¹ԱԴԱ́Մ. ՍԷ́Թ. ԵՆՈՎՍ։
²Կայինան. մաղաղայէլ. յարեդ։
³ենոք. մաթուսաղայ. ղամէք. նոյ։
⁴Որդիք նոյի՝ սեմ. քամ. յաբեթ։
⁵Որդիք յաբեթի՝ գամեր. մագովգ. մադայի. յովիդան. եղիսան. թոբէլ. մոսոք. եւ թիրաս։
⁶Եւ որդիք գամերայ՝ ասքանազ. եւ հռիփաթ. եւ թորգոմա։
⁷եւ որդիք յովիդանայ՝ ելիսա. եւ թարսիս. կիտացիք՝ եւ հռոդացիք։
⁸Եւ որդիք քամայ՝ քուս. եւ մեստրեմ. փուդ. եւ քանան։
⁹եւ որդիք քուսայ՝ սաբա. եւ իլա. եւ սաբաթա. եւ հռեգմա. եւ սաբակաթա։ եւ որդիք հռեգմայ՝ սաբա. եւ դեդան։
¹⁰եւ քուս ծնաւ զնեմրովթ. սա́ սկսաւ լինել հսկա́յ որսորդ ՛ի վերայ երկրի։

¹¹Եւ մեսարեմ ծնաւ զլուդիմացիս, եւ զլաբիինացիս, եւ զանաիմացիս, եւ զնեփթաբիմացիս։
¹²եւ զպատրոսիիմացիս, եւ զքասղոնիիմացիս, ուստի ելին անտի փղշտացիք. եւ զքափթորիմացիս։
¹³Եւ քանաան ծնաւ զսիդոն զանդրանիկ իւր։ եւ զքանանացին.
¹⁴եւ զեբուսացին. եւ զամուրհացիս. եւ զգերգեսացին։
¹⁵եւ զխեւացին. եւ զարուկեցին. եւ զարսենացին։
¹⁶եւ զարադացին. եւ զսամարացին. եւ զամաթացին։
¹⁷Որդիք սեմայ՝ եղամ. եւ ասուր. եւ արփաքսադ՝ եւ ղուդ. եւ արամ. եւ որդիք արամայ հուս. եւ եմովլ. եւ գաթեր. եւ մոսոք։

¹⁸Եւ արփաքսադ ծնաւ զկայինան. եւ կայինան ծնաւ զսաղա. եւ սաղա ծնաւ զեբեր։
¹⁹Եւեբերայ ծնան երկո́ւ որդիք, անուն միումն փաղէկ, զի յաւուրս ն(ո)ր(ա) բաժանեցաւ երկիր. եւ անուն եղբօր ն(ո)ր(ա) յեկտան։
²⁰Յեկտան ծնաւ զելմովդադ. եւ զսաղափ. եւ զարամովթ.
²¹եւ զկեդրուրան. եւ զեզէլ. եւ զդեկլան.
²²եւ զկամաան. եւ զաբիմէէլ. եւ զսաբա.
²³եւ զսոփիր. եւ զեւի. եւ զովրամ. ամենեքեան սոքա որդիք յեկտանայ։
²⁴Որդիք սեմայ՝ ելամ. եւ ասուր. եւ արփաքսադ. կայինան. սաղա.
²⁵եբեր. փաղէկ. ռագաւ.
²⁶սերուգ. նաքովր. թառայ.
²⁷Աբրամ, նա́ ինքն է աբրաամ։
²⁸Եւ որդիք աբրաամու՝ իսահակ, եւ իսմայէլ։

²⁹Սոքա́ են ծնունդք իսմայելի. նաբեովթ, եւ կեդար, եւ նաբդեէլ, մաբսան.
³⁰մասմա. եւ իդումա. մասսէ. քոդադ. թաման.
³¹իտուր. նափէս. եւ կեդմա. սոքա́ են որդիք իսմայելի։
³²Եւ որդիք քետուրայ հարճին աբրաամու, եւ ծնաւ նմա զեմրան, եւ զյեկսան, եւ զմադան, եւ զմադիան, եւ զյեսբոկ, եւ զսովիւէ։ Եւ որդիք յեկսանայ՝ սաբա. եւ դեդան։ եւ որդիք դեդանայ՝ ռագուէլ. եւ նաբդեէլ. եւ ասուրիիմ. եւ լատուսիիմ. եւ լոովմին։
³³Եւ որդիք մադիանայ՝ գեփար. եւ ոփեր. եւ ենոք. եւ աբիդա. եւ ելդան։ ամենեքեան ս(ուրբ)ք որդիք քետուրայ։
³⁴Եւ ծնաւ աբրաամ զիսահակ։ եւ որդիք իսահակայ՝ եսաւ, եւ յակոբ։
³⁵Որդիք եսաւայ՝ եղիփազ. եւ հռագուէլ. եւ յէուլ. եւ էգղոմ. եւ կորէ։

³⁶Որդիք եղիփազայ՝ թեման. եւ ովմար. սոփար. գոթոմ. եւ կենէզ։ եւ թամար՝ հարճ եղիազարու ծնաւ նմա զամաղէկ։
³⁷եւ որդիք ռագուելի՝ նաքէթ. զարեհ. սոմէ. եւ մոզէ։
³⁸Եւ որդիք սէիրայ՝ ղովտան. սոբաղ. սեբէգոն. անա. դեսոն. եւ ասար՝ եւ հռիսոն։
³⁹եւ որդիք ղովտանայ՝ քոռի. եւ էման. եւ քոյր ղովտանայ՝ թամնա։
⁴⁰որդիք սովբաղայ՝ գովղամ. եւ մանաքաթ. եւ գեբէլ. եւ սովփար. եւ յովնան։ եւ որդիք սեբեգոնի՝ այիա. եւ ովնան։ եւ որդիք անայ՝ դեսոն. եւ ողիբամա դուստր անայի։
⁴¹եւ որդիք դեսոնի՝ ադամա. եւ եսեբամ. եւ յեթրան. եւ քառան։
⁴²եւ որդիք ասարայ՝ բաղաան եւ ազուկամ եւ յովիկամ եւ ուկամ. եւ որդիք դեսոնի՝ ովս. եւ առան։

⁴³Եւ այսոքիկ թագաւորք ն(ո)ց(ա) որք թագաւորեցին յեդոմ, յառա́ջ քան զթագաւորել թագաւո́ր որդւոցն ի(սրաէ)լի։ Բաղակ որդի սեփովրայ. եւ անուն քաղաքի ն(ո)ր(ա) դենաքա։
⁴⁴եւ մեռաւ բաղակ, եւ թագաւորեաց փոխանակ ն(ո)ր(ա) յոբաբ, որդի զարեհի ՛ի բոսորայ։
⁴⁵եւ մեռաւ յոբաբ. եւ թագաւորեաց փոխանակ ն(ո)ր(ա) ասովմ յերկրին թեմնացւոց։
⁴⁶Եւ մեռաւ ասոմ. եւ թագաւորեաց փոխանակ ն(ո)ր(ա) ադադ, որդի բարադայ. որ եհար զմադիամ ՛ի դաշտին մովաբայ. եւ անուն քաղաքի ն(ո)ր(ա) գէթեմ։
⁴⁷եւ մեռաւ ադադ։ եւ թագաւորեաց փոխանակ ն(ո)ր(ա) սամաա ՛ի մասեկա։

⁴⁸Եւ մեռաւ սամաա, եւ թագաւորեաց փոխանակ ն(ո)ր(ա) սաւուղ յռոբովթայ, որ առ գետեզերբն էր։
⁴⁹եւ մեռաւ սաւուղ, եւ թագաւորեաց փոխանակ ն(ո)ր(ա) բաղաենոն որդի աքոբովրայ։
⁵⁰եւ մեռաւ բաղաենոն որդի աքոբովրա, եւ թագաւորեաց փոխանակ ն(ո)ր(ա) ադադ, եւ անուն քաղաքի ն(ո)ր(ա) փոգովր, եւ անուն կնոջ ն(ո)ր(ա) մետաբեէլ՝ դուստր մատրադայ։
⁵¹եւ մեռաւ ադադ։ Եւ ա́յս են իշխանք եդովմայ։ իշխան թամանայ. իշխան գովլայ. իշխան յեթեր։
⁵²իշխան եղիսակամաս. իշխան էղաս. իշխան փինոն։
⁵³իշխան կէնէզ. իշխան թեման. իշխան սարսար։
⁵⁴իշխան մագեդիէլ. իշխան զափովսիիմ։ Սոքա́ են իշխանք եդովմայ։

¹Եւ ա́յս են անուանք որդւոցն ի(սրաէ)լի. Ռոբէն. շմավոն. ղեւի. յուդա. իսաքար. զաբուղոն։
²դան. յովսէփ. բենիամին. նեփթաղիմ. գագ. ասեր։
³Եւ որդիք յուդայ. է́ր եւ աւնան. սելովմ։ երե́ք սոքա ծնան նմա ՛ի դստերէն շաւայ քանանացւոց. եւ է́ր անդրանիկն յուդայ չա́ր առաջի տ(եառ)ն. եւ սպան զնա։
⁴Եւ թամար՝ նո́ւ ն(ո)ր(ա) ծնաւ նմա զփարէս, եւ զզարայ. ամենեքին սոքա որդիք յուդայ հի́նգ։
⁵Որդիք փարեսի՝ եսրոմ՝ եւ յեմուէլ։
⁶եւ որդիք զարայի՝ զամրի, եւ եթան, եւ եման, եւ քաղքաղ. եւ դարա. ամենեքեան հինգ։
⁷եւ որդիք քարմեայ, աքա́ր խափանիչն ի(սրաէ)լի՝ որ անօրինեցաւ ՛ի նզովսն։
⁸եւ որդիք եթանայ՝ ազարիա։

⁹եւ որդիք եսրոմայ որք ծնան նմա. յերամէլ. եւ ովրամ. եւ ոքոբէլ. եւ արամ։
¹⁰Արամ ծնաւ զամինադաբ. եւ ամինադաբ ծնաւ զնաասոն զիշխան տանն յուդայ։
¹¹եւ նաասոն ծնաւ զսաղման։ եւ սաղման ծնաւ զբոոս։
¹²եւ բոոս ծնաւ զովբեդ։ եւ ովբեթ ծնաւ զյեսսէ։
¹³Եւ յեսսէ ծնաւ զանդրանիկն իւր զեղիաբ, եւզամինադաբ երկրորդ, եւ զսամաա երրորդ.
¹⁴եւ զնաթանիէլ չորրորդ. եւ զհռադայի հինգերորդ.
¹⁵եւ զասոմ վեցերորդ. եւ զդաւիթ ութերորդ։
¹⁶Եւ քորք ն(ո)ց(ա)՝ սարուիա, եւ աբիգեա։ եւ որդիք սարուհեայ. աբեսսա, եւ յովաբ, եւ ասայէլ. երե́ք։

¹⁷եւ աբիգեա ծնաւ զամեսայի. եւ հայր ամեսեայ՝ յեթրի մայելացի։
¹⁸Եւ քաղեբ որդի եսրոմայ ա́ռ զազուբա կին իւր. եւ ծնաւ զերիմովթ։ եւ սոքա են որդիք ն(ո)ր(ա). յովասար, եւ սովբաբ, եւ ոռնա։
¹⁹եւ մեռաւ ազուբա, եւ ա́ռ իւր քաղեբ զեփրաթ. եւ ծնաւ նմա զովր.
²⁰եւ ովր ծնաւ զովրի. եւ ովրի ծնաւ զբեսելիէլ։
²¹Եւ յետ այսորիկ եմուտ եսրոմ առ դուստր մաքիրայ հօրն գաղամայ, եւ նա́ ա́ռ զնա. եւ ինքն էր ամաց վաթսուն. եւ ծնաւ նմա զսեգուբ.
²²եւ սեգուբ ծնավ զյայիր։ եւ էին ն(ո)ր(ա) քսան եւ երե́ք քաղաքք ՛ի գաղաադ։

²³Եւ ա́ռ զդեսուր եւ զարամ. զգեօղսն յայիրայ ՛ի նոցանէ. զկանաթ եւ զաւանս ն(ո)ր(ա), վաթսուն քաղաքք, զամենեսեան որդւոցն մաքիրայ՝ հօրն գաղաադու։
²⁴Եւ յետ մեռանելոյն եսրովմայ, եկն քաղեբ յեփրաթա։ եւ կին եսրոմայ աբիա, ծնաւ նմա զասգոմ զհայր թեկուայ։
²⁵Եւ էին որդիք յերեմիէլի անդրանկանն եսրոմայ։ անդրանիկ հռամա, եւ բաան, եւ առան. եւ ասովմայ եղբայր ն(ո)ր(ա)։
²⁶Եւ է́ր կին ա́յլ յերեմիէլի, եւ անուն նորա ատարա. նա́ է մայր ունոմայ։
²⁷եւ էին որդիք հռամայ անդրանկանն յերեմիէլի՝ մաաս, եւ յաբին, եւ ակոր։
²⁸եւ էին որդիք ունոմայ՝ սամայի, եւ յադայի։ եւ որդիք սամայայ՝ նաբադ, եւ աբիսուր։
²⁹եւ անուն կնոջն աբիսուրայ՝ աբիսեա. եւ ծնաւ նմա զազաբար, եւ զմովղիղ։

³⁰եւ որդիք նաբադայ՝ սաղադ, եւ ափփեմ։ եւ մեռաւ սաղադ, եւ ո́չ գոյր ն(ո)ր(ա) որդի։
³¹Եւ որդիք ափփեմայ՝ յեսսի։ եւ որդիք յեսսիայ՝ սաւսան։ եւ որդիք սաւսանայ՝ աղայի։
³²որդիք աղայիայ՝ աքիսամա, եւ յեթեր, եւ յովնաթան. եւ մառաւ յեթեր, եւ ո́չ գոյր ն(ո)ր(ա) որդի։
³³եւ որդիք յովնաթանայ՝ փաղէթ, եւ ոզազա։ Սոքա́ են որդիք յերեմիէլի։
³⁴Եւ ո́չ գոյին սաւսանայ ուստերք, այլ դստե́րք միայն։ Եւ սաւսանայ էր ծառայ եգիպտացի, եւ անուն ն(ո)ր(ա) յովքաղ.
³⁵եւ ետ սաւսան զդուստրն իւր յովքեղի ծառային իւրում կնու(թ)ե(ան), եւ ծնաւ նմա զեթթի։
³⁶եւ յեթթի ծնաւ զնաթան. եւ նաթան ծնաւ զաբեդ։

³⁷Եւ աբեդ ծնաւ զոփղաղ, եւ ոփղաղ ծնաւ զովբեդ։
³⁸եւ ովբեդ ծնաւ զյէու։ եւ յէու ծնաւ զազարիաս։
³⁹եւազարիաս ծնաւ զքեղղէս. եւ քեղղէս ծնաւ զեղէասա։
⁴⁰եւ եղէասա ծնաւ զսոսոմէ. եւ սոսոմէ ծնաւ զսաղղում։
⁴¹եւ սաղղում ծնաւ զյեքոնիաս. եւ յեքոնիա ծնաւ զեղիսամա։
⁴²Եւ որդիք քաղեբայ եղբօր յերեմիելի՝ մարիսա անդրանիկ ն(ո)ր(ա). սա́ է հայր զիփայ. եւ որդիք մարիսայ հօր քեբրոնի։
⁴³եւ որդիք քեբրոնի՝ կորխ, եւ թափփսի, եւ հռոկոմ։
⁴⁴Եւ սեմատ ծնաւ զհռաամ զհայրն յերակայ. եւ յերակայաս ծնաւ զսաղամա։
⁴⁵եւ որդիք ն(ո)ր(ա) մաովն, հայր բեթսովրայ։

⁴⁶Եւ գեփա հարճ քաղեբայ ծնաւ զառան, եւ զյովսա, եւ զգեզուէ։
⁴⁷եւ որդիք ադայի՝ հռագեմ, եւ ովթամ, եւ գերսոմ, եւ փաղէտ, եւ գեփա, եւ սագափ։
⁴⁸եւ հարճն քաղեբայ մովքա ծնաւ զսեբեր, եւ զթաքնա։
⁴⁹Եւ ծնաւ սագափ զհայրն մադենայ. եւ զաւուղ զհայրն մաքամենայ, եւ զհայրն բաաղայ. եւ դուստրն քաղեբայ ասքա։
⁵⁰Սոքա́ էին որդիք քաղեբայ։ Որդիք ովրայ անդրանկանն եփրաթայ, սովբաղ հայր կարիաթարիմայ.
⁵¹սաղոմին հայր բեթղամոնայ. հայր բեթղեէմ. արի հայր բեթեգովրայ։
⁵²եւ էին որդիք սովբաղայ հօրն կարիաթարիմայ.

⁵³արաեսի, ամանիթ, թիւմասփայէ, եւ հռիաթիաւր. եթաղիմ, եւ եփիթին, եւ սամաթին, հեմասարին։ ՛ի նոցանէ́ ելին սարաթացիք, եւ եսթաւուղացիք։
⁵⁴Որդիք սաղոմոնի, բեթղեէմ եւ նետոփաթի, ատարովթ. տուն յովբայ, եւ կեսմանաթայ, եսարայի։
⁵⁵տոհմ դպրացն որք բնակէին ՛ի գաբէս. ագաթէիմ, եւ սամաթիիմ. սովկաթիիմ։ Սոքա́ են տունք որք եկին յեմաթայ, հօր տա́ն հռեքաբայ։

¹Եւ սոքա́ են որդիք դաւթայ որքծնան նմա ՛ի քեբրոն. անդրանիկն ամոն՝ յաքինովամայ յեզրայելացւոյ։ եւ երկրորդն դաղուիա՝ յաբիդեայ կարմելացւոյ։
²երրորդն աբեսողոմ, որդի մովքայ՝ դստեր թողմայ թագաւորին գեսուրայ։ չորրորդ ադոնիա՝ որդի ագիթայ։
³հինգերորդ սափատիաս՝ յաբիտաղայ։ վեցերորդ յեթրամ, յաղգեայ կնոջէ իւրմէ։
⁴Սոքա́ ծնան նմա ՛ի քեբրոն. եւ թագաւորեաց անդ զեւթն ամ եւ զվեց ամիս։ եւ երեսուն եւ երիս ամս թագաւորեաց յե(րուսաղէ)մ։
⁵Եւ սոքա́ ծնան նմա յե(րուսաղէ)մ, սամաա, սովբաբ, նաթան, եւ սողոմոն ՛ի բերսաբեացւոյն ՛ի դստերէ ամիելի։
⁶եւ յեբաար, եւ եղիսամա,
⁷եւ եղիփալէտ, եւ նագեբ, եւ նափեկ, եւնափիի,

⁸եւ եղիսամա. եւ եղիթադա. սոքա ինն եւ տասն
⁹որդի դաւթայ, առանց որդւոց հարճից ն(ո)ր(ա). եւ թամար քոյր ն(ո)ց(ա)։
¹⁰Որդիք սողոմոնի, հռոբովամ, եւ աբիաս որդի ն(ո)ր(ա). ասա որդի ն(ո)ր(ա). յովսափատ որդի ն(ո)ր(ա)։
¹¹Յովրամ որդի ն(ո)ր(ա). ոքոզիաս որդի ն(ո)ր(ա). յովաս որդի նորա.
¹²Ամասիա որդի ն(ո)ր(ա). ազրիա որդի ն(ո)ր(ա). յովաթամ որդի ն(ո)ր(ա)։
¹³աքազ որդի ն(ո)ր(ա). եզեկիա որդի ն(ո)ր(ա). մանասէ որդի ն(ո)ր(ա).
¹⁴ամովս որդի ն(ո)ր(ա). յովսիա որդի ն(ո)ր(ա)։
¹⁵Եւ որդիք յովսիայ. անդրանիկ՝ յովաքաղ. երկրորդ յովակիմ. երրորդ սեդեկիա. չորրորդ աղում։
¹⁶Եւ որդիք յովակիմայ. յեքոնիաս որդի ն(ո)ր(ա). սեդեկիաս որդի ն(ո)ր(ա)։

¹⁷Եւ որդիք յեքոնիայ. ասիր. սաղաթիէլ որդի ն(ո)ր(ա)։
¹⁸Մեղքիրամ. եւ փադայիաս. եւ սովսամով. եւ նաբատիաս. եւ սանեսար. եւ յեքոնիաս։
¹⁹Եւ որդիք սաղաթիելի. զորաբաբէլ. եւ սեմէի։ եւ որդիք զորաբաբելի. մասողամոս. եւ անանիաս. եւ սաղովմէ քոյր ն(ո)ց(ա)։
²⁰եւ ասեբա. եւ ոող. եւ բարաքիաս. եւ ասադիաս. եւ ասոբասէգ՝ ո́ւթ։
²¹Եւ որդիք անանիայ՝ փալէտիա, եւ յեսիա որդի ն(ո)ր(ա). հռափայիա որդի ն(ո)ր(ա). ոռնա որդի ն(ո)ր(ա). աբդիա որդի ն(ո)ր(ա). սեքենիա որդի ն(ո)ր(ա)։
²²Եւ որդիք սեքենիայ, սամայիա։ եւ որդիք սամայայ, քեատուս, եւ յովէլ, եւ բերիա, եւ նովադիա, եւ սափատ, եւ սափեք, վեց։

²³Եւ որդիք նովադիայ՝ եղիոնէ, եզեկիաս, եսրիկամ. երե́ք։
²⁴Եւ որդիք եղիոնեայ՝ ովդուիա, եւ եղիասիբ, եւ փադայիա, եւ ակկուբ, եւ յովնան, եւ գաղայիա, եւ անանիա, եւթն։

¹Որդիք յուդայ, փարէս, եսրոմ, եւ քարմի, եւ ովր, եւ սուբաղ։
²եւ կերիա որդի ն(ո)ր(ա)։ եւ սուբաղ ծնաւ զյէթ. եւ յէթ ծնաւ զաքիսայի, եւ զղադա։ Սոքա́ են ծնունդք սարաթիայ։
³եւ սոքա́ են որդիք ետամայ, յեսրայէլ, եւ յեսմա, եւ գաբէս. եւ անուն քեռ ծնոցա եսեղեփոն։
⁴Եւ փանուէլ հա́յր գեդուրայ. եւ եզեր՝ հա́յր սաւսանայ։ Եւ սոքա են որդիք ովրայ անդրանկանն եփրաթայ՝ հօրն բեթղահեմայ։
⁵Եւ ասքուրայ՝ հօրն թեկուայ՝ էին երկու կանայք. աաղա, եւ նոոբա։
⁶եւ ծնաւ նմա նոոբա զոքողամ, եւ զնեփադ, եւ զթեման, եւ զասթերան։ ամենեքեան սոքա որդիք նոոբայ։
⁷եւ որդիք աաղայ, նարեթ, եւ ասաար, եւ եթնադի։
⁸Եւ կովս ծնաւ զեգովբ, եւ զսովբերա։

⁹Եւ էր գաբէս փառաւոր քան զեղբարսն իւր, եւ մայրն կարդաց զանուն ն(ո)ր(ա) իգաբէս, եւ ասէ՝ ծնա́յ իբրեւ զգաբէս։
¹⁰Եւ կոչեաց իգաբէս զա(ստուա)ծ ի(սրաէ)լի՝ եւ ասէ. եթէ օրհնելով օրհնեսցես զիս, եւ յաճախեսցես զսահմանս իմ. եւ եղիցի ձեռն իմ ընդիս. եւ արասցես գթութի(ւն) ո́չ խոնարհեցուցանել զիս։ եւ ա́ծ ա(ստուա)ծ ՛ի վ(ե)ր(այ) ն(ո)ր(ա) զա(մենայ)ն զոր ինչ խնդրեաց։
¹¹Եւ քաղեբ հայր եսքասայ ծնաւ զմաքիր. սա է հայր ասաբոնայ։
¹²Եւ ասպանթոն ծնաւ զյատրոփա, եւ զփեսէ, եւ զթանա, եւ զհայրն քաղաքին ասսայ. եղբօրն եղեսեղոնի կենաղացւոյ։ սոքա́ են արք հռեփայ։
¹³Եւ որդիք կենեզայ, գոթոնիէլ, եւ սարայիա։ եւ որդիք գոթոնիելի. աթաթ։

¹⁴եւ մանաթի ծնաւ զգոփորայ, եւ սարայիա ծնաւ զյաբաբ զհայրն գերսասիմայ. քանզի հիւսունք էին։
¹⁵Եւ որդիք քաղեբայ յեփոնէ, եռաղա, եւ նաամ։ եւ որդիք արամայ, կենեզ։
¹⁶եւ որդիք յայելի զեղիփաղի, եւ զեփա, եւ թիրա, եւ եսրայէլ։
¹⁷Եւ որդիք եսրիէլի, յեթեր, մովրադ, եւդափեր։ եւ աղոն ծնաւ զյեթեր, եւ զմարոն, եւ զյեսմա, եւ զայիաբա, եւ զհայրն սեթեմոնա։
¹⁸Եւ կին ն(ո)ր(ա) ծնաւ զարեդ, զհայրն գեդովրայ, եւ զյաբար զհայրն սաքովնա, եւ զյեքթիէլ զհայրն զովնանայ։ Եւ սոքա են որդիք բեթթիայ դստերն փարաւոնի, զոր ա́ռ մովրեդ։
¹⁹եւ որդիք կնոջ ովդեայ՝ քեռն նաքիմայ. եւ դանա հայր կեսիայ. եւ սիմէոն հայր յովմամայ։ եւ որդիք նայեմայ հօր կէիլայ, ոտարմի, եւ յասթեմոն, եւմաքաթի։

²⁰Եւ որդի սիմիունայ ամնոն, եւ հռաննովն որդի անանայ, եւ թիղոն. եւ որդի սեթայ՝ զովքաթ, եւ որդի զովքաթայ.
²¹որդիք սեղումայ։ Որդիք յուդայ, էր՝ հայր ղեքադայ. եւ ղադաա հայր մադեսայ. եւ ծնունդք ն(ո)ց(ա)՝ եբդաթ, աբուստան, նեսոբա, եւ յովակիմ,
²²եւ արք քուզեբայ, եւ յովաս, եւ սարափ, եւ որք բնակեցին ՛ի մովաբ. եւ դարձոյց ն(ո)ց(ա) զաբեթար ՛ի նաթուկիմ։
²³Սոքա էին բրուտք որք բնակէին յանատիմ. եւ սադերա, ընդ թագաւորին ՛ի թագաւորութե(ան) ն(ո)ր(ա). զօրացան, եւ բնակեցին անդ։
²⁴Որդիքշմաւոնի՝ նաբուէլ, եւ յամին, եւ յարիբ. զարեհ, սաւուղ։
²⁵Սաղէմ որդի ն(ո)ր(ա), բասան որդի ն(ո)ր(ա), ասեման որդի ն(ո)ր(ա), մազբա որդի ն(ո)ր(ա),

