդայ։
²²Եւ պարտեցաւ յուդայ առաջի ի(սրաէ)լի, եւ փախեաւ իւրաքանչիւրոք ՛ի բնակու(թ)ի(ւն)ս իւր։
²³Եւ զամասիաս արքայ յուդայ որդի յովասու՝ կալաւ յովաս արքայ ի(սրաէ)լի ՛ի բեթսամիւս, եւ տարաւ զնա յե(րուսաղէ)մ, եւ քակեաց ՛ի պարսպէն ե(րուսաղէ)մի, ՛ի դրանէն եփրեմի մինչեւ ՛ի դուռն անկեանն, երեքհարիւր կանգուն։
²⁴եւ զա(մենայ)ն ոսկի եւ արծաթ, եւ զա(մենայ)ն սպաս՝ որ գտաւ ՛ի տանն տ(եառ)ն, եւ առ աբդեդովմայ, եւ զգանձս տան թագաւորին, եւ զորդիս խառնակութե(ան)ցն ա́ռ եւ դարձաւ ՛ի սամարիա։

²⁵Եւ եկաց ամասիաս որդի յովասու արքայ յուդայ՝ յետ մեռանելոյն յովասու որդւոյ յովաքազու արքայի ի(սրաէ)լի, ամս հնգետասան։
²⁶Եւ մնացեալ բանքն ամասիայ առաջինք եւ վերջինք. ո՞չ ահա գրեալ են ՛ի գիրս թագաւորացն ի(սրաէ)լի եւ յուդայ։
²⁷Եւ ՛ի ժամանակին յորում ՛ի բա́ց եկաց ամասիաս ՛ի տ(թեն)է, յարեան ՛ի վ(ե)ր(այ) ն(ո)ր(ա) զօրքն յե(րուսաղէ)մ, եւ փախեաւ ՛ի լաքիս. եւ առաքեցին զկնի ն(ո)ր(ա) ՛ի լաքիս, եւ սպանին զնա անդ։
²⁸եւ բարձին զնա ՛ի վ(ե)ր(այ) ձիոց, եւ թաղեցին զնա ընս հարս իւր ՛ի քաղաքի դաւթի։

¹Եւ ա́ռ ա(մենայ)ն ժողովուրդ երկրին զոզիաս՝ եւ է́ր նա ամաց վեշտասանից, եւ թագաւորեցուցին զնա փոխանակ հօրն իւրոյ ամասիայ։
²Նա́ շինեաց զեղաթ, եւ նա́ դարձոյց զնա անդրէն ՛ի յուդայ՝ յետ մեռանելոյն արքային ը(նդ) հարս իւր։
³Որդի վեշտասան ամաց թագաւորեաց ոզիաս, եւ յիսուն եւ երկուս ամս թագաւորեաց յե(րուսաղէ)մ. եւ անուն մօր ն(ո)ր(ա) յեքեզիա՝ յեմ(թեն)է։
⁴եւ արար ուղղութի(ւն) առաջի տ(եառ)ն ը(ստ) ա(մենայ)նի զոր արար ամասիա հայր ն(ո)ր(ա)։
⁵Եւ խնդրեաց զտ(է)ր յաւուրս զաքարիայ իմաստնոյ երկիւղիւ տ(եառ)ն, յաւուրս ն(ո)ր(ա) խնդրեաց նա զտ(է)ր, եւ յաջողեաց նմա տ(է)ր։

⁶Եւ ել եւ պատերազմեցաւ ընդ այլազգիս, եւ քակեաց զպարիսպն գեթայ, եւ զպարիսպն յաբիսայ, եւ զպարիսպն ազովտայ. եւ շինեաց զքաղաքսն ազովտայ ՛ի մէջ այլազգեացն։
⁷Եւ զօրացոյց զնա տ(է)ր ՛ի վ(ե)ր(այ) այլազգեացն, եւ ՛ի վ(ե)ր(այ) արաբացւոցն որք բնակէին ՛ի վիմին, եւ ՛ի վ(ե)ր(այ) մինեցւոցն.
⁸եւ տային մինեցիքն ընծայս ոզիայ։ եւ է́ր անուն նորա մինչեւ ՛ի մուտսն եգիպտոսի, վ(ա)ս(ն) զի զօրացաւ ՛ի վեր։
⁹Եւ շինեաց ոզիաս զաշտարակսն ե(րուսաղէ)մի առ դրան ձորոյն եւ առ անկիւնսն, եւ զօրացոյց.

¹⁰եւ շինեաց աշտարակս յանապատին. եւ փորեաց ջրհորս բազումս, վ(ա)ս(ն) զի անասուն բազո́ւմ էր ն(ո)ր(ա) ՛ի սեփեղա՝ եւ ՛ի դաշտին. եւ այգեգործք ՛ի լերինն, եւ ՛ի կարմեղոս. քանզի սիրէր զերկրագործու(թ)ի(ւն)։
¹¹Եւ եղեն ոզիայ զօրք որք առնէին պատերազմ, եւ ելանէին ՛ի մարտ գունդք. եւ թիւն ն(ո)ց(ա) ՛ի ձեռն յէէլի դպրապետի, եւ մասեայ դատաւորի, եւ ՛ի ձեռն անանիայի փոխանակի արքայի։
¹²ա(մենայ)ն գունդք ցեղապետիցն զօրաց ՛ի պատերազմին երկուհազար վեցհարիւր։
¹³Եւ ը(նդ) ն(ո)ս(ա) զօր պատերամօղ, երեքհարիւր հազար, եւ եւթն հազար, եւ հինգհարիւր. նոքա էին որք առնէին պատերազմ զօրութ(եամ)բ մեծաւ. օգնական լինելով արքային՝ ՛ի հակառակորդացն։

¹⁴եւ պատրաստէր ն(ո)ց(ա) ոզիաս ա(մենայ)ն զօրուն, վահանս եւ նիզակս եւ սաղաւարտս եւ զրահս եւ աղեղունս՝ եւ պարսս ՛ի քարինս։
¹⁵Եւ արար յե(րուսաղէ)մ մենքենայս արուեստից ճարտարու(թ)ե(ան)՝ լինել ՛ի վ(ե)ր(այ) պարսպաց, եւ ՛ի վ(ե)ր(այ) անկեանց, ձգե́լ նետս եւ քարինս մեծամեծս։ Եւ լսելի́ եղեւ պատրաստութի(ւն) ն(ո)ր(ա) մինչեւ ՛ի հեռաստան. վ(ա)ս(ն) զի սքանչելի́ էր նա յօգնել մինչեւ զօրացաւ։
¹⁶Եւ իբրեւ զօրացաւ՝ բարձրացաւ սիրտ ն(ո)ր(ա) առ յապականել, եւ անիրաւեցաւ ՛ի տ(է)ր ա(ստուա)ծ իւր։ եւ եմուտ ՛ի տաճարն տ(եառ)ն ծխել խունկս ՛ի վերայ սեղանոյ խնկոցն։
¹⁷Եւ եմուտ զհետ ն(ո)ր(ա) ազարիաս քահանայ, եւ ը(նդ) նմա քահանայքն տ(եառ)ն ութսուն, որդիք զօրաւորք։

¹⁸կացին ՛ի վ(ե)ր(այ) ոզիայ արքայի, եւ ասեն ցնա. ո́չ է քո ոզիաս ծխել խունկս տ(եառ)ն, այլ քահանայից որդւոց ահարոնի սրբեցելոցդ է՝ ծխել ցայդ. ե́լ արտաքս ՛ի սրբու(թ)ե(ան)ց, վ(ա)ս(ն) զի ապստամբեցեր դու ՛ի տ(թեն)է, եւ ո́չ եւս լիցի քեզ այդ ՛ի փառս ՛ի տ(թեն)է ա(ստուծո)յ։
¹⁹Եւ սրտմտեցաւ ոզիաս, եւ ՛ի ձեռին իւրում բուրուառն ծխել զխունկս ՛ի տաճարին։ եւ ՛ի բարկանալն ն(ո)ր(ա) քահանայիցն, երեւեցաւ բորոտու(թ)ի(ւն) ՛ի ճակատն ն(ո)ր(ա) յանդիման քահանայիցն ՛ի տանն տ(եառ)ն ՛ի վ(ե)ր(այ) սեղանոյ խնկոցն։

²⁰Եւ դարձաւ առ նա քահանայն առաջին, եւ այլ քահանայքն. եւ ահա բորոտեալէր ճակատն ն(ո)ր(ա), եւ դադարեցուցին զնա անտի. քանզի եւ ինքն իսկ փութացաւ ելանել զի յանդիմանեաց զնա տ(է)ր։
²¹Եւ է́ր ոզիաս արքայ բորոտեալ մինչեւ ցօր վախճանի իւրոյ, եւ ՛ի տանն ափուսովթ նստէ́ր բորոտեալ. վ(ա)ս(ն) զի որոշեցաւ ՛ի տանէն տ(եառ)ն։ եւ յովաթամ որդի ն(ո)ր(ա) է́ր ՛ի վ(ե)ր(այ) թագաւորութե(ան) ն(ո)ր(ա)՝ դատել ժողովուրդ երկրին։
²²Եւ մնացեալ բանքն ոզիայ առաջինք եւ վերջինք, գրեալք են յեսայեայ որդւոյ ամովսայ մարգարէէ։
²³Եւ ննջեաց ոզիա ընդ հարս իւր, եւ թաղեցին զնա ը(նդ) հարս ն(ո)ր(ա) ՛ի դաշտի ՛ի գերեզմանի թագաւորացն. վ(ա)ս(ն) զի ասացին թէ բորո́տ է։

¹Որդի քսան եւ հինգ ամաց էր յովաթամ ՛ի թագաւորելն իւրում, եւ վեշտասան ամ թագաւորեաց յ(թ)ե(ան)մ. եւ անուն մօր ն(ո)ր(ա) յերուայ դուստր սադովկայ։
²եւ արար ուղղու(թ)ի(ւն) առաջի տ(եառ)ն՝ ը(ստ) ա(մենայ)նի զոր ինչ արար ոզիաս հայրն ն(ո)ր(ա). բայց ո́չ եմուտ ՛ի տաճարն տ(եառ)ն. եւ տակաւի́ն եւս ժողովուրդն ապականեալ էր։
³Նա́ շինեաց զդուռն տանն տ(եառ)ն զբարձր, եւ ՛ի պարսպին ոփղայ շինեաց բազումս։
⁴եւ քաղաքս շինեաց ՛ի լերինն յուդայ եւ յանտառս եւ բնակութի(ւն)ս եւ աշտարակս։

⁵Նա́ կռուեցաւ ընդ արքայի որդւոց ամոնայ, եւ զօրացաւ ՛ի վ(ե)ր(այ) ն(ո)ց(ա). եւ տային նմա որդիքն ամոնայ ՛ի միում տարւոջ հարիւր տաղանտ արծաթոյ, եւ տասն հազար քոռ ցորենոյ, եւ գարի տասն հազար քոռ. բերէր զայն նմա արքայն ամոնայ ամի ամի. եւ յառաջնում ամին, եւ յերկրորդին, եւ յերրորդին՝
⁶զօրացաւ յովաթամ. վ(ա)ս(ն) զի պատրաստեաց զճանապարհս իւր առաջի տ(եառ)ն ա(ստուծո)յ իւրոյ։
⁷Եւ մնացեալ բանքն յովաթամայ, եւ պատերազմն նորա, եւ մարտք իւր. ահա գրեալ են ՛ի գիրս թագաւորացն յուդայ եւ ի(սրաէ)լի։
⁸քսանեւհինգ ամաց էր յորժամ թագաւորեացն. եւ վեշտասան ամ թագաւորեաց յ(թ)ե(ան)մ։

⁹Եւ քունեա́ց յովաթամ ընդ հարս իւր, եւ թաղեցաւ ՛ի քաղաքին դաւթի։

¹Որդի քսան ամա́ց էր աքազ ՛ի թագաւորելն իւրում, եւ վեշտասան ամ թագաւորեաց յե(րուսաղէ)մ. եւ ո́չ արար ուղղութի(ւն) առաջի տ(եառ)ն իբրեւ զդաւիթ զհայր իւր։
²եւ գնաց ը(ստ) ճանապարհաց թագաւորացն ի(սրաէ)լի. քանզի արար դրօշեալս.
³եւ կռոց ն(ո)ց(ա) զոհէր յերկրին բենոմայ, եւ անցուցանէր զորդիս իւր ընդ հուր, ըստ գարշու(թ)ե(ան) ազգացն զորս սատակեաց տ(է)ր յերեսաց որդւոցն ի(սրաէ)լի.
⁴եւ ծխէր խունկս ՛ի վ(ե)ր(այ) բարձանց, եւ ՛ի ներքոյ ա(մենայ)ն վարսաւոր ծառոց։

⁵Եւ մատնեաց զնա տ(է)ր ա(ստուա)ծ ն(ո)ր(ա) ՛ի ձեռս արքային ասորեաց, եւ եհար զնա. եւ գերեաց ՛ի նոցանէ գերու(թ)ի(ւն) բազում, եւ տարաւ ՛ի դամասկոս։ Եւ ՛ի ձեռս արքային ի(սրաէ)լի մատնեաց զնա, եւ եհար զնա հարուած մեծամեծս։
⁶եւ կոտորեաց փակեէ որդի հռովմելայ արքայ ի(սրաէ)լի ՛ի յուդայ ՛ի միում աւուր հարիւր եւ քսանհազար արանց զօրաւորա́ց զօրութ(եամ)բ, ՛ի թողուլ ն(ո)ց(ա) զտ(է)ր ա(ստուա)ծ հարցն իւրեանց։
⁷Եւ սպան զեքրի զօրաւո́րն եփրեմի, զամասիաս զորդի́ արքային, եւ զեզրիկամ իշխան տա́ն ն(ո)ր(ա), եւ զեղկանա զփոխանո́րդ արքային։

⁸Եւ գերեցին որդիքն ի(սրաէ)լի յեղբարց իւրեանց երեքհարիւրհազար կանայս, եւ զուստերս եւ զդստերս, եւ աւար բազում առին ՛ի նոցանէ, եւ տարան զաւարն ՛ի սամարիա։
⁹Եւ էր անդ մարգարէ տ(եառ)ն, ովդեդ անուն ն(ո)ր(ա), ե́լ նա ընդառաջ զօրուն եկելոյ ՛ի սամարիա, եւ ասէ ցն(ո)ս(ա). ահա բարկու(թ)ի(ւն) տ(եառ)ն ա(ստուծո)յ հարցն ձերոց եղեւ ՛ի վ(ե)ր(այ) յուդայ, եւ մատնեաց զնոսա ՛ի ձեռս ձեր, եւ կոտորեցէք զն(ո)ս(ա) բարկու(թեամ)բ, եւ մինչեւ յերկինս ժամանեաց։
¹⁰Եւ արդ՝ զորդիսդ յուդայ եւ զեմ(թ)ի(ւն), դուք ասէք ստանա՞լ ՛ի ծառա՞յս եւ յաղախնա՞յս. ո՞չ ապաքէն աւասիկ եմ ը(նդ) ձեզ, վկայ լինել տ(եառ)ն ա(ստուծո)յ ձերում։

¹¹Եւ արդ՝ լուարո́ւք ինձ, եւ դարձուցէ́ք անդրէն զգերութի(ւն)դ զորս գերեցէք դուք յեղբարց ձերոց. վ(ա)ս(ն) զի բարկութի(ւն) սրտմտու(թ)ե(ան) տ(եառ)ն լինի́ ՛ի վ(ե)ր(այ) ձեր։
¹²Եւ յարեան իշխանք որդւոցն եփրեմի, ազարիաս որդի յովնանայ, եւ բարաքիաս որդի մոսոքղոմովթայ, եւ եզեկիաս որդի եղեմայ, եւ մաասիաս որդի ադղիայ ՛ի վ(ե)ր(այ) եկելոցն ՛ի պատերազմէն,
¹³եւ ասեն ցն(ո)ս(ա). մի́ ածէք զգերութի(ւն)դ զայդ ա́յսր առ մեզ. վ(ա)ս(ն) զի մեղանչել մեզ առ տ(է)ր դուք առնէք, եւ յաւելուլ ՛ի մեղսն մեր եւ ՛ի տգիտու(թ)ի(ւն)ս. քանզի բազո́ւմ են մեղք ձեր այդոքիկ, եւ բարկու(թ)ի(ւն) սրտմտութե(ան) տ(եառ)ն լինի ՛ի վ(ե)ր(այ) ի(սրաէ)լի։

¹⁴Եւ թողին պատերազմողքն զգերու(թ)ի(ւն)ն՝ եւ զաւարն առաջի իշխանացն եւ ա(մենայ)ն եկեղեցւոյն։
¹⁵Եւ յարեան ա(մենայ)ն արք որ կոչեցան յանուանէ, եւ խնամակալու(թ)ի(ւն)ս արարին գերու(թ)ե(ա)ն. զամենեսեան մերկսն զգեցուցին յաւարէն, եւ ագուցին ն(ո)ց(ա) կօշիկս, եւ ետուն ուտել, եւ օծին իւղով. եւ առին գրաստուք զա(մենայ)ն տկարս, եւ տարան զն(ո)ս(ա) յերեքո́վ քաղաք արմաւենեաց առ եղբարսն իւրեանց, եւ ինքեանք դարձան ՛ի սամարիա։
¹⁶՛Ի ժամանակին յայնմիկ առաքեաց աքազ առ արքայն ասորեաց օգնել նմա յայնոսիկ։
¹⁷վ(ա)ս(ն) զի եդոմայեցիքն յարձակեցան ՛ի վ(ե)ր(այ), եւ հարին զյուդայ, եւ գերեցին գերու(թ)ի(ւն)։

¹⁸եւ այլազգիքն դիմեցին ՛ի քաղաքս դաշտին, եւ լիբեացիքն եկին ՛ի յուդայ, եւ առին զբեթսամիւս, եւ զայեղոն, եւ զգադերովթ, եւ զսոկքով՝ եւ զգղեօղս ն(ո)ր(ա), եւ զթամնա՝ եւ զգեօղս ն(ո)ր(ա), եւ զգամեզեր՝ եւ զգեօղս նորա, եւ բնակեցին անդ։
¹⁹վ(ա)ս(ն) զի նկո́ւն արար տ(է)ր զյուդայ յաղագս աքազու արքայի յուդայ, զի ՛ի բա́ց եկաց ապստամբու(թեամ)բ ՛ի տ(թեն)է։
²⁰Եւ ե́կն ՛ի վ(ե)ր(այ) ն(ո)ր(ա) թագղաթփաղնասար արքայ ասորեստանեաց, եւ եհար զնա։
²¹եւ ա́ռ աքազ զոր ինչ էր ՛ի տանն տ(եառ)ն եւ ՛ի տան թագաւորին եւ իշխանացն, եւ ետ արքային ասորեստանեաց. եւ ո́չ էր օգնականու(թ)ի(ւն) ինչ ն(ո)ց(ա),

²²այլ նեղել զն(ո)ս(ա)։ Եւ յաւել եւս ՛ի բա́ց կալ ՛ի տ(թեն)է։
²³եւ ասաց արքայն, խնդրեցի́ց զաստուածս դամասկոսի որք հարին զիս. եւ ասէ՝ եթէ աստուածք թագաւորին ասորեստանեաց նոքա́ են զօրաւորք, ն(ո)ց(ա) այսուհետեւ զոհեցից, եւ օգնեսցեն ինձ. եւ նոքա եղեն նմա խո́չ եւ ա(մենայ)ն ի(սրաէ)լի։
²⁴Եւ ՛ի բաց արար աքազ զսպաս տանն տ(եառ)ն. կոտորեաց զայն, եւ փակեաց զդրունս տանն տ(եառ)ն։ եւ արար իւր սեղան յա(մենայ)ն անկիւնսն ե(րուսաղէ)մի։
²⁵եւ յա(մենայ)ն քաղաքսն յուդայ արարին բարձունս, ծխել խունկս աստուածոց օտարաց, եւ բարկացուցին զտ(է)ր ա(ստուա)ծ հարցն իւրեանց։

²⁶Եւ մնացեալ բանքն ն(ո)ր(ա) առաջինք եւ վերջինք. ահա գրեալ են ՛ի գիրս բանից թագաւորացն յուդայ ի(սրաէ)լի։ եւ քունեաց աքազ ընդ հարս իւր, եւ թաղեցաւ ՛ի քաղաքին դաւթի. վ(ա)ս(ն) զի ո́չ մուծին զնա ՛ի գերեզմանս թագաւորացն։

¹Եւ է́ր եզեկիաս ՛ի թագաւորել իւրում քսանեւհինգ ամաց, եւ ամս քսանեւինն թագաւորեաց յե(րուսաղէ)մ. եւ անուն մօր ն(ո)ր(ա) աբաութ դուստր զաքարիայ։
²Եւ արար ուղղու(թ)ի(ւն) առաջի տ(եառ)ն, ըստ ա(մենայ)նի զոր ինչ արար դաւիթ հայրն նորա։
³Եւ եղեւ իբրեւ եկաց ՛ի թագաւորու(թ)ե(ա)ն իւրում, յառաջնում ամսեանն եբա́ց զդրունս տանն տ(եառ)ն, եւ կազմեաց զն(ո)ս(ա).
⁴եւ տարաւ ՛ի ներքս զքահանայսն եւ զղեւտացիս, եւ կացոյց զն(ո)ս(ա) ՛ի կողմն արեւելից։
⁵Եւ ասէ ցն(ո)ս(ա). լուարո́ւք ղեւտացիք. այսուհետեւ սրբեցարո́ւք, եւ սրբեցէ́ք զտունն տ(եառ)ն ա(ստուծո)յ հարցն ձերոց, եւ ՛ի բա́ց հանէք զպղծութի(ւն)սն ՛ի սրբութե(ան)ցն.

⁶վ(ա)ս(ն) զի ապստամբեցին հարքն մեր, եւ արարին չա́ր առաջի տ(եառ)ն, եւ թողին զնա, եւ դարձուցին զերեսս ՛ի խորանէն տ(եառ)ն. ընդվզեցան,
⁷եւ փակեցին զդրունս տաճարին, շիջուցին զճրագունսն, եւ խունկս ո́չ ծխեցին նմա. եւ ո́չ ողջակէզս մատուցին սրբոյն ա(ստուծո)յ ի(սրաէ)լի։
⁸Եւ բարկացաւ սրտմտութ(եամ)բ տ(է)ր ՛ի վ(ե)ր(այ) յուդայ եւ ե(րուսաղէ)մի, եւ ետ զն(ո)ս(ա) ՛ի յիմարութի(ւն) եւ յապականու(թ)ի(ւն), եւ ՛ի շըչիւն, ո(ր)պ(էս) դուք տեսանէք աչօք ձերովք։
⁹եւ ահա վիրաւորեցան հարքն մեր սուսերօք. եւ ուստերք ձեր՝ եւ դստերք ձեր՝ եւ կանայք ձեր՝ են ՛ի գերութե(ան), յերկրի ո́չ իւրեանց, ուր ե́նն այժմ։

¹⁰Եւ այսուհետեւ լիցի ՛ի սիրտս մեր, դնե́լ ուխտ տ(եառ)ն ա(ստուծո)յ ի(սրաէ)լի. եւ դարձուսցէ զսրտմտու(թ)ի(ւն) բարկութե(ան) իւրոյ ՛ի մէնջ։
¹¹Արդ՝ մի́ ինչ նուազէք առնել յայսմհետէ. վ(ա)ս(ն) զի զձե́զ ընտրեաց տ(է)ր կա́լ պաշտել առաջի իւր, եւ լինել նմա սպասաւոր. եւ ծխել խունկս։
¹²Եւ յարեան ղեւտացիքն մայէթ՝ որդի ամասիայ, եւ յովէլ որդի զաքարիայ, յորդւոցն կահաթու եւ յորդւոցն մերարեայ. կիս որդի աբդիայ, եւ ազարիաս որդի յեղեղայ եւ յորդւոցն գեթսոնի՝ յովա որդի զեմաթայ, եւ յովադան որդի յովաքայ։
¹³եւ յորդւոցն եղիսափանայ՝ սամարի, եւ էիէղ։ եւ յորդւոցն ասափայ՝ զաքարիաս, եւ մատթանիաս։