²⁶ամուէլ որդի ն(ո)ր(ա), սաբուդ որդի ն(ո)ր(ա), զաքուր որդի ն(ո)ր(ա), սեմէի որդի ն(ո)ր(ա)։
²⁷Եւ սեմեայ որդիք վեց. եւ դստերք տասն. եւ եղբարց ն(ո)ց(ա) ո́չ էին որդիք բազումք. եւ ա(մենայ)ն տոհմն ն(ո)ց(ա) ո́չ առաւելաւ իբրեւ զորդիսն յուդայ։
²⁸եւ բանակեցին ՛ի բերսաբին։ եւ սամաա, եւ մովղադա, եւ սերուղա,
²⁹եւ բաաղա, եւ քուասոմ, եւ թուղադայ։
³⁰եւ բաթուղ, եւ երմա, եւ սիկիղակ,
³¹եւ բեթմարա, եւ քաբորա, եւ կէսն սեովսիմ եւ տունն բարուայ եւ սէովրիմայ։ Այսոքիկ են քաղաքք ն(ո)ց(ա) մինչեւ ցարքայ դաւիթ։
³²եւ քաղաքք ն(ո)ց(ա)՝ երամ, եւ երեմոն, եւ թոքան, եւ եսան, եւ թեկեն. քաղաքք հինգ։

³³եւ ա(մենայ)ն քաղաքք ն(ո)ց(ա), եւ շուրջ զքաղաքօքն իւրեանց մինչեւ ՛ի բաաղ։ ա́յս են կալուածք ն(ո)ց(ա)՝ եւ վիճակք իւրեանց։
³⁴Եւ մոսոբաբ, եւ ամաղէկ, եւ յովսիա որդի ամասիա։
³⁵եւ յովէլ, եւ յեսու, որդի սաբիայ, որդի սարիայ, որդի ասիելի։
³⁶եւեղիոնէ եւ յեկեբա, եւ յասթէ, եւ յասուիա, եւ ասայիա, եւ եդիել, եւ իսմայել, եւ բանեա,
³⁷եւ զուզա որդի սեփերիայ. որդի աղովնեայ, որդւոյ յեդիայ, որդւոյ սամարիայ, որդւոյ սամուեայ։
³⁸Սոքա́ են որ անցին յանուանս իշխանացն, յազգս իւրեանց. եւ ՛ի տունս տոհմից իւրեանց բազմացան յաճախութ(եամ)բ։

³⁹եւ գնացին մինչեւ ՛ի գա́լ ՛ի գերերա՝ մինչեւ յարեւելից դայեայ, խնդրել արօտս անասնոց իւրեանց։
⁴⁰եւ գտին արօտս բազումս եւ բարիս. եւ երկիր ընդարձակ առաջի ն(ո)ց(ա), եւ խաղաղութի(ւն) եւ հանդարտութի(ւն). վ(ա)ս(ն) զի յորդւոցն քամայ էին, որք բնակէին անդ յառաջ։
⁴¹Եւ եկին նոքա գրեալք յանուանէ յաւուրս եզեկիայ արքայի յուդայ, եւ հարին զբնակիչս ն(ո)ր(ա), եւ զմինեցիսն զորս գտին անդ, եւ նզովեցին զն(ո)ս(ա) մինչեւ յաւուրս յայս, եւ բնակեցին փոխանակ ն(ո)ց(ա). վասն զի արօտս անասնոց իւրեանց գտին անդ։
⁴²Եւ ՛ի նոցանէ յորդւոցն շմաւոնի գնացին ՛ի լեառն սերայ արք հինգ հարիւր. եւ փաղատիա, եւ նովադիա, եւ հռափայիա, եւ ոզիէլ. որդիք յեթեսիայ իշխանք նոցա։

⁴³եւ հարին զմնացորդսն որք էին մնացեալք յամաղեկայ, եւ բնակեցին անդ մինչեւ յօրս յայս։

¹Եւ որդիք ռոբինի՝ անդրանկանն ի(սրաէ)լի. վ(ա)ս(ն) զի նա́ էր անդրանիկ. եւ յելանելն ն(ո)ր(ա) յանկողինս հօր իւրոյ՝ ետ զօրհնու(թ)ի(ւն) ն(ո)ր(ա) որդւոյ իւրում յովսեփայ՝ որդւոյ ի(սրաէ)լի. եւ ո́չ համարեցաւ յազգ յանդրանկութե(ա)ն իւրում։
²վ(ա)ս(ն) զի յուդաս զօրաւո́ր էր ուժով յեղբարսն իւրում. եւ էր իշխա́ն ն(ո)ց(ա). եւ եղեւ օրհնու(թ)ի(ւն)ն յովսեփայ։
³Եւ որդիք ռուբենի անդրանկանն ի(սրաէ)լի՝ ենոք, եւ փաղղուս, եսրովմ, եւ քարմի։
⁴Որդւոյ յովելայ, սեմէի, եւ բեբենա որդի ն(ո)ր(ա). եւ որդիք գովգայ։
⁵որդիք սեմէի. որդի ն(ո)ր(ա) բաաղ.
⁶որդի ն(ո)ր(ա) բեէղա, զոր գերեաց թագղաթփաղսար արքայ ասորեստանի. նա́ էր իշխան ռուբինի։

⁷եւ եղբարք ն(ո)ր(ա) ՛ի տոհմին իւրեանց, եւ ՛ի վիճակին իւրեանց, յազգին իւրեանց. իշխան յովէլ՝ եւ զաքարիա։
⁸Եւ իբաղէի որդի ոզուղայ, որդի ամայ, որդի յովէլի. նա բնակեաց յարոեր, եւ ՛ի նաբաւ, եւ ՛ի բելմաոն։
⁹եւ յարեւելս բնակեաց, մինչեւ ՛ի գա́լ յանապատն ՛ի գետոյն եփրատայ. վ(ա)ս(ն) զի անասուն բազում էր ն(ո)ց(ա) ՛ի գաղաադ։
¹⁰Եւ յաւուրսն սաւուղայ արարին պատերազմ ընդ բնակիչսն. եւ անկան ՛ի ձեռս ն(ո)ց(ա) բնակեալքն ՛ի խորանսն մինչեւ յա(մենայ)ն յարեւելից գաղաադու։
¹¹Որդիք գադայ յանդիման նոցա բնակեցին ՛ի բասան մինչեւ ՛ի մեղքէ։
¹²յովէլ անդրանիկն, եւ սափա երկրորդն. եւ անայի որ էր դպիր ՛ի բասան։

¹³եւ եղբարք ն(ո)ց(ա) բնակեցան ՛ի տունս տոհմիցն իւրեանց։ Միքայէլ, եւ մոսողաամ, եւ սովբայէ, եւ յովրէ, եւ յաքան, եւ ազիա, եւ ովբէդ։
¹⁴Եւթն սոքա որդիք աբիքայիայ։ Որդիք ուբիայ, որդւոյ ադայի, որդւոյ գաղաադու, որդւոյ միքայելի, որդւոյ յեսսայ, որդւոյ յեգգադեայ, որդւոյ աքիբուղայ,
¹⁵որդւոյ աբդիելի, որդւոյ գունեայ. իշխան տան տոհմից
¹⁶բնակչաց ՛ի գաղաադ. ՛ի բասան՝ եւ յաւանս ն(ո)ց(ա), եւ յա(մենայ)ն շուրջ գաւառսն սարովնայ մինչեւ յելս ամենեցուն
¹⁷համարոցն ն(ո)ց(ա). յաւուրս յովաթամայ արքայի յուդայ, եւ յաւուրս յերոբովամայ արքայի ի(սրաէ)լի։

¹⁸Որդիք ռուբինի, եւ գադայ, եւ կիսոյ ցեղին մանասէի՝ յորդւոցն զօրութե(ան), ա́րք որ առնուին վահանս եւ սուսերս, եւ լարէին աղեղունս, եւ ուսեալ էին պատերազմ, քառասուն եւ չորք հազարք՝ եւ եւթն հարիւր եւ վաթսուն. որք ելանէին ՛ի մարտ,
¹⁹եւ առնէին պատերազմ ընդ ագարացիսն, եւ ընդ տուրեցիսն, եւ ընդ նափեսացիսն, եւ ընդ նաբեդոնացիսն, եւ ընդ նաբիմացիսն։
²⁰եւ զօրացան ՛ի վ(ե)ր(այ) ն(ո)ց(ա), եւ տուան ՛ի ձեռս նոցա ագարացիքն, եւ ա(մենայ)ն խորանք ն(ո)ց(ա). վ(ա)ս(ն) զի առ ա(ստուա)ծ գոչեցին ՛ի պատերազմին՝ եւ լուաւ ն(ո)ց(ա), զի յուսացան ՛ի նա։

²¹Եւ գերեցին զպատրաստութի(ւն) ն(ո)ց(ա). ուղտս հինգ հազար, եւ յոչխարաց երկերիւր եւ յիսուն հազար, էշս երկուս հազարս, եւ ոգիս արանց հարիւր հազար։
²²վ(ա)ս(ն) զի վիարաւորք բազումք անկան, զի ՛ի տ(թեն)է եղեւ պատերազմն. եւ բնակեցին փոխանակ ն(ո)ց(ա) մինչեւ ՛ի գերութի(ւն)ն իւրեանց։
²³Եւ կէս ցեղին մանասէի բնակեաց յերկրին բասանայ մինչեւ ՛ի բաաղերմոն, եւ սանիր, եւ ՛ի լեառնն հերմոնի, եւ ՛ի լիբանան. ինքեա́նք բազմացան։
²⁴Եւ այսոքիկ են իշխանք տանց տոհմից ն(ո)ց(ա). ովփեր, եւ յեսսի, եւ եզիէլ, եւ յերեմիա, եւ յովդիա, եւ իդիէլ, որք զօրաւորք ուժով. ա́րք անուանիք իշխանք տանց տոհմիցն իւրեանց։

²⁵Եւ ուխտազանց եղեն յա(ստուծո)յ հարցն իւրեանց, եւ պոռնկեցան զհետ աստուածոց օտարաց երկրին՝ զորս եբարձ ա(ստուա)ծ յերեսաց ն(ո)ց(ա)։
²⁶Եւ յարոյց ա(ստուա)ծ ի(սրաէ)լի՝ զհոգին փոնովքայ արքային ասորեստանեայց, եւ զհոգի թագլաթփաղնասարայ արքային սուբայ, եւ գերեաց զհռոբէն, եւ զգադդի, եւ զկէս ցեղին մանասէի, եւ տարաւ զնոսա ՛ի քաղա եւ ՛ի քաբովր, առ գետեզերբն գովզանայ, մինչեւ յօրս յայս։

¹Որդիք ղեւեայ, գեթսոն, կահաթ, եւ մերարի։
²Որդիք կահաթու, ամրամ, եւ սահառ. քեբրոն, եւ ոզիէլ։
³եւ որդիք ամրամայ, ահարոն եւ մովսէս, եւ մարիամ։ եւ որդիք ահարոնի՝ նաբադ, եւ աբիուդ. եղիազար, եւ իթամար։
⁴Եւ եղիազար ծնաւ զփենեէս. փենեէս ծնաւ զաբեսսու.
⁵աբեսսու ծնաւ զբորքի. բորքի ծնաւ զոզիա.
⁶ոզիայ ծնաւ զարէաս. արեաս ծնաւ զմարէովթ.
⁷մարէովթ ծնաւ զամարիաս. ամարիաս ծնաւ զաքիտովբ.
⁸աքիտովբ ծնաւ զսադովկ. սադովկ ծնաւ զաքիմաաս։
⁹աքիմաաս ծնաւ զազարիաս. ազարիաս ծնաւ զյովնաս։

¹⁰յովնաս ծնաւ զազարիաս. սա՝ էր քահանայ ՛ի տանն ա(ստուծո)յ, զոր շինեաց սողոմոն յե(րուսաղէ)մ։
¹¹Եւ ծնաւ ազարիա զամարիաս. ամարիաս ծնաւ զաքիտովբ։
¹²աքիտովբ ծնաւ զսադովկ. սադովկ ծնաւ զսելլում։
¹³սելլում ծնաւ զքեղկիաս. քեղկիաս ծնաւ զազարիաս։
¹⁴ազարիաս ծնաւ զսարեաս. սարեաս ծնաւ զյովսեդեկ։
¹⁵եւ յովսեդեկ գնաց ՛ի գերութե(ա)ն ը(ստ) յուդայի եւ ե(րուսաղէ)մի ՛ի ձեռն նաբուքոդոնոսորայ։
¹⁶Որդիք ղեւեայ՝ գեթսոն, կահաթ, եւ մէրարի։
¹⁷եւ այսոքիկ անուանք որդւոցն գեթսոնի՝ զոբենի, եւ սիմէի։
¹⁸Եւ որդիք կահաթու, ամրամ, եւ սահառ. քեբրոն, եւ ոզիէլ։

¹⁹Որդիք մերարեայ, մոոզի, եւ մուսի։ եւ այսոքիկ տո́հմք ղեւեայ ըս(տ) ազգին իւրեանց.
²⁰գեթսոնի, եւ ղուբենայ որդւոյն իւրոյ. յեթթի որդի ն(ո)ր(ա).
²¹յովաք որդի ն(ո)ր(ա). աբդիու որդի ն(ո)ր(ա). ղասա որդի ն(ո)ր(ա). յաթրի որդի ն(ո)ր(ա)։
²²Որդիք կահաթու. սահառ որդի ն(ո)ր(ա). կորխ որդի ն(ո)ր(ա). ասիր որդի ն(ո)ր(ա).
²³եղկանա որդի ն(ո)ր(ա). աբիսափ որդի ն(ո)ր(ա). ասիր որդի ն(ո)ր(ա). ոզիաս որդի ն(ո)ր(ա).
²⁴աթ որդի ն(ո)ր(ա). ուրիէլ որդի ն(ո)ր(ա). սաւուղ որդի ն(ո)ր(ա)։
²⁵Եւ որդիք եղկանայ, ամաս, աքովթ։
²⁶եղկանա որդի ն(ո)ր(ա). սուփի որդի ն(ո)ր(ա). կանաթ որդի ն(ո)ր(ա).

²⁷եղիաթ որդի ն(ո)ր(ա). յերոամ որդի ն(ո)ր(ա). եղկանա որդի ն(ո)ր(ա)։
²⁸Որդիք սամուելի. անդրանիկ ն(ո)ր(ա) յովէլ, եւ երկրորդն աբիա։
²⁹Որդիք մերարեայ, մոսողի, նաբաբ. ղոբենի որդի ն(ո)ր(ա). սեմէի որդի ն(ո)ր(ա). ոզա որդի ն(ո)ր(ա).
³⁰սամաա որդի ն(ո)ր(ա). անգիա որդի ն(ո)ր(ա). ասիա որդի ն(ո)ր(ա)։
³¹Եւ սոքա են զորս կացոյց դաւիթ ՛ի վ(ե)ր(այ) երգեցողացն՝ ՛ի տան տ(եառ)ն, ՛ի դադարեցուցանել զտապանակն։
³²եւ էին պաշտօնեայք առաջի խորանին տանն վկայութե(ան) նուագարանօք, մինչեւ շինեաց սողոմոն զտունն տ(եառ)ն յե(րուսաղէ)մ. եւ կացին ՛ի կարգին իւրեանց ՛ի պաշտամանն իւրեանց։

³³Եւ սոքա́ են որ կացին՝ եւ որդիք իւրեանց. էման՝ թոռն սամուելի, ՛ի կորխայ կահաթացի։ Յորդւոցն կահաթու. էման սաղմոսանուագ. որդի յովելի, որդւոյ սամուելի։
³⁴որդւոյ եղկանայի. որդւոյ յերեմիելի. որդւոյ ելիեղի. որդւոյ թովկեայ.
³⁵որդւոյ սուփիայ. որդւոյ եղկանայ. որդւոյ մաաթայ. որդւոյ ամասեայ։
³⁶որդւոյ եղկանայ. որդւոյ յովելի. որդւոյ ազարիայ. որդւոյ սափանայ։
³⁷որդւոյ թաաթայ. որդւոյ ասիրայ. որդւոյ բիասափայ. որդւոյ կորխայ։
³⁸որդւոյ յեսարայ որդւոյ կահաթու. որդւոյ ղեւեայ. որդւոյ ի(սրաէ)լի։
³⁹Եւ եղբայր ն(ո)ր(ա) ասա́փ, որ կայր ը(ստ) աջմէ ն(ո)ր(ա). Ասափ որդի բարաքեայ. որդւոյ սամաայ.
⁴⁰որդւոյ միքայելի. որդւոյ բաասիայ. որդւոյ մեքիայ.

⁴¹որդւոյ աթանիայ. որդւոյ ազարիայ. որդւոյ յադիայ։
⁴²որդւոյ ուրայ. որդւոյ զամմայ. որդւոյ սեմեայ։
⁴³որդւոյ յիթեայ. որդւոյ գեթսոնի. որդւոյ ղեւեայ։
⁴⁴Եւ որդիք մերարեայ եղբարք ն(ո)ց(ա) ՛ի ձախմէ. Էթան որդի կիսանայ. որդւոյ աբդիայ. որդւոյ մաղովտայ·
⁴⁵որդւոյ ասեբիայ. որդւոյ ամեսսիայ. որդւոյ քեղկիայ։
⁴⁶որդւոյ ամասիայ. որդւոյ բաանայ. որդւոյ սեմերայ։
⁴⁷որդւոյ ամսողայ. որդւոյ մուսեայ. որդւոյ մերարեայ. որդւոյ ղեւեայ։
⁴⁸Եւ եղբարք ն(ո)ց(ա) ըստ տանց տոհմից իւրեանց, ղեւտացիք. տուեալք յա(մենայ)ն ՛ի գործ պաշտաման խորանին տանն ա(ստուծո)յ։

⁴⁹Եւ ահարոն եւ որդիք ն(ո)ր(ա) ծխէին խունկս ՛ի վ(ե)ր(այ) սեղանոյ ողջակիզաց, եւ ՛ի վ(ե)ր(այ) սեղանոյն խնկոցն, յա(մենայ)ն ՛ի գործ սրբութե(ան) սրբութե(ան)ցն. քաւե́լ վ(ա)ս(ն) ի(սրաէ)լի ըս(տ) ա(մենայ)նի զոր պատուիրեաց մովսէս ծառայ ա(ստուծո)յ։
⁵⁰Եւ սոքա́ են որդիք ահարոնի. եղիազար որդի ն(ո)ր(ա). փենէէս որդի ն(ո)ր(ա). աբիսու որդի ն(ո)ր(ա).
⁵¹բովկա որդի ն(ո)ր(ա). ոզիա որդի ն(ո)ր(ա). զարա որդի ն(ո)ր(ա).
⁵²մերաովթ որդի ն(ո)ր(ա). ամարիաթ որդի ն(ո)ր(ա). աքիտովբ որդի ն(ո)ր(ա).
⁵³սադովկ որդի ն(ո)ր(ա). աքիմաս որդի ն(ո)ր(ա)։
⁵⁴Եւ այսոքիկ են բնակութի(ւն)ք ն(ո)ց(ա) ՛ի գեղս իւրեանց, ՛ի սահմանս իւրեանց՝ որդւոցն ահարոնի՝ ՛ի տոհմին կահաթու. վ(ա)ս(ն) զի նա́ եղեւ խիստ իշխան։

⁵⁵Ետուն նոցա զքեբրոն յերկրին յուդայ. եւ զզատուցեալսն ն(ո)ր(ա) շուրջ զնովաւ։
⁵⁶եւ զդաշտն քաղաքին, եւ զգեղսն ն(ո)ր(ա) ետուն քաղեբայ որդւոյ յեփոնեայ։
⁵⁷Եւ որդւոցն ահարոնի ետուն զքաղաքս ապաւինութե(ան)ցն. զքեբրոն, եւ զղոբնա, եւ շուրջ զզատուցեալսն ն(ո)ց(ա), եւ զեղոն՝ եւ զզատուցեալսն ն(ո)ր(ա)։ եւ զեսթամով՝ եւ զզատուցեալսն ն(ո)ր(ա)։
⁵⁸եւ զյեսթեր՝ եւ զզատուցեալսն ն(ո)ր(ա)։ եւ զդաբիր՝ եւ զզատուցեալս ն(ո)ր(ա)։
⁵⁹եւ զասան՝ եւ զզատուցեալս ն(ո)ր(ա)։ եւ զբեթսամիւս՝ եւ զզատուցեալս ն(ո)ր(ա)։ եւ զբեթեր՝ եւ զզատուցեալս ն(ո)ր(ա)։

⁶⁰Եւ ՛ի ցեղէն բենիամինի, զգաբեէ՝ եւ զզատուցեալս ն(ո)ր(ա)։ եւ զգալեմէթ՝ եւ զզատուցեալս ն(ո)ր(ա)։ եւ զղաբեէ՝ եւ զզատուցեալս ն(ո)ր(ա). զանաթովթ՝ եւ զզատուցեալս ն(ո)ր(ա)։ զանքովս՝ եւ զզատուցեալս ն(ո)ր(ա)։ ա(մենայ)ն քաղաքք չորեքտասան. քաղաքք տոհմից իւրեանց։
⁶¹Եւ որդւոցն կահաթու մնացելոց ըս(տ) տոհմից իւրեանց. ՛ի ցեղէ կիսոյ ցեղին մանասէի՝ վիճակօք՝ քաղաք տասն։
⁶²Եւ որդւոցն գեթսոնի ըստ տոհմից իւրեանց. ՛ի ցեղէն իսաքարայ, եւ ՛ի ցեղէն ասերայ, եւ ՛ի ցեղէն նեփթաղիմայ, եւ ՛ի ցեղէն մանասէի՝ ՛ի բասան քաղաքս չորեքտասան։
⁶³Եւ որդւոցն մերարեայ ըստ տոհմից իւրեանց. ՛ի ցեղէն ռուբինի, եւ ՛ի ցեղէն դադայ, եւ ՛ի ցեղէն զաբուղոնի, վիճակաւ քաղաքս երկոտասան։

⁶⁴Եւ ետուն որդիքն ի(սրաէ)լի ղեւտացւոցն զքաղաքսն, եւ շուրջ զզատուցեալսն ն(ո)ց(ա)։
⁶⁵եւ ետուն վիճակաւ ՛ի ցեղէ որդւոցն յուդայ, եւ ՛ի ցեղէ որդւոցն շմաւոնի, եւ ՛ի ցեղէ որդւոցն բենիամինի. զքաղաքսն զայնոսիկ զորս կոչեցին յանուանէ։
⁶⁶Եւ ՛ի ցեղէ որդւոցն կահաթու եղեն քաղաքք սահմանաց իւրեանց ՛ի ցեղէն եփրեմի.
⁶⁷եւ ետուն ն(ո)ց(ա) զքաղաքսն ապաւինի. Զսիւքեմ, եւ շուրջ զզատուցեալսն ն(ո)ր(ա) ՛ի լերինն եփրեմի. եւ զգազեր՝ եւ զզատուցեալսն ն(ո)ր(ա).
⁶⁸եւ զյեկնամ՝ եւ զզատուցեալսն ն(ո)ր(ա), եւ զբեթորոն՝ եւ զզատուցեալսն ն(ո)ր(ա).

⁶⁹եւ զելովթ՝ եւ զզատուցեալսն ն(ո)ր(ա)։ եւ զգեթրոմոն՝ եւ զզատուցեալսն ն(ո)ր(ա)։
⁷⁰Եւ ՛ի կիսոյ ցեղէն մանասէի. զեներ՝ եւ զզատուցեալսն ն(ո)ր(ա), եւ զիբղաամա՝ եւ զզատուցեալսն ն(ո)ր(ա)։ ըստ տոհմից որդւոցն կահաթու մնացորդաց։
⁷¹Որդւոցն գեթսոնի ըստ տոհմից իւրեանց ՛ի կիսոյ ցեղէն մանասէի. զգողաւն՝ ՛ի բասան՝ եւ շուրջ զզատուցեալսն ն(ո)ր(ա). զհռոմովթ եւ զզատուցեալսն ն(ո)ր(ա)։
⁷²Եւ ՛ի ցեղէն իսաքարայ, զկեդէս՝ եւ զզատուցեալսն նորա. զկադիր՝ եւ զզատուցեալսն ն(ո)ր(ա).
⁷³զամովս՝ եւ զզատուցեալսն ն(ո)ր(ա). զանամ՝ եւ զզատուցեալսն ն(ո)ր(ա)։
⁷⁴Եւ ՛ի ցեղէն ասերայ. զմասաղ՝ եւ զզատուցեալսն ն(ո)ր(ա)։ զաւդոն՝ եւ զզատուցեալսն ն(ո)ր(ա)։

⁷⁵զյակակ՝ եւ զզատուցեալսն ն(ո)ր(ա)։ զհռովթ՝ եւ զզատուցեալսն ն(ո)ր(ա)։
⁷⁶Եւ ՛ի ցեղէն նեփթաղիմայ, զկեդէս ՛ի գալիլեա՝ եւ զզատուցեալսն ն(ո)ր(ա). զքամով՝ եւ զզատուցեալսն ն(ո)ր(ա)։ զկարիաթարիմ՝ եւ զզատուցեալսն ն(ո)ր(ա)։
⁷⁷Եւ որդւոցն մերարեայ մնացորդաց, ՛ի ցեղէն զաբուղոնի. զյեկոման՝ եւ զզատուցեալսն ն(ո)ր(ա). զկադէս՝ եւ զզատուցեալսն ն(ո)ր(ա)։ զհռեմոն՝ եւ զզատուցեալսն ն(ո)ր(ա)· զբաթովր եւ զզատուցեալսն ն(ո)ր(ա)·
⁷⁸եւ յեզերն յորդանանու երիքովի, յարեւմտից յորդանանու։ ՛Ի ցեղէն ռուբինի, զբոսոր յանապատին՝ եւ զզատուցեալսն ն(ո)ր(ա)· եւ զյասա՝ եւ զզատուցեալսն նորա։

⁷⁹եւ զկադեթովթ՝ եւ զզատուցեալսն ն(ո)ր(ա). եւ զմոփասաթ՝ եւ զզատուցեալսն ն(ո)ր(ա)։
⁸⁰Եւ ՛ի ցեղէն գադայ, զռամովթ ՛ի գաղաադ՝ եւ զզատուցեալսն ն(ո)ր(ա). եւ զմանայեմ՝ եւ զզատուցեալսն նորա.
⁸¹եւ զյեսեբոն՝ եւ զզատուցեալսն ն(ո)ր(ա). եւ զյազեր՝ եւ զզատուցեալսն նորա։

¹Եւ սոքա́ են որդիք իսաքարայ՝ թովղայ, եւ փուա, եւ յասուբ, եւ սամրամ, չորք։
²Եւ որդիք թովղայ՝ ոզի, եւ հռափայիաս, եւ յերիէլ, եւ յեմու, եւ յեբամ, եւ սամուէլ. իշխանք ըս(տ) տանց տոհմից իւրեանց. եւ թուղ, եւ անան, զօրաւորք ուժով ըս(տ) ազգին իւրեանց։ եւ գունդք ն(ո)ց(ա) յաւուրս դաւթայ. քսան եւ երկու հազարք, եւ վեց հարիւր։
³Եւ որդիք ոզիայ՝ յեզեբիաս։ եւ որդիք յեզեբիայ, միքայէլ, եւ աբդիաս, եւ յովէլ, եւ յիսիաս. իշխանք ամենեքեան։
⁴եւ ընդ ն(ո)ս(ա) ըստ ազգին իւրեանց, ըստ տանց տոհմից իւրեանց, զօրաւորք կարգեալք ՛ի պատերազմ, երեսուն եւ վեցհազար. վ(ա)ս(ն) զի բազմացուցին կանայս եւ որդիս։

⁵եւ եղբարք ն(ո)ց(ա) յա(մենայ)ն տոհմսն իսաքարայ զօրաւորք ուժով, ութսունեւ եւթն հազար՝ թիւ ն(ո)ց(ա) ամենեցուն։
⁶Որդիք բենիամինի՝ բաղեէ, եւ բոքոր, եւ ադիէլ, երեք։
⁷Սոքա́ են որդիք բաղեայ. ասեբոն, եւ ոզի, եւ ոզիէլ, եւ երեմովթ, եւ ուրի, հինգ։ իշխանք տանց տոհմից իւրեանց զօրաւորք ուժով. եւ թիւ նոցա քսան եւ երկու հազարք, եւ երեսուն եւ չորք։
⁸Որդիք բոքորեայ՝ զամարիաս, եւ յովաս, եւ եղիեզեր, եւ եղիողէ, եւ նաւ, եւ ամարիա, եւ երոմովթ, եւ աբիու, եւ անաթովթ, եւ եղմեթեմ, ամենեքեան սոքա որդիք բոքորեայ.
⁹իշխանք տանց տոհմիցն իւրեանց ըստ ազգին իւրեանց զօրաւորք ուժով, եւ թիւ ն(ո)ց(ա) քսանհազար եւ երկերիւր։

¹⁰Եւ որդիք աբդիելի, բաղաան. եւ որդիք բաղաանու, յեովս, եւ բենիամին, եւ աւովդ, եւ քանաան, եւ եդան, եւ թարսիս, եւ աքիսաար։
¹¹ամենեքեան սոքա որդիք աբդիելի իշխանք տոհմիցն իւրեանց զօրաւորք ուժով, եւ եւթնուտասն հազար եւ երկերիւր, որք ելանէին զօրութ(եամ)բ պատերազմել։
¹²եւ սափիմ, եւ ափիմ եւ որդիք սովրայայ՝ սոբու. եւ որդի ն(ո)ր(ա) յաթեր։
¹³Որդիք նեփթաղիմայ՝ յասիէլ, եւ գովնի, եւ սահառ, եւ սեղղում. որդիք բաղղայ։
¹⁴Որդիք մանասէի՝ երիէլ՝ զոր ծնաւ նմա հարճն ասորի. եւ ծնաւ զմաքիր զհայրն գաղաադու։

¹⁵եւ մաքիր ա́ռ կին յափինա, եւ սեփոնա. անուն քեռ ն(ո)ր(ա) մոոքա, եւ անուն երկրորդին սափադ. եւ ծնաւ սափադայ դստերք։
¹⁶Եւ ծնաւ մոոքա կինն մաքիրայ որդի, եւ կոչեաց զանուն ն(ո)ր(ա) փարէս, եւ անուն եղբօր ն(ո)ր(ա) սորոմ. եւ որդւոյ ն(ո)ր(ա) ուղամա.
¹⁷որդի ուղամայ՝ բադիմ։ Սոքա́ են որդիք գաղաադայ. որդիք մաքիրայ որդւոյ մանասէի։
¹⁸եւ քոյր ն(ո)ր(ա) մաղէքէթ ծնաւ զէսուդ, եւ զաբիեզեր, եւ զմոողա։
¹⁹եւ էին որդիք սէմիրայ՝ ային, եւ սիւքեմ, եւ ղակեիա, եւ անիամ։
²⁰Եւ որդիք եփրեմի մեսթաղա, եւ բարագ որդի ն(ո)ր(ա), եւ թաաթ որդի ն(ո)ր(ա), եւ եղիադ որդի ն(ո)ր(ա), նոմեէ որդի ն(ո)ր(ա), զարեդ որդի ն(ո)ր(ա),

²¹սովթել որդի ն(ո)ր(ա), եղեր որդի ն(ո)ր(ա), եղեադ որդի ն(ո)ր(ա). եւ սպանին զն(ո)ս(ա) արք գեթացիք ծնեալք յերկրին, վ(ա)ս(ն) զի իջին առնուլ զանասուն ն(ո)ց(ա)։
²²եւ սո́ւգ առ եփրեմ հայրն ն(ո)ց(ա) յաւուրս բազումս. եւ եկին եղբարք ն(ո)ր(ա) մխիթարել զնա։
²³եւ եմուտ առ կինն իւր՝ յղացաւ եւ ծնաւ որդի. եւ կոչեաց զանուն ն(ո)ր(ա) բարիա, վ(ա)ս(ն) զի ՛ի չար ժամանակի ծնաւ ասէ՝ ՛ի տան իմում։
²⁴եւ դուստր ն(ո)ր(ա) սառա. եւ մնացորդօքն այնոքիւք շինեաց զբեթորոն ներքին եւ զվերին։ Եւ որդիք ազանայ՝ սէէրա,
²⁵եւ հռափայէ որդի ն(ո)ր(ա), եւ հռասէթ, եւ թաղէ որդի ն(ո)ր(ա), զոոդա որդի ն(ո)ր(ա), եւ թաան որդի ն(ո)ր(ա)։

²⁶եւ ամիուդ որդի ն(ո)ր(ա), եղիսամա որդի ն(ո)ր(ա),
²⁷նուն որդի ն(ո)ր(ա). Յեսո́ւ որդի ն(ո)ր(ա)։
²⁸Եւ կալուածք ն(ո)ց(ա) եւ բնակութի(ւն) իւրեանց յեթէղ, եւ գեօղք նորին յարեւելս. գազեր՝ եւ գեօղք նորին, եւ սիւքեմ՝ եւ գեօղք նորին մինչեւ ՛ի գազա եւ ՛ի գեօղսն ն(ո)ր(ա)։
²⁹եւ մինչեւ ՛ի սահմանս որդւոցն մանասէի. բեթսան՝ եւ գեօղք ն(ո)ր(ա). թանաք՝ եւ գեօղք ն(ո)ր(ա). գաղաադ՝ եւ գեւօղք ն(ո)ր(ա). մակեդդով՝ եւ գեօղք ն(ո)ր(ա). դովր՝ եւ գեօղք ն(ո)ր(ա)։ ՛Ի ն(ո)ս(ա) բնակեցան որդիքն յովսեփու՝ որդւոյ ի(սրաէ)լի։
³⁰Որդիք ասերայ՝ յեսնա, եւ յասուր, եւ յեսովա, եւ յեսու, եւ աբարիա, եւ սարա քոյր ն(ո)ց(ա)։

³¹եւ որդիք բարեայ՝ քեբեր, եւ մեղքիէղ. նա́ ինքն է հայր զեբեթայ։
³²եւ քաբեր ծնաւ զյափաղէտ, եւ զսովմեր, եւ զքովթաս. եւ զսովղամ զքոյրն ն(ո)ց(ա)։
³³Եւ որդիք յափեղատայ, թեսեքի, բանայէլ. եւ ասիթ. սոքա́ են որդիք յափեղատայ։
³⁴եւ որդիք սովմերայ՝ աքիու, հռաադա, եւ ոգա, եւ արամ։
³⁵եւ որդիք եղամայ եղբօրն սոփարայ՝ յամանա, եւ սեղէս, եւ ամաաղ։
³⁶Որդիք սովփարայ՝ առնափար, եւ սոտաղ, եւ բարի, եւ յեմնա,
³⁷եւ բասար, եւ ովդ, եւ սեմա, եւ սաղիա, եւ յեթեր, եւ բեէրա։
³⁸եւ որդիք յեթերայ, յափինա, եւ փասփա, եւ արա։
³⁹եւ որդիք ովղայ, որէք, եւ անիէլ, եւ հռայիէլ։

⁴⁰Ամենեքեան սոքա որդիք ասերայ, ամենեքեան իշխանք եւ պետք տոհմիցն, ընտիրք զօրաւորք ուժով, իշխանք եւ առաջնորդք. եւ թիւ նոցա ՛ի մարտ պատերազմի արք քսան եւ վեց հազարք։

¹Եւ բենիամին ծնաւ զբաղէ զանդրանիկ իւր, եւ զազբէղ զերկրորդն, եւ զարա երրորդ.
²եւ զնովա չորրորդ, եւ զհռափա հինգերորդ։
³Եւ էին որդիք բարեգայ, արեգ, եւ գերա, եւ աբիուդ,
⁴եւ աբիսուէ, եւ մաաման, եւ գերան,
⁵եւ սովփան եւ աքիրան, եւ սովիմ։
⁶Սոքա́ են որդիք ովդայ. եւ սոքա իշխանք տոհմիցն, բնակէին ՛ի գաբէս, եւ գերեցին զնոսա ՛ի մանաքաթի։
⁷Եւ նոոմա, եւ աքիա, եւ գերա, նա́ ինքն է էգլամ. եւ ծնաւ զազար, եւ զաքիադ։
⁸եւ գաարիմ ծնաւ զմովամ, յետ արձակելոյն զնա. եւ ովսիմ, եւ բաարա։
⁹եւ ադա կին ն(ո)ր(ա) ծնաւ նմա զյովբաբ, եւ զսաբիա, եւ զմովսա. եւ զմեղքամ,

¹⁰եւ զյեուս, եւ զսեբիա, եւ զմարմա։ սոքա́ իշխանք տոհմիցն յովսիմայ։
¹¹Եւ ծնաւ մեովսիմ զաքիտովբ, եւ զաղփաղա։
¹²եւ որդիք աղփաղայ՝ ովէդ, եւ միսայէլ, սեմեր. նա́ շինեաց զնովնով, եւ զղովդ. եւ զգեօղս ն(ո)ր(ա).
¹³եւ զբարիգա, եւ զսամա։ սոքա́ են իշխանք տոհմից որ բնակէին յեղամ. եւ ս(ուրբ)ք հալածեցին զբնակիչսն գեթայ։
¹⁴Եւ եղբարք ն(ո)ց(ա)՝ մովսէք, եւ յարիմաթ,
¹⁵եւ աղաբադիա, եւ արովդ, եւ ոադեր,
¹⁶եւ միքայէլ, եւ յեսփաք, եւ յովաքա, եւ յեզիաս։ Որդիք բարիադայ,
¹⁷զաբդաիա, եւ մոքողամ, եւ ազակի, եւ աբար,
¹⁸եւ յեսամարի, եւ եսիեղա, եւ յաբաբ։ որդիք եղփաղայ,
¹⁹յակիմ, եւ զէքրի, եւ զաբդի։

²⁰եւ եղիովնէ, եւ սազթի, եւ ելիէլ,
²¹եւ աղաիա, եւ բերիգա, եւ բարեա, եւ սամարիամ։ Որդիք ամարեայ՝
²²յեսփան, եւ ովբեդ, եւ եղիէղ։
²³եւ աբդոն, եւ մեքրի, եւ անան,
²⁴եւ անանիա, եւ ամբրի, եւ աեղամ, եւ անաթովթիա,
²⁵եւ աթին, եւ յեփադիա, եւ փանուէլ։ Որդիք սովսեկայ՝
²⁶սամերիա, եւ սարայիա, եւ գոթողիաս,
²⁷եւ արասիաս, եւ հեղիաս, եւ զեքրի։ որդիք երոմեայ։
²⁸Սոքա իշխանք տոհմից ըս(տ) ազգ իւրեանց առաջնորդք. եւ սոքա բնակեցան յ(թ)ե(ան)մ։
²⁹եւ ՛ի գաբաւոն բնակեաց հայրն գաբաւոնի, եւ անուն կնոջ ն(ո)ր(ա) մաաքա։

³⁰Եւ որդիք ն(ո)ր(ա), անդրանիկ սաբդոն, եւ յեսուր, եւ կիս, եւ բաղաամ, եւ նէր, եւ նաբադ,
³¹եւ գեդուր. եւ եղբարք ն(ո)ր(ա)՝ զաքուր,
³²եւ մաղողովթ, որ ծնաւ զսամաա։ Եւ սոքա դէմ յանդիման եղբարց իւրեանց բնակեցան յե(րուսաղէ)մ ընդ եղբարսն իւրեանց։
³³Եւ նէր՝ ծնաւ զկիս, եւ կիս՝ ծնաւ զսաւուղ. եւ սաւուղ ծնաւ զյովնաթան, եւ զմեղքիասաւէ, եւ զամինադաբ, եւ զիսմայէլ։
³⁴Եւ յովնաթան ծնաւ զմեմփիբաաղ. եւ մեմփիբաաղ ծնաւ զմիքա։
³⁵եւ որդիք միքայի, փիդոն, եւ մաղովք, եւ թարէ, եւ քաազ։
³⁶Եւ քաազ ծնաւ զյովիդա. եւ յովիդա ծնաւ զգաղեմաթ, եւ զազովթ, եւ զզամարիա. եւ զամարիա ծնաւ զմեսսա։

³⁷եւ մեսսա ծնաւ զբանաա, եւ զհռափեա որդի ն(ո)ր(ա). եւ զեղէտս որդի ն(ո)ր(ա), եւ զեսէլ որդի ն(ո)ր(ա),
³⁸եւ զյովսէլ. վե́ց որդիք. եւ այսոքիկ անուանք ն(ո)ց(ա), եզրիկամ անդրանիկ ն(ո)ր(ա), եւ իսմայէլ, եւ սարաիաս, եւ աբդիաս, եւ անան. ամենեքեան սոքա որդիք եսեէլի։
³⁹Եւ որդիք եսեղկանայ եղբօր ն(ո)ր(ա). ուղամ անդրանիկ ն(ո)ր(ա), եւ աւաս երկրորդ, եւ եղիփաղէտ երրորդ։
⁴⁰Եւ էին որդիք եղկամայ զօրաւորք՝ արք ուժով, որ լարէին աղեղունս. եւ բազմացուցին որդիս, եւ զորդիս որդւոց. հարիւր եւ իննսուն. ամենեքեան սոքա յորդւոցն բենիամինի։

¹Եւ ա(մենայ)ն ի(սրա)էլ թուոյն իւրեանց գրեալք սոքա ՛ի գիրս թագաւորացն ի՝լի՝ եւ յուդայ, հանդերձ բնակելովքն ՛ի բաբելոն,վ(ա)ս(ն) մեղացն իւրեանց։
²Եւ որ բնակեալ էին յառաջին կալուածսն իւրեանց ՛ի քաղաքսն ի(սրաէ)լի, քահանայք եւ ղեւտացիք, որք տուեալ էին.
³յե(րուսաղէ)մ բնակեցան. յորդւոցն յուդայ, եւ յորդւոցն բենիամինի, եւ յորդւոցն եփրեմի եւ մանասէի։
⁴Եւ գովթի որդի ամիութայ, որդւոյ ամարիայ. որդւոյ փարեսի՝ որդւոյ յուդայ։
⁵՛ի սեղոմայ՝ անդրանիկ ն(ո)ր(ա) ասեա. եւ որդիքն ն(ո)ր(ա).
⁶Յորդւոցն զարայի, եւ յիէլ, եւ եղբարք ն(ո)ր(ա), վեց հարիւր եւ իննսուն։
⁷եւ յորդւոցն բենիամինի՝ սաղովմ որդի մոսոմայ, որդւոյ գովեայ. որդւոյ ասանուայ.

⁸եւ յեբնա որդի յերեմայ. եւ եղամ որդի ոզիայ, որդւոյ սոքորայ. եւ մասաղամ որդի սափատայ, որդւոյ ռագուելի. որդւոյ յաբենայ։
⁹եւ եղբարք ն(ո)ր(ա) ըստ ազգին իւրեանց. իննհարիւր յիսուն եւ վեց. ամենեքեան արք պետք տոհմին իւրեանց, ըստ տանց ազգին իւրեանց։
¹⁰Եւ ՛ի քահանայիցն՝ յովիդայէ, եւ յովաբիբ, եւ աքին,
¹¹եւ ազարիաս՝ որդի քեղկեայ, որդւոյ մոսողոմայ, որդւոյ սադովկայ, որդւոյ մարիովթայ, որդւոյ աքիտովբայ. առաջնորդ տանն ա(ստուծո)յ։
¹²եւ ոբդիաս՝ որդի յերեմեայ, որդւոյ փասուրայ, որդւոյ քեղկեայ։ եւ մասէ՝ որդի ադիէլի, որդւոյ եզրայ, որդւոյ մոսողոմայ։ եւ ղաամովթ՝ որդի ասերայ։

¹³եւ եղբարք ն(ո)ց(ա), իշխանք տանց տոհմից հազար եւ եւթնհարիւր եւ իննսուն. արք զօրաւորք ուժով ՛ի գործ պաշտաման տանն ա(ստուծո)յ։
¹⁴Եւ ՛ի յղեւտացւոցն՝ սամաա որդի ասովբայ, որդւոյ եզրիկամայ, որդւոյ ասաբիայ, որդւոյ որդւոյն մերարեայ։
¹⁵եւ բագբագ, եւ արէս, եւ գովղէղ, եւ մաթանիաս որդի միքայի, որդւոյ զեքրեայ, որդւոյ ասափայ։
¹⁶Ոբդիաս որդի սամեայ, որդւոյ գովղաղայ, որդւոյ իդիթովնայ։ եւ բարաքիաս որդի ասայի, որդւոյ եղկանայ. որ բնակէր ՛ի գեւղսն նետոփատայ։
¹⁷Եւ դռնապանք՝ սալլոմ, եւ ակուբ, եւ տէղման, եման, եւ եղբարք ն(ո)ց(ա). սալլում իշխան.

¹⁸մինչեւ ցա́յս վայր, ՛ի դրան թագաւորին յարեւելս։ այսոքիկ են դրունք բանակաց որդւոցն ղեւեայ։
¹⁹Եւ սաղովմ որդի կովրեայ, որդւոյ աբիսափայ, որդւոյ կորխայ. եւ եղբարք ն(ո)ր(ա) ՛ի տանէ հօրն իւրեանց, կորխացիքն ՛ի վ(ե)ր(այ) գործոց սպասուն. որք պահէին զպահպանութի(ւն)ս խորանին, ինքեա́նք եւ հարք իւրեանց ՛ի բանակին տ(եառ)ն, եւ պահէին զմուտն։
²⁰Եւ փենէէս որդի եղիազարու իշխան էր ՛ի վ(ե)ր(այ) ն(ո)ց(ա) առաջի տ(եառ)ն. եւ նոքա ընդ նմա։
²¹զաքարիաս որդի մոսողոմայ՝ դռնապան դրան խորանին վկայու(թ)ե(ան)։

²²ամենեքեան ընտիրք ՛ի դրունս. երկերիւր եւ երկոտասան։ սոքա էին ՛ի սրահսն ն(ո)ց(ա), եւ թիւն իւրեանց։ եւ զսոսա կացոյց դաւիթ՝ եւ սամուէլ տեսանօղն՝ հաւատարմութ(եամ)բն ն(ո)ց(ա)։
²³Սոքա եւ որդիքն ն(ո)ց(ա) ՛ի վերայ դրանց տանն տ(եառ)ն, եւ ՛ի տան խորանին որք պահէին
²⁴՛ի չորեսին կողմանս դրանն՝ յարեւելս, եւ ՛ի ծովակողմն, ՛ի հիւսւսի, եւ ՛ի հարաւ։
²⁵եւ եղբարք ն(ո)ց(ա) ՛ի սրահսն իւրեանց, ՛ի մտանելն յեւթն աւուրսն, ՛ի ժամանակաց ՛ի ժամանակս՝ հանդերձ նոքօք։
²⁶Վ(ա)ս(ն) զի հաւատարմութ(եամ)բ էին չորք զօրաւորք դրանցն, որ էին ղեւտացիք՝ ՛ի վ(ե)ր(այ) տանց շտեմարանացն՝ եւ գանձուց տանն ա(ստուծո)յ։

²⁷եւ բանակէին՝ վ(ա)ս(ն) զի ն(ո)ց(ա) էր պահպանութի(ւն)ն. եւ նոքա́ էին ՛ի վ(ե)ր(այ) բանալեացն. ընդ առաւօտս առաւօտս բանային զդրունս տաճարին։
²⁸Եւ ՛ի նոցանէ ՛ի վերայ սպասուց պաշտամանն. վ(ա)ս(ն) զի թուով բերէին զսպասն, եւ թուով տանէին։
²⁹եւ ՛ի նոցանէ կային ՛ի վ(ե)ր(այ) կահի սրբութե(ան)ցն, եւ նաշհւոյն, եւ գինւոյ, եւ իւղոյ, եւ կնդրկին, եւ այլոց խնկոցն։
³⁰Եւ յորդւոց քահանայիցն էին իւղեփեացք իւղոյն եւ խնկոցն՝
³¹մատաթիաս ՛ի ղեւտացւոցն, նա́ էր անդրանիկն սաղովմայ կորխացւոյ. հաւատարմու(թեամ)բ ՛ի վ(ե)ր(այ) գործոյ զոհիցն՝ եւ տապակի մեծի քահանային։
³²եւ բանէաս կահաթացի յեղբարցն իւրոց ՛ի վ(ե)ր(այ) հացին առաջադրութե(ան)՝ պատրաստել շաբաթէ ՛ի շաբաթ։

³³Եւ սոքա սաղմոսանուագք, իշխանք տոհմիցն ղեւտացւոց, կարգեալք ՛ի սպաս աւուրցն. վ(ա)ս(ն) զի ՛ի տուէ եւ ՛ի գիշերի էին ՛ի գործն։
³⁴Սոքա իշխանք տոհմիցն ղեւտացւոց, ըստ ազգին իւրեանց իշխանք. եւ սոքա բնակեցան յե(րուսաղէ)մ։
³⁵եւ ՛ի գաբաւոն։
³⁶եւ որդի ն(ո)ր(ա) անդրանիկ աբդոն, եւ յասիր, եւ կիս, եւ բաաղ, եւ ներ, եւ նաբադ,
³⁷եւ գեդուր։ եւ եղբարք զաքուրայ՝ այիոն, եւ զեքրի, եւ մակեղովթ։
³⁸եւ մակեղովթ ծնաւ զսամաա։ եւ սոքա ՛ի մէջ եղբարցն իւրեանց բնակեցին յե(րուսաղէ)մ ը(ստ) եղբարս իւրեանց։
³⁹Եւ նէր՝ ծնաւ զկիս. եւ կիս ծնաւ զսաւուղ. եւ սաւուղ ծնաւ զյովնաթան, եւ զմեղքիսաւէ, եւ զամինադաբ, եւ զբաաղ։

⁴⁰եւ որդի յովնաթանու մեմփիբաաղ ծնաւ զմիքա։
⁴¹Եւ որդիք միքայի՝ փիոն, եւ մաղովք, եւ թարա։
⁴²եւ բաաղ ծնաւ զյովաադա։ եւ յովադա ծնաւ զգաղէմովթ, եւ զազեմովթ. եւ զամրի ծնաւ զմասա։
⁴³եւ մասա ծնաւ զբանար։ ափա որդի նորա. եղէասար որդի նորա. եսսեղ որդի նորա։
⁴⁴Եւ եսսեղի որդիք վեց. եւ այսոքիկ անուանք նոցա, եզրիկամ անդրանիկ նորա, եւ իսմայէլ, եւ սարիա, եւ աբդիա, եւ ամարիա, եւ անան։ սոքա́ որդիք ասիելի։

¹Եւ այլազգիք պատերազմեցա́ն ը(ստ) ի(սրաէ)լի, եւ փախեան յերեսաց այլազգեացն. եւ անկան վիրաւորք ՛ի լերինս գեղբուայ։
²եւ պնդեցան այլազգիքն զհետ սաւուղայ, եւ զհետ որդւոցն նորա, եւ հարին այլազգիքն զյովնաթան, եւ զամինադաբ, եւ զմեղքիսաւէ զորդիսն սաւուղայ։
³Եւ ծանրացաւ պատերազմն ՛ի վերայ սաւուղայ, եւ գտին զնա աղեղնաւորք աղեղամբք եւ ցաւովք, եւ վտանգեցաւ յաղեղանցն։
⁴Եւ ասէ սաւուղ ցկապարճակիրն իւր. ձգեա́ զսուր քո եւ խոցեա́ զիս դովաւ, մի́ գուցէ եկեսցեն անթլփատքն այնոքիկ, եւ խաղասցեն ինեւ։ եւ ո́չ կամեցաւ կապարճակիրն նորա՝ վ(ա)ս(ն) զի երկեաւ յոյժ. եւ ա́ռ սաւուղ զսուրն, եւ անկաւ ՛ի վ(ե)ր(այ) ն(ո)ր(ա)։