¹⁴եւ յորդւոցն եմանայ՝ էիէլ, եւ սեմէի։ եւ յորդւոցն իդիթունայ՝ սամիաս, եւ ոզիէլ։
¹⁵Եւ ժողովեցին զեղբարս իւրեանց, եւ սրբեցան ինքեանք ը(ստ) պատուիրանի թագաւորին, հրամանաւ տ(եառ)ն, սրբել զտունն տ(եառ)ն։
¹⁶Եւ մտին քահանայքն ՛ի տունն տ(եառ)ն սրբել զնա եւ հանին արտաքս զա(մենայ)ն աղտեղու(թ)ի(ւն)ս որք գտան ՛ի տանն տ(եառ)ն եւ ՛ի սրահի տանն տ(եառ)ն. եւ առին ղեւտացիքն հանել զայն ՛ի հեղեղատն կեդրոնի արտաքս։
¹⁷Եւ սկսան յաւուրն առաջնում յամսամտին առաջնոյ ամսոյն սրբել զնա. եւ որ օր ութ էր ամսոյն՝ մտին ՛ի տաճարն տ(եառ)ն. եւ սրբեցին զտունն տ(եառ)ն յաւուրս ութ։ եւ յաւուրն վեշտասաներորդի ամսոյն առաջնոյ կատարեցին։

¹⁸Եւ մտին ՛ի ներքս առ եզեկիաս արքայ՝ եւ ասեն. սրբեցաք զա(մենայ)ն որինչ էր ՛ի տանն տ(եառ)ն։ զսեղանն ողջակիզաց եւ զսպասն ն(ո)ր(ա). զսեղանն առաջադրու(թ)ե(ան) եւ զսպասն իւր։
¹⁹եւ զա(մենայ)ն կահն զոր պղծեաց թագաւորն աքազ՝ յիւրում թագաւորութե(ա)ն, եւ յապստամբութե(ա)ն իւրում, պատրաստեցաք եւ սրբեցաք. եւ ահա է առաջի սեղանոյն տ(եառ)ն։
²⁰Եւ կանխեաց եզեկիաս արքայ՝ ժողովեաց զիշխանս քաղաքին, եւ ել ՛ի տուն տ(եառ)ն։

²¹եւ եհան զուարակս եւթն, եւ խոյս եւթն, եւ ողջակէզս եւթն, եւ նոխազս այծեաց եւթն վ(ա)ս(ն) մեղաց թագաւորութե(ա)ն, եւ վ(ա)ս(ն) սրբութե(ան)ցն ի(սրաէ)լի։ եւ ասէ ցորդիսն ահարոնի ցքահանայս. մատերուք առ սեղանն տ(եառ)ն
²²եւ զենէք զզուարակսն։ եւ ընկալան քահանայքն զարիւնն. եւ հեղին զնա առ սեղանովն. եւ զենին զխոյսն, եւ հեղին զարիւնն առ սեղանովն։ եւ զենին զորոջսն, եւ հեղին զարիւնն առ սեղանովն։
²³Եւ մատուցին զնոխազսն զվ(ա)ս(ն) մեղացն առաջի արքային եւ ժողովրդեանն, եւ եդին զձեռս իւրեանց ՛ի վ(ե)ր(այ) ն(ո)ց(ա).

²⁴եւ զենին զն(ո)ս(ա) քահանայքն, եւ քաւեցին զարիւնն ն(ո)ց(ա) առ սեղանովն. եւ արարին քաւութի(ւն)ս ա(մենայ)ն ի(սրաէ)լի։ զի յաղագս ա(մենայ)ն ի(սրաէ)լի ասաց թագաւորն զողջակէզսն եւ զվ(ա)ս(ն) մեղացն առնել։
²⁵Եւ կացուցին զղեւտացիսն ՛ի տանն տ(եառ)ն, ծնծղայիւք եւ տաւղօք եւ քնարօք, ը(ստ) պատուիրանին դաւթայ արքայի, եւ գադայ տեսանողի թագաւորին, եւ նաթանայ մարգարէի. վ(ա)ս(ն) զի պատուիրանա́ւ տ(եառ)ն էր հրամանն ՛ի ձեռն մարգարէիցն։
²⁶Եւ կացին ղեւտացիքն նուագարանօքն դաւթայ, եւ քահանայքն փողովքն։
²⁷Եւ ասաց եզեկիա հանել զողջակէզսն ՛ի վ(ե)ր(այ) սեղանոյն. եւ իբրեւ սկսան հանել զողջակէզսն, սկսան երգել տ(եառ)ն փողովքն եւ նուագարանօքն դաւթայ արքայի ի(սրաէ)լի.

²⁸եւ ա(մենայ)ն եկեղեցին երկի́ր պագանէր։ եւ սաղմոսանուագքն երգէին, եւ հարկանէին զփողսն մինչեւ կատարեցան ողջակէզքն։
²⁹Եւ իբրեւ կատարեցին մատուցանել. խոնարհեցաւ թագաւորն եւ ա(մենայ)ն քահանայքն եւ երկի́ր պագին։
³⁰եւ ասաց արքայ եզեկիաս եւ իշխանքն ցղեւտացիսն օրհնել զտ(է)ր բանիւքն դաւթի, եւ ասափայ մարգարէի։ եւ օրհնէին ուրախութ(եամ)բ՝ եւ անկան ՛ի վ(ե)ր(այ) երեսաց եւ երկի́ր պագին։
³¹Պատասխանի ետ եզեկիաս եւ ասէ. այժմ լցէ́ք զձեռս տ(եառ)ն, մերձեցարո́ւք այսուհետեւ եւ բերէ́ք։ եւ եբե́ր եկեղեցին պատարագս օրհնու(թ)ե(ան) ՛ի տուն տ(եառ)ն, եւ ա(մենայ)ն որ ոք յօժարեալ էր սրտիւ՝ ողջակէզս։

³²Եւ եղեւ թիւ ողջակիզին զոր մատոյց եկեղեցին. զուարակս եւթանասուն, խոյք հարիւր, որոջք երկերիւր, յողջակէզսն տ(եառ)ն ամենեքեան այնոքիկ։
³³Եւ որք նուիրեցան, զուարակք վեցհարիւր, ոչխարք երեք հազար։
³⁴Այլ քահանայքն էին սակաւք՝ եւ ո́չ կարէին զենուլ զողջակէզսն. եւ օգնէին ն(ո)ց(ա) եղբարքն իւրեանց ղեւտացիքն՝ մինչեւ կատարեցաւ գործն, եւ մինչեւ սրբեցան քահանայքն. վ(ա)ս(ն) զի ղեւտացիքն յօժարութ(եամ)բ սրբեցան քան զքահանայսն։
³⁵եւ ողջակէզքն էին բազումք ՛ի ճարպս կատարմանն, եւ ՛ի փրկու(թ)ի(ւն)սն, եւ ՛ի նուէրս ողջակիզացն. եւ յօրինեցաւ գործն ՛ի տանն տ(եառ)ն։

³⁶Եւ ուրա́խ եղեւ եզեկիաս, եւ ա(մենայ)ն ժողովուրդն վ(ա)ս(ն) պատրաստելոյ զսպասն ա(ստուծո)յ ժողովրդեանն, քանզի յանկարծակի եղեւ բանն։

¹Եւ առաքեա́ց եզեկիա յա(մենայ)ն ի(սրա)էլ եւ յուդայ՝ եւ գրեաց թուղթ յեփրեմ եւ մանասէ՝ գա́լ ՛ի տունն տ(եառ)ն յե(րուսաղէ)մ, եւ առնել զպասեքն ա(ստուծո)յ ի(սրաէ)լի։
²Եւ խորհեցաւ արքայ եւ իշխանքն, եւ ա(մենայ)ն եկեղեցին որ յե(րուսաղէ)մ, առնել զպասեքն յամսեանն երկրորդի.
³վ(ա)ս(ն) զի ո́չ կարացին առնել զնա ՛ի ժամանակին յայնմիկ, զի քահանայքն ո́չ սրբեցան բաւականք, եւ ժողովուրդն ո́չ ժողովեցաւ յե(րուսաղէ)մ։
⁴Եւ հաճոյ թուեցաւ բանն առաջի արքայի՝ եւ առաջի եկեղեցւոյն.
⁵եւ հաստատեցին բան, զի անցցեն քարոզքն ը(նդ) ա(մենայ)ն ի(սրա)էլ, ՛ի բերսաբէէ մինչեւ ՛ի դան, գա́լ եւ առնել զպասեքն տ(եառ)ն ա(ստուծո)յ ի(սրաէ)լի յ(թ)ե(ան)մ. վ(ա)ս(ն) զի բազմութի(ւն)ն ո́չ արար ըստ գրոյն։

⁶Եւ գնացին սուրհանդակքն հանդերձ թղթովքն ՛ի թագաւորէն եւ յիշխանացն՝ յա(մենայ)ն ի(սրա)էլ եւ յուդաս, ըստ հրամանի թագաւորին։ Եւ ասէին ցորդիսն ի(սրաէ)լի. դարձարո́ւք առ տ(է)ր ա(ստուա)ծ աբրահամու սահակայ եւ յակոբայ, եւ դարձցի նա առ ապրեալսդ եւ մնացեալսդ ՛ի ձեռաց արքային ասորեստանեայց։
⁷եւ մի́ լինիք իբրեւ զեղբարսն ձեր. եւ զհարսն ձեր որք ՛ի բաց կացին ՛ի տ(թեն)է ա(ստուծո)յ հարցն իւրեանց, եւ մատնեաց զն(ո)ս(ա) ՛ի կործանումն ո(ր)պ(էս) դուք տեսանէք։

⁸Եւ արդ՝ մի́ խստացուցանէք զպարանոցս ձեր. տո́ւք փառս ա(ստուծո)յ. եւ մտէ́ք ՛ի սրբու(թ)ի(ւն)ս ն(ո)ր(ա) զորս սրբեաց յաւիտեան. եւ ծառայեցէ́ք տ(եառ)ն ա(ստուծո)յ ձերում, եւ դարձուսցէ ՛ի ձէնջ զբարկու(թ)ի(ւն) սրտմտու(թ)ե(ան) իւրոյ։
⁹վ(ա)ս(ն) զի ՛ի դառնալն ձերում առ տ(է)ր, եղբա́րք ձեր եւ որդիք ձեր եղիցին ՛ի գթու(թ)ի(ւն)ս առաջի ա(մենայ)ն գերչացն իւրեանց, եւ դարձուսցէ զն(ո)ս(ա) յերկիրս յայս. քանզի ողորմած եւ գթա́ծ է տ(է)ր ա(ստուա)ծ մեր, եւ ո́չ դարձուսցէ զերեսս իւր ՛ի մէնջ եթէ գառնայցեմք առ նա։
¹⁰Եւ սուրհանդակքն երթային քաղաք ՛ի քաղաքէ, ՛ի լերինս եփրեմի եւ մանասէի, մինչեւ ՛ի զաբուղոն։ եւ լինէր իբրեւ ծաղր իմն առնել զնոսա՝ եւ արհամարհել։

¹¹Բայց որք յասերայ եւ ՛ի մանասէէ, եւ ՛ի զաբուղոնէ՝ պատկառեցին, եւ եկին յ(թ)ե(ան)մ
¹²եւ ՛ի յուդաս։ եւ եղեւ ձեռն տ(եառ)ն տա́լ ն(ո)ց(ա) սիրտ ՛ի գալ եւ առնել ը(ստ) հրամանի թագաւորին եւ իշխանացն բանիւ տ(եառ)ն։
¹³Եւ գումարեցաւ յե(րուսաղէ)մ ժողովուրդ բազում՝ առնել զտօն բաղարջոցն յամսեանն երկրորդի, եկեղեցի բազում յոյժ։
¹⁴Եւ յարեան քակեցին զսեղանսն որ էին յ(թ)ե(ան)մ. եւ զա(մենայ)ն տեղիսն ուր ծխէին խունկս ստութե(ան)ցն, կործանեցին եւ ընկեցին ՛ի հեղեղատն կեդրոնի։

¹⁵Եւ զենի́ն զպասեքն՝ որ օր չորեքտասան էր ամսոյն երկրորդի. եւ քահանայքն եւ ղեւտացիքն պատկառեցին եւ սրբեցան. եւ տարա́ն ՛ի ներքս զողջակէզսն ՛ի տունն տ(եառ)ն։
¹⁶եւ կացին ՛ի կայանի իւրեանց ըստ օրինին իւրեանց, ը(ստ) պատուիրանին մովսիսի առնն ա(ստուծո)յ, եւ քահանայքն ընդունէին զարիւնն ՛ի ձեռաց ղեւտացւոցն.
¹⁷վ(ա)ս(ն) զի բազումք յեկեղեցւոյն ո́չ սրբեցան։ Եւ ղեւտացիքն զենուին զպասեքն ա(մենայ)նի՝ որ ո́չ կարաց սուրբ լինել տ(եառ)ն.
¹⁸քանզի յոլո́վք ՛ի ժողովրդենէն եփրեմի եւ մանասէի, եւ իսաքարայ եւ զաբուղոնի՝ ո́չ սրբեցան. այլ կերան զպասեքն արտաքոյ գրոյն։ Եւ յաղօթս եկաց եզեկիաս վ(ա)ս(ն) ն(ո)ց(ա)՝ եւ ասէ։ Տ(է)ր բարերար, քաւի́չ լեր