⁵եւ ետես կապարճակիրն ն(ո)ր(ա) թէ մեռաւ սաւուղ, անկաւ եւ նա ՛ի վ(ե)ր(այ) սրոյն իւրոյ՝ եւ մեռաւ։
⁶Եւ մեռան սաւուղ, եւ երկոքին որդիքն իւր յաւուր յայնմիկ. եւ ա(մենայ)ն տուն ն(ո)ր(ա) միանգամայն մեռան։
⁷Եւ ետես ա(մենայ)ն այր ի(սրաէ)լի որք ՛ի հանգրուանսն էին, եթէ փախեաւ ի(սրա)էլ, եւ եթէ մեռան սաւուղ եւ որդիք ն(ո)ր(ա), թողին զքաղաքս իւրեանց եւ փոխեան. եւ եկին այլազգիքն եւ բանակեցան ՛ի ն(ո)ս(ա)։
⁸Եւ եղեւ ՛ի վաղիւն՝ եկին այլազգիքն կողոպտե́լ զվիրաւորսն, եւ գտին զսաւուղ եւ զորդիս ն(ո)ր(ա) անկեալս ՛ի լերինն գեղբուայ,

⁹մերկացուցին զնա. եւ առին զգլուխ ն(ո)ր(ա), եւ զզէն ն(ո)ր(ա), եւ առաքեցին յերկիր այլազգեաց, շուրջանակի աւետարանե́լ կռոցն իւրեանց՝ եւ ժողովրդեանն.
¹⁰եւ եդին զզէն ն(ո)ր(ա) ՛ի տան աստուծոյն իւրեանց. եւ զգլուխ ն(ո)ր(ա) եդին ՛ի տան դագոնայ։
¹¹Եւ լուան ամենեքեան որ բնակեալ էին ՛ի գաղաադ, զոր ինչ արարին այլազգիքն ընդ սաւուղ եւ ը(ստ) իսրայէլ.
¹²եւ յարեան ՛ի գաղաադէ ամենայն արք զօրաւորք, եւ առին զմարմինն սաւուղայ եւ զմարմինս որդւոց նորա, եւ բերին յաբիս՝ եւ թաղեցին զոսկերս ն(ո)ց(ա) ընդ կաղնեաւն յաբիս. եւ պահեցին աւուրս եւթն։

¹³Եւ մեռաւ սաւուղ յանօրէնութի(ւն)սն իւր, զորս անօրինեցաւ ՛ի տ(է)ր. ըստ բանին տ(եառ)ն զի ո́չ պահեաց. վ(ա)ս(ն) զի եհարց սաւուղ վհկաւն խնդրել. եւ պատասխանի արար նմա սամուէլ մարգարէ.
¹⁴եւ ո́չ խնդրեաց զտ(է)ր. եւ սպան զնա. եւ դարձոյց զթագաւորութի(ւն)ն դաւթի որդւոյ յեսսեայ։

¹Եւ եկն ա(մենայ)ն ի(սրա)էլ առ դաւիթ ՛ի քեբրոն, եւ ասեն. ահաւասիկ ոսկերք քո եւ մարմինք քո եմք։
²եւ յերէկն եւ յեռանտ՝ մինչ էր սաւուղ արքայ՝ դո́ւ էիր որ հանէիր եւ մուծանէիր զ(թ)ի(ւն)ել. եւ ասաց տ(է)ր ա(ստուա)ծ քո ցքեզ. դո́ւ հովուեսցես ժողովրդեան իմոյ ի(սրաէ)լի. եւ դո́ւ լիցես առաջնորդ ՛ի վերայ ի(սրաէ)լի։
³Եւ եկին ա(մենայ)ն ծերքն ի(սրաէ)լի առ արքայ ՛ի քեբրոն, եւ ե́դ արքայ դաւիթ ուխտ ը(ստ) նոսա ՛ի քեբրոն առաջի տ(եառ)ն. եւ օծին զդաւիթ թագաւոր ՛ի վ(ե)ր(այ) ի(սրաէ)լի, ըս(տ) բանին տ(եառ)ն զոր խօսեցաւ ՛ի ձեռն սամուելի։
⁴Եւ գնա́ց արքայ եւ արք ն(ո)ր(ա) յ(թ)ե(ան)մ, որ է յեբուս, եւ ա́նդ յեբուսացիքն բնակէին յերկրին։

⁵եւ ասեն բնակիչքն յեբուսայ ցդաւիթ. ո́չ մտցես դու այսր։ Եւ ա́ռ զամրոցն սիոնի, ա́յն է քաղաք դաւթի։
⁶եւ ասէ դաւիթ. ա(մենայ)ն որ հարցէ զյեբուսացին յառաջագոյն, եղիցի իշխա́ն եւ զօրավար։ Եւ ել յառաջ ՛ի վ(ե)ր(այ) ն(ո)ր(ա) յովաբ որդի սարուեայ, եւ եղեւ իշխան։
⁷եւ նստաւ դաւիթ յամրոցին. վ(ա)ս(ն) այնորիկ կոչեաց զնա քաղա́ք դաւթի.
⁸եւ շինեաց զքաղաքն շուրջանակի. եւ պատերազմեցաւ եւ ա́ռ զքաղաքն։
⁹Եւ երթայր դաւիթ երթալով՝ եւ մեծանայր. եւ տ(է)ր ամենակալ է́ր ը(ստ) նմա։

¹⁰Եւ սոքա́ իշխանք էին զօրացն դաւթի, որք զօրանային ընդ նմա ՛ի թագաւորութե(ան) ն(ո)ր(ա), եւ ընդ ա(մենայ)ն ի(սրաէ)լի, որք թագաւորեցուցանէին զնա ըստ բանին տ(եառ)ն ՛ի վ(ե)ր(այ) ի(սրաէ)լի։
¹¹Եւ ա́յս թիւ զօրաւորացն դաւթի. Իզբաամ որդի աքամանի, առաջին յերիցն. նա́ ձգեաց զսուրն իւր միանգամայն ՛ի վերայ երեքհարիւր վիրաւորացն ՛ի միում ժամանակի։
¹²եւ յետ ն(ո)ր(ա) եղէազար որդի գովդայի աքուքացւոյ. նա́ յերիս զօրաւորսն
¹³էր ը(ստ) դաւթայ ՛ի փասասոդոմին։ Եւ այլազգիքն ժողովեցան անդր ՛ի պատերազմ. եւ էր մա́սն ինչ անդաստանին լի́ գարեաւ, եւ զօրն փախեաւ յերեսաց այլազգեացն։

¹⁴եւ եկաց ՛ի մէջ մասինն եւ պահեաց զնա. եւ հարին զայլազգիսն. եւ արար տ(է)ր փրկու(թ)ի(ւն) մեծ։
¹⁵եւ իջին երեք յերեսուն իշխանացն ՛ի վէմն առ դաւիթ յայրն ոդողոմայ։ Եւ բանակ այլազգեացն էր բանակեալ ՛ի հովտին սկայից։
¹⁶եւ դաւիթ յայնժամ է́ր յամրոցին. եւ զօր այլազգեացն էր յայնժամ ՛ի բեթղահեմ։
¹⁷եւ ցանկցաւ դաւիթ եւ ասէ՝ ո՞ արբուցենէր ինձ ջուր ՛ի ջրհորոյն բեթղահեմի որ առ դրանն։
¹⁸Եւ պատառեցին երեք զբանակ այլազգեացն, եւ հանին ջուր ՛ի ջրհորոյն բեթղահեմի, որ է առ դրանն, եւ առին եւ եկին առ դաւիթ. եւ ո́չ կամեցաւ դաւիթ ըմպել զայն, եւ նուիրեաց զա́յն տ(եառ)ն։

¹⁹եւ ասէ՝ քաւի́չ լիցի ինձ ա(ստուա)ծ առնել զբանդ զայդ, եթէ զարիւն արանցդ այդոցիկ արբից յանձինս իւրեանց. վ(ա)ս(ն) զի ոգւովքն իւրեանց բերին զայդ։ եւ ո́չ կամեցաւ ըմպել զայն։ զա́յս արարին երեք զօրաւորքն։
²⁰Եւ աբեսսա եղբայր յովաբու էր իշխան երիցն. նա́ ձգեաց զսուրն ՛ի վերայ վեց հարիւր վիրաւորացն ՛ի միում ժամանակի. եւ նա́ էր անուանի
²¹՛ի մէջ երիցն ՛ի վերայ ն(ո)ց(ա). քան զերկուսն փառաւորագոյն. եւ էր ն(ո)ց(ա) իշխան. եւ մինչ յերիսն ո́չ ժամանէր։
²²Եւ բանէաս որդի յովիդայեայ, որդի առն զօրաւորի. եւ բազո́ւմ էին գործք ն(ո)ր(ա) ՛ի կասբեէլ. նա́ եհար զերկուս որդիսն արիէլ բանեայ, եւ նա́ էջ եւ եհար զառեւծն ՛ի մէջ գբին յաւուր ձեան։

²³նա́ եհար զայրն եգիպտացի՝ զա́յր երեւելի հինգկանգնեան, եւ ՛ի ձեռն եգիպտացւոյն նիզակ իբրեւ զստորի ոստայնանկաց. եւ էջ առ նա բանեաս բրա́ւ, եւ եհան ՛ի ձեռանէ եգիպտացւոյն զնիզակն. եւ սպան զնա նիզակաւն նորին։
²⁴Զա́յս արար բանեաս որդի յովիդայեայ. եւ անուն նորա ՛ի մէջ երից զօրաւորաց.
²⁵քան զերիսն փառաւորագոյն, եւ առ երիսն ո́չ ժամանէր. եւ կացոյց զնա դաւիթ ՛ի վ(ե)ր(այ) տոհմին իւրոյ։
²⁶Եւ սոքա էին զօրաւորք զօրացն. Ասայէլ եղբայր յովաբայ. եղէանան որդի գովդայի ՛ի բեթղահեմէ.
²⁷սամովթ արովրացի. աքիգեղէս փաղովնացի.
²⁸ովրէ որդի թեկուսացւոյն. աբիեզէր անաթովթացի։
²⁹Սովբաք ասովթացի. եղիաք ովնացի.

³⁰մովարէ նետոփացի. եղեադ որդի բաանայ նետոփաթացւոյ։
³¹եթայի որդի հռեփայի ՛ի բլրոյն բենիամինի. բանեաս փարաթոնացի.
³²ուրի ՛ի նեքեղայ. դաասաբիէլ սարաբթացի։
³³Աղամովթ բարսամացի. եղիաբ ասաղաբոնացի՝
³⁴որդի ասամայ գովթնացւոյ. յովնաթան որդի մադէի արարացւոյ.
³⁵աքիաբ որդի աքարայ արարացւոյ. եղիբաաղ որդի ովրայ
³⁶Փերովմէ քուրաթացի. աքիա ոփեողանացի։
³⁷ասարա կարմեղացի. նոարէ որդի ասբիայ.
³⁸յովէլ եղբայր նաթանայ. մաբար որդի ագարայ.
³⁹սեղեկով ամոնացի։ Նաար աբերոնացի՝ կապարճակիր յովաբայ որդւոյ սարուեայ.

⁴⁰իրաս ուրեթացի. գաբեթ յեթերացի.
⁴¹ուրիաս քետացի։ Զաբադ որդի սոողայ
⁴²որդւոյ սեղքայ ՛ի հռուբենայ, իշխան ՛ի վ(ե)ր(այ) երեսնիցն։
⁴³անան որդի մասքայ. յովսափատ մատթանացի։
⁴⁴Ողիաս աստարովթացի. սամաա, եւ յեւեղ որդիք քովթանացւոյն, արարցիք։
⁴⁵յեգիէլ որդի սամարեայ, եւ յովազա եղբայր ն(ո)ր(ա), աթովսացիք։
⁴⁶յեդիէլ մաովնացի. այիրաբ՝ եւ յովսէ որդի նորա, եղնամացիք. յեթեմա մովաբացի. ազիէլ, եւ ոբէդ, եւ յասիէլ մովսաթացիք։

¹Եւ սոքա́ եկին առ դաւիթ ՛ի սիկեղակ, մինչդեռ նեղեալ էր յերեսաց սաւուղայ որդւոյ կիսեայ. եւ սոքա էին ՛ի զօրաւորսն օգնականք ՛ի պատերազմին։
²եւ աղեղամբ յաջուց եւ յահեկաց, եւ պարսաւոր քարամբք՝ եւ նետիւք։ Յեղբարցն սաւուղայ ՛ի բենիամինէ
³իշխան. Աքիեզեր, եւ յովաս որդի սամայ՝ սաբամովթացի. եւ յ(թ)ե(ան)էլ, եւ ափաղէտ որդիք ազմովթայ։ բարաքիա եւ յէուլ, անաթացիք։
⁴Սամէաս գաբաւոնացի, զօրաւոր ՛ի մէջ երեսնից, եւ ՛ի վ(ե)ր(այ) երեսնից։ յերեմիաս, եւ եզեկիէլ, եւ յովնան, եւ զաբադ՝ ՛ի գադերոնայ։
⁵Եղիսաղ, եւ յարիմութ, եւ բաաղիա, եւ սամարիա, եւ սափատիաս յարիփեղայ
⁶իկանայ։ յեսիայ, եղիէղ, եւ ովզորայ, եւ յեզբամ՝ ակորացիք։

⁷յովէլ եւ զաբադիայ, որդիք յերոմայ գեդովրացւոյ։
⁸Եւ ՛ի գաղաադայ որոշեցան առ դաւիթ, եւ յանապատէն զօրաւորք ուժով. ա́րք որ հարկանէին պատերազմ, առեալ վահանս եւ աշտեայս, եւ դէմք ն(ո)ց(ա) իբրեւ զդէ́մս առիւծու, եւ թեթեւագոյնք ոտիւք իբրեւ զայծեմունս ՛ի վ(ե)ր(այ) լերանց արագութ(եամ)բ։
⁹Եզեր՝ իշխան. աբդիաս՝ երկրորդ. եղիաբ՝ երրորդ.
¹⁰մասման՝ չորրորդ. յերեմիաս՝ հինգերորդ.
¹¹եթթի՝ վեցերորդ. եղիէլ՝ եւթներորդ.
¹²յովնան՝ ութերորդ. եզղաբաթ՝ իններորդ.
¹³յերեմիաս՝ տասներորդ. մաքաբանա՝ մետասաներորդ։

¹⁴Սոքա́ յորդւոցն գադայ իշխանք զօրացն, ՛ի հարիւրսն փոքր. եւ մեծ ՛ի մէջ հազարացն։
¹⁵Սոքա́ են որք անցին ընդ յորդանան յամսեանն առաջնում, եւ նա էր լի́ յա(մենայ)ն յատակսն իւրում. եւ հալածեցին զա(մենայ)ն բնակիչս հովտացն՝ յարեւելից մինչեւ յարեւմուտս։
¹⁶Եւ եկին յորդւոցն բենիամինի եւ յուդայ՝ յօգնականութի(ւն) դաւթի։
¹⁷եւ դաւիթ ել ընդ առաջ ն(ո)ց(ա), եւ ասէ ցն(ո)ս(ա). եթէ խաղաղութ(եամ)բ եկիք առ իս՝ եղիցի́ սիրտ իմ ը(ստ) ձեզ, ապա թէ մատնե́լ զիս թշնամեաց իմոց եկիք՝ ո́չ ճշմարտութ(եամ)բ ձեռին, տեսցէ́ ա(ստուա)ծ հարցն մերոց՝ եւ յանդիմանեսցէ։

¹⁸Եւ զօրացո́յց հոգին զամեսսա, զիշխան երեսնիցն. եւ ասէ՝ ե́րթ դաւիթ որդի յեսսեայ՝ եւ զօրդ քո՝ խաղաղու(թ)ի(ւն) քեզ, եւ խաղաղու(թ)ի(ւն) օգնականաց քոց. վ(ա)ս(ն) զի օգնեաց քեզ ա(ստուա)ծ քո։ եւ ընկալաւ զն(ո)ս(ա) դաւիթ, եւ կացոյց զն(ո)ս(ա) իշխանս զօրացն։
¹⁹Եւ ՛ի մանասէէ դիմեցին առ դաւիթ՝ ՛ի գալ այլազգեացն ՛ի վ(ե)ր(այ) սաւուղայ ՛ի պատերազմ, եւ ո́չ օգնեաց ն(ո)ց(ա). վ(ա)ս(ն) զի խորհրդիւ եղեւ զօրագլխացն այլազգեաց, որք ասացին եթէ գլխովք արանցդ այդոցիկ դառնայ դա առ տէր իւր սաւուղ։
²⁰՛Ի գնալն ն(ո)ր(ա) ՛ի սիկիլակ, դիմեցին առ նա ՛ի մանասէէ, եդնա, յովզաբադ, եւ եղիու, եւ սաղթի. իշխանք հազարացն որք էին մանասէի։

²¹եւ նոքա գումարեցան ը(ստ) դաւթի ՛ի վ(ե)ր(այ) հինին. վ(ա)ս(ն) զի զօրաւորք էին ուժով, ամենեքեան իշխանք ՛ի վ(ե)ր(այ) զօրուն։
²²քանզի աւուրց յաւուրս գային առ դաւիթ, ՛ի զօրութի(ւն) մեծ իբրեւ զօրութի(ւն) ա(ստուծո)յ։
²³Եւ այսոքիկ են անուանք իշխանաց զօրուն, որք եկին առ դաւիթ ՛ի քեբրոն, դարձուցանել զթագաւորութի(ւն)ն ասւուղայ առ նա՝ ըստ բանին ա(ստուծո)յ։
²⁴Որդիք յուդայ վահանակիրք եւ տիգաւորք, վեցհազար եւ ութհարիւր զօրաւորք ՛ի պատերազմի։
²⁵Եւ յորդւոցն շմաւոնի հզօրք ուժով ՛ի պատերազմել, եւթնահազար եւ հարիւր։
²⁶Յորդւոցն ղեւեայ. չորք հազար եւ վեց հարիւր,

²⁷եւ յուդաս առաջնորդ։ Եւ յորդւոցն ահարոնի ընդ նմա երեք հազար եւ եւթն հարիւր.
²⁸եւ սադովկ մանուկ հզօր ուժով ՛ի տանէ հօր իւրոյ. եւ իշխանք քսան եւ երկու։
²⁹Եւ յորդւոցն բենիամինի յեղբարցն սաւուղայ երեքհազար, եւ յոլովք ՛ի նոցանէ էին վերակացուք տանն սաւուղայ։
³⁰Եւ յորդւոցն եփրեմայ, քսանհազար եւ ութհարիւր զօրաւորք ուժով, արք անուանիք ըստ տանց տոհմիցն իւրեանց։
³¹Եւ ՛ի կիսոյ ցեղէն մանասէի ութուտասն հազար, որք անուանեցան յանուանէ թագաւորեցուցանե́լ զդաւիթ։

³²Եւ յորդւոցն իսաքարայ որք գիտէին զհանճար, ՛ի ժամանակի́ ճնաչելով թէ զի՞նչ առնիցեն ի(սրաէ)լի՝ յիշխանու(թ)ե(ան) իւրեանց՝ երկերիւր. եւ ամենեքեան եղբարք իւրեանց ը(ստ) ն(ո)ս(ա)։
³³Եւ ՛ի զաբուղոնէ՝ որք ելանէին ՛ի մարտ պատերազմի՝ պատերազմական գործեաւ, յիսուն հազար՝ օգնե́լ դաւթի՝ ո́չ ունայնաձեռն։
³⁴Եւ ՛ի նեփթաղիմայ իշխանք հազարք. եւ ը(ստ) ն(ո)ս(ա) վահանաւորք եւ տիգաւորք երեսուն հազար։
³⁵Եւ ՛ի գանայ կարգեալք ՛ի պատերազմ քսան եւ ութ հազար եւ ութհարիւր։
³⁶Եւ յասերայ՝ որք ելանէին օգնել ՛ի պատերազմի, քառասուն հազար։

³⁷Եւ յայնմ կողմանէ յորդանանու, ՛ի յռուբինէ, եւ ՛ի գագայ, եւ ՛ի կիսոյ ցեղին մանասէի, ա(մենայ)ն պատերազմական գործեօք՝ հարիւր քսանհազար.
³⁸ամենեքեան սոքա ա́րք պատերազմօղք կարգեալք ՛ի մարտ. խաղաղական անձամբ եկին ՛ի քեբրոն թագաւորեցուցանել զդաւիթ ՛ի վ(ե)ր(այ) ի(սրաէ)լի։ եւ ա́յլ մնացորդքն ի(սրաէ)լի իբրեւ զա́նձն մի՝ թագաւորեցուցանել զդաւիթ։
³⁹Եւ էին անդ աւուրս երիս, ուտէին եւ ըմպէին. վ(ա)ս(ն) զի պատրաստեցին ն(ո)ց(ա) եղբարքն իւրեանց,

⁴⁰եւ սահմանակիցք նոցին, մինչեւ յիսաքար, եւ ՛ի զաբուղոն, եւ ՛ի նեփթաղիմ. եւ բերէին ն(ո)ց(ա) ուղտուք եւ իշովք եւ ջորւովք եւ եզամբք կերակուրս, ալեւր, եւ թուզ, եւ չամիչ, եւ գինի, եւ ձէթ, եւ զուարակս եւ ոչխարս բազումս. վասն զի ուրախութի(ւն) էր յիլի։

¹Եւ խորհեցաւ դաւիթ ընդ հազարապետսն եւ հարիւրապետսն, եւ ընդ ա(մենայ)ն իշխանսն։
²եւ ասէ դաւիթ ցա(մենայ)ն եկեղեցին ի(սրաէ)լի. եթէ իցէ բարութի(ւն)դ ՛ի ձեզ, եւ ՛ի տ(թեն)է ա(ստուծո)յ մերմէ յաջողեցաւ. առաքեսցուք առ եղբարսն մեր որ մնացեալ են յա(մենայ)ն ի(սրաէ)լի. եւ ընդ ն(ո)ս(ա) քահանայք եւ ղեւտացիք ՛ի քաղաքսն կալուածոց իւրեանց, եւ ժողովեսցին առ մեզ։
³եւ բերցուք այսր առ մեզ զտապանակն ա(ստուծո)յ մերոյ. վ(ա)ս(ն) զի ո́չ խնդրեցին զնա յաւուրցն սաւուղայ։
⁴Եւ ասաց ա(մենայ)ն եկեղեցին՝ առնել այնպէս. վ(ա)ս(ն) զի ուղի́ղ էր բանն յաչս ա(մենայ)ն ժողովրդեանն։

⁵Եւ եկեղեցացոյց դաւիթ զա(մենայ)ն ի(սրա)էլ ՛ի սահմանացն եգիպտոսի մինչեւ յեմաթ, տանե́լ զտապանակն ա(ստուծո)յ ՛ի քաղաքէն յարիմայ։
⁶եւ եհան զնա դաւիթ՝ եւ ա(մենայ)ն ի(սրա)էլ ել ՛ի քաղաքն դաւթի, որ էր յուդայի. բերե́լ անտի զտապանակն տ(եառ)ն ա(ստուծո)յ որ նստի ՛ի վ(ե)ր(այ) քերովբէից, յորոյ վ(ե)ր(այ) կոչեցաւ անուն ն(ո)ր(ա)·
⁷Եւ եդին զտապանակն ա(ստուծո)յ ՛ի վերայ սայլի́ նորոյ, ՛ի տանէն ամինադաբայ։ եւ ոզա եւ եղբարք ն(ո)ր(ա) ածէին զսայլն։
⁸Եւ դաւիթ եւ ա(մենայ)ն ի(սրա)էլ խաղային առաջի ա(ստուծո)յ ա(մենայ)ն զօրութ(եամ)բ, երգովք սաղմոսաց՝ տաւղօք եւ քնարօք եւ թմբկօք եւ ծնծղայիւք եւ փողովք։

⁹եւ եկին մինչեւ ՛ի կալն քելովնեայ։ եւ ձգեաց ոզա զձեռն իւր ունե́լ զտապանակն, վ(ա)ս(ն) զի թիւրեաց զնա զուարակն։
¹⁰Եւ բարկացաւ տ(է)ր սրտմտութ(եամ)բ ՛ի վ(ե)ր(այ) ոզայ. եւ եհար զնա անդ յաղագս ձգելոյ ն(ո)ր(ա) զձեռն իւր ՛ի տապանակն. եւ մեռա́ւ անդ առաջի ա(ստուծո)յ։
¹¹Եւ տրտմեցաւ դաւիթ. վ(ա)ս(ն) զի խրամատեաց տ(է)ր խրամատութի(ւն) յոզա։ եւ կոչեաց զտեղին զայն խրամատու(թ)ի(ւն) ոզայ մինչեւ յօրս յայս։
¹²Եւ երկեաւ դաւիթ յա(ստուծո)յ յաւուրն յայնմիկ եւ ասէ, զիա՞րդ տարայց առ իս զտապանակն ա(ստուծո)յ։
¹³եւ ո́չ դարձոյց դաւիթ զտապանակն առ ինքն ՛ի քաղաք դաւթի. եւ խոտորեցոյց զնա ՛ի տունն աբեդդարայ քետացւոյ։

¹⁴Եւ նստաւ տապանակն ա(ստուծո)յ ՛ի տանն աբեդդարայ ամիսս երիս։ եւ օրհնեաց ա(ստուա)ծ զաբեդդար, եւ զա(մենայ)ն ինչ ն(ո)ր(ա)։

¹Եւ առաքեաց քիրամ արքայ տիւրոսի հրեշտակս առ դաւիթ, եւ փայտս մայրս. եւ շինօղս որմոց, եւ հիւսունս փայտից՝ շինե́լ նմա տուն։
²Եւ ծանեաւ դաւիթ եթէ պատրաստեաց զնա տ(է)ր ՛ի վ(ե)ր(այ) ի(սրաէ)լի. վ(ա)ս(ն) զի աճեաց ՛ի բարձրութի(ւն) թագաւորու(թ)ի(ւն) ն(ո)ր(ա), վ(ա)ս(ն) ժողովրդեան իւրույ ի(սրաէ)լի։
³Եւ ա́ռ դաւիթ ա́յլ եւս կանայս յ(թ)ե(ան)մ. եւ ծնան նմա ա́յլ եւս ուստերք եւ դստերք։
⁴Եւ ա́յսոքիկ են անուանք ն(ո)ց(ա) որք ծնան նմա, եւ էին նորա յե(րուսաղէ)մ։ սամաաս, եւ սոբաբ, նաթան, սողոմոն,
⁵եւ յեբաար, եւ եղիսաւ, եւ եղիփաղէտ.
⁶եւ նագեթ, եւ նափատ, եւ յափիէ.
⁷եւ եղիսամա, եւ բաղիադա, եւ եղիփաղատ։