¹⁹ա(մենայ)ն սրտից ուղղոց, որք խնդրեն զքեզ տ(է)ր ա(ստուա)ծ հարցն իւրեանց. եւ ո́չ են ըստ սրբութե(ան) սրբու(թ)ե(ան)ց։
²⁰Եւ լուաւ տ(է)ր եզեկիայ՝ եւ բժշկեաց զժողովուրդն։
²¹Եւ արարին որդիքն ի(սրաէ)լի որք գտան յ(թ)ե(ան)մ զտօն բաղարջակերացն աւուրս եւթն ուրախութ(եամ)բ մեծաւ, յաջողելով տ(եառ)ն օրըս(տ)օրէ։ եւ քահանայքն եւ ղեւտացիքն նուագարանօքն տ(եառ)ն։
²²Եւ խօսեցաւ եզեկիաս ՛ի սիրտս ա(մենայ)ն ղեւտացւոցն, եւ այլո́ց իմաստնոցն որք իմանային զհանճար բարի տ(եառ)ն. եւ կատարեցին զտօն բաղարջոցն աւուրս եւթն. զենուլ զզոհս փրկութե(ա)ն, եւ խոստովան լինել տ(եառ)ն ա(ստուծո)յ հարցն իւրեանց։

²³Եւ խորհեցաւ եկեղեցին միանգամայն առնել ա́յլ եւս աւուրս եւթն. եւ արարին զուրախութի(ւն)ն զեւթն եւս օր.
²⁴վ(ա)ս(ն) զի եզեկիաս սկսաւ տա́լ ՛ի յուդայ՝ եկեղեցւոյն, զուարակս հազար, եւ ոչխարս եւթն հազար։ եւ իշխանքն սկսան տալ ժողովրդեանն զուարակ հազար, եւ ոչխարս տասն հազար։ Եւ սրբեցան ՛ի քահանայիցն բազումք յոյժ։
²⁵եւ ուրա́խ եղեւ ա(մենայ)ն եկեղեցին, քահանայքն եւ ղեւտացիքն, եւ ա(մենայ)ն ժողովուրդն յուդայ, եւ որք գտան անդ յի(սրաէ)լէ. եւ եկքն որք եկեալէին յերկրէն ի(սրաէ)լի, եւ բնակիչքն յուդայ.
²⁶եւ եղեւ ուրախութի(ւն) մեծ յե(րուսաղէ)մ։ յաւուրցն սողոմոնի որդւոյ դաւթի արքայի ի(սրաէ)լի ո́չ եղեւ այնպէս տօն յե(րուսաղէ)մ։

²⁷Եւ յարեա́ն քահանայքն եւ ղեւտացիք՝ օրհնեցին զժողովուրդն, եւ լսելի́ եղեւ ձայն ն(ո)ց(ա)։ եւ եկին աղօթք ն(ո)ց(ա) ՛ի բնակու(թ)ի(ւն) ս(ուր)բ տ(եառ)ն յերկինս։

¹Եւ իբրեւ կատարեցա́ւ այն ա(մենայ)ն, եւ ա(մենայ)ն ի(սրա)էլ գտեալքն ՛ի քաղաքսն յուդայ, եւ փշրեցին զարձանսն, եւ կոտորեցին զանտառսն, եւ կործանեցին զբարձաւանդակսն եւ զբագինսն յա(մենայ)ն հրէաստանի եւ բենիամինի, եւ յեփրեմի, եւ ՛ի մանասէի մինչեւ ՛ի սպառ։ եւ դարձաւ ա(մենայ)ն ի(սրա)էլ իւրաքանչիւրոք ՛ի ժառանգութի(ւն) իւր, եւ ՛ի քաղաքսն իւրեանց։
²Եւ կարգեաց եզեկիաս հանապազորդեան պաշտօնեայս քահանայից եւ ղեւտացւոց, եւ զհանապազօրեայս իւրաքանչիւր ուրուք ըստ պաշտաման իւրում, քահանայից եւ ղեւտացւոց. յողջակէզսն եւ ՛ի զոհսն փրկութե(ան), եւ յօրհնելն եւ խոստովան լինել, եւ պաշտել ՛ի դրունս սրահից տանն տ(եառ)ն։

³Եւ մասն թագաւորին յընչից իւրոց յողջակէզսն առաւօտու եւ երեկորին, եւ յողջակէզսն շաբաթուցն եւ ամսամտիցն եւ ՛ի տօնսն՝ գրեալսն յօրէնս տ(եառ)ն։
⁴Եւ ասաց ժողովրդեանն՝ որ բնակէին յե(րուսաղէ)մ, տա́լ զմասն քահանայիցն եւ ղեւտացւոց. զի զօրասցին ՛ի սպասու տանն տ(եառ)ն։
⁵Եւ ո(ր)պ(էս) հրամայեաց բանն, յաւելի́ն եւս որդիքն ի(սրաէ)լի զպտուղ ցորենոյն եւ գինւոյ եւ ձիթոյ եւ մեղու, եւ զա(մենայ)ն արմտեաց անդաստանաց, եւ զտասանորդսն զա(մենայ)ն բերին բազում յոյժ,
⁶որդիքն ի(սրաէ)լի եւ որդիքն յուդայ, որք բնակեալ էին ՛ի քաղաքսն յուդայ. եւ նոքա ածին զտասանորդս զուարակացն եւ ոչխարաց, եւ բերեալ կուտեցին շե́ղջս շեղջս։

⁷յամսեանն երրորդի սկսան շեղջքն սկիզբն առնուլ, եւ յեւթներորդում ամսեանն կատարեցան։
⁸Եւ եկն եզեկիաս եւ իշխանքն՝ եւ տեսին զշեղջսն, եւ օրնեցին զտ(է)ր, եւ զժողովուրդն ն(ո)ր(ա) զի(սրա)էլ։
⁹Եւ հարցանէր եզեկիաս ցքահանայսն եւ ցղեւտացիսն վ(ա)ս(ն) շեղջոցն։
¹⁰Եւ ասէ ցնա ազարիաս քահանայ՝ իշխան ՛ի տանէն սադովկայ. յորմէ հետէ սկսան զպտուղսդ բերել ՛ի տուն տ(եառ)ն. կերաք եւ արբաք՝ եւ թողաք զմնացորդսդ. վ(ա)ս(ն) զի տ(է)ր տ(է)ր օրհնեաց զժողովուրդդ իւր, եւ մնաց եւս յոլովութի(ւն)դ այդ։
¹¹Եւ ասէ եզեկիաս. պատրաստեցէք եւ ա́յլ եւս շտեմարանս ՛ի տանն տ(եառ)ն. եւ պատրաստեցին։

¹²եւ բերին անդր զպտուղսն, եւ զտասանորդսն հաւատովք։ Եւ էր ն(ո)ց(ա) վերակացու՝ քովքենիաս ղեւտացի, եւ սեմէի եղբայր ն(ո)ր(ա) փոխանորդ նորին։
¹³եւ յէիէլ, եւ ոզիաս, եւ նաթան, եւ ասայէլ, եւ յերիմովթ, եւ յովղաբադ, եւ եզիէլ, եւ սամաքիա, եւ մաաթ, եւ բանէաս, եւ որդիք ն(ո)ր(ա) որք կային անդ, ՛ի ձեռն քովքենեայ, եւ սեմեայ եղբօք ն(ո)ր(ա) ո(ր)պ(էս) եւ հրամայեաց արքայ եզեկիաս։ Եւ ազարիաս առաջնորդ տանն տ(եառ)ն.
¹⁴եւ կորէ որդի յեմնայ ղեւտացի՝ դռնապան ւնդ արեւելս կողմն ՛ի վերայ տանեացն տա́լ զպտուղսն տ(եառ)ն։ Եւ զսրբութի(ւն) սրբութե(ան)ցն,

¹⁵՛ի ձեռն ոդոմայ, եւ բենիամինի, եւ յեսուայ, եւ սեմեայ, եւ մարիսայ, եւ սեքինեայ, ՛ի ձեռն քահանայիցն հաւատարմութ(եամ)բ. տա́լ եղբարց ն(ո)ց(ա) ըստ հանապազորդեան պաշտօնէիցն, ըստ մեծի եւ փոքու.
¹⁶բա́ց ՛ի ծննդոց արուացն յերեմենիցն եւ ՛ի վեր. եւ ա(մենայ)ն որ մտանէր ՛ի տուն տ(եառ)ն, ՛ի համարի աւուրցն յաւուրս, ՛ի պաշտօնն հանապազորդեան ըստ կարգին իւրեանց։
¹⁷Եւ ա́յս էր համար քահանայիցն ըստ տանց տոհմիցն, եւ ղեւտացիքն ՛ի հանապազորդեան պաշտամանն ՛ի քսանամենից եւ ՛ի վեր, ՛ի կարգի ըստ համարուն։

¹⁸յա(մենայ)ն ծնունդս ուստերաց ն(ո)ց(ա) եւ դստերաց, հանդերձ ա(մենայ)ն յոլովութ(եամ)բ. վ(ա)ս(ն) զի հաւատովք սրբեցին զսրբու(թ)ի(ւն) որդւոցն ահարոնի,
¹⁹որք լինէին քահանայք։ Եւ ՛ի քաղաքացն ն(ո)ց(ա), յա(մենայ)ն քաղաքի ա́րք անուանիք որք անուանեցան տա́լ զբաժին ա(մենայ)ն արուի քահանայիցն, եւ յա(մենայ)նի որ մտեալ էր ՛ի թի́ւ ղեւտացւոցն։
²⁰Եւ արար այնպէս եզեկիաս ա(մենայ)ն յուդայ. եւ արար բարի́ եւ ուղղութի(ւն) առաջի տ(եառ)ն ա(ստուծո)յ իւրոյ.
²¹եւ ա(մենայ)ն գործովք որովք սկսաւ գործել ՛ի տանն տ(եառ)ն, ըստ օրինացն տ(եառ)ն՝ եւ ըստ հրամանաց. խնդրեաց զա(ստուա)ծ իւր յա(մենայ)ն սրտէ իւրմէ, արա́ր եւ յաջողեցաւ։

¹Եւ յե́տ բանիցս այսոցիկ՝ եւ ճշմարտու(թ)ե(ան)ս այսորիկ, եկն սենեքերիմ արքայ ասորեստանեայց ՛ի վ(ե)ր(այ) յուդայ, եւ բանակեցաւ զպարսպաւոր քաղաքօքն. եւ ասէր առնո́ւլ զն(ո)ս(ա)։
²Եւ ետես եզեկիաս թէ եկն սենեքերիմ դէմ յանդիման ն(ո)ր(ա) պատերազմել ընդ ե(րուսաղէ)մի.
³խորհեցաւ ընդ ծերսն եւ ընդ զօրաւորսն խնո́ւլ զջուր աղբիւրացն որք էին արտաքոյ քաղաքին, եւ խցին զն(ո)ս(ա)։
⁴եւ գումարեաց ժողովուրդ բազում, եւ խցին զջուրս աղբերացն, եւ զգետն որ բաժանէր անցանելով ը(նդ) մէջ քաղաքին, եւ ասեն՝ մի́ գուցէ եկեալ արքայն ասորեստանի՝ գտցէ́ ջուր բազում, եւ զօրասցի։

⁵Եւ հզօրացաւ եզեկիաս, եւ շինեաց զա(մենայ)ն պարիսպս կործանեալս, եւ զաշտարակս. եւ արտաքոյ զառաջին պարիսպսն՝ եւ զմեւսն եւս. եւ զօրացոյց զպատուարսն քաղաքին դաւթի. եւ կազմեաց զէնս բազումս։
⁶եւ արար իշխանս պատերազմի ՛ի վ(ե)ր(այ) զօրուն, եւ ժողովեցան առ նա ՛ի հրապարակ ձորոյն։ Խօսեցա́ւ ՛ի սիրտս ն(ո)ց(ա)՝ եւ ասէ.
⁷զօրացարո́ւք եւ քա́ջ լերուք, մի́ երկնչիք յերեսաց թագաւորին ասորեստանեայց, եւ մի́ յերեսաց ա(մենայ)ն ազգացն որ ընդ նմա. վ(ա)ս(ն) զի ընդ մե́զ բազումք են քան ը(նդ) նմա.