⁸Եւ լուա́ն այլազգիքն եթէ օծաւ դաւիթ թագաւոր ՛ի վ(ե)ր(այ) ա(մենայ)ն ի(սրաէ)լի, եւ ելին ա(մենայ)ն այլազգիքն խնդրել զդաւիթ։ լուա́ւ դաւիթ, եւ ել ընդ առաջ ն(ո)ց(ա)։
⁹եւ այլազգիքն եկին, եւ հանդիպեցան միմեանց ՛ի հովիտսն սկայից։
¹⁰Եւ եհարց դաւիթ ցա(ստուա)ծ՝ եւ ասէ. եթէ ելի՞ց ՛ի վերայ այլազգեացն, եւ տայցե՞ս զն(ո)ս(ա) ՛ի ձեռս իմ։ եւ ասէ ցնա տ(է)ր. ե́լ, եւ տաց զնոսա ՛ի ձեռս քո։
¹¹Եւ ել դաւիթ ՛ի բաաղփարասին, եւ եհար զն(ո)ս(ա) դաւիթ։ եւ ասէ դաւիթ, խրամատեա́ց ա(ստուա)ծ զթշնամիս իմ ձեռամբ իմով, իբրեւ զխրամատու(թ)ի(ւն) ջրոյ։ յաղագս այսորիկ կոչեաց զանուն տեղւոյն այնորիկ խրամատութի(ւն) փարասինայ։
¹²եւ թողին անդ զաստուածս իւրեանց։ եւ ասաց դաւիթ այրե́լ զն(ո)ս(ա) հրով։

¹³Եւ յաւելին ա́յլ եւս այլազգիքն, եւ հանդիպեցան ՛ի հովտին սկայից։
¹⁴Եւ եհարց դաւիթ դարձեալ զա(ստուա)ծ։ եւ ասաց ցնա ա(ստուա)ծ. ո́չ երթիցես զկնի ն(ո)ց(ա). դարձի́ր ՛ի նոցանէ, եւ թողցես զն(ո)ս(ա) մերձ ՛ի տանձիսն.
¹⁵եւ եղիցի ՛ի լսել քո զձայն շարժման ծայրից տանձեացն, յայնժամ ելցես ՛ի պատերազմել. վասն զի ելցէ ա(ստուա)ծ առաջի քո հարկանե́լ զբանակ այլազգեացն։
¹⁶Եւ արա́ր ո(ր)պ(էս) պատուիրեաց նմա ա(ստուա)ծ. եւ եհար զբանակ այլազգեացն ՛ի գաբաթովնայ մինչեւ ՛ի գազերա։
¹⁷Եւ եղեւ անո́ւն դաւթի յա(մենայ)ն երկրի. եւ տ(է)ր ետ զերկիւղ ն(ո)ր(ա) ՛ի վերայ ա(մենայ)ն ազգաց։

¹Եւ արար իւր տո́ւնս ՛ի քաղաքի դաւթի։ եւ պատրաստեաց զտեղի տապանակին ա(ստուծո)յ, եւ արա́ր նմա խորան։
²Յայնժամ ասաց դաւիթ. ո́չ այլ ումեք է́ բառնալ զտապանակն ա(ստուծո)յ, բայց միայն ղեւտացւոցն. վ(ա)ս(ն) զի զն(ո)ս(ա) ընտրեաց տ(է)ր բառնալ զտապանակն իւր, եւ պաշտե́լ առաջի ն(ո)ր(ա) մինչեւ ցյաւիտեանս։
³Եւ ժողովեաց դաւիթ զա(մենայ)ն ի(սրա)էլ յե(րուսաղէ)մ հանել զտապանակն տ(եառ)ն ՛ի տեղին, զոր պատրաստեաց նմա։
⁴եւ ժողովեաց դաւիթ զորդիսն ահարոնի, եւ զղեւտացիսն։
⁵Յորդւոցն կահաթու՝ ուրիէլ իշխան, եւ եղբարք ն(ո)ր(ա) հարիւր քսան։
⁶Յորդւոցն մերարեայ՝ սայիաս իշխան, եւ եղբարք ն(ո)ր(ա) երկերիւր յիսուն։

⁷Յորդւոցն գեթսոնի՝ յովէլ իշխան, եւ եղբարք ն(ո)ր(ա) հարիւր երեսուն։
⁸Յորդւոցն եղիսափանայ՝ սամայաս իշխան, եւ եղբարք ն(ո)ր(ա) երկերիւր։
⁹Յորդւոցն քեբրոնի՝ եղիէլ իշխան, եւ եղբարք ն(ո)ր(ա) ութսուն։
¹⁰Յորդւոցն ոզիելի՝ ամինադաբ իշխան, եւ եղբարք ն(ո)ր(ա) հարիւր եւ երկոտասան։
¹¹Եւ կոչեաց դաւիթ զսադովկ եւ զաբիաթար, զքահանայսն եւ զղեւտացիսն. եւ զուրիէլ, եւ զասարիաս, եւ զյովէլ, եւ զսամայիաս, եւ զեղիէլ, եւ զամինադաբ.
¹²եւ ասէ ցն(ո)ս(ա). դո́ւք էք իշխան տոհմից ղեւտացւոց, դո́ւք սրբեցարո́ւք եւ եղբարք ձեր, եւ հանէ́ք զտապանակն ա(ստուծո)յ ՛ի տեղին զոր պատրաստեցի նմա։

¹³ո՞չ ապաքէն զի ո́չ էիք դուք յառաջ, խրամատեաց ա(ստուա)ծ ձեր ՛ի մեզ, վ(ա)ս(ն) զի ո́չ խնդրեցաք իրաւամբք զնա։
¹⁴Եւ սրբեցան քահանայքն եւ ղեւտացիք բերել զտապանակն ա(ստուծո)յ ի(սրաէ)լի։
¹⁵եւ առին որդիք ղեւտացւոցն զտապանակն ա(ստուծո)յ, ո(ր)պ(էս) եւ պատուիրեաց մովսէս բանիւ ա(ստուծո)յ ըս(տ) գրոց, բառնալեօքն ՛ի վերայ ուսոց իւրեանց։
¹⁶Եւ ասէ դաւիթ ցիշխանս ղեւտացւոցն. կացուցէ́ք զեղբարսն ձեր որք երգեն զսաղմոսս՝ նուագարանօք երգոցն, քնարօք, եւ սրնգօք, եւ ծնծղայիւք, ամբառնալ զձայնս ՛ի բարձունս՝ ուրախու(թ)ե(ան) ձայնիւ։

¹⁷Եւ կացուցին ղեւտացիքն զնաման որդի յովելի, եւ յեղբարց ն(ո)ր(ա) զասափ որդի բարաքեայ. եւ յորդւոցն մերարեայ յեղբարց ն(ո)ր(ա) զեթան որդի կիսեայ։
¹⁸Եւ ընդ ն(ո)ս(ա) եղբարքն իւրեանց երկրորդք. զաքարիա, եւ յովէլ, եւ սամիրամովթ, եւ էէլ, եւ անանիաս, եւ եղիաբ, եւ բանեաս, եւ մասեաս, եւ մատաթիաս, եւ եղիփաղա, եւ մակէդիաս, եւ աբէդդոմ, եւ յէէլ, եւ ոզիաս՝ դռնապանքն։
¹⁹Եւ սաղմոսանուագքն. աման, եւ ասափ, եւ էթան. տաւղեօք պղնձեօք, լսելի́ առնել զձայն։
²⁰Զաքարիաս, եւ ոզիէլ, եւ սեմիրամովթ, եւ ելիէլ, եւ անանիաս, եւ եղիաբ, եւ մասիաս, եւ նաթայիաս՝ քնարօք եւ աղեմովթ։

²¹եւ մատաթիաս, եւ եղիփազատ, եւ մակեղիա, եւ աբեգդոմ, եւ յեւել, եւ ոզիաս՝ սրնգօք։ սենեթիաս՝ զօրացուցանել։
²²եւ քոնիաս իշխան ղեւտացւոցն, իշխան ՛ի վերայ երգոցն. վ(ա)ս(ն) զի է́ր հանճարեղ։
²³Եւ բարաքիաս, եւ եղկանա՝ դռնապանք տապանակին։
²⁴Եւ սովբենիաս, եւ յովսափատ, եւ նաթանիէլ, եւ աման, եւ զաքարիաս, եւ բանաիաս, եւ եղիեզեր, քահանայքն յուսացեալք փողովք առաջի տապանակին ա(ստուծո)յ։ եւ աբեդդովմ, եւ յեիաս՝ դռնապանք տապանակին ա(ստուծո)յ։
²⁵Եւ դաւիթ եւ ծերքն ի(սրաէ)լի, եւ հազարապետք, երթային հանել զտապանակ ուխտին տ(եառ)ն ՛ի տանէն աբեդդարայ ուրախութ՝բ։

²⁶Եւ եղեւ ՛ի զօրացուցանելն ա(ստուծո)յ զիշխանսն՝ որ բարձին զտապանակ ուխտին տ(եառ)ն. զենին եւթն զուարակս, եւ եւթն խոյս։
²⁷եւ դաւիթ զգեցեալ էր պատմուճան բեհեղեղէն։ Եւ ա(մենայ)ն ղեւտացիքն բարձին զտապանակ ուխտին տ(եառ)ն, եւ սաղմոսանուագքն. եւ քոնոնիաս էր իշխան երգոցն՝ որք նուագէին։ Եւ դաւիթ զգեցեալ պատմուճան բեհեզեղէն։
²⁸եւ ա(մենայ)ն ի(սրա)էլ հանին զտապանակ ուխտին տ(եառ)ն հռչակաւ ձայնիւ յոբելեաւն, եւ փողով՝ եւ ծնծղայիւք նուագելով քնարօք եւ տաւղօք։

²⁹Եւ եղեւ մինչդեռ տապանակն ա(ստուծո)յ գայր ՛ի քաղաքն դաւթի, եւ մեղքող դուստր սաւուղայ կարկառեալ ընդ պատուհանն, ետես զարքայ դաւիթ զի կաքաւէր եւ խաղայր. եւ անգոսեաց զնա ՛ի միտս իւր։

¹Եւ տարաւ ՛ի ներքս զտապանակն ա(ստուծո)յ, եւ հաստատեաց զնա ՛ի մէջ խորանին՝ զոր պատրաստեաց նմա դաւիթ։ եւ մատուցին ողջակէզս՝ եւ փրկութե(ան)ցն առաջի ա(ստուծո)յ։
²Եւ կատարեաց դաւիթ մատուցանել զողջակէզսն՝ եւ զփրկութե(ան)ց. եւ օրհնեաց զժողովուրդն յանուն տ(եառ)ն։
³եւ բաշխեաց ամենայն ի(սրաէ)լի յառնէ մինչեւ ցկին, ՛ի մարդ՝ հա́ց մի ՛ի հացարարոցէ, եւ պատառ մի ՛ի կասկարայից։
⁴Եւ կարգեա́ց առաջի երեսաց տապանակին կտակարանացն տ(եառ)ն, ՛ի ղեւտացւոցն՝ պաշտօնեայս երգե́լ ձայնիւ, եւ խոստովա́ն լինել, եւ օրհնե́լ զտ(է)ր ա(ստուա)ծ ի(սրաէ)լի։

⁵Զասափ առաջնորդ. եւ երկրորդ նմա զաքարիաս, զյեէլ, զսամիրամովթ, զյայէլ, զմատաթիաս, զեղիաբ զբանեաս, զաբեդդովմ, եւ զեսիէլ, նուագարանօք տաւղաց եւ քնարից։ եւ ասափ ծնծղայիւք նուագէր։
⁶եւ բանեաս եւ ոզիէլ քահանայք փողովք հանապազ առաջի տապանակի կտակարանացն ա(ստուծո)յ։
⁷Եւ յաւուրն յայնմիկ յայնժամ կարգեաց դաւիթ, իսկզբանն օրհնել զտ(է)ր, ՛ի ձեռն ասափայ՝ եւ եղբարց ն(ո)ր(ա)։
⁸Երգ։ Խոստովա́ն եղերո́ւք տ(եառ)ն եւ կարդացէք զանուն ն(ո)ր(ա), ծանուցէ́ք ժողովրդոց զգործս ն(ո)ր(ա)։
⁹Երգեցէ́ք նմա եւ օրհնեցէ́ք զնա, պատմեցէ́ք ամենեցուն զսքանչելիս ն(ո)ր(ա) զոր արար տ(է)ր։

¹⁰օրհնեցէ́ք զանուն ս(ուր)բ ն(ո)ր(ա)։ ուրա́խ լիցի սիրտ՝ որ խնդրէ զհաճոյս ն(ո)ր(ա)։
¹¹Խնդրեցէ́ք զտ(է)ր եւ հզօրք եղիջիք. խնդրեցէ́ք զերեսս ն(ո)ր(ա) յա(մենայ)ն ժամ։
¹²Յիշեցէ́ք զսքանչելիս ն(ո)ր(ա) զոր արար, զնշանս եւ զիրաւունս բերանոյ ն(ո)ր(ա)։
¹³զաւա́կ ի(սրաէ)լի ծառայք նորա. որդիք յակոբայ ընտրեալք ն(ո)ր(ա)։
¹⁴Նա́ է տ(է)ր ա(ստուա)ծ մեր, յա(մենայ)ն երկրի են իրաւունք ն(ո)ր(ա)։
¹⁵յիշեսցէ յաւիտենից զուխտ իւր, զբանն զոր պատուիրեաց ՛ի հազար ազգ.
¹⁶զուխտն զոր եդ ընդ աբրաամու, եւ զերդումն իւր ընդ սահակայ։
¹⁷Հաստատեաց զնա յակոբու ՛ի հրամանս, եւ ի(սրաէ)լի յուխտ յաւիտենական.

¹⁸ասէ, քե́զ տաց զերկիրն քանանու, զվիճակ ժառանգու(թ)ե(ան) ձերոյ։
¹⁹զի էին նոքա սակաւք թուով. եւ նուազք եւ պանդուխտք ՛ի նմա։
²⁰գնացին նոքա ազգէ յազգ, եւ ՛ի թագաւորութ(են)է ՛ի ժողովո́ւրդ յայլ։
²¹Ո́չ թող ա́ռն հարստահարել զն(ո)ս(ա), եւ կշտամբեաց վ(ա)ս(ն) ն(ո)ց(ա) զթագաւորս։
²²մի́ մերձենայք յօծեալսդ իմ, եւ ՛ի մարգարէսդ իմ մի́ լինիք չար։
²³Օրհնեցէ́ք զտ(է)ր ա(մենայ)ն երկիր. պատմեցէ́ք օրըստօրէ զփրկութի(ւն) ն(ո)ր(ա)։
²⁴Պատմեցէ́ք ՛ի հեթանոսս զփառս ն(ո)ր(ա), յա(մենայ)ն ժողովուրդս զսքանչելիս ն(ո)ր(ա)։
²⁵Զի մեծ է տ(է)ր, եւ օրհնեալէ յոյժ. ահաւո́ր է ՛ի վ(ե)ր(այ) ա(մենայ)ն աստուածոց.

²⁶վ(ա)ս(ն) զի ա(մենայ)ն աստուածք ազգաց կո́ւռք են. եւ ա(ստուա)ծ զերկինս արար։
²⁷Փառք եւ գովութի(ւն) առաջի երեսաց ն(ո)ր(ա). զօրութի(ւն) եւ պարծանք ՛ի տեղւոջ նորա·
²⁸Տո́ւք տ(եառ)ն տոհմք ազանց. տո́ւք տ(եառ)ն փառք՝ եւ զօրու(թ)ի(ւն)։
²⁹տո́ւք տ(եառ)ն զփառս անուան ն(ո)ր(ա)։ առէ́ք զպատարագս, եւ մատուցէ́ք առաջի երեսաց ն(ո)ր(ա). եւ երկրպագեցէ́ք տ(եառ)ն ՛ի սրահ սրբու(թ)ե(ան) ն(ո)ր(ա)։
³⁰եւ երկիցէ́ յերեսաց ն(ո)ր(ա) ա(մենայ)ն երկիր։ յաջողեսցի երկրի՝ եւ մի́ սասանեսցի։
³¹Ուրա́խ եղիցին երկինք՝ եւ ցնծասցէ́ երկիր. եւ ասասցեն ՛ի հեթանոսս, տ(է)ր թագաւորեաց։

³²հնչեսցէ́ ծով լիու(թեամ)բն իւրով. փայտք անդաստանի եւ ա(մենայ)ն որ է ՛ի նմա։
³³յայնժամ ուրա́խ եղիցին ա(մենայ)ն ծառք անտառի, զի եկն դատել զերկիր։
³⁴Խոստովան եղերուք տ(եառ)ն՝ զի բարի է զի յաւիտեան է ողորմութի(ւն) ն(ո)ր(ա)։
³⁵Եւ ասացէ́ք՝ կեցո́ զմեզ ա(ստուա)ծ փրկու(թ)ե(ան) մերոյ, եւ ապրեցո́զմեզ ՛ի թշնամեաց մերոց. զի օրհնեսցուք զանուն քո ս(ուր)բ, եւ պարծեսցուք յօրհնութի(ւն)ս քո։
³⁶Օրհնեալ տ(է)ր ա(ստուա)ծ ի(սրաէ)լի յաւիտենից մինչեւ յաւիտեանս։ եւ ասասցէ́ ա(մենայ)ն ժողովուրդն. ամեն։ եւ օրհնեցին զտ(է)ր·

³⁷Եւ եթո́ղ անդ առաջի տապանակի կտակարանացն տ(եառ)ն՝ զասափ եւ զեղբարս ն(ո)ր(ա), պաշտե́լ առաջի տապանակին յա(մենայ)ն ժամ օրըստօրէ։
³⁸Եւ աբդոդոմ եւ եղբարք ն(ո)ր(ա) վաթսուն եւ ութ. եւ աբդոդոմ՝ էր որդի եդիթունայ։ եւ ովսեէ ՛ի դռնապանսն։
³⁹Եւ զսադովկ քահանայ, եւ զեղբարսն ն(ո)ր(ա) զքահանայսն առաջի խորանին տ(եառ)ն ՛ի բամա՝ որ ՛ի գաբաւոն,
⁴⁰մատուցանել ողջակէզս տ(եառ)ն ՛ի վերայ սեղանոյ ողջակիզացն հանապազ առաւօտուց եւ երեկորին. եւ ըստ ա(մենայ)նի զոր ինչ գրեալէ յօրէնսն տ(եառ)ն՝ զոր պատուիրեաց որդւոցն ի(սրաէ)լի ՛ի ձեռն մովսիսի ծառային ա(ստուծո)յ։
⁴¹Եւ ընդ նմա եման, եւ իդիթովմ, եւ այլք ընտրեալք յանուանէ, օրհնել զտ(է)ր՝ զի յաւիտեան է ողորմութի(ւն) ն(ո)ր(ա).

⁴²եւ ընդ ն(ո)ս(ա) փողք եւ ծնծղայք, նուագել քնարօք երգոցն ա(ստուծո)յ։ եւ որդիքն իդիթունայ ՛ի դրանն։
⁴³Եւ գնաց ա(մենայ)ն ժողովուրդն իւրաքանչիւրոք ՛ի տուն իւր։ եւ դարձաւ դաւիթ օրհնել զիւր տունն։

¹Եւ եղեւ իբրեւ բնակեա́ց դաւիթ ՛ի տան իւրում, ասէ դաւիթ ցնաթան մարգարէ։ ահա ես բնակեմ ՛ի տան մա́յր փայտից՝ եւ տապանակ ուխտին տ(եառ)ն է ընդ վրանօ՞ք։
²Եւ ասէ նաթան ցդաւիթ. զա(մենայ)ն որ ինչ է յանձին քում արա́. վ(ա)ս(ն) զի ա(ստուա)ծ ը(ստ) քե́զ է։
³Եւ ՛ի գիշերին յայնմիկ եղեւ բա́ն տ(եառ)ն առ նաթան՝ եւ ասէ.
⁴ե́րթ եւ ասա́ ցդաւիթ ծառայ իմ. Ա́յսպէս ասէ տ(է)ր. ո́չ շինեսցես դու ինձ տուն բնակելոյ ՛ի նմա.
⁵վ(ա)ս(ն) զի ո́չ երբէք բնակեցի ՛ի տան՝ յօրէ յորմէ հանի զի(սրա)էլ յեգիպտոսէ մինչեւ յօրս յայս։ էի խորանաւ ՛ի վայրաբնակս,

⁶ա(մենայ)ն ուրեք՝ ընդ որ անցին որդիքն ի(սրաէ)լի. եթէ խօսելով խօսեցա՞յ ընդ միում ՛ի ցեղիցն ի(սրաէ)լի, եւ ՛ի դատաւորաց ն(ո)ր(ա), որոց պատուիրեցի հովուել ժողովրդեան իմոյ՝ եւ ասացի. ընդէ՞ր ոչշինեցէք ինձ տուն ՛ի մայրփայտից։
⁷Եւ արդ՝ ա́յսպէս ասասցես ցծառայ իմ դաւիթ. Ա́յսպէս ասէ տ(է)ր ամենակալ, առի́ զքեզ ՛ի վերջէ վրանաց հովուացն, առ ՛ի լինել առաջնորդ ժողովրդեան իմում ի(սրաէ)լի։
⁸եւ էի́ ընդ քեզ ա(մենայ)ն ուրեք ուր եւ երթայիր. եւ սատակեցի զա(մենայ)ն թշնամիս քո յերեսաց քոց. եւ արարի քեզ տուն ըս(տ) անուան մեծամեծաց որք ՛ի վերայ երկրի։

⁹Եւ արդ եդի́ց զտեղի ժողովրդեան իմոյ ի(սրաէ)լի. եւ տնկեսցես զդա, եւ բնակեսցէ́ առանձինն, եւ ո́չ եւս հոգասցէ ինչ, եւ ո́չ եւս յաւելցէ անիրաւու(թ)ի(ւն) խոնարհեցուցանել զդա ո(ր)պ(էս) իսկզբանն,
¹⁰եւ յաւուրցն յորոց կարգեցի դատաւորս ՛ի վ(ե)ր(այ) ժողովրդեան իմոյ ի(սրաէ)լի, եւ նկո́ւն արարի զա(մենայ)ն թշնամիս քո։ Եւ արդ՝ աճեցուցի́ց զքեզ, եւ շինեցից զքեզ ե́ս տ(է)ր։
¹¹եւ եղիցի յորժամ լցցին աւուրք քո՝ քունեսցես ընդ հարս քո։ Եւ յարուցից զզաւակ քո յե́տ քո, որ եղիցի յորովայնէ քումմէ. եւ պատրաստեցից զթագաւորու(թ)ի(ւն) ն(ո)ր(ա).
¹²նա́ շինեսցէ ինձ տուն. եւ ուղղեցից զաթոռ ն(ո)ր(ա) յաւիտեան։

¹³Ե́ս եղէց նմա ՛ի հայր, եւ նա եղիցի ինձ յորդի. եւ զողորմութի(ւն)ս ո́չ արարից ՛ի բաց ՛ի նմանէ. ո(ր)պ(էս) մերժեցի յայնցանէ որք յառաջ քան զքեզ էին։
¹⁴եւ հաւատարի́մ լիցի նա ՛ի տան իմում. եւ թագաւորու(թ)ի(ւն) ն(ո)ր(ա) մինչեւ յաւիտեանս. եւ աթոռ ն(ո)ր(ա) եղիցի ուղղեալ մինչեւ յաւիտեան։
¹⁵Ըստ ա(մենայ)ն բանիցս այսոցիկ, եւ ըստ ա(մենայ)ն տեսլեանս այսմ, նո́յնպէս խօսեցաւ նաթան ը(ստ) դաւթայ։
¹⁶Եւ եկն արքայ դաւիթ նստաւ առաջի տ(եառ)ն՝ եւ ասէ. ո՞վ եմ ես տ(է)ր ա(ստուա)ծ, եւ կամ զի՞նչ տուն իմ. զի սիրեցեր զիս մինչեւ յաւիտեան.

¹⁷եւ ո́չ փոքրկացան այսոքիկ առաջի քո ա(ստուա)ծ. խօսեցար յաղագս տան ծառայի քոյ յերկարագոյն, եւ հայեցար դու յիս տեսլեամբ մարդոյ. բարձրացուցեր դու զիս տ(է)ր ա(ստուա)ծ։
¹⁸Եւ զի՞նչ եւս յաւելուցու դաւիթ փառաւորել զքեզ. դո́ւ գիտես զծառայս քո.
¹⁹ըստ սրտի քում արարեր զա(մենայ)ն զմեծու(թ)ի(ւն)դ քո տ(է)ր։
²⁰Ո́չ ոք է նման քեզ, եւ ոչ գոյ բաց ՛ի քէն. ըս(տ) ա(մենայ)նի զորս լուաք ակնջօք մերովք.
²¹եւ ո́չ ոք է իբրեւ զժողովուրդ քո զի(սրա)էլ՝ ազգ ՛ի վ(ե)ր(այ) երկրի որում առաջնորդեաց նմա ա(ստուա)ծ փրկե́լ իւր ժողովուրդ, եւ դնե́լ զանուն իւր մեծ եւ երեւելի, հանե́լ յերեսաց ժողովրդեան քոյ զոր փրկեցեր յեգիպտոսէ՝ զազգսն։

²²եւ եդիր զժողովուրդ քո զի(սրա)էլ ՛ի ժողովուրդ քեզ յաւիտեան. եւ դու եղեր ն(ո)ց(ա) յա(ստուա)ծ։
²³Եւ արդ տ(է)ր՝ զբանն զոր խօսեցար ընդ ծառայի քում եւ յաղագս տա́ն ն(ո)ր(ա), հաւատարի́մ լիցի մինչեւ յաւիտեան.
²⁴զոր ասացեր տ(է)ր՝ տ(է)ր ամենակալ ա(ստուա)ծ ի(սրաէ)լի, թէ տուն դաւթի ծառայի քոյ եղիցի ուղղեալ առաջի քո.
²⁵վ(ա)ս(ն) զի դու տ(է)ր բացե́ր զունկն ծառայի քոյ շինել քեզ տուն. յաղագս այսորիկ եգիտ ծառայ քո կա́լ յաղօթս առաջի քո։
²⁶Եւ արդ տ(է)ր, դո́ւ ես ա(ստուա)ծ. եւ խօսեցար վասն ծառայի քոյ զբարի́սդ զայդոսիկ.

²⁷սկսի́ր այսուհետեւ օրհնել զտուն ծառայի քոյ, լինե́լ առաջի քո յաւիտեան։ վ(ա)ս(ն) զի դո́ւ տ(է)ր օրհնեցեր՝ եւ օրհնեա́ յաւիտեան։

¹Եւ եղեւ յետ այսորիկ՝ եհա́ր դաւիթ զայլազգիսն, եւ վանեաց զն(ո)ս(ա). եւ ա́ռ զդէթ՝ եւ զգեօղս ն(ո)ր(ա) ՛ի ձեռաց այլազգեացն։
²Եւ եհար զմովաբ. եւ էին մովաբացիքն ծառայք դաւթի բերել ընծայս։
³Եւ եհա́ր դաւիթ զադրաազար արքայ սուբայ ՛ի յեմաթ, յերթալ ն(ո)ր(ա) հաստատել զձեռն իւր ՛ի վ(ե)ր(այ) գետոյն եփրատայ.
⁴եւ ա́ռ դաւիթ զն(ո)ր(ա) հազար կառս՝ եւ եւթն հազար ձիոց՝ եւ քսան հազար արանց հետեւակաց. եւ քակեաց դաւիթ զա(մենայ)ն կառսն, եւ եթող ՛ի նոցանէ հարիւր կառս։
⁵Եւ եկն ասորին ՛ի դամասկոսէ օգնել ադրաազարայ արքայի սուբայ. եւ եհար դաւիթ յասորեացն քսան եւ երկու հազարս արանց։

⁶եւ եդ դաւիթ ամրոց յասորիս ՛ի դամասկոսի, եւ էին դաւթի ծառայք՝ բերե́լ նմա ընծայս։ եւ ապրեցոյց տ(է)ր զդաւիթ յա(մենայ)ն տեղիս իւր եւ երթայր։
⁷Եւ ա́ռ դաւիթ զմանեակսն ոսկեղէնս, որ էին ՛ի ծառայսն ադրաազարայ, եւ եբեր զայն յե(րուսաղէ)մ։
⁸Եւ ՛ի մատեբեթայ, եւ յընտիր ընտիր քաղաքացն ադրաազարու՝ ա́ռ դաւիթ պղինձ բազում յոյժ. եւ ՛ի նոցանէ արար սողոմոն զծովն պղնձի, եւ զսիւնսն, եւ զկահսն պղնձիս։
⁹Եւ լուա́ւ թովու արքայ եմաթայ՝ եթէ եհար դաւիթ զա(մենայ)ն զօրութիսն ադրաազարայ արքայի սուբայ.

¹⁰եւ առաքեաց զգուրամ զորդի իւր առ արքայ դաւիթ հարցանել զնմանէ ՛ի խաղաղութի(ւն), եւ օրհնել զնա. վ(ա)ս(ն) զի պատերա́զմ տայր ը(ստ) նմա ադրաազար, եւ եհար զնա. քանզի այր թշնամի́ էր թովու՝ ադրաազարայ։ եւ ա(մենայ)ն անօթք ոսկեղէնք եւ արծաթեղէնք ՛ի ձեռս ն(ո)ր(ա)։
¹¹եւ զա́յնոսիկ սրբեաց դաւիթ տ(եառ)ն ընդ արծաթոյն եւ ոսկւոյն զոր ա́ռ յա(մենայ)ն ազգացն. յեդոմայ, եւ ՛ի մովաբայ, եւ յորդւոցն ամոնայ, եւ յայլազգեացն, եւ յամաղեկայ։
¹²Եւ աբեսաա որդի սարուհեայ եհար զեդովմ ՛ի հովտին ելովնայ՝ ութուտասն հազար.
¹³եւ ե́դ ՛ի հովտին ամրոց. եւ էին եդովմայեցիք ծառայք դաւթի։ եւ փրկեաց տ(է)ր զդաւիթ յա(մենայ)ն տեղիս ուր եւ երթայր։

¹⁴Եւ թագաւորեաց դաւիթ ՛ի վերայ ա(մենայ)ն ի(սրաէ)լի. եւ էր՝ առնել իրաւունս եւ արդարութի(ւն) ա(մենայ)ն ժողովրդեան իւրում։
¹⁵Եւ յովաբ որդի սարուհեայ ՛ի վ(ե)ր(այ) զօրացն. եւ յովսափատ որդի աքիղուդայ յիշատակաց դպիր։
¹⁶Եւ սադովկ որդի աքիտովբայ, եւ աբիմեղէք որդի աբիաթարայ՝ քահանայք։ եւ սուսա դպրապետ։
¹⁷Եւ բանեաս որդի յովիդայայ՝ ՛ի վ(ե)ր(այ) քերեթեայն եւ ոփէլեթեայն· եւ որդիք դաւթի առաջինք փոխանո́րդք արքայի։

¹Եւ եղեւ յետ այսորիկ մեռա́ւ նաաս արքայ որդւոցն ամոնայ. եւ թագաւորեաց անան որդի ն(ո)ր(ա) ընդ ն(ո)ր(ա)։
²Եւ ասէ դաւիթ, արասցո́ւք ողորմութի(ւն) ընդ անանայ որդւոյ նաասու, ո(ր)պ(էս) արար հայր ն(ո)ր(ա) ընդիս ողորմու(թ)ի(ւն)։ եւ առաքեաց հրեշտակս դաւթի՝ մխիթարել զնա վ(ա)ս(ն) հօր ն(ո)ր(ա)։ եւ եկին ծառայքն դաւթի յերկիր որդւոցն ամոնայ մխիթարե́լ զնա։
³Եւ ասեն իշխանքն ամոնայ ցանան. միթէ փառաւորե՞լ դաւիթ զհայր քո առաջի քո առաքեաց քեզ զմխիթարիչսդ, ո́չ ապաքէն զի քննեսցեն զքաղաքս, եւ գիտե́լ զերկիրս եկին ծառայքն ն(ո)ր(ա) առ քեզ։

⁴Եւ ա́ռ անան զծառայսն դաւթի, եգերծ զն(ո)ս(ա), եւ եհաս զդրօշակսն ն(ո)ց(ա) զհասարակածն մինչեւ ՛ի վեր. եւ արձակեաց զն(ո)ս(ա)։
⁵Եւ եկին պատմել դաւթի վ(ա)ս(ն) արանցն։ առաքեաց ընդ առաջ ն(ո)ց(ա). վ(ա)ս(ն) զի էին ամաչեցեալք յոյժ, եւ սաէ արքայ. նստարո́ւք յերեքով, մինչեւ աճեսցեն մօրուք ձեր, եւ ապա́ եկեսջիք։
⁶Եւ տեսին որդիքն ամոնայ՝ թէ ամաչեաց զօրն դաւթայ, առաքեաց անան եւ որդիքն ամոնայ հազար տաղանտ արծաթոյ, եւ ՛ի վարձու կալան իւրեանց յաւորեաց միջագետաց, եւ յասորեաց մաաքայ եւ սուբայ՝ կա́ռս եւ հեծեալս։

⁷եւ ՛ի վարձու կալան իւրեանց երեսուն եւ երկու հազարս կառաց, եւ զարքայն մովաբայ եւ զզօր ն(ո)ր(ա). եւ եկին բանակեցան յանդիման մեդաբայ։ եւ որդիքն ամոնայ ժողովեցան ՛ի քաղաքացն իւրեանց, եւ եկին պատերազմել։
⁸Լուաւ դաւիթ, եւ առաքեաց զյովաբ եւ զգունդ զօրաւորացն։
⁹Եւ ելին որդիքն ամոնայ՝ եւ ճակատեցան ՛ի պատերազմ առ դրան քաղաքին. եւ թագաւորքն եկեալք բանակեցան առանձինն ՛ի դաշտին։
¹⁰Եւ ետես յովաբ՝ թէ եղեն դէմ յանդիման պատերազմե́լ ընդ նմա, առաջի երեսաց՝ եւ զկնի. ընտրեաց յա(մենայ)ն երիտասարդացն ի(սրաէ)լի, եւ կարգեաց ընդ դէմ ասորւոցն։

¹¹եւ մնացորդս զօրուն՝ ետ ՛ի ձեռս աբեսսեայ եղբօր իւրոյ, եւ կարգեաց ընդդէմ որդւոցն ամոնայ։
¹²Եւ ասէ՝ եթէ զօրասցի քան զմեզ ասորին, լիցի́ս մեզ ՛ի փրկու(թ)ի(ւն), եւ եթէ որդիքն ամոնայ զօրասցին քան զքեզ, ապրեցուցի́ց զքեզ։
¹³Քա́ջ լեր՝ եւ զօրասցուք վ(ա)ս(ն) ժողովրդեան մերում, եւ վ(ա)ս(ն) քաղաքաց ա(ստուծո)յ մերոյ, եւ տ(է)ր՝ որ ինչ բարի́ իցէ յաչս ն(ո)ր(ա)՝ արասցէ։
¹⁴Եւ ճակատեցաւ յովաբ եւ զորն որ ընդ նմա ընդդէմ ասորեա́ցն ՛ի պատերազմին, եւ փախեան ՛ի նմանէ։
¹⁵եւ որդիքն ամոնայ տեսին թէ փախեան ասորիքն, փախեան եւ նոքա յերեսաց յովաբայ եւ յերեսաց աբեսսեայ եղբօր նորա, եւ մտին ՛ի քաղաքն։ եւ եկն յովաբ յ(թ)ե(ան)մ։

¹⁶Եւ ետես ասորին եթէ յաղթեա́ց նմա ի(սրա)էլ, առաքեաց հրեշտակս եւ եհան զասորեստանեայն յանմ կողմանէ գետոյն. եւ զսովփաք զօրավար զօրացն ադրաազարու առաջի ն(ո)ց(ա)։
¹⁷եւ պատմեցին դաւթի։ Գումարեաց զա(մենայ)ն ի(սրա)էլ, անց ընդ յորդանան՝ եւ եկն ՛ի վ(ե)ր(այ) ն(ո)ց(ա), ճակատեցաւ ընդդէմ ն(ո)ց(ա), եւ կարգեցաւ դաւիթ ընդդէմ ասորւոյն. եւ պատերազմէր ընդ նմա։
¹⁸Եւ փախեաւ ասորին յերեսաց դաւթայ. եւ կոտորեաց դաւիթ յասորեաց եւթն հազար կառաց, եւ քառասուն հազար հետեւակաց. եւ զսովփաք զօրավար զօրուցն սպան։

¹⁹Եւ տեսին ծառայքն ադրաազարու. եթէ անկան առաջի ի(սրաէ)լի, եդին ո́ւխտ ընդ դաւթայ, եւ ծառայեցին նմա։ եւ ո́չ եւս կամեցաւ ասորին օգնել որդւոցն ամոնայ։

¹Եւ եղեւ ՛ի միւսում տարւոջն յելանել թագաւորացն, ած յովաբ զա(մենայ)ն գունդս զօրացն, եւ ապականեաց զա(մենայ)ն երկիր որդւոցն ամոնայ։ եկին եւ նստան շուրջ զհռաբաթաւ. եւ դաւիթ նստէր յե(րուսաղէ)մ. եւ ա́ռ յովաբ զհռաբաթ, եւ կործանեաց զնա։
²Եւ ա́ռ դաւիթ զպսակն մեղքոմայ թագաւորին ն(ո)ց(ա) ՛ի գլխոյ ն(ո)ր(ա). եւ գտաւ կշիռ նորա տաղանտ ոսկւոյ, եւ ՛ի նմա ակն պատուական. եւ էր ՛ի գլուխն դաւթայ. եւ աւար բազում յոյժ եբեր։
³եւ զժողովուրդն որ էր ՛ի նմա՝ եհան. եւ սղոցեաց սղոցօք եւ ուրագօք. եւ ա́յնպէս արար դաւիթ ա(մենայ)ն քաղաքաց որդւոցն ամոնայ։ եւ դարձաւ դաւիթ՝ եւ ա(մենայ)ն զօրն իւր յե(րուսաղէ)մ։

⁴Եւ եղեւ յետ այնորիկ՝ եղեւ մի́ւսանգամ պատերազմ ՛ի գազեր ը(ստ) այլազգիսն. յայնժամ եհա́ր սուբաքէ ուսթացի զսեպփիաս յորդւոց սկայիցն՝ եւ վանեա́ց զնա։
⁵Եւ եղեւ դաեձեալ պատերազմ ընդ այլազգիսն, եւ եհար եղէանան որդի յայիրայ զղէեմի զեղբայրն գողիադու գեթացւոյ. եւ փայտ նիզակի ն(ո)ր(ա) իբրեւ զստորի ոստայնանկաց։
⁶Եւ եղեւ դարձեալ պատերազմ ՛ի գեթ. եւ է́ր այր ոմն մե́ծ յոյժ, եւ մատունք ն(ո)ր(ա) վեց վեց, քսան եւ չորք. եւ նա էր յորդւոց սկայիցն.
⁷եւ թշնամանէր զի(սրա)էլ. եւ եհար զնա յովնադաբ որդի սամաայ, որդի եղբօր դաւթայ։ նոքա եղեն հռափայ ՛ի գէթ. ամենեքեան էին արք հսկայք. եւ անկան ՛ի ձեռս դաւթայ, եւ ՛ի ձեռս ծառայից ն(ո)ր(ա)։

¹Եւ եկաց բանսարկու ՛ի մէջ ի(սրաէ)լի. եւ դրդեցոյց զդաւիթ թուե́լ զիէլ։
²Եւ ասէ դաւիթ ցյովաբ՝ եւ ցիշխանս զօրուն. երթա́յք թուեցէ́ք զիէլ ՛ի բերսաբէէ մինչեւ ցդան. եւ բերէք առիս, եւ գիտացից զթիւ ն(ո)ց(ա)։
³Եւ ասէ յովաբ. յաւելցէ տ(է)ր ՛ի ժողովուրդ իւր, ո(ր)պ(էս) են դոքա՝ հարիւրապատիկ. եւ աչք տեառն իմոյ տեսցեն. զի ամենեքեան ծառայք են տեառն իմոյ, եւ ընդէ՞ր խնդրէ տէր իմ զայդ, զի մի́ լինիցի մեղք ՛ի ժողովրդեանդ ի(սրաէ)լի։
⁴Եւ բանն արքայի զօրացաւ ՛ի վ(ե)ր(այ) յովաբայ։ եւ ել յովաբ՝ եւ եկն յա(մենայ)ն սահմանս ի(սրաէ)լի, եւ եկն յե(րուսաղէ)մ։

⁵եւ ետ յովաբ զթիւ համարոյ ժողովրդեանն՝ դաւթի։ Եւ է́ր ա(մենայ)ն ի(սրա)էլ հազարք հազարաց, եւ հարիւրհազար արանց որ ձգէին սուսեր. եւ յուդաս չորեքհարիւր յիսուն հազար արանց սուսերաւորաց։
⁶Բայցզղեւի եւ զբենիամին ո́չ թուեաց ՛ի մէջ ն(ո)ց(ա). վ(ա)ս(ն) զի տաղտկացաւ բանն արքայի առ յովաբայ։
⁷Եւ չա́ր երեւեցաւ առաջի ա(ստուծո)յ վ(ա)ս(ն) իրացն այնոցիկ. եւ եհար զի(սրա)էլ։
⁸Եւ ասէ դաւիթ ցա(ստուա)ծ. մեղա́յ յոյժ, զի արարի զիրսդ զայդ. եւ արդ՝ ՛ի բա́ց բարձ զչարու(թ)ի(ւն) ծառայի քոյ, վ(ա)ս(ն) զի ընդունայնացա́յ յոյժ։
⁹Եւ խօսեցաւ տ(է)ր ընդ գադայ տեսանողի առ դաւիթ՝ եւ ասէ.

¹⁰ե́րթ՝ խօսեաց ընդ դաւթայ եւ ասասցես. Ա́յսպէս ասէ տ(է)ր. երի́ս ինչս ես ասեմ ՛ի վ(ե)ր(այ) քո, ընտրեա́ անձին քում ՛ի նոցանէ՝ եւ արարից քեզ։
¹¹Եւ եկն գադ առ դաւիթ՝ եւ ասէ ցնա. Ա́յսպէս ասէ տ(է)ր. ընտրեա́ քեզ.
¹²կամ երի́ս ամս սովոյ՝ կամ զերիս ամիսս փախչել քեզ յերեսաց թշնամեաց քոց, եւ սուր թշնամեաց քոց եղիցի ՛ի սատակե́լ զքեզ. կամ զերիս աւուրս սուր տ(եառ)ն՝ եւ մա́հ յերկրի քում. եւ հրեշտակ տ(եառ)ն սատակեսցէ յա(մենայ)ն ժառանգութի(ւն)ս ի(սրաէ)լի. եւ արդ՝ տե́ս զի՞նչ բան տաց պատասխանի որ առաքեացն զիս։
¹³Եւ ասէ դաւիթ ցգադ. նեղութի(ւն) է ինձ յոյժ երեքեան այդոքիկ. բայց անկայց ՛ի ձեռս տ(եառ)ն. վ(ա)ս(ն) զի բազո́ւմ են գթու(թ)ի(ւն)ք ն(ո)ր(ա) յոյժ, եւ ՛ի ձեռս մարդկան մի́ անկայց։

¹⁴Եւ ետ տ(է)ր մահ յ(թ)ի(ւն)էլ. եւ անկան յիէլէ եւթանասուն հազար արանց։
¹⁵Եւ առաքեաց ա(ստուա)ծ զհրեշտակն յե(րուսաղէ)մ սատակել զնա. եւ մինչդեռ սատակէր՝ ետես տ(է)ր, եւ զղջացաւ ՛ի վ(ե)ր(այ) չարութե(ա)ն, եւ ասէ ցհրեշտակն որ սատակէր. շա́տ լիցի քեզ, թողացո́ զձեռն քո. եւ հրեշտակ տ(եառ)ն կա́յր ՛ի կալն ոռնեայ յեբուսացւոյ։
¹⁶Ամբա́րձ դաւիթ զաչս իւր, եւ ետես զհրեշտակն տ(եառ)ն, զի կայր ՛ի մէջ երկնի եւ երկրի, եւ սուրն իւր ձգեալ ՛ի ձեռին իւրում, եւ կարկառեալ ՛ի վերայ ե(րուսաղէ)մի. եւ անկա́ն դաւիթ՝ եւ ծերքն զգեցեալ քուրձս ՛ի վերայ երեսաց իւրեանց։

¹⁷Եւ ասէ դաւիթ ցա(ստուա)ծ. ո́չ ապաքէն ե՞ս ասացի թուել զժողովուրդդ. ե́ս եմ որ մեղայն, առնելով արարի զչարիսդ. եւ ոչխարքդ այդոքիկ զի՞ արարին. Տ(է)ր ա(ստուա)ծ՝ եղիցի ձեռն քո յիս եւ ՛ի տուն հօր իմոյ, եւ մի́ ՛ի ժողովուրդ քո կորուսանել տ(է)ր։
¹⁸Եւ ասէ հրեշտակն տ(եառ)ն ցգադ. ասա́ ցդաւիթ՝ զի ելցէ կանգնեսցէ սեղան տ(եառ)ն ՛ի կա́լն ուռնայ յեբուսացւոյ։
¹⁹Եւ ե́լ դաւիթ ըս(տ) բանին տ(եառ)ն, զոր խօսեցաւ յանուն տ(եառ)ն։
²⁰Եւ դարձաւ ուռնա իբրեւ ետես զարքայ եւ զչորեսին որդիսն ն(ո)ր(ա) ընդ նմա ծածկեալս. եւ ուռնա կասոյր ՛ի կալն ցորեան։
²¹Եւ եկն դաւիթ առ ուռնա. եւ ել ուռնա ՛ի կալոյն, եւ երկի́ր եպագ դաւթայ ՛ի վ(ե)ր(այ) երեսաց իւրոց յերկիր։

²²եւ ասէ դաւիթ ցուռնա. տո́ւր ինձ զտեղիդ քո զայդ զկալդ, եւ շինեցից այդր սեղան տ(եառ)ն, արծաթոյ որքան արժիցէ՝ տացե́ս ինձ զդա. եւ դադարեսցեն հարուածքն ՛ի ժողովրդենէն։
²³Եւ ասէ ուռնա ցդաւիթ. ա́ռ դու քեզ, եւ արասցէ տէր իմ արքայ զբարին առաջի իւր. ահա ետու զեզինսդ յողջակէզս. եւ զփայտ սայլիցդ՝ եւ զցորեանդ ՛ի զոհս. զա(մենայ)ն ետու քեզ։
²⁴Եւ ասէ արքայ դաւիթ ցուռնա. ո́չ այդպէս, այլ գնելով գնեցի́ց արծաթոյ որքան արժիցէ. եւ ո́չ առից՝ որինչ է քո, մատուցանել ողջակէզ ձրի́ տ(եառ)ն։
²⁵Եւ ետ դաւիթ ուռնայ վ(ա)ս(ն) տեղւոյն ն(ո)ր(ա)՝ վեցհարիւր սիկղ արծաթոյ կշռով։

²⁶Եւ շինեաց դաւիթ անդ սեղան տ(եառ)ն. եւ եհան ողջակէզս՝ եւ վ(ա)ս(ն) փրկու(թ)ե(ան). եւ գոչեաց առ տ(է)ր. եւ լուաւ նմա հրով յերկնից ՛ի վ(ե)ր(այ) սեղանոյ ողջակիզին, եւ ծախեաց զողջակէզսն։
²⁷Եւ ասէ տ(է)ր ցհրեշտակն. դարձո́ զսուր քո ՛ի պատեանս,
²⁸՛ի ժամանակին յայնմ ՛ի տեսանել զնա դաւթի. վ(ա)ս(ն) զի լուա́ւ նմա տ(է)ր ՛ի կալն ուռնայ յեբուսացւոյ. եւ եղեն անդ։
²⁹Եւ խորանն տ(եառ)ն զոր արա́ր մովսէս յանապատին, եւ սեղան ողջակիզացն ՛ի ժամանակին յայնմիկ էին ՛ի բամա գաբաւոնի.
³⁰եւ ո́չ կարէր դաւիթ երթալ առաջի ն(ո)ր(ա)՝ խնդրել յա(ստուծո)յ. վ(ա)ս(ն) զի տագնապեցա́ւ յերեսաց սրոյ հրեշտակին տ(եառ)ն։

¹Եւ ասէ դաւիթ. ա́յս է տուն տ(եառ)ն ա(ստուծո)յ. եւ ա́յս սեղան ողջակիզաց ի(սրաէ)լի։
²Եւ ասաց դաւիթ ժողովե́լ զա(մենայ)ն եկսն յերկրին ի(սրաէ)լի. եւ կացոյց քարահատս հատանել զքարինս կոփածոյս՝ եւ շինել զտունն ա(ստուծո)յ։
³եւ երկա́թ բազում ՛ի բեւեռս դրացն եւ դրանն, եւ զշրջանակսն արար դաւիթ, եւ պղինձ բազում յոյժ որոյ ո́չ գոյ կշիռ։
⁴եւ մա́յր փայտս որոյ ո́չ գոյր թիւ. վ(ա)ս(ն) զի բերէին սիդոնացիքն եւ տիւրացիք մայրփայտս յաճախու(թեամ)բ դաւթի։

⁵Եւ ասէ դաւիթ, սողոմոն որդի իմ մանուկ փոքր է. եւ տունս զոր շինէ տ(եառ)ն, մեծ եւ ՛ի վ(ե)ր(այ) անուամբ՝ եւ ՛ի փառս ա(մենայ)ն երկրի. պատրաստեցի́ց նմա նիւթս։ եւ պատրաստեաց դաւիթ յաճախութ(եամ)բ յառա́ջ քան զվախճան իւր։
⁶Եւ կոչեաց զսողոմոն զորդի իւր, եւ պատուիրեաց նմա շինել զտունն անուան տ(եառ)ն ա(ստուծո)յ ի(սրաէ)լի։
⁷եւ ասէ դաւիթ ցսողոմոն. ո́րդեակ՝ ի́մ եղեւ ՛ի մտի շինել տուն անուան տ(եառ)ն ա(ստուծո)յ։
⁸եւ բան տ(եառ)ն եղեւ առիս՝ եւ ասէ. արիւն բազո́ւմ հեղեր, եւ պատերազմունս մեծամեծս արարեր. ո́չ շինեսցես դու տուն անուան իմոյ, վ(ա)ս(ն) զի արիւն բազում հեղեր ՛ի վ(ե)ր(այ) երկրի առաջի իմ։

⁹Ահա ծնցի քեզ որդի, եւ նա եղիցի ա́յր հանգստեան. եւ հանգուցից զնա յա(մենայ)ն թշնամեաց շուրջանակի. քանզի սողոմովն անուն է ն(ո)ր(ա). եւ զխաղաղութի(ւն) եւ զհանդարտութի(ւն) տա́ց ՛ի վ(ե)ր(այ) ի(սրաէ)լի յաւուրս ն(ո)ր(ա)։
¹⁰Նա́ շինեսցէ տուն անուան իմոյ. նա́ եղիցի ինձ որդի, եւ ես եղէց նմա ՛ի հայր, եւ ուղղեցից զաթոռ թագաւորու(թ)ե(ան) ն(ո)ր(ա) յ(թ)ե(ան)մ մինչեւ յաւիտեան։
¹¹Եւ արդ՝ որդեա́կ իմ, եղիցի ընդ քեզ տ(է)ր, եւ յաջողեսցէ. եւ շինեսցես տուն տ(եառ)ն ա(ստուծո)յ քոյ, ո(ր)պ(էս) խօսեցաւ վ(ա)ս(ն) քո.
¹²եւ տացէ քեզ տ(է)ր հանճար եւ իմաստութի(ւն). եւ զօրացուսցէ զքեզ ՛ի վ(ե)ր(այ) ի(սրաէ)լի. եւ պահեսցես առնել զօրէնս տ(եառ)ն ա(ստուծո)յ քոյ.