⁸ընդ նմա բազուկք մարմնեղէնք, եւ ընդ մեզ տ(է)ր ա(ստուա)ծ մեր ապրեցուցանել զմեզ, եւ պատերազմել զպատերազմ մեր։ եւ քաջալերեցաւ ժողովուրդն բանիւքն եզեկիայ արքայի յուդայ։
⁹Եւ յետ այսորիկ առաքեաց սինեքերիմ արքայ ասորեստանեայց զծառայս իւր յ(թ)ե(ան)մ, եւ ինքն էր ՛ի ղաքիս, եւ ա(մենայ)ն զօրք ընդ նմա։ եւ առաքեաց առ եզեկիա արքայ յուդայ յե(րուսաղէ)մ, եւ ասէ.
¹⁰Ա́յսպէս ասէ սենեքերիմ արքայ ասորեստանեայց. յո՞ դուք յուսացեալ նստիք յամրոցդ ե(րուսաղէ)մի.
¹¹ո́չ ապաքէն եզեկիաս խաբէ զձեզ, մատնել զձեզ ՛ի մահ, ՛ի սով, եւ ՛ի ծարաւ. եւ ասէ. տ(է)ր ա(ստուա)ծ ձեր փրկեսցէ զձեզ ՛ի ձեռաց արքային ասորեստանեայց.

¹²ո՞չ ա́յդ եզեկիաս է, որ քակեաց զսեղանս ն(ո)ր(ա) եւ զբարձունս նորա. եւ ասաց ցյուդայ եւ ցբնակիչսն ե(րուսաղէ)մի. առաջի սեղանոյս այսորիկ միայն երկիր պագէք, եւ ՛ի վ(ե)ր(այ) սորա́ զոհեցէք։
¹³Ո՞չ գիտացէք զի՞նչ արարի՝ ե́ս եւ հարքն իմ ա(մենայ)ն ժողովրդոց եւ գաւառաց. միթէ կարելով կարացի՞ն աստուածք ազգաց ա(մենայ)ն երկրի փրկե́լ զժողովուրդ իւրեանց ՛ի ձեռաց իմոց։
¹⁴զո՞ ոք յա(մենայ)ն աստուածոց ազգացն այնոցիկ ոչ սատակեցին հարքն իմ. միթէ կարացի՞ն ապրեցուցանել զժողովուրդ իւրեանց ՛ի ձեռաց իմոց. եւ զիա՞րդ կարասցէ ա(ստուա)ծդ ձեր փրկել զձեզ ՛ի ձեռաց իմոց։

¹⁵Արդ՝ մի́ խաբեսցէ զձեզ եզեկիաս, եւ մի́ յուսացուսցէ զձեզ յայդ. մի́ հաւատայք դմա. վ(ա)ս(ն) զի ո́չ կարացին աստուածք ա(մենայ)ն ազգաց եւ թագաւորու(թ)ե(ան)ց ապրեցուցանել զժողովուրդս իւրեանց ՛ի ձեռաց իմոց եւ ՛ի ձեռաց հարցն իմոց. եւ ա(ստուա)ծդ ձեր ո́չ փրկէ զձեզ ՛ի ձեռաց իմոց։
¹⁶Եւ ա́յլ եւս խօսեցան ծառայք ն(ո)ր(ա) ՛ի տ(է)ր ա(ստուա)ծ՝ եւ յեզեկիաս ծառայ ն(ո)ր(ա)։
¹⁷Եւ թուղթ գրեաց թշնամանել զտ(է)ր ա(ստուա)ծ ի(սրաէ)լի, եւ ասաց յաղագս նորա. զոր օրինակ աստուածք ազգաց երկրի՝ ո́չ փրկեցին զժողովուրդ իւրեանց ՛ի ձեռաց իմոց. նոյնպէս եւ ա(ստուա)ծդ եզեկիայ զժողովուրդ իւր ո́չ ապրեցուսցէ ՛ի ձեռաց իմոց։

¹⁸Եւ գոչեաց մեծաձայն հրէարէն առ ժողովուրդն ե(րուսաղէ)մի որ է́ ՛ի վ(ե)ր(այ) պարսպին, օգնական լինել ինքեանց՝ եւ կործանել զպարիսպն, զի վաղվաղակի́ առցեն զքաղաքն։
¹⁹եւ խօսեցաւ յա(ստուա)ծն ե(րուսաղէ)մի եւ յաստուածս ժողովրդոց երկրի՝ ՛ի գործս ձեռաց մարդկան։
²⁰Եւ յաղօթս կացին եզեկիաս արքայ, եւ եսայիաս որդի ամովսայ մարգարէ յաղագս այնորիկ՝ եւ գոչեցին յերկինս։
²¹Եւ առաքեաց տ(է)ր հրեշտակ, եւ սատակեաց զա(մենայ)ն զօրաւոր եւ պատերազմօղ, զիշխան եւ զզօրագլուխ ՛ի բանակի արքային ասորեստանեայց։ եւ դարձոյց զերեսս իւր ամօթով յերկիր իւր, եւ չոգաւ ՛ի տուն աստուածոյն իւրոյ. եւ որք ելանէին յորովայնէ ն(ո)ր(ա)՝ ընկեցին զնա անդ սրով։

²²Եւ ապրեցոյց տ(է)ր զեզեկիաս եւ զբնակիչս ե(րուսաղէ)մի ՛ի ձեռաց սենեքերիմայ՝ արքային ասորեստանեայց, եւ ՛ի ձեռաց ամենեցունց. եւ հանգո́յց զնա շուրջանակի։
²³Եւ բազումք բերէին պատարագս տ(եառ)ն յե(րուսաղէ)մ, եւ ընծայս եզեկիայ արքայի յուդայ. եւ ամբարձաւ առաջի աչաց ա(մենայ)ն ազգաց։ Եւ յետ այսորիկ
²⁴յաւուրսն յայնոսիկ հիւանդացաւ եզեկիաս մե́րձ ՛ի մահ. եւ յաղօթս եկաց առ տ(է)ր. եւ լուաւ նմա, եւ ետ նմա նշան։
²⁵Եւ ո́չ ըստ հատուցմանն զոր ետ նմա ա(ստուա)ծ՝ հատոյց անդրէն եզեկիաս, այլ բարձրացաւ սիրտ ն(ո)ր(ա)։ եւ եղեւ ՛ի վ(ե)ր(այ) ն(ո)ր(ա) բարկու(թ)ի(ւն), եւ ՛ի վ(ե)ր(այ) յուդայ եւ ե(րուսաղէ)մի։

²⁶Եւ խոնարհեցաւ եզեկիաս ՛ի բարձրութ(են)է սրտին իւրոյ՝ եւ բնակիչքն (թ)ե(ան)մի։ եւ ո́չ եկն ՛ի վ(ե)ր(այ) ն(ո)ց(ա) բարկութի(ւն) տ(եառ)ն յաւուրս եզեկիայ։
²⁷Եւ եղեւ եզեկիայ մեծու(թ)ի(ւն) եւ փառք բազում յոյժ. եւ արա́ր իւր գանձս ոսկւոյ եւ արծաթոյ, եւ ականց պատուականաց, եւ խունկս, եւ զէնս, եւ անօթս ցանկալիս։
²⁸եւ քաղա́քս յարմտիս ցորենոյ, եւ գինւոյ, եւ ձիթոյ. եւ գեօղս, եւ կայանս ա(մենայ)ն անասնոց, եւ գոմս հօտից։
²⁹եւ քաղաքս զոր շինեաց իւր, եւ պատրաստու(թ)ի(ւն) խաշանց եւ արջառոց բազում. վ(ա)ս(ն) զի ե́տ նմա տ(է)ր ստացուածս բազումս յոյժ։

³⁰Ինքն եզեկիաս եխից զելս ջրոցն գեհոնի զվերին, եւ ուղղեաց զնա խոնարհագոյն յարեւմուտս կողմն քաղաքին դաւթի։ եւ յաջողեցաւ եզեկիայ յա(մենայ)ն ՛ի գործսն իւր։
³¹Եւ ա́յսպէս արար հրեշտակաց եւ իշխանաց որք ՛ի բաբելոնէ առաքեցան առ նա հարցանել վ(ա)ս(ն) ն(ո)ր(ա), եւ նշանաց որ եղեն ՛ի վ(ե)ր(այ) երկրի։ եւ եթող զնա տ(է)ր փորձել զնա՝ եւ գիտել թէ զի՞նչ է ՛ի սրտի ն(ո)ր(ա)։
³²Եւ մնացեալ բանքն եզեկիայ՝ եւ ողորմու(թ)ի(ւն) ն(ո)ր(ա), ահա գրեալ է ՛ի մարգարէութի(ւն)ն եսայեայ որդւոյ ամովսայ մարգարէի, եւ ՛ի գիրս թագաւորացն յուդայ եւ ի(սրաէ)լի։

³³Եւ քունեա́ց եզեկիաս ընդ հարս իւր եւ թաղեցին զնա ՛ի բարձուանդակի գերեզմանաց որդւոցն դաւթի։ եւ փառս եւ պատիւ ետուն նմա ՛ի մահուն ն(ո)ր(ա) ա(մենայ)ն յուդայ՝ եւ բնակիչք ե(րուսաղէ)մի։

¹Է́ր ամաց երկոտասանից մանասէ ՛ի թագաւորելն իւրում, եւ յիսուն եւ հինգ ամ թագաւորեաց յ(թ)ե(ան)մ։
²Եւ արար չար առաջի տ(եառ)ն յա(մենայ)ն գարշութե(ան)ցն ազգացն զորս սատակեաց տ(է)ր յերեսաց որդւոցն ի(սրաէ)լի։
³եւ դարձաւ շինեաց զբարձաւանդակս զոր կործանեաց եզեկիաս հայրն ն(ո)ր(ա), եւ կանգնեաց արձանս բահաղիմայ, եւ արար անտառս. եւ երկիր եպագ ա(մենայ)ն զօրու(թ)ե(ան) երկնից, եւ ծառայեաց նոցա։
⁴Եւ շինեաց սեղան ՛ի տանն տ(եառ)ն. յորում ասաց տ(է)ր յե(րուսաղէ)մ եղիցի անուն իմ յաւիտեան։
⁵շինեաց անդ սեղան ա(մենայ)ն զօրութե(ան) երկնի յերկոսեան ՛ի սրահս տանն տ(եառ)ն։

⁶Եւ ինքն անցուցանէր զորդիս իւր ընդ հուր յերկրին բեննոմայ, եւ հմայէր, եւ հաւահարց լինէր, եւ գիւթէր. եւ արար վհուկս եւ թովիչս. բազմացոյց առնել չա́ր առաջի տ(եառ)ն առ ՛ի բարկացուցանելոյ զնա։
⁷եւ դրօշեալ եւ ձուլածոյ եւ պատկեր զոր արար ՛ի տանն տ(եառ)ն։ զորմէ ասաց ա(ստուա)ծ ցդաւիթ եւ ցսողոմոն որդի ն(ո)ր(ա). ՛ի տա́նս յայսմ եւ յե(րուսաղէ)մ, զոր ընտրեցի յա(մենայ)ն ցեղիցն ի(սրաէ)լի եդի́ց զանուն իմ յաւիտեան։
⁸եւ ո́չ եւս յաւելից սասանեցուցանել զոտն ի(սրաէ)լի յերկրէս զոր ետու հարց ն(ո)ց(ա), բայց միայն թէ պահեսցեն առնել զա(մենայ)ն որինչ պատուիրեցի ն(ո)ց(ա), ըստ ա(մենայ)ն օրինաց եւ սահմանաց՝ եւ իրաւանց ՛ի ձեռն մովսիսի։

⁹Եւ մոլորեցոյց մանասէ զյուդաս, եւ զբնակիչսն ե(րուսաղէ)մի, առնել չա́ր առաւել քան զա(մենայ)ն ազգսն զորս եբարձ տ(է)ր յերեսաց որդւոց ի(սրաէ)լի։
¹⁰Եւ խօսեցաւ տ(է)ր ընդ մանասէի եւ ընդ ժողովրդեան ն(ո)ր(ա), եւ ո́չ լուան։
¹¹եւ ած տ(է)ր ՛ի վ(ե)ր(այ) ն(ո)ր(ա) զիշխանս զօրու արքային ասորեստանեայց. կալան զնա եւ կապեցին կապանօք, եւ տարան ՛ի բաբելոն։
¹²Եւ իբրեւ վտանգեցաւ, խնդրեաց զերեսս տ(եառ)ն ա(ստուծո)յ իւրոյ. եւ խոնարհեցաւ յոյժ յերեսաց ա(ստուծո)յ հարցն իւրոց։
¹³Յաղօ́թս եկաց առ նա. եւ լուաւ գոչման ն(ո)ր(ա), եւ դարձոյց զն յե(րուսաղէ)մ ՛ի թագաւորութի(ւն)ն իւր. եւ ծանեաւ մանասէ, եթէ տ(է)ր՝ նա́ է ա(ստուա)ծ։

¹⁴Եւ յետ այսորիկ շինեաց պարիսպ արտաքոյ քաղաքին դաւթի յարեւմտից ընդ հարաւակողմն ՛ի հեղեղատին, եւ յելս դրանցն շուրջանակի յոփղայ, եւ բարձրացոյց յոյժ։ եւ կացոյց իշխանս զօրուց յա(մենայ)ն քաղաքս պարսպաւորս յուդայ։
¹⁵Եւ ՛ի բա́ց եբարձ զաստուածսն օտարս, եւ զդրօշեալսն ՛ի տանէն տ(եառ)ն. եւ զա(մենայ)ն սեղանսն զորս շինեաց ՛ի լերին տանն տ(եառ)ն եւ յե(րուսաղէ)մ, եւ արտաքոյ քաղաքին։
¹⁶Եւ ուղղեաց զսեղանն տ(եառ)ն, եւ զոհեաց ՛ի վ(ե)ր(այ) ն(ո)ր(ա) զոհս փրկութե(ան) եւ օրհնութե(ան). եւ ասաց ցյուդաս՝ ծառայել տ(եառ)ն ա(ստուծո)յ ի(սրաէ)լի։
¹⁷Բայց ժողովուրդն տակաւին եւս երթա́յր ՛ի բարձունսն. սակայն տ(է)ր ա(ստուա)ծ էր ն(ո)ց(ա)։

¹⁸Եւ մնացեալ բանքն մանասէի, եւ աղօթք ն(ո)ր(ա) որ առ ա(ստուա)ծ է, եւ բանք տեսանողացն որք խօսեցան ընդ նա յանուն տ(եառ)ն ա(ստուծո)յ ի(սրաէ)լի, ահա են ՛ի բանս
¹⁹աղօթից ն(ո)ր(ա), եւ յորս լուաւն նմա. եւ ա(մենայ)ն մեղք ն(ո)ր(ա) եւ ապստամբութի(ւն) ն(ո)ր(ա). եւ տեղիքն զորս շինեաց զբարձրաւանդակսն, եւ արար անտառս եւ դրօշեալս յառաջ քան զդառնալն իւրում, ահա գրեալեն ՛ի բանս տեսանողաց։
²⁰Եւ քունեաց մանասէ ընդ հարս իւր. եւ թաղեցին զնա ՛ի դրախտի տանն իւրոյ։
²¹Եւ թագաւորեաց փոխանակ ն(ո)ր(ա) ամովս որդի ն(ո)ր(ա)։ Է́ր ամաց քսան եւ երկուց ամովս ՛ի թագաւորելն իւրում. եւ երկոտասան ամ թագաւորեաց յ(թ)ե(ան)մ։

²²եւ արար չա́ր առաջի տ(եառ)ն՝ ո(ր)պ(էս) արար մանասէ հայր ն(ո)ր(ա). եւ ամենեցուն կռոցն զոր արար հայր ն(ո)ր(ա) մանասէ՝ զոհեաց ամովս եւ ծառայեաց ն(ո)ց(ա)։
²³Եւ ո́չ խոնարհեցաւ առաջի տ(եառ)ն, ո(ր)պ(էս) խորհեցաւ մանասէ հայր ն(ո)ր(ա). այլ որդի նորա ամովս յաճախեաց ՛ի մեղս։
²⁴եւ յարեան ՛ի վ(ե)ր(այ) ն(ո)ր(ա) ծառայքն իւր, եւ հարին զնա ՛ի տան իւրում։
²⁵եւ եհար ժողովուրդ երկրին զյարուցեալսն ՛ի վ(ե)ր(այ) թագաւորին։

¹Է́ր ութ ամաց յովսիաս ՛ի թագաւորելն իւրում, եւ երեսուն եւ մի ամ թագաւորեաց յ(թ)ե(ան)մ։
²Եւ արար ուղղու(թ)ի(ւն) առաջի տ(եառ)ն. գնա́ց ՛ի ճանապարհս դաւթի հօր իւրոյ, եւ ո́չ խոտորեցաւ յաջ՝ եւ ո́չ յահեակ։
³Եւ յութերորդ ամի թագաւորութե(ա)ն իւրոյ, եւ ինքն էր տակաւին եւս մանուկ, սկսա́ւ խնդրել զտ(է)ր ա(ստուա)ծ դաւթի հօր իւրոյ. եւ յերկոտասաներորդ ամի թագաւորութե(ա)ն իւրոյ, սկսաւ սրբել զյուդայ եւ զե(րուսաղէ)մ ՛ի բարձանցն եւ յանտառացն եւ ՛ի ձուլածոյիցն։

⁴եւ կործանեա́ց դէմ յանդիման իւր զսեղանս բահաղիմայցն, եւ զբարձաւանդակսն յորոց վերայ էին. եւ կոտորեաց զանտառսն, եւ զդրօշեալսն, եւ զձուլածոյսն փշրեաց եւ մանրեաց եւ ընկէց յանդիման շիրմացն այնոցիկ որք զոհէին ն(ո)ց(ա)։
⁵Եւ զոսկերս քրմացն այրեաց ՛ի վ(ե)ր(այ) սեղանոցն, եւ մաքրեացզյուդաս եւ զե(րուսաղէ)մ։
⁶եւ զքաղաքսն եփրեմի եւ մանասէի, եւ զշմաւոնի, եւ զնեփթաղիմայ, եւ զտեղիսն ն(ո)ց(ա) շուրջանակի։
⁷եւ ՛ի բա́ց եբարձ զանտառսն, եւ զբագինսն, եւ զկուռսն փշրեաց մանր. եւ զա(մենայ)ն բարձունսն ՛ի բա́ց եբարձ յերկրէն ի(սրաէ)լի. եւ դարձաւ յե(րուսաղէ)մ։

⁸Եւ յամին ութուտասաներորդի թագաւորու(թ)ե(ա)ն իւրոյ, յորժամ վախճանեաց մաքրել զերկիրն՝ եւ զտուն թագաւորութե(ա)ն. առաքեաց զսափան որդի սեղիայ, եւ զմասիաս իշխան քաղաքին, եւ զյովսիաս որդի յովաքազայ զդպիր յիշատակացն իւրոց, զօրացուցանել զտունն տ(եառ)ն ա(ստուծո)յ իւրոյ։
⁹Եւ եկին առ քեղկիաս քահանայ մեծ. եւ ետ զարծաթն որ մտեալ էր ՛ի տունն տ(եառ)ն, զոր ժողովեցին ղեւտացիքն պահապանք դրանն, ՛ի ձեռանէ մանասէի եւ եփրեմի, եւ իշխանացն, եւ յա(մենայ)ն մնացորդացն ի(սրաէ)լի. եւ յորդւոցն յուդայ եւ բենիամինի, եւ բնակչացն ե(րուսաղէ)մի։
¹⁰Եւ ետուն զայն ՛ի ձեռս, որք ունէին զգործն, որք կային ՛ի տանն տ(եառ)ն՝ կազմել եւ զօրացուցանել զտունն։

¹¹եւ ետուն հիւսանցն եւ շինողացն դնել քարինս չորեքանկիւնիս մեծս, եւ փայտս ՛ի գերանս՝ յարկանել զտունսն զորս քակեցին թագաւորքն յուդայ։
¹²Եւ արքն այնոքիկ կային հաւատովք ՛ի վ(ե)ր(այ) գործոյն. եւ վերակացուքն ն(ո)ց(ա)՝ յէթ, եւ աբդիաս, ղեւտացիք յորդւոցն մերարեայ, եւ զաքարիաս, եւ մեսողամ յորդւոցն կահաթու ա́յց առնել։ եւ ա(մենայ)ն ղեւտացի որ ոք էր իմաստուն նուագարանօք երգոցն·
¹³Եւ ՛ի վ(ե)ր(այ) բեռնակրացն. եւ ՛ի վ(ե)ր(այ) այնոցիկ որք առնէին զգործն, եւ զպատրաստութի(ւն) գործոյն եւ ՛ի ղեւտացւոցն էին դպրապետք, եւ դատաւորք, եւ դռնապանք։
¹⁴Եւ ՛ի հանելն ն(ո)ց(ա) զարծաթն մտեալ ՛ի տուն տ(եառ)ն. եգիտ քեղկիաս քահանայ գիրս օրինացն տ(եառ)ն որ ՛ի ձեռն մովսիսի։

¹⁵Պատասխանի ետ քեղկիաս՝ եւ ասէ ցսափան դպրապետ. գի́րս օրինաց գտի ՛ի տանն տ(եառ)ն։ եւ ետ քեղկիաս զգիրս ցսափան.
¹⁶եւ տարաւ սափան զգիրսն առ արքայ. եւ ետ արքայի զհամար ա(մենայ)ն տուելոյ արծաթոյն ՛ի ձեռս ծառայիցն ն(ո)ր(ա) որք առնէին զգործն։
¹⁷Եւ ձուլեցին զարծաթն գտեալ ՛ի տուն տ(եառ)ն, եւ ետուն զայն ՛ի ձեռս վերակացուացն, եւ ՛ի ձեռս այնոցիկ որք առնէին զգործն։
¹⁸Եւ պատմեաց սափան դպրապետ արքայի՝ եւ ասէ. գի́րս օրինաց ետ ցիս քեղկիաս քահանայ. եւ ընթերցաւ զայն սափան առաջի թագաւորին։
¹⁹եւ եղեւ իբրեւ լուաւ արքայ զբանս օրինացն, պատառեաց զպատմուճան իւր։

²⁰Եւ պատուիրեաց արքայ քեղկիայ, եւ աքիկամայ որդւոյ սափանայ, եւ աբդիայ որդւոյ միքեայ, եւ սափանայ դպրապետի, եւ ասայիայ՝ մանկան արքայի, եւ ասէ.
²¹երթա́յք խնդրեցէք ՛ի տ(թեն)է վ(ա)ս(ն) իմ, եւ վ(ա)ս(ն) ամենեցուն մնացելոց յի(սրաէ)լէ եւ յուդայ, յաղագս բանից գրոցդ այդոցիկ որք գտան. վ(ա)ս(ն) զի մե́ծ սրտմտու(թ)ի(ւն) տ(եառ)ն բորբոքեալ է ՛ի մեզ. զի ո́չ լուան հարքն մեր զբանս տ(եառ)ն առնել ըստ ա(մենայ)նի որ ինչ գրեալէ ՛ի գիրսդ յայդոսիկ։
²²Եւ գնաց քեղկիաս՝ եւ որոց ասացն արքայ, առ ողդան մարգարէ կին սեղեմայ՝ որդւոյ թակուաթայ որդւոյ եսերայ, որ պահէր զպատուիրանսն. եւ ինքն բնակէր յե(րուսաղէ)մ ՛ի մասենա. եւ խօսեցան ընդ նմա ը(ստ) բանիցն այնոցիկ։

²³Եւ ասէ ցն(ո)ս(ա). ա́յսպէս ասէ տ(է)ր ա(ստուա)ծ ի(սրաէ)լի. Ասասջի́ք ցայրն որ առաքեաց զձեզ առ իս.
²⁴ա́յսպէս ասէ տ(է)ր. ահա ես ածեմ չարիս ՛ի վ(ե)ր(այ) տեղւոյդ այդորիկ, զա(մենայ)ն բան գրեալս ՛ի գիրսդ զոր ընթերցան առաջի արքայիդ յուդայ.
²⁵փոխանակ զի թողին զիս, եւ զոհեցին աստուածոց օտարաց. զի բարկացուցանիցեն զիս գործովք ձեռաց իւրեանց, եւ բորբոքեցաւ սրտմտու(թ)ի(ւն) իմ ՛ի տեղւոջդ յայդմիկ. եւ ո́չ եւս շիջցի։
²⁶Եւ ցթագաւորն յուդայ որ առաքեաց զձեզ խնդրել զտ(է)ր, ա́յսպէս ասասջի́ք ցնա. այսպէս ասէ տ(է)ր ա(ստուա)ծ ի(սրաէ)լի, զբանսդ զոր լուար դու.