¹³եւ յայնժամ յաջողեսցի́ս։ եթէ պահեսցես առնել զհրամանս եւ զիրաւունս զոր պատուիրեաց տ(է)ր մովսիսի ՛ի վ(ե)ր(այ) ի(սրաէ)լի։ քա́ջ լեր՝ եւ զօրացի́ր. մի́ երկիցես՝ եւ մի́ զարհուրիցիս։
¹⁴Եւ ահա ես ըստ աղքատութե(ան) իմում պատրաստեցի ՛ի տուն տ(եառ)ն ոսկի տաղանդս հարիւր հազար, եւ արծաթ տաղանտս հազար հազար, եւ պղինձ եւ երկա́թ՝ որոյ ո́չ գոյ թիւ. վ(ա)ս(ն) զի բազո́ւմ է յոյժ, եւ փայտ եւ քարինս՝ պատրաստեցի։
¹⁵եւ դու յաւելցես յայնդ բազմու(թեամ)բ առնել գո́րծ արուեստից, շինօղս քարանց, եւ հիւսունս փայտից, եւ ա(մենայ)ն իմաստուն՝ յա(մենայ)ն գործս
¹⁶ոսկւոյն՝ եւ արծաթոյ՝ եւ պղնձւոյ՝ եւ երկաթոյ, որոյ ո́չ գոյ համար. արդ՝ արի́ եւ արա́, վ(ա)ս(ն) զի տ(է)ր ը(ստ) քեզ է։

¹⁷Եւ պատուիրեա́ց դաւիթ ա(մենայ)ն իշխանացն ի(սրաէ)լի՝ օգնել սողոմոնի որդւոյ իւրում.
¹⁸եւ ասէ. ո՞չ ապաքէն տ(է)ր ընդ ձե́զ է. եւ հանգոյց զձեզ շուրջանակի. վ(ա)ս(ն) զի ետ ՛ի ձեռս ձեր զբնակիչսդ երկրիդ. եւ հնազանդեցաւ երկիրդ առաջի տ(եառ)ն, եւ առաջի ժողովրդեան ն(ո)ր(ա)։
¹⁹Եւ արդ՝ տո́ւք զսիրտս ձեր եւ զանձինս ձեր՝ խնդրել զտ(է)ր ա(ստուա)ծ մեր. արի́ք եւ շինեցէ́ք զսրբու(թ)ի(ւն)ս տ(եառ)ն ա(ստուծո)յ մերոյ, տանել ՛ի ներքս զտապանակ ուխտին տ(եառ)ն՝ եւ զսպաս սրբու(թ)ե(ան)ցն ա(ստուծո)յ ՛ի տունն զոր շինէք անուան տ(եառ)ն։

¹Եւ դաւիթ էր ծե́ր լի́ աւուրբք։ եւ թագաւորեաց սողոմոն որդի ն(ո)ր(ա) փոխանակ ն(ո)ր(ա) ՛ի վ(ե)ր(այ) ի(սրաէ)լի.
²եւ ժողովեաց զա(մենայ)ն իշխանսն ի(սրաէ)լի, եւ զքահանայս եւ զղեւտացիս։
³Եւ մտին ՛ի թիւն ղեւտացիքն յերեսնամենից եւ ՛ի վ(ե)ր(այ). եւ եղեւ թիւն ն(ո)ց(ա) ըստ գլխոց իւրեանց՝ արք ութհազար եւ երեսուն։
⁴եւ ՛ի ն(ո)ց(ա)նէ գործավարք ՛ի վերայ գործոյ տանն. եւ քսան եւ չորք հազարք դպիրք, եւ դատաւորք վեց հազար։
⁵եւ չորք հազարք դռնապանք. եւ չորք հազարք օրհնիչք տ(եառ)ն.նուագարանօքն որովք արարին օրհնել զտ(է)ր։
⁶Եւ որոշեաց զնոսա դաւիթ յօրսըստօրէ պաշտամունս զորդիսն ղեւեայ. զգեթսոն, զկահաթ, եւ զմերարի։

⁷Եւ գեթսոն. եւ եղեադան, եւ սեմէի.
⁸որդի եղիադանայ իշխան ի(սրաէ)լի։ եւ եթոմ, եւ յովէլ,
⁹եւ որդիք սեմեայ. սաղովմիթ, եւ ազիէլ, եւ արան. երեք սոքա իշխանք տոհմիցն եղիադանայ։
¹⁰Եւ որդիքն սեմեայ՝ յեթ, եւ զիզա, եւ յովաս, եւ բերիա. սոքա եւ որդիք սեմեայ չորք։
¹¹եւ էր յեթի իշխան, եւ զիզա երկրորդ. եւ յովաս, եւ բերիա՝ ո́չ յաճախեցին որդիս. եւ եղեն ՛ի տուն տոհմին ՛ի միում համարի։
¹²Որդի́ք կահաթու՝ ամրամ, եւ սահառ. քեբրոն, եւ ոզիէլ՝ չորք։

¹³Որդիք ամրամայ՝ ահարոն, եւ մովսէս. եւ որոշեցա́ւ ահարոն սուրբ լինել ՛ի սրբու(թ)ի(ւն)ս սրբութե(ան)ցն՝ ի́նքն եւ որդիք իւր մինչեւ ցյաւիտեան, ծխել խունկս առաջի տ(եառ)ն, պաշտել՝ եւ աղօթս առնել յանուն ն(ո)ր(ա) մինչեւ յաւիտեան։
¹⁴Եւ մովսէս ա́յրն ա(ստուծո)յ, եւ որդիք ն(ո)ր(ա) կոչեցան ՛ի ցեղն ղեւեայ։
¹⁵Որդիք մովսիսի՝ գերսամ, եւ եղիազար։
¹⁶Որդիք գերսամայ՝ սուբայէլ իշխան։
¹⁷եւ էր որդի եղիազարու հռաբիա իշխան, եւ ո́չ գոյր այլ որդի եղիազարու, եւ որդիքն հռաբիայ աճեցին ՛ի բարձրու(թ)ի(ւն)։
¹⁸որդիք սահառայ՝ սաւուղ, եւ մովէ իշխանք։
¹⁹Որդիք քեբրոնի՝ յերիա իշխան, ամարիա երկրորդ, եւ ոզիէլ երրորդ, եւ յեկեմիաս չորրորդ։

²⁰որդիք ոզիելի՝ միքիա իշխան, եւ յեսիաս երկրորդ։
²¹Որդիք մերարեայ՝ մոողի, եւ մուսի. որդիք մոողեայ՝ եղիազար, եւ կիս։
²²եւ մեռաւ եղիազար, եւ ո́չ գոյին ն(ո)ր(ա) որդիք, այլ դստերք միայն. եւ առին զն(ո)ս(ա) որդիքն կիսեայ եղբարքն իւրեանց։
²³Որդիք մուսեայ՝ մովղի, եւ եգէր, եւ արիմովթ, երեք։
²⁴Սոքա որդիք ղեւեայ ըս(տ) տանց տոհմից իւրեանց. իշխանք ցեղիցն իւրեանց, ըս(տ) համարս իւրեանց, եւ ըստ թուոյ անուանցն, ըս(տ) գլխոցն իւրեանց, առնէին զգործ պաշտաման ՛ի տան տ(եառ)ն ՛ի քսանամենից եւ ՛ի վեր։
²⁵վասն զի ասաց դաւիթ. հանգո́յց տ(է)ր ա(ստուա)ծ զժողովուրդ իւր զի(սրա)էլ. եւ բնակեաց յի(սրա)էլ մինչեւ յաւիտեան։

²⁶Եւ ղեւտացիքն ո́չ բառնային ամենեքեան զխորանն՝ եւ զա(մենայ)ն սպաս ն(ո)ր(ա) ՛ի պաշտաման նորին.
²⁷վ(ա)ս(ն) զի ՛ի բանսն դաւթայ ՛ի վերջինս է́ր թիւ որդւոցն ղեւեայ ՛ի քսանամենից եւ ՛ի վեր։
²⁸Քանզի կացոյց զն(ո)ս(ա) ՛ի ձեռս որդւոցն ահարոնի պաշտե́լ ՛ի տանն տ(եառ)ն, ՛ի սրահսն՝ եւ ՛ի սենեակսն, եւ ՛ի սրբութի(ւն)սն, եւ ՛ի վ(ե)ր(այ) ա(մենայ)ն սրբու(թ)ե(ան)ցն, եւ ՛ի պաշտամունսն տանն ա(ստուծո)յ.
²⁹հացին առաջադրու(թ)ե(ան), եւ ՛ի վերայ նաշհւոյ պատարագացն, եւ քաքարացն, բաղարջացն, եւ տապակին, եւ զանգելոցն իւղով, եւ յամ չափսն,
³⁰կալ առաւօտուց, եւ օրհնել եւ խոստովան լինել տ(եառ)ն։ Նոյնպէս եւ ընդ երեկս.

³¹եւ ՛ի վերայ ա(մենայ)ն մատուցելոց ողջակիզաց տ(եառ)ն, ՛ի շաբաթսն, եւ յամսամուտս, եւ ՛ի տօնս, ըստ թուոյն, ըստ իրաւանցն. ՛ի վ(ե)ր(այ) նոցին յա(մենայ)ն ժամ տ(եառ)ն։
³²Եւ պահեցին զպահպանու(թ)ի(ւն)ս խորանին վկայութե(ան), եւ զպահպանութի(ւն)ս որդւոցն հարոնի եղբարցն իւրեանց պաշտել՛ի տանն տ(եառ)ն։

¹Եւ զորդիսն ահարոնի զատոյց։
²եւ մեռան նաբադ եւ աբիուդ առաջի հօրն իւրեանց. եւ որդիք ո́չ գոյին ն(ո)ց(ա). եւ քահանայացան եղիազար եւ իթամար՝ որդիքն ահարոնի։
³Եւ զատոյց զն(ո)ս(ա) դաւիթ. զսադովկ յորդւոցն եղիազարու, եւ զաքիմեղէք յորդւոցն իթամարայ, ըստ համարոյն իւրեանց, եւ ըստ պաշտաման իւրեանց. եւ ըս(տ) տանց տոհմիցն ն(ո)ց(ա)։
⁴Եւ գտան որդիք եղիազարու յոլովագոյնք յիշխանս զօրաւորացն՝ քան զորդիսն իթամարայ. եւ որոշեաց զն(ո)ս(ա)։ եւ զորդիսն եղիազարու կացոյց իշխանս տանց տոհմիցն, արս վեշտասան։ եւ զորդիսն իթամարայ ըս(տ) տանց տոհմիցն, արս ութ։

⁵Եւ զատոյց զն(ո)ս(ա) ըստ վիճակին ն(ո)ց(ա). վ(ա)ս(ն) զի էին իշխանք սրբութե(ան)ցն, եւ առաջնորդք ՛ի տանն տ(եառ)ն. եւ յորդւոցն եղիազարու, եւ յորդւոցն իթամարայ։
⁶եւ գրեաց զն(ո)ս(ա) սամէաս որդի նաթանայելի դպիր ղեւտացւոցն՝ յանդիման կա́լ արքայի՝ եւ իշխանացն, եւ սադովկայ քահանայի, եւ աքիմեղիքայ որդւոյ աբիաթարայ։ Եւ իշխանք տոհմից քահանայիցն ղեւտացւոցն ՛ի տանէ ազգին իւրեանց, զի մի առ որդիսն եղիազարու, եւ մի մի առ որդիսն իթամարայ։
⁷Եւ ել վիճակն առաջին՝ յարիբայ։ եւ երկրորդն՝ յադինայ։
⁸եւ երրորդն՝ քարեմայ. չորրորդն՝ սեուրինայ.
⁹հինգերորդն՝ մեղքեայ. վեցերորդն՝ մերեայ.

¹⁰եւթներորդն՝ ակկուսայ ութերորդն՝ աբիայ
¹¹իններորդն՝ յեսուայ. տասներորդն՝ սեքենիայ.
¹²մետասաներորդն՝ եղիասիբայ. երկոտասաներորդն՝ սաղակիմայ.
¹³երեքտասաներորդն՝ ոփփիայ. չորեքտասաներորդն՝ իզբայելի։
¹⁴հնգետասաներորդն՝ բեղդայ. վեշտասաներորդն՝ եմմերայ.
¹⁵եւթնուտասներորդն՝ եղիրայ. ութուտասներորդն՝ ափեսայ.
¹⁶իննուտասներորդն՝ ոփեթիայ. քսաներորդն՝ եզեկիելի.
¹⁷քսաներորդ առաջներորդն՝ յաքինայ. քսաներորդ երկրորդն՝ գամուելի.
¹⁸քսաներորդ երրորդն՝ դազայիայ. քսաներորդ չորրորդն՝ մոզիայ։

¹⁹Ա́յս է համար ն(ո)ց(ա) ըստ պաշտամանն իւրեանց մտանել ՛ի տունն տ(եառ)ն. ըս(տ) իրաւանց իւրեանց, ՛ի ձեռն ահարոնի հօրն իւրեանց. ո(ր)պ(էս) պատուիրեաց տ(է)ր ա(ստուա)ծ ի(սրաէ)լի։
²⁰Եւ որդւոցն ղեւեայ մնացելոց. որդւոցն ամրամայ՝ տուբայէլ, յուդայիա, աբադիա։
²¹յորդւոցն աբիայ՝ իշխան յեսիաս։
²²եւ յորդւոցն սարայիսայ՝ աղամովթ։ եւ յորդւոցն սաղովնայ՝ յանաթ։
²³եւ յորդւոցն քեդրոնի՝ յեդիու առաջին. ամասիաս երկրորդ. յեզիէլ երրորդ. յեկիմաս չորրորդ։
²⁴Որդիքն ոզիէլի՝ միքիա առաջին. եւ յուսա երկրորդ։ եւ որդի միքայի՝ սամեր։
²⁵եւ եղբայր միքայ՝ յեսիէ։ որդիք յեսիայ՝ զաքարիաս։
²⁶Որդիք մերարեայ՝ մոողի, եւ մուսի։ ոզիա որդի ն(ո)ր(ա). բոնիա

²⁷որդի ն(ո)ր(ա). եւ զակքուր, եւ ոբդիա։
²⁸մոողի, եղիազար, եւ կիս որդի ն(ո)ր(ա).
²⁹եւ որդի կիսեայ՝ իսմայէլ։
³⁰եւ որդիք մուսեայ՝ մոողի, եւ յեդեր, եւ յերիմովթ։ Սոքա էին որդիք ղեւտացւոց ըս(տ) տանց տոհմիցն իւրեանց.
³¹առին եւ նոքա վիճակս, ո(ր)պ(էս) եւ եղբարքն իւրեանց որդիքն ահարոնի, առաջի թագաւորին։ Եւ սադովկ, եւ աքիմեղէք՝ յիշխանաց տոհմից քահանայիցն, եւ ղեւտացւոցն ցեղքն՝ որք կացին իբրեւ զեղբարսն իւրեանց զկրցերագոյնսն։

¹Զորս կացո́յց դաւիթ արքայ՝ եւ իշխանք զօրուն ՛ի գործն, ը(ստ) որդիսն ասափայ, եւ եմանայ, եւ եդիթումայ։ որք երգէին տաւղօք եւ քնարօք եւ ծնծղայիւք։ Եւ եղեւ թիւ ն(ո)ց(ա) որք գործէին զգործս իւրեանց։
²Որդիք ասափայ՝ զակքուր եւ յովսէփ, եւ նաթանիաս, եւ յեսիէլ։ որդիք ասափայ մօտ առ թագաւորն։
³Եւ իդիթումայ որդիքն՝ գոդողիաս, սուրի, եւ յէիմ, եւ սեմէի, եւ ասաբիաս, եւ մատթանիաս, վեց՝ հանդերձ հարբն իւրեանց իդիթումաւ երգէին քնարօքն զգոհութի(ւն)ս եւ զօրհնու(թ)ի(ւն)ս տ(եառ)ն։

⁴Եւ որդիք եմանայ՝ բոկքիաս, եւ մատթանիաս, եւ օզիէլ, եւ սոբայէլ, եւ յերիմովթ, եւ անանիաս, եւ անան, եւ եղեթան, եւ գեթողաթի, եւ հռեմովթի, եւ եզեր, եւ սեբանատան, եւ մեղամովթ, եւ յովթիրի, եւ մազիովթ։
⁵Ամենեքեան սոքա որդիք եմանայ, որք նուագէին առաջի արքայի բանիւքն ա(ստուծո)յ՝ բարձրացուցանել եղջերեաւն։ Եւ ետ ա(ստուա)ծ որդիս եմենայ հնգետասան, եւ դստերս երիս։
⁶ամենեքեան նոքա հանդերձ հարբն իւրեանց երգէին օրհնութի(ւն)ս ՛ի տանն տ(եառ)ն ծնծղայիւք եւ տաւղօք եւ քնարօք մերձ առ արքայն։ եւ ասափ, եւ եդիթովմ, եւ եման։

⁷եւ եղեւ թիւ ն(ո)ց(ա) հանդերձ եղբարբքն իւրեանց, որք ուսեալ էին զերգսն տ(եառ)ն. ամենեքեան հանճարեղքն երկերիւր եւ ութսուն եւ ութ։
⁸Արկին եւ նոքա վիճակս հանապազորդ պաշտաման, ըս(տ) փոքու եւ մեծի՝ կատարելոցն եւ որք ուսանէին։
⁹Եւ ել վիճակն առաջին ասափայ եւ որդւոց ն(ո)ր(ա), եւ եղբարցն իւրոց։ յուսէփ առաջին, գոդողիա երկրորդ՝ ի́նքն եւ եղբարք իւր եւ որդիք իւր երկոտասան։
¹⁰Երրորդ՝ զակքուր, որդիք իւր եւ եղբարք իւր երկոտասան։
¹¹Չորրորդ՝ եզրի, եւ որդիք իւր՝ եւ եղբարք իւր երկոտասան։
¹²Հինգերորդ՝ նաթանիաս, որդիք իւր՝ եւ եղբարք իւր երկոտասան։

¹³Վեցերորդ՝ բոկիաս, որդիք իւր՝ եւ եղբարք իւր երկոտասան։
¹⁴Եւթներորդ՝ յեսուէլ, որդիք իւր՝ եւ եղբարք իւր երկոտասան։
¹⁵Ութերորդ՝ իսիաս, որդիք իւր՝ եւ եղբարք իւր երկոտասան։
¹⁶Իններորդ՝ մաթանիաս, որդիք իւր՝ եւ եղբարք իւր երկոտասան։
¹⁷Տասներորդ՝ սեմէի, որդիք իւր՝ եւ եղբարք իւր երկոտասան։
¹⁸Մետասաներորդ՝ եզրիէլ, որդիք իւր՝ եւ եղբարք իւր երկոտասան։
¹⁹Երկոտասաներորդ՝ սաբիաս, որդիք իւր՝ եւ եղբարք իւր երկոտասան։
²⁰Երեքտասաներորդ՝ սուբայէլ, որդիք իւր՝ եւ եղբարք իւր երկոտասան։
²¹Չորեքտասաերորդ՝ մատտաթիաս, որդիք իւր՝ եւ եղբարք իւր երկոտասան։
²²Հինգետասաներորդ՝ յերիմովթ, որդիք իւր՝ եւ եղբարք իւր երկոտասան։

²³Վեշտասաներորդ՝ անանիաս, որդիք իւր՝ եւ եղբարք իւր երկոտասան։
²⁴Եւթնուտասներորդ՝ եզբակատան, որդիք իւր՝ եւ եղբարք իւր երկոտասան։
²⁵Ութուտասներորդ՝ անանի, որդիք իւր՝ եւ եղբարք իւր երկոտասան։
²⁶Իննուտասներորդ՝ մեղեթի, որդիք իւր՝ եւ եղբարք իւր երկոտասան։
²⁷Քսաներորդ՝ եղիաթ, որդիք իւր՝ եւ եղբարք իւր երկոտասան։
²⁸Քսա́ն եւ առաջներորդ՝ յեթերի, որդիք իւր՝ եւ եղբարք իւր երկոտասան։
²⁹Քսա́ն եւ երկրորդ՝ գեդդելթի, որդիք իւր՝ եւ եղբարք իւր երկոտասան։
³⁰Քսա́ն եւ երրորդ՝ մազիովթ, որդիք իւր՝ եւ եղբարք իւր երկոտասան։
³¹Քսա́ն եւ չորրորդ՝ հռովմեթիեզեր, որդիք իւր՝ եւ եղբարք իւր երկոտասան։

¹Եւ ՛ի զատուցեալս դրանցն յորդւոցն կորխայ. մոսողամ որդի կորիսայ յորդւոցն ասափայ
²եւ մասեղամեայ։ որդիք զաքարիայ անդրանիկ յազիէլ, երկրորդ՝ աբդիաս, երրորդ՝ նաթանա. չորրորդ՝
³յովէլ. եւ ովդամ՝ հինգերորդ. յովնաթան՝ վեցերորդ։ ելիովնէ՝ եւթներորդ։
⁴Եւ իդիթոմայ որդիք՝ սամէաս անդրանիկ, եւ յովազաբադ՝ երկրորդ. յովադա՝ երրորդ. սաքար՝ չորրորդ. նաթանյէլ՝ հինգերորդ.
⁵ամիէլ՝ վեցերորդ. իսաքար՝ եւթներորդ. փեղաթի՝ ութերորդ։ վ(ա)ս(ն) զի օրհնեաց զնա ա(ստուա)ծ։
⁶Եւ սասանայ որդւոյ ն(ո)ր(ա) անդրանկան՝ ծնան որդիք զօրաւորք ՛ի տան հօր իւրոյ, վ(ա)ս(ն) զի հզօրք էին։

⁷Որդիք սեմայ, ագոոնի, եւ հռափայէլ, եւ յովբեդ, եւ եղզաբեթ, աքիու, եւ եղբարք իւր որդիք զօրաւորք ուժով։ եղիու, եւ սամաքիաս, եւ իզբակոս։
⁸ամենեքեան սոքա որդիք աբեդոմ, ինքեանք եւ որդիք իւրեանց եւ եղբարք իւրեանց՝ զօրացեալք զօրութ(եամ)բ, գործէին զօրութ(եամ)բ զգործս, վաթսուն եւ երկու։ աբդեդոմայ,
⁹եւ սեղեմիայ՝ որդիք եւ եղբարք հասունք՝ ութուտասն։
¹⁰Եւ յեսամայ յորդւոցն մերարեայ որդի մի՝ շամարի, որում պահէին զգլխաւորու(թ)ի(ւն). զի ո́չ գոյր անդրանիկն ՛ի միջի, եւ առ ե́դ զնա հայր իւր սկիզբն.
¹¹քեղկիա՝ երկրորդ, նաաբէղ՝ երրորդ, զաքարիաս՝ չորրորդ։ ամենեքեան սոքա ուսայեայ որդիք, եւ եղբարք ն(ո)ր(ա)՝ չորեքտասանք։

¹²Սոցա ե́լ բաժին վիճակաւ դրանցն գլխաւորութե(ան)ց՝ կա́լ շաբաթաւոր առաջի եղբարցն իւրեանց, եւ պաշտել ՛ի տան տ(եառ)ն։
¹³Եւ արկին վիճակ ըստ փոքուն եւ ըստ մեծին, տա́նց ազգատոհմին իւրեանց ՛ի դրունս դրունս։
¹⁴եւ ել վիճակ դրանն արեւելից սեմեայ՝ եւ զաքարիայ որդւոյ ն(ո)ր(ա)։ Յովադ խորհրդական ՛ի միտս իւր. արկանէին վիճակս, եւ ել նմա վիճակն ը(ստ) կողմն հիւսւսոյ։
¹⁵Եւ աբեդովմայ ը(ստ) հարաւակողմն կոյս։ եւ որդւոց իւրոց ընդդէմ տանն ասափայ.
¹⁶յերրորդեան՝ սեմոյն ովասայ ը(ստ) արեւմուտս կոյս. դրամբքն հանդերձ սրսկապանին, ելից ճանապարհին, պահ առ պահ ընդ արեւելս։

¹⁷Իսկ ղեւտացիքն վեց վեց յաւուր ը(ստ) կողմանս հիւսւսոյ։ չորս չորս յաւուր ընդ կողմանս հարաւոյ. չորս չորս յաւուր՝ յասափինն. երկուս երկուս ՛ի փոխանկել։
¹⁸եւ ը(ստ) արեւմուտս չորս։ եւ ՛ի ճանապարհ երկուս երկուս փոխանակաւ։
¹⁹Ա́յս վիճակ բաժնիւ դարապանաց որդւոցն կորխայ՝ եւ որդւոցն մերարեայ։
²⁰Եւ ղեւտացիքն եղբարբք իւրեանց հանդերձ ՛ի վերայ գանձին տանն տ(եառ)ն, եւ ՛ի վերայ գանձին սրբոյն սրբոց։
²¹Որդիքն սղադանայ որդւոյ գերսամ սղադանա իշխանք ազգաց տոհմին սղադանու։ եւ գերսամայ՝ յեիէլ։
²²եւ զեթամ, եւ յովէլ՝ եղբարք ն(ո)ր(ա) ՛ի վ(ե)ր(այ) գանձին տան տ(եառ)ն։
²³Եւ ամրիմ, եւ իսահառ, քեբրոն, եւ ոզիէլ

²⁴եւ սեբիէլ. գերսամեանց, մուշեանց, զօրագլուխք ՛ի վ(ե)ր(այ) գանձուցն։
²⁵Եւ եղբայր ն(ո)ր(ա) եղիազար, աբիա որդի ն(ո)ր(ա), յուսէէ որդի ն(ո)ր(ա), յովրամ որդի ն(ո)ր(ա), զեքրի որդի ն(ո)ր(ա),
²⁶եւ ինքն սաղամիթ եւ եղբարք իւր ՛ի վ(ե)ր(այ) ա(մենայ)ն գանձուն սրբոյն սրբոց. զոր նուիրեաց դաւիթ, եւ իշխանք տոհմիցն՝ հարիւրապետք եւ հազարապետք եւ իշխանք զօրութե(ան)ցն՝
²⁷զոր առեալ էր ՛ի քաղաքաց անտի աւար,եւ նուիրեալ էր ՛ի նոցանէն, զի մի́ նուաղեսցի գործք շինուածոյ տանն ա(ստուծո)յ։