²⁷եւ պատկառեաց սիրտ քո, եւ խոնարհեցաւ առաջի երեսաց իմոց ՛ի լսել զբանսդ իմ ՛ի վ(ե)ր(այ) տեղւոյդ այդորիկ, եւ ՛ի վ(ե)ր(այ) բնակչացդ դորա. եւ դու խոնարհեցար առաջի իմ, պատարեցեր զպատմուճանս քո, եւ լացեր յանդիման իմ. եւ ես լուայ ասէ տ(է)ր։
²⁸Ահա յաւելի́ց զքեզ առ հարս քո, եւ դիցեն զքեզ ՛ի շիրմին քում խաղաղութ(եամ)բ. եւ ո́չ տեսցեն աչք քո զա(մենայ)ն չարիսն զոր ես ածից ՛ի վ(ե)ր(այ) տեղւոյդ այդորիկ, եւ ՛ի վ(ե)ր(այ) բնակչաց դորա։ եւ ետուն թագաւորին զբանսս զայսոսիկ։
²⁹Եւ առաքեաց արքայ եւ ժողովեաց զծերսն յուդայ եւ զե(րուսաղէ)մի։

³⁰եւ ել արքայ յուդայ ՛ի տունն տ(եառ)ն, եւ ա(մենայ)ն յուդաս եւ բնակիչք ե(րուսաղէ)մի, եւ քահանայքն եւ ղեւտացիք, եւ ա(մենայ)ն ժողովուրդն ՛ի մեծէ մինչեւ ՛ի փոքր. եւ ընթերցաւ յականջս ն(ո)ց(ա) զա(մենայ)ն բանս կտակին գտելոյ ՛ի տանն տ(եառ)ն։
³¹Եւ յարեա́ւ թագաւորն՝ եկաց ՛ի վ(ե)ր(այ) սեանն, եւ եդ ուխտ առաջի տ(եառ)ն երթալ զհե́տ տ(եառ)ն, պահե́լ զպատուիրանս ն(ո)ր(ա), եւ զվկայութի(ւն)ս ն(ո)ր(ա), եւ զհրամանս ն(ո)ր(ա), ՛ի բոլոր սրտէ, եւ ՛ի բոլոր անձնէ, զբանս ուխտին՝ զգրեալսն ՛ի գիրսն յայնոսիկ։
³²եւ կացոյց զամենեսեան զգտեալսն յե(րուսաղէ)մ, եւ ՛ի բենիամին. եւ արարին բնակիչքն ե(րուսաղէ)մի ուխտ ՛ի տանն ա(ստուծո)յ հարցն իւրեանց։

³³Եւ ՛ի բա́ց եբարձ յովսիաս զա(մենայ)ն գարշելիս յա(մենայ)ն երկրէ, որ է́ր որդւոցն ի(սրաէ)լի. եւ արար ա(մենայ)ն գտելոցն յե(րուսաղէ)մ եւ յի(սրաէ)լի ծառայել տ(եառ)ն ա(ստուծո)յ իւրեանց։ զամենայն աւուրս իւր՝ ո́չ խոտորեցաւ ՛ի հետոց տ(եառ)ն ա(ստուծո)յ հարցն իւրոց։

¹Եւ արա́ր յովսիաս զպասեքն տ(եառ)ն ա(ստուծո)յ իւրոյ. եւ զենին զպասեքն ՛ի չորեքտասաներորդում աւուր ամսոյն առաջնոյ։
²եւ կացոյց զքահանայսն ՛ի վ(ե)ր(այ) պահպանութե(ան) իւրեանց. եւ զօրացոյց զն(ո)ս(ա) ՛ի գործս տանն տ(եառ)ն։
³Եւ ասէ ցղեւտացիսն եւ ցզօրաւորսն յա(մենայ)ն ի(սրաէ)լի, սրբել զն(ո)ս(ա) տ(եառ)ն։ եւ եդին զտապանակն սրբու(թ)ե(ան) ՛ի տանն զոր շինեաց սողոմոն որդի դաւթի արքայի ի(սրաէ)լի։ եւ ասէ արքայ. ո́չ է ձեզ բառնալ ՛ի վ(ե)ր(այ) ուսոց՝ եւ ո́չ ինչ. արդ՝ պաշտեցէ́ք զտ(է)ր ա(ստուա)ծ ձեր, եւ զժողովուրդ նորա զի(սրա)էլ։

⁴եւ պատրա́ստք լերուք ըստ տանց տոհմից ձերոց, եւ ըստ օրամտից պաշտաման ձերոյ, ը(ստ) գրոց դաւթայ արքայի ի(սրաէ)լի, եւ ՛ի ձեռն թագաւորին սողոմոնի որդւոյ ն(ո)ր(ա)։
⁵Եւ կացէ́ք ՛ի տաճարիդ՝ ըստ որոշման տանց տոհմից ձերոց, առաջի եղբարց ձերոց, եւ որդւոց ժողովրդեան ձերոյ. եւ բաժին տան ցեղիդ ղեւտացւոց։
⁶եւ զոհեցէ́ք զպասեքդ, եւ պատրաստեցէ́ք զսրբութի(ւն)սդ եղբարց ձերոց, առնել ըստ բանիդ տ(եառ)ն որ ՛ի ձեռն մովսիսի։
⁷Եւ սկսաւ յովսիաս տալ որդւոց ժո·ովրդեանն, խոյս, եւ որոջս, եւ նոխազս յորդւոց այծեացն, զա(մենայ)ն ՛ի պասեքն. եւ զամենեսեան որ ինչ գտաւ՝ թուով երեսուն հազար. եւ զուարակս երեք հազար. այսոքիկ ՛ի ստացուածո́ց թագաւորին։

⁸Եւ իշխանքն ն(ո)ր(ա) սկսան տալ ժողովրդեանն, եւ քահանայիցն, եւ ղեւտացւոցն։ եւ ետուն՝ քեղկիաս, եւ զաքարիաս, եւ յէի(սրա)էլ. եւ իշխանք տանն ա(ստուծո)յ, քահանայիցն ետուն ՛ի պասեքն. խոյս, եւ որոջս, եւ նոխազս երկու հազար եւ վեց հարիւր, եւ զուարակս երեք հարիւր։
⁹Եւ քոնենիաս, եւ բանէաս, եւ սամէաս, եւ նաթանայէլ եղբայր ն(ո)ր(ա), եւ ասաբիաս, եւ յէիէլ, եւ յովզաբադ իշխանք ղեւտացւոցն, սկսան տալ ցղեւտացիսն ՛ի պասեքն. խոյս հինգ հազար, եւ զուարակս հինգ հարիւր։
¹⁰Եւ ուղղեցաւ պաշտօնն. եւ կացին քահանայքն ՛ի կարգն իւրեանց. եւ ղեւտացիքն ՛ի զատուցմանն իւրեանց, ըստ պատուիրանի արքային։

¹¹Եւ զենին զպասեքն, եւ հեղին քահանայքն զարիւնն ՛ի ձեռացն իւրեանց. եւ ղեւտացիքն յօշեցին,
¹²եւ պատրաստեցին զողջակէզսն տա́լ ն(ո)ց(ա) իւրաքանչիւրումեք ը(ստ) զատուցմանն, վ(ա)ս(ն) տանց տոհմից որդւոց ժողովրդեանն մատուցանե́լ տ(եառ)ն. ո(ր)պ(էս) եւ գրեալ է ՛ի գիրս օրինացն մովսիսի. նոյնպէս եւ յառաւօտինս։
¹³Եւ խորովեցին զպասեքն հրով ըստ օրինին. եւ զսրբու(թ)ի(ւն)ն եփեցին կաթսայիւք, եւ սանիւք. եւ յաջողեցաւ։ եւ ընթացան առ ամենեսեան որդիս ժողովրդեանն։

¹⁴Եւ յետ պատրաստելոյն ն(ո)ց(ա) եւ քահանայիցն։ վ(ա)ս(ն) զի քահանայքն էին մատուցանել զճարպսն եւ զողջակէզսն մինչեւ ՛ի գիշերին. եւ ղեւտացիքն պատրաստեցին իւրեանց եւ եղբարցն իւրեանց որդւոցն ահարոնի։
¹⁵Եւ սաղմոսանուագքն որդիք ասափայ ՛ի կարգին իւրեանց ըստ պատուիրանին դաւթայ. եւ ասափ, եւ եման, եւ իդիթուն՝ մարգարէք արքային։ Եւ իշխանք, եւ դռնապանք դրանն, եւ դրան. եւ ո́չ էր ն(ո)ց(ա) հնար շարժել ՛ի պաշտամանէ սրբութե(ա)ն. վ(ա)ս(ն) զի եղբարք ն(ո)ց(ա) ղեւտացիքն պատրաստեցին ն(ո)ց(ա)։

¹⁶Եւ ուղղեցաւ եւ պատրաստեցաւ ա(մենայ)ն պաշտօնն տ(եառ)ն յաւուր յայնմիկ առնել զպասեքն, եւ մատուցանել զողջակէզսն ՛ի վ(ե)ր(այ) սեղանոյն տ(եառ)ն, ըստ պատուիրանին յովսիայ արքայի։
¹⁷Եւ արարին որդիքն ի(սրաէ)լի որք գտան անդ՝ զպասեքն ՛ի ժամանակին յայնմ, եւ զտօն անխմորիցն՝ զեւթն օր։
¹⁸Եւ ո́չ երբէք եղեւ պասեք նման նմա յի(սրաէ)լի, յաւուրցն սամուելի մարգարէի. եւ ա(մենայ)ն թագաւորքն ի(սրաէ)լի ո́չ արարին պասեք՝ ո(ր)պ(էս) արար յովսիաս եւ քահանայքն, եւ ղեւտացիք, եւ ա(մենայ)ն յուդաս եւ ի(սրա)էլ որ գտաւ անդ, եւ բնակիչքն եմ(թ)ի(ւն),

¹⁹արարին տ(եառ)ն յութտասներորդ ամի թագաւորութե(ա)ն յովսիայ։ Եւ զվհուկս, եւ զգէտս, եւ զդիւթս, եւ զկուռս, եւ զկախարդս, որք էին յերկրին յուդայ եւ յե(րուսաղէ)մ, ՛ի բա́ց եբարձ. եւ այրեաց հրով արքայ յովսիա, զի հաստատեսցէ զբանս օրինացն զգրեալսն ՛ի գիրս զոր եգիտ քեղկիա քահանայ ՛ի տանն տ(եառ)ն։ Նման նմա ո́չ եղեւ յառաջ քան զնա, որ դարձաւ առ տ(է)ր ա(ստուա)ծ ՛ի բոլոր սրտէ իւրմէ, եւ ՛ի բոլոր անձնէ իւրմէ, եւ յա(մենայ)ն զօրութ(են)է իւրմէ, ը(ստ) ա(մենայ)ն օրինաց մովսիսի. եւ յետ ն(ո)ր(ա) ո́չոք յարեաւ նման նմա։ Սակայն ո́չ դարձաւ տ(է)ր ՛ի բարկութ(են)է սրտմտու(թ)ե(ան) իւրոյ մեծէ, զոր բարկացաւ սրտմտութ(եամ)բ տ(է)ր ՛ի վ(ե)ր(այ) յուդայ, ա(մենայ)ն բարկութ(եամ)բքն որով բարկացոյց զնա մանասէ։ եւ ասաց տ(է)ր, այլեւ զյուդաս մերժեցից յերեսաց իմոց, որպէս մերժեցի զի(սրա)էլ. եւ ՛ի բա́ց արարից զքաղաքն զոր ընտրեցի զե(րուսաղէ)մ, եւ զտունն զորմէ ասացի՝ եղիցի անո́ւն իմ անդ։