²⁸Զոր նուիրեցին սամուէլ տեսանօղն. եւ շաւուղ կիսեանց, եւ աբեններ ներեանց, եւ յովաբ որդի շարուհեայ։ Եւ ա(մենայ)ն նուէրք որ էին ՛ի ձեռս սաղովմեայ եւ եղբարց իւրոց.
²⁹յեսսարի, եւ քոնոնիա, եւ որդիք իւր. եւ գործքն գործոյն արտաքնոյ ՛ի վ(ե)ր(այ) ի(սրաէ)լի, զի գրիցեն՝ եւ վճարիցեն
³⁰՛ի քեբրոնիա. սադիաս եւ եղբարք իւր, որդիք զօրու(թ)ե(ան) հազար եւ եւթնհարիւր։ Եւ ՛ի վ(ե)ր(այ) ոստիկանու(թ)ե(ան) ի(սրաէ)լի յայնկոյս յորդանանու գետոյն ընդ արեւմուտս, ա(մենայ)ն գործ պաշտաման տ(եառ)ն, եւ ՛ի գործ արքունի

³¹քեբրոնեա ուրիաս իշխան, քեբրոնեա ազգատոհմօքն իւրեանց հանդերձ։ Յամին քառասներորդի թագաւորու(թ)ե(ա)ն դաւթի, այս յաշխարհագրի անդ գտաւ. այր զօրութե(ան)ց ՛ի ն(ո)ս(ա), յազերն գաղատիացւոց։
³²եւ եղբարք իւր որդիք զօրաւորք. երկուհազար եւ եւթնհարիւր, գլխաւորք տոհմին։

¹Եւ որդիք ի(սրաէ)լի իւրաքանչիւր թուոց նահապետք ազգատոհմին հազարաւորք եւ հարիւրաւորք։ եւ համարակար դպիրք, որ պաշտէին ՛ի ժողովրդեանն յա(մենայ)ն համարս արքունի, ըստ իւրաքանչիւր գործոյն համարոյ ելի́ն եւ մտին ամսոյ ամսոյ յա(մենայ)ն ամիսս տարւոյն, ընտրութիւն
²Առաջին համարոյ առաջնոյ ամսեանն՝ յեզբաաղ, եւ բաղէէլ, եւ ընտրութի(ւն) ելից ն(ո)ր(ա) քսան եւ չորս հազարք։
³Յորդւոց փարեսայ, որ գլուխ էր ա(մենայ)ն իշխանացն զօրաց, եւ յամսեանն առաջնոյ.
⁴ընտրու(թ)ի(ւն) Ամսոյն երկրորդի, դուդայի, եւ դաքոթի, եւ մագաղաւովթ առաջնորդք, եւ ընտրութի(ւն) ն(ո)ր(ա) քսան եւ չորս հազարք՝

⁵իշխանք զօրութե(ան)։ Երրորդն յամսեանն երրորդի. բանէաս, յովդադ՝ քահանայ իշխան. եւ յընտրութի(ւն) ն(ո)ր(ա)՝ քսան եւ չորս հազարք.
⁶ինքն բանէաս հզօրագոյն քան զերեսունսն, եւ ՛ի վերայ երեսնիցն բաժին ընտրութե(ան) իւրոյ։
⁷Յամսեանն չորրորդի, ասայէլ եղբայր յովաբու, եւ զաբդէաս որդի ն(ո)ր(ա) եւ եղբարք իւր զկնի ն(ո)ր(ա). եւ ընտրու(թ)ի(ւն)ք բաժնի ն(ո)ր(ա) քսան եւ չորս հազարք։
⁸Հինգերորդ ամսեանն՝ հինգերորդ իշխան սաթիովթ, յիղիա. եւ բաժին մասին նորա քսան եւ չորս հազարք։
⁹Վեցերորդ յամսեանն՝ վեցերորդ իշխան էկէս որդի եկգեայ թեկուացւոյ. եւ մասն բաժնի ն(ո)ր(ա) քսան եւ չորս հազարք։

¹⁰Յեւթներորդում ամսեանն՝ եւթներորդ իշխան, քեղփաղոմեանց յորդւոցն եփրեմայ. եւ մասն բաժնի իւրոյ քսան եւ չորս հազարք։
¹¹Ութերորդ յամսեանն ութերորդի, ուսաքեկի եսթայիանց զարայեայ. եւ մասն բաժնի ն(ո)ր(ա) քսան եւ չորս հազարք։
¹²Իններորդ յամսեանն իններորդի, աբիեզեր որ յանաթովթայն, որ ՛ի բենիամին երկրի. եւ մասն ՛ի բաժնի իւրում քսան եւ չորս հազարք։
¹³Տասներորդ յամսեանն տասներորդի, մաարի նէտոպաթեանց զարայ. եւ մասն բաժնի իւրում քսան եւ չորս հազարք։
¹⁴Մետասաներորդն յամսեանն մետասաներորդի, բանաիաս ՛ի փարաթոնեայ, յորդւոցն եփրեմի, եւ ՛ի զատուցեալսն ն(ո)ր(ա) քսան եւ չորս հազարք։

¹⁵Երկոտասաներորդն յամսեանն երկոտասաներորդի, քաղդայի ՛ի նետուփատայ, որդի գոթոնիելի. եւ ՛ի զատուցեալս ն(ո)ր(ա) քսան եւ չորս հազարք։
¹⁶Եւ ՛ի ցեղիցն ի(սրաէ)լի, ռուբինի իշխան, եղիազար որդի զեքրեայ. եւ շմաւոնի, սափատիաս որդի մակքեայ.
¹⁷եւ ղեւեայ, ասաբիա որդի սամուելի. եւ ահարոնի՝ սադովկ որդի։
¹⁸Եւ յուդայ, եղիաբ յեղբարցն դաւթի. եւ իսաքարայ՝ ամարիաս որդի միքայելի։
¹⁹եւ զաբուղոնի, սամէաս որդի աբդիայ. եւ նեփթաղիմայ՝ յարիմութ որդի ոզիելի։
²⁰Եւ եփրեմի՝ ովսեր որդի ոզիայ. եւ կիսոյ ցեղին մանասէի՝ յովէլ որդի փաղդիայ։

²¹եւ կիսոյ ցեղին մանասէի որ էր ՛ի գաղաադ, յագայի որդի զաբդիայ. որդւոցն բենիամինի՝ ասիէլ որդի աբեններայ։
²²Դանայ՝ եզրիէլ որդի յովրամայ։ Սոքա́ էին նահապետք ցեղիցն ի(սրաէ)լի։
²³Եւ ո́չ առ դաւիթ զթիւն նոցա ՛ի քսանամենից եւ ՛ի վեր. վ(ա)ս(ն) զի տ(է)ր ասաց բազմացուցանել զի(սրա)էլ իբրեւ զաստեղս երկնից։
²⁴Եւ յովաբ որդի սարուհեայ սկսաւ թուել զժողովուրդն. եւ ո́չ կատարեաց։ եւ եղեւ յաղագս այնորիկ բարկու(թ)ի(ւն) ՛ի վ(ե)ր(այ) ի(սրաէ)լի։ եւ ո́չ յարգեցաւ թիւն ՛ի գիրս բանից աւուրց թագաւորին դաւթի։ Եւ ՛ի վերայ գանձուց արքային սաղմովթ որդի մովդիելի։ եւ ՛ի վերայ գանձուց անդաստանաց ՛ի գեօղսն, եւ ՛ի տունս, եւ յաշտարակս, յովնաթան որդի ոզիայ։

²⁵Եւ ՛ի վերայ երկրագործացն որք գործէինն, եզրաս որդի քեղուբայ։
²⁶եւ ՛ի վ(ե)ր(այ) ագարակացն, սեմէի արիմաթացի։ եւ ՛ի վերայ շտեմարանացն գիւղից գինւոյն, զաբդի որդի սեփինայ։
²⁷Եւ ՛ի վ(ե)ր(այ) ձիթենեացն եւ մոլաթզենեացն որք ՛ի դաշտս՝ բաղդանա որդի գեդէոնի։ եւ ՛ի վ(ե)ր(այ) շտեմերանաց ձիթոյն՝ յովաս։
²⁸Եւ ՛ի վերայ արջառոց արօտականաց որք էին ՛ի հովիտսն. սովփատ որդի ադայիայ։
²⁹եւ ՛ի վ(ե)ր(այ) ուղտուցն՝ ուբիաս ամելացի։ եւ ՛ի վ(ե)ր(այ) իշոցն՝ յադիաս մարաթովնացի։
³⁰Եւ ՛ի վ(ե)ր(այ) հօտիցն՝ յովազ ագարացի։ ամենեքեան սոքա վերակացուք ստացուածոցն դաւթի արքայի։

³¹Եւ յովնաթան հօրեղբայր դաւթի՝ խորհրդակից, ա́յր հանճարեղ. եւ ինքն դպրապետ։ եւ յէիէլ որդի աքիմենայ ընդ որդիս արքայի։
³²Եւ աքիտոփէլ՝ խորհրդակից արքայի։ եւ քուսի առաջին բարեկամ արքայի.
³³եւ զկնի նորա աքիտոփէլ մերձ ՛ի նա։ եւ յովիդայեայ որդի բանեայ. եւ աբիաթար։ եւ զօրավար զօրացն արքայի յովաբ։

¹Եւ ժողովեա́ց դաւիթ զա(մենայ)ն իշխանսն ի(սրաէ)լի, զիշխանս դատաւորացն, եւ զա(մենայ)ն իշխան օրամտիցն, ՛ի սպաս անձնապահաց թագաւորին. եւ զիշխանս հազարաւորացն, եւ հարիւրաւորացն, եւ գանձապահացն, եւ որք էին ՛ի վերայ ստացուածոցն նորա. եւ զզօրաւորսն, եւ զպատերազմօղս զօրավարացն յ(թ)ե(ան)մ։
²Եւ եկաց դաւիթ արքայ ՛ի մէջ եկեղեցւոյն՝ եւ ասէ. լուարո́ւք ինձ եղբարք իմ եւ ժողովուրդ իմ. ՛Ի սրտի իմում եղեւ շինե́լ տո́ւն հանգստեան տապանակի ուխտին տ(եառ)ն, եւ կայան ոտից տ(եառ)ն մերոյ. եւ պատրաստեցի ես ՛ի բնակու(թ)ի(ւն)ն յայն զկազմածս զայդ. ոսկի, եւ արծաթ, եւ պղինձ, եւ արոյր, եւ երկաթ, եւ փայտ բազում։

³եւ ասաց ա(ստուա)ծ ցիս. ո́չ շինեսցես դու ինձ տուն, անուանել զանուն իմ ՛ի վ(ե)ր(այ) ն(ո)ր(ա). վ(ա)ս(ն) զի ա́յր պատերազմօղ ես դու, եւ հեղեր արիւն բազում։
⁴Եւ ընտրեաց տ(է)ր ա(ստուա)ծ յա(մենայ)ն ազգաց զի(սրա)էլ, եւ յա(մենայ)ն ի(սրաէ)լէ ընտրեաց զյուդաս, կանգնել զթագաւորութի(ւն)ն իւր յաւիտենական. եւ ՛ի տանէն յուդայ՝ ընտրեաց զտուն հօր իմոյ եւ յորդւոց հօր իմոյ՝ կամեցաւ զիս լինել թագաւոր ՛ի վ(ե)ր(այ) ա(մենայ)ն ի(սրաէ)լի։
⁵եւ յա(մենայ)ն որդւոց իմոց՝ վ(ա)ս(ն) զի որդիս բազումս ետ ինձ տ(է)ր, ընտրեաց զսողոմոն որդի իմ, նստուցանել յաթոռ թագաւորութե(ա)ն տ(եառ)ն ՛ի վ(ե)ր(այ) ի(սրաէ)լի։

⁶Եւ ասաց ցիս ա(ստուա)ծ. սողոմոն որդի քո շինեսցէ զտուն իմ, եւ զսրահն իմ. վ(ա)ս(ն) զի ընտրեցի́ զնա լինել ինձ որդի, եւ ես եղէց նմա ՛ի հա́յր.
⁷եւ ուղղեցից զթագաւորութի(ւն) ն(ո)ր(ա) մինչեւ յաւիտեան, եթէ զօրասցի պահե́լ զպատուիրանս իմ եւ զիրաւունս իմ իբրեւ յաւուրս յայսմիկ։
⁸Եւ արդ՝ դի́ք առաջի երեսաց ա(մենայ)ն եկեղեցւոյս տ(եառ)ն, եւ յականջս ա(ստուծո)յ մերոյ. պահեցէ́ք եւ խնդրեցէ́ք զա(մենայ)ն պատուիրանս տ(եառ)ն ա(ստուծո)յ մերոյ. զի ժառանգիցէք զերկիրս բարի, եւ ժառանգեցուցանիցէք որդւոց ձերոց յետ ձեր մինչեւ յաւիտեան։

⁹Եւ դու սողոմոն որդի իմ, ծանի́ր զա(ստուա)ծ հարցն քոց, եւ ծառայեա́ նմա կատարեալ սրտիւ, եւ մտօք կամաց քոց. վ(ա)ս(ն) զի զա(մենայ)ն սիրտ քննէ տ(է)ր. եւ զա(մենայ)ն խորհուրդս ճանաչէ։ եթէ խնդրեսցես զնա, գտցի́ քեզ. եւ եթէ թողցես զնա՝ լքցէ́ զքեզ ՛ի սպառ։
¹⁰Տե́ս այժմ, զի տ(է)ր ընտրեա́ց զքեզ շինել նմա տո́ւն ՛ի սրբութի(ւն). զօրացի́ր եւ արա́։
¹¹Եւ ետ դաւիթ սողոմոնի որդւոյ իւրում զօրինակ տաճարին՝ եւ սենեկաց ն(ո)ր(ա), եւ գանձարանաց ն(ո)ր(ա), եւ վերնատանցն, եւ շտեմարանացն ներքնոց, եւ տանն քաւութե(ան)։
¹²եւ զօրինակ զոր ունէր ՛ի մտի իւրում, սրահից տանն տ(եառ)ն, եւ զա(մենայ)ն շտեմարանացն շուրջանակի, յամբարս տանն տ(եառ)ն, եւ մթերից սրբութե(ան)ցն։

¹³եւ մնացորդացն, յոտարամտից ՛ի պաշտօն քահանայիցն, եւ ղեւտացւոց յա(մենայ)ն գործ պաշտամանց տանն տ(եառ)ն, եւ շտեմարանացն անօթոց սպասուց տանն տ(եառ)ն·
¹⁴Եւ զմէտս կշռոց ն(ո)ց(ա)՝ զոսկւոյ եւ զարծաթոյ
¹⁵զկշիռ աշտանակաց ետ նմա. եւ զբազմականցն նմանութի(ւն)ս.
¹⁶եւ զկշիռս սեղանոցն առաջնորդութե(ան). եւ զիւրաքանչիւր ուրուք ոսկեղէն սեղանոց։ նոյնպէս եւ զարծաթեղինացն։
¹⁷եւ զմսահանացն,եւ զնուիրանոցացն, եւ զտաշտիցն ոսկեղինաց. եւ զկշիռս ոսկւոյ եւ արծաթոյ, եւ զափոցն զիւրաքանչիւր ուրուք։

¹⁸Եւ զսեղանոց խնկոցն ՛ի մաքուր ոսկւոյ զկշռութի(ւն)ն եցո́յց նմա. եւ զօրինակ քերովբէիցն որոց տարածեալէր զթեւսն իւրեանց, եւ հովանի́ ունէին ՛ի վ(ե)ր(այ) տապանակի ուխտին տ(եառ)ն։
¹⁹Զա(մենայ)ն գրով ՛ի ձեռանէ տ(եառ)ն ետ դաւիթ սողոմոնի, ըստ եղելոյ ՛ի նմա իմաստու(թ)ե(ա)ն եւ ըստ օրինակին։
²⁰Եւ ասէդաւիթ ցսողոմոն որդի իւր. զօրացի́ր եւ քա́ջ լեր, արա́ եւ մի́ երկիցես, եւ մի́ զարհուրեսցիս. վ(ա)ս(ն) զի տ(է)ր ա(ստուա)ծ իմ է́ ընդ քեզ. ո́չ թողցէ զքեզ, եւ ո́չ լքցէ՝ մինչեւ կատարեսցես զա(մենայ)ն գործ սպասու տանն տ(եառ)ն։ Եւ ահա ա́յդ է օրինակ տաճարին, եւ սենեկաց նորա, եւ սրահից ն(ո)ր(ա), եւ վերնատանցն, եւ շտեմարանացն, ներքնատանցն, եւ տանն քաւու(թ)ե(ան). եւ օրինակ տաճարին տ(եառ)ն ա́յդ է։

²¹Եւ օրամտից քահանայիցն եւ ղեւտացւոց, յա(մենայ)ն ՛ի պաշտամունս տանն ա(ստուծո)յ, եւ ընդ քե́զ եղիցի յա(մենայ)ն իրս, ա(մենայ)ն ոք որ յօժարեսցէ իմաստութ(եամ)բ ըստ համօրէն արուեստից. իշխանքն, եւ ա(մենայ)ն ժողովուրդդ յա(մենայ)ն ՛ի բանս քո։

¹Եւ ասէ դաւիթ արքայ ցա(մենայ)ն եկեղեցին. սողոմոն որդի իմ զոր ընտրեաց իւր տ(է)ր, մանուկ փո́քր է, եւ գործս մե́ծ է. վ(ա)ս(ն) զի ո́չ մարդոյ է շինուածս, այլ տ(եառ)ն ա(ստուծո)յ։
²Ըստ ա(մենայ)ն զօրութե(ան) իմոյ պատրաստեցի նի́ւթս տանն ա(ստուծո)յ իմոյ. ոսկի, եւ արծաթ. պղինձ, եւ երկաթ. փայտս, եւ քարինս անկեանց եւ կամարաց, եւ քարինս ընտիրս, եւ ականս պատուականս, եւ այլ պատրաստու(թ)ի(ւն) բազում։
³Եւ ե́ւս վ(ա)ս(ն) հաճոյն լինելոյն իմ ՛ի տան ա(ստուծո)յ իմոյ եղեւ ինձ զորս նուիրեցիդ տ(եառ)ն, ոսկի եւ արծաթ. եւ ահաւադիկ ետու զայդ ՛ի տուն ա(ստուծո)յ իմոյ ՛ի բարձրու(թ)ի(ւն). բա́ց յայնցանէ զոր պատրաստեցի ՛ի տուն սրբու(թ)ե(ան)ցն.

⁴երիս հազարս տաղանտս ոսկի ՛ի սովփերայ, եւ եւթն հազար տաղանտ ընտիր արծաթ, օծանել նոքօք զորմս տաճարին
⁵՛ի ձեռն արուեստաւորաց։ Եւ որոք յօժարիցէ մտօք լնո́ւլ զձեռն իւր այսօր տ(եառ)ն։
⁶Եւ յառաջամի́տք եղեն իշխանք տոհմիցն, եւ իշխանք որդւոցն ի(սրաէ)լի, հազարապետք եւ հարիւրապետք,եւ վերակացուք գործոցն, եւ գաւառապետք արքայի.
⁷եւ ետուն ՛ի գործ տանն տ(եառ)ն, ոսկի՝ տաղանտս հինգ հազար. եւ պղինձ՝ տաղանտս բեւր եւ ութ հազար. եւ երկաթ՝ տաղանտս հարիւր հազար։
⁸Եւ ոյր ուրուք գտաւ քա́ր պատուական, ետուն ՛ի շտեմարանս տանն տ(եառ)ն, ՛ի ձեռս յերիելի որդւոյ եսրովմի։

⁹Եւ զուարճացաւ ժողովուրդն յաղագս յառաջամիտ լինելոյն. վ(ա)ս(ն) զի լի́ սրտիւ եղեն յառաջամիտք տ(եառ)ն։ եւ դաւիթ արքայ ուրա́խ եղեւ մեծապէս։
¹⁰Եւ օրհնեաց արքայ դաւիթ զտ(է)ր առաջի եկեղեցւոյն՝ եւ ասէ։
¹¹Քո́ է տ(է)ր մեծութի(ւն), եւ զօրութի(ւն), եւ պարծանք, եւ յաղթութի(ւն), եւ կարողութի(ւն). վ(ա)ս(ն) զի դո́ւ ամենեցուն որք են յերկինս եւ ՛ի վ(ե)ր(այ) երկրի՝ տիրես. յերեսաց քոց դողան ա(մենայ)ն թագաւորք եւ ազգք.
¹²՛ի քէն է մեծութի(ւն) եւ փառք. դո́ւ ես ամենեցուն իշխան եւ տ(է)ր. եւ իշխան ա(մենայ)ն իշխանու(թ)ե(ան)ց. ՛ի ձեռին քում է́ զօրու(թ)ի(ւն) եւ հարստութի(ւն). եւ ՛ի ձեռին քում ամենակա́լ մեծութի(ւն), զօրացուցանել զա(մենայ)ն։
¹³Եւ արդ տ(է)ր՝ գոհանա́մք զքէն, եւ օրհնեմք զանուն պարծանացդ քոց։

¹⁴Ո́ եմ ես՝ եւ ո́ է ժողովուրդ քո. զի կարասցուք յօժարամիտ լինել քեզ յայսմ ա(մենայ)նի. վասն զի քո́ է ա(մենայ)ն ինչ՝ եւ ՛ի քոյոցդ տուաք քեզ.
¹⁵ք(ան)զի պանդո́ւխտք եմք մեք առաջի քո եւ նժդեհք՝ ո(ր)պ(էս) ա(մենայ)ն հարք մեր. իբրեւ զստուե́ր են աւուրք մեր ՛ի վ(ե)ր(այ) երկրի, եւ ո́չ գոն մեր մնացուածք ինչ։
¹⁶տ(է)ր ա(ստուա)ծ մեր՝ ա(մենայ)ն բազմու(թ)ի(ւն)ս այս, զոր պատրաստեցի շինել զտուն անուան սրբութե(ան) քոյ, է́ ՛ի ձեռանէ քումմէ, եւ քո́ է ամենայն ինչ։
¹⁷Եւ ծանեայ տ(է)ր՝ եթէ դո́ւ ես որ քննես զսիրտս, զարդարութի(ւն) սիրես. եւ մեք պա́րք սրտիւք յօժարամիտք եղեաք յայսմ յա(մենայ)նի։ եւ արդ՝ զժողովուրդս քո որ գտաւ աստ, տեսի ուրախութ(եամ)բ լի́. եղեալ առ քեզ յոժարամիտ։

¹⁸Տ(է)ր ա(ստուա)ծ աբրահամու, եւ իսահակայ, եւ ի(սրաէ)լի հարցն մերոց, պահեա́ զայս ՛ի միտս եւ ՛ի սիրտ ժողովրդեան քոյ յաւիտեան. եւ ուղղեա́ զսիրտ ն(ո)ց(ա) առ քեզ։
¹⁹Եւ սողոմոնի որդւոյ իմում տո́ւր սիրտ բարի առնե́լ զպատուիրանս քո, եւ զվկայու(թ)ի(ւն)ս քո, եւ զհրամանս քո. եւ ՛ի կատարո́ւմն ածել զպատրաստութի(ւն) տան քոյ։
²⁰Եւ ասէ դաւիթ ցա(մենայ)ն եկեղեցին, օրհնեցէ́ք զտ(է)ր ա(ստուա)ծ ձեր։ եւ օրհնեաց ա(մենայ)ն եկեղեցին զտ(է)ր ա(ստուա)ծ հարցն իւրեանց։ եւ խոնարհեցուցեալ զծունկս՝ երկի́ր պագին տ(եառ)ն, եւ արքայի։

²¹Եւ եղեն դաւիթ տ(եառ)ն զոհս. եւ մատոյց ողջակէ́զ ա(ստուծո)յ ՛ի վաղիւն առաջնոյ աւուրն, զուարակս հազար, խոյս հազար, գառինս հազար, եւ զնուէրս ն(ո)ց(ա). եւ զզոհսն յաճախու(թեամ)բ ա(մենայ)ն ի(սրաէ)լի։
²²Կերան եւ արբին առաջի տ(եառ)ն յաւուր յայնմիկ ուրախութ(եամ)բ։ Եւ թագաւորեցուցին երկրո́րդ անգամ զսողոմոն որդի դաւթի. եւ օծին զնա տ(եառ)ն ՛ի թագաւոր. եւ զսադովկ ՛ի քահանայութի(ւն)։
²³Եւ նստաւ սողոմոն յաթոռ դաւթի հօր իւրոյ, եւ յաջողեցաւ. եւ հնազանդեցաւ նմա ա(մենայ)ն ի(սրա)էլ.
²⁴իշխանք եւ զօրաւորք, եւ ա(մենայ)ն որդիք արքայի դաւթի հօրն ն(ո)ր(ա)՝ հնազանդեցան նմա։

²⁵Եւ մեծացո́յց տ(է)ր զսողոմոն ՛ի վերուստ առաջի ա(մենայ)ն ի(սրաէ)լի, եւ ետ նմա փառս թագաւորու(թ)ե(ան). որ ո́չ ումեք եղեւ ամենեցուն թագաւորացն որք յառաջ քան զնա։
²⁶Եւ դաւիթ որդի յեսսեայ թագաւորեաց ՛ի վ(ե)ր(այ) ի(սրաէ)լի ամս քառասուն.
²⁷՛ի քեբրոն ամս եւթն, եւ յե(րուսաղէ)մ ամս երեսուն եւ երեք։
²⁸Եւ վախճանեցա́ւ բարի ծերութ(եամ)բ, լի́ աւուրբք՝ մեծութ(եամ)բ եւ փառօք։ եւ թագաւորեաց սողոմոն որդի ն(ո)ր(ա) փոխանակ ն(ո)ր(ա)։
²⁹Եւ մնացեալ բանք արքայի դաւթի՝ առաջինք եւ վերջինք, գրեա́լ են ՛ի բանս սամուելի տեսանողի, եւ ՛ի բանս նաթանայ մարգարէի, եւ ՛ի բանս գադայ տեսանողի.

³⁰յաղագս ա(մենայ)ն թագաւորութե(ան) ն(ո)ր(ա), եւ հարստութե(ան) ն(ո)ր(ա). եւ ժամանակք որ եղեն ն(ո)ր(ա) ՛ի վ(ե)ր(այ) ի(սրաէ)լի, եւ ՛ի վ(ե)ր(այ) ա(մենայ)ն թագաւորու(թ)ե(ան)ց երկրի։