²⁰Եւ ե́լ փարաւոն նեքաւով՝ արքայ եգիպտոսի ՛ի վ(ե)ր(այ) արքային ասորեստանեայց, առ գետովն եփրատայ. եւ գնաց արքայ յովսիա ընդդէմ նորա.
²¹եւ առաքեաց առ նա հրեշտակս, եւ ասէ. զի՞նչ կայ իմ եւ քո արքայ յուդայ. ո́չ եմ եկեալ ՛ի վ(ե)ր(այ) քո այսօր պատերա́զմ առնել։ եւ ա(ստուա)ծ ասաց փութալ ինձ. զգո́յշ լեր յա(ստուծո)յ՝ որ է ընդ իս. մի́ գուցէ ապականիցէ զքեզ։
²²Եւ ոչ դարձոյց յովսիա զերեսս իւր ՛ի նմանէ, այլ պատերազմել ընդ նմա զօրացաւ։ եւ ո́չ լուաւ բանիցն նեքաւովայ՝ որ ՛ի բերանոյ տ(եառ)ն։ եւ եկն պատերազմել ՛ի դաշտին մակեդդովայ։
²³Եւ հարին աղեղնաւորքն զարքայ յովսիաս։ եւ ասէ արքայ ցծառայս իւր. հանէք զիս աստի. վ(ա)ս(ն) զի վտանգեցայ յոյժ։

²⁴եւ հանին զնա ծառայքն նորա ՛ի կառացն իւրոց, եւ եդին զնա ՛ի կառսն յերկրորդս որ էր ն(ո)ր(ա), եւ տարան զնա յե(րուսաղէ)մ. եւ մեռաւ եւ թաղեցաւ ը(նդ) հարս իւր։ եւ ա(մենայ)ն յուդաս եւ ե(րուսաղ)էմ սո́ւգ առին ՛ի վերայ յովսիայ։
²⁵Եւ ասաց ո́ղբս երեմիաս ՛ի վ(ե)ր(այ) յովսիայ։ եւ ա(մենայ)ն իշխանքն՝ ա́րք եւ կանայք՝ ասացին զողբսն ՛ի վերայ յովսիայ մինչեւ ցայսօր։ եւ ետուն զայն իբրեւ հրամանաւ ՛ի մէջ ի(սրաէ)լի. եւ ահա գրեալք են ՛ի ճառս ողբոցն։
²⁶Եւ էին բանքն յովսիայ, եւ յոյս ն(ո)ր(ա) գրեալ յօրէնսն տ(եառ)ն։
²⁷Եւ մնացեալ բանքն ն(ո)ր(ա) առաջինք եւ վերջինք, ահա գրեալ են ՛ի գիրս թագաւորացն ի(սրաէ)լի՝ եւ յուդայ։

¹Եւ ա́ռ ժողովուրդ երկրին զյովաքազ որդի յովսիայ, եւ օծին զնա. եւ կացուցին զնա թագաւոր փոխանակ հօր ն(ո)ր(ա) յե(րուսաղէ)մ։
²Որդի քսան եւ երից ամաց էր յովաքազ ՛ի թագաւորելն իւրում, զերի́ս ամիսս թագաւորեաց յե(րուսաղէ)մ։ եւ անուն մօր ն(ո)ր(ա) ամիտաղ, դուստր երեմիայի ՛ի ղոբնայ։ եւ արար չա́ր առաջի տ(եառ)ն, ըստ ա(մենայ)նի զոր ինչ արարին հարքն ն(ո)ր(ա)։
³Եւ կապեաց զնա փարաւոն նեքաւով ՛ի դեբղաթայ՝ յերկիրն եմաթայ, ո́չ եւս թագաւորել նմա յե(րուսաղէ)մ. եւ տարաւ զնա արքայն յեգիպտոս. եւ ա́րկ ՛ի վ(ե)ր(այ) երկրին հարկ հարիւր տաղանտ արծաթոյ, եւ տաղանտ մի ոսկւոյ։

⁴Եւ կացոյց փարաւոն նեքաւով զեղիակիմ որդի յովսիայ արքայի յուդայ փոխանակ յովսիայ հօր ն(ո)ր(ա). եւ փոխեաց զանուն ն(ո)ր(ա) յովակիմ։ եւ զյովաքազ եղբայրն ն(ո)ր(ա) ա́ռ փարաւոն նեքաւով, եւ տարաւ յեգիպտոս. եւ մեռաւ անդ։ եւ զարծաթն եւ զոսկին ետուն փարաւոնի։ Յա́յնմ հետէ սկսաւ տա́լ հարկս երկիրն. եւ ետուն զարծաթն ըստ բերանոյ փարաւոնի, եւ յիւրաքանչիւր ումեքէ ըստ զօրութե(ան) իւրոյ պահանջէին զարծաթն եւ զոսկին ՛ի ժողովրդենէ երկրին, տա́լ զայն փարաւոնի նեքաւովայ։

⁵Է́ր քսան եւ հինգ ամաց յովակիմ ՛ի թագաւորել իւրում, եւ զմետասան ամ թագաւորեաց յ(թ)ե(ան)մ. եւ անուն մօր ն(ո)ր(ա) զեկքովրայ դուստր ներիայ ՛ի հռամայ. եւ արար չա́ր առաջի տ(եառ)ն ըստ ա(մենայ)նի զոր ինչ արարին հարքն ն(ո)ր(ա)։ Յաւուրս ն(ո)ր(ա) ե́լ նաբուքոդոնոսոր արքայ բաբելոնի յերկիրն. եւ ծառայեաց նմա ամիսս երիս, եւ ապստամբեաց ՛ի նմանէ։ Եւ առաքեաց տ(է)ր զքաղդէացիսն, եւ զաւազակսն ասորեաց, եւ զաւազակսն մովաբացւոց, եւ որդւոցն ամոնայ, եւ սամարիայ։ Եւ ՛ի բա́ց կացին յետ բանիցս այսոցիկ ըստ բանի տ(եառ)ն ՛ի ձեռն ծառայից իւրոց մարգարէից։ սակայն սրտմտութի(ւն) ՛ի տ(թեն)է է́ր ՛ի վ(ե)ր(այ) յուդայ, ՛ի բա́ց բառնալ զնա յերեսաց իւրոց, վ(ա)ս(ն) մեղացն մանասէի յա(մենայ)նի զոր ինչ արար, եւ անպարտ արեանցն զոր եհեղ մանասէ, եւ ելից զե(րուսաղէ)մ անպարտ արեամբ. եւ ո́չ կամեցաւ տ(է)ր սատակել զն(ո)ս(ա)։

⁶Եւ ել ՛ի վ(ե)ր(այ) նաբուքոդոնոսոր արքայ բաբելոնի, եւ կապեաց զնա պղնձի կապանօք, եւ տարաւ զնա ՛ի բաբելոն։
⁷եւ մասն ինչ ՛ի սպասուց տանն տ(եառ)ն տարաւ ՛ի բաբելոն, եւ ե́դ զայն ՛ի տաճարին իւրում որ ՛ի բաբելոն։
⁸Եւ մնացեալ բանքն յովակիմայ, եւ ա(մենայ)ն ինչ զոր արար. ո՞չ աւանիկ գրեալ են նոքա ՛ի գիրս բանից աւուրց թագաւորացն յուդայ։ եւ քունեաց յովակիմ ը(նդ) հարս իւր, եւ թաղեցաւ ՛ի գանովզայ՝ ը(նդ) հարս իւր։ Եւ թագաւորեաց յեքոնիա որդի ն(ո)ր(ա) փոխանակ նորա։
⁹Որդի ութտասան ամա́ց էր յեքոնիաս ՛ի թագաւորելն իւրում, եւ ամիսս երիս եւ աւուրս տասն թագաւորեաց յե(րուսաղէ)մ. եւ արար չա́ր առաջի տ(եառ)ն։

¹⁰Եւ ՛ի դառնալ տարւոյն առաքեաց արքայն նաբուքոդոնոսոր եւ տարաւ զնա ՛ի բաբելոն, հանդերձ ցանկալի սպասուք տանն տ(եառ)ն։ Եւ թագաւորեցոյց զսեդեկիաս եղբայր հօր ն(ո)ր(ա) ՛ի վ(ե)ր(այ) յուդայ յե(րուսաղէ)մ։
¹¹Ամաց քսան եւ միոյ էր սեդեկիա ՛ի թագաւորել իւրում. եւ մետասան ամ թագաւորեաց յե(րուսաղէ)մ։
¹²եւ արար չա́ր առաջի տ(եառ)ն ա(ստուծո)յ իւրոյ։ ո́չ պատկառեաց յերեսաց երեմիայի մարգարէի՝ եւ ՛ի բանիցն տ(եառ)ն։
¹³Եւ յապստամբելն ն(ո)ր(ա) ՛ի նաբուքոդոնոսորայ արքայէ, եւ անցանելոյ զերդմամբքն զոր երդմնեցոյց զնա յա(ստուա)ծ իւր. խստացոյց զպարանոցն իւր, եւ զսիրտ իւր կարծրացոյց՝ ո́չ եւս դառանլ առ տ(է)ր ա(ստուա)ծ ի(սրաէ)լի։

¹⁴Եւ ա(մենայ)ն փառաւորքն յուդայ, եւ քահանայք, եւ ժողովուրդք երկրին յաճախեցին անօրինե́լ անօրէնութի(ւն)ս ըստ գարշելեաց ազգացն, եւ պղծեցին զտունն տ(եառ)ն յե(րուսաղէ)մ։
¹⁵Եւ առաքեաց տ(է)ր ա(ստուա)ծ հարցն ն(ո)ց(ա) ՛ի ձեռն մարգարէիցն, կանխեալ առաքեաց զհրեշտակս իւր. վ(ա)ս(ն) զի խնայէր ՛ի ժողովուրդն իւր, եւ ՛ի սրբութի(ւն)ն իւր։
¹⁶Արհամարհէին զհրեշտակս ն(ո)ր(ա), եւ անդոսնէին զբանս ն(ո)ր(ա). եւ խա́ղ առնէին զմարգարէսն. մինչեւ եղեւ բարկութի(ւն) տ(եառ)ն ՛ի վ(ե)ր(այ) ժողովրդեան իւրոյ. եւ ո́չ եւս գոյր այնուհետեւ ն(ո)ց(ա) բժշկութի(ւն)։

¹⁷Եւ ած ՛ի վ(ե)ր(այ) ն(ո)ց(ա) զթագաւորն քաղդէացւոց. կոտորեաց զերիտասարդս ն(ո)ց(ա) սրով ՛ի տան սրբութե(ան) իւրոյ. եւ ո́չ խնայեաց ՛ի սեդեկիաս։ կուսանաց ն(ո)ց(ա)՝ ո́չ ողորմեցաւ, եւ զծերս ն(ո)ց(ա) զամենեսեան մատնեաց ՛ի ձեռս ն(ո)ց(ա)։
¹⁸Եւ զա(մենայ)ն սպաս տանն ա(ստուծո)յ զմեծամեծս եւ զփոքունս, եւ զա(մենայ)ն գանձն արքային եւ մեծամեծացն, զա(մենայ)ն տարաւ ՛ի բաբելոն։
¹⁹եւ այրեաց զտունն տ(եառ)ն. եւ կործանեաց զպարիսպն ե(րուսաղէ)մի, եւ զապարանսն որ ՛ի նմա այրեաց հրով. եւ զա(մենայ)ն անօթ գեղեցիկ ապականեաց։

²⁰եւ գերեաց զմնացորդսն ՛ի բաբելոն։ Եւ էին անդ՝ նմա եւ որդւոց ն(ո)ր(ա) ՛ի ծառայութի(ւն), մինչեւ ՛ի թագաւորութի(ւն)ն մարաց։
²¹Առ ՛ի լնուլ բանին տ(եառ)ն ՛ի բերանոյ երեմիայի մինչեւ ընկալաւ երկիրն զշաբաթս իւր. եւ շաբաթանալով զա(մենայ)ն աւուրս աւերածոյն իւրոյ, շաբաթացաւ ՛ի կատարումն ամացն իւթանասնից։
²²Յառաջնում ամին կիւրոսի արքային պարսից, յե́տ լնլոյ բանին տ(եառ)ն ՛ի բերանոյ երեմիայի. զարթո́յց տ(է)ր զհոգի կիւրոսի պարսից արքայի։ Եւ պատուիրեաց քարոզել յա(մենայ)ն թագաւորու(թ)ե(ա)ն իւրում գրո́վ՝ եւ ասել։

²³Այսպէս ասէ կիւրոս արքայ պարսից. զա(մենայ)ն թագաւորութի(ւն)ս երկրի ետ ինձ տ(է)ր ա(ստուա)ծ երկնից. եւ նա́ պատուիրեաց ինձ շինել իւր տո́ւն յե(րուսաղէ)մ, ՛ի հրէաստանի։ որ ոք ՛ի ձէնջ յա(մենայ)ն ժողովրդենէ նորա́ իցէ, տ(է)ր ա(ստուա)ծ իւր եղիցի ընդ նմա՝ եւ ելցէ́